Morgunblaðið - 07.11.2001, Blaðsíða 50

50 MIÐVIKUDAGUR 7. NÓVEMBER 2001 MORGUNBLAÐIÐ



    

 
 
 
 



  
     
 
  !!"#$% &#'% !!()*+** !!
  ,,

  
-.
. 

 
//
. 
   //  
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MIKIÐ er ég orðinn þreyttur að
hugsa til þess hvernig þig starfið.
Þið dragbítar eruð þetta undarlega
fólk, sem þykist vera að semja við
tónlistarskólakennara.
Fyrir um það bil 12 árum voru
tónlistarskólakennaralaun nokkuð
svipuð þeim sem greidd voru fram-
haldsskólakennurum. Á þeim tíma
sem liðinn er hafa grunnskólakenn-
arar farið þónokkuð fram úr tónlist-
arskólakennurum. Framhaldsskóla-
kennarar hafa hámarks vinnuskyldu
560 klst. á námsárinu, en grunn-
skólakennarar 672 klst. Hvorir
tveggju fá skertan vinnutíma þegar
árin færast yfir. Tónlistarskóla-
kennarar kenna hins vegar 702 klst.
– 30 stundum lengur en grunnskóla-
kennarar. Báðir hærri flokkarnir
eru vel að sínum launum komnir og
ættu kannski meira skilið.
Það er langt síðan samningavið-
ræður hófust við tónlistarskóla-
kennara en það sem af er hafa fund-
irnir leiðst út í þras sem engu máli
skiptir. Má þar nefna að þið, drag-
bítarnir, hafið talið að tvær vikur
(eða voru þær fjórar?) skorti upp á
að reglur séu uppfylltar. Er þetta
ekki dálítið skondið þegar við skil-
um fleiri stundum til nemenda á
þessum styttri tíma?
Nemendur okkar í Söngskólanum
í Reykjavík eru margir í öðrum
skólum samtímis, en aðrir við ýmis
störf. Það kemur stórum hópi nem-
enda vel að vorprófin hjá okkur eru
í fyrra lagi því það gefur þessum
nemendum svigrúm til að undirbúa
sig fyrir próf í öðrum skólum. Þetta
hefðuð þið, dragbítar, átt að kynna
ykkur áður en þið fóruð að kasta
ryki í allar áttir. Enn eitt kom mér
á óvart þegar ég sl. haust heyrði
það haft eftir formanni ykkar að
hann hefði ekkert umboð til þess að
semja. Þegar Garðar Cortes, skóla-
stjórinn okkar, ræddi þessi mál við
borgarstjórann okkar, hana Ingi-
björgu Sólrúnu – þessa elsku – virt-
ist hún koma af fjöllum. Það er
ótrúlegt að formaður samninga-
nefndar hafi ekki umboð til að
semja, því án þess á hann ekkert er-
indi í samninganefnd. Ef hann hins
vegar sagði þetta ósatt er ég alveg
gáttaður því formaðurinn er í báðar
ættir kominn af heiðarlegu fólki,
sem ekki mátti vamm sitt vita. En
tímarnir breytast og sumir af mönn-
um með.
Lengi hélt ég að einhverjir í
dragbítahópnum ykkar hlytu að
vera sæmilega skynsamir. Sú von
brást þó þegar þið settuð fram þá
kröfu að skólastjórar tónlistarskól-
anna skyldu kenna meðan á verk-
fallinu stæði. Þetta er svo fáránlegt
að engu tali tekur. Það er svo aug-
ljóst að það er ómögulegt. Hvernig
eiga skólastjórar, sem leika á píanó
að kenna á strengjahljóðfæri?
Hvernig ætti Garðar Cortes að
kenna yfir 100 nemendum söng?
Væri það heiðarleg framkoma af
þeirra hálfu ef þeir tækju 10–15
nemendur „í læri“ en létu aðra róa.
Hvernig haldið þið að andrúmsloftið
yrði í skólunum ef slíku misrétti
væri beitt? Ég fer að halda að ykk-
ur sé ekki sjálfrátt.
Ætli þetta sé ekki nóg að sinni.
Að lokum tek ég það fram að ég
fletti upp í Samheitaorðabókinni áð-
ur en ég sendi dragbítunum þessa
kveðju. Það gladdi mig að sjá að þar
stóð: „Dragbítur: – fyrirstaða –
hamla – og svo það sem mér þótti
vænst um – afturhaldsgaur!
Bestu kveðjur með von um gáfu-
lega úrlausn.
Ykkar einlægur,
GUÐMUNDUR JÓNSSON
söngvari.
Kæru dragbítar
Frá Guðmundi Jónssyni:
„HAFIÐ bílabænina í bílnum og orð
hennar hugföst þegar þið akið.“
Auglýsing með þessum orðum hef-
ur verið á síðum Morgunblaðsins í
hartnær þrjátíu ár. Bílabænin var
gefin út stuttu eftir að Orð dagsins
fór af stað á Akureyri en það er
kristilegur símsvari sem hægt er að
hringja í og hlusta á hugvekju talaða
út frá Guðs orði. Bænin var hugsuð
sem fjáröflun fyrir Orð dagsins og
hefur útgáfa hennar gengið vel í
gegnum árin og alla tíð verið vandað
til hennar. Undanfarna daga hafa
orðið mikil óhöpp í umferðinni og
mikar hörmungar gengið yfir og ungt
fólk í blóma lífsins hefur látist. Það
sem hefur verið að gerast á undan-
förnum misserum er að þeir eru fleiri
sem látast í umferðinni í einu þegar
slysin verða. Tveir eða fleiri hafa dáið
þegar slysin verða. Of mikill hraði
miðað við aðstæður er í flestum til-
fellum orsök slysanna. Hámarks-
hraði, sem leyfður er, er alveg nógu
hár og ef eitthvað er ætti hann að
vera lægri yfir vetrartímann. Núna
þegar veturinn skellur á og dagurinn
styttist og öll skilyrði til aksturs
breytast mörgum sinnum á dag er
nauðsynlegt að hafa athyglisgáfuna í
lagi og vera ætíð vel upplagður þegar
farið er að keyra. Það er mjög gott
áður en byrjað er að keyra að eiga
hljóða stund og hafa stutta bæn áður
en keyrt er. Það er ekki gott að vera
alltaf á síðustu stundu áður en farið
er í vinnuna. Vendu þig á að eiga góða
morgunstund hún gefur þér gull í
mund. Yfirskrift þessarar greinar er
minnstu ábyrgðar þinnar. Bílabænin
biður Drottin Guð að minna bílstjór-
ann á ábyrgð og biður hann um
vernd. Ábyrgð er ætíð mikil hjá öllum
bílstjórum, sem aka bíl um vegi þessa
lands. Megi Drottinn Guð blessa þig
og gæta þín á öllum vegum þínum.
JÓN ODDGEIR
GUÐMUNDSSON,
Glerárgötu 1, Akureyri.
„Minnstu
ábyrgðar þinnar“
Frá Jóni Oddgeiri Guðmundssyni: