Morgunblaðið - 03.02.2002, Blaðsíða 2
FRÉTTIR
2 SUNNUDAGUR 3. FEBRÚAR 2002 MORGUNBLAÐIÐ
Morgunblaðinu í dag fylgir
auglýsingablað frá Plúsferðum,
„Bestu sumarferðirnar“.
Blaðinu verður dreift um allt
land.
Morgunblaðinu í dag fylgir
auglýsingablaðið, „Íslensku
tónlistarverðlaunin 2001“.
Blaðinu verður dreift á Suð-
vesturlandi.
STUART Rose, yfirframkvæmda-
stjóri Arcadia-verslanakeðjunnar
bresku, segir í viðtali við netútgáfu
breska blaðsins Daily Telegraph í
gær að sú ákvörðun stjórnar keðj-
unnar, að slíta viðræðum við ís-
lenska fyrirtækið Baug um yfirtöku
Baugs á keðjunni hafi verið sprott-
in af „hreinum vonbrigðum. Við
höfum gert það sem okkur bar að
gera fyrir fyrirtæki okkar. Þetta er
gott fyrirtæki og ég er ánægður
með niðurstöðuna,“ er haft eftir
Rose á vefsíðu Daily Telegraph.
Eftir að samningaviðræður
Baugs og Arcadia höfðu staðið í
fjóra mánuði komst stjórn Arcadia
að þeirri niðurstöðu að afar ólíklegt
væri að Baugur myndi ná að
tryggja nauðsynlegt fjármagn til
þess að geta lagt fram viðunandi
kauptilboð innan viðunandi tíma-
marka, að því er segir í frétt Daily
Telegraph.
Þá segir blaðið, að í október,
þegar Baugur lét fyrst í ljós áhuga
á að kaupa Arcadia, hafi fjármála-
skýrendur í London verið fullir efa-
semda um að Baugi tækist að afla
lánsfjár til kaupanna, því Baugur
sé pínulítill í samanburði við fyr-
irtækið sem hann hafi ætlað að
kaupa.
Yfirframkvæmdastjórinn, Rose,
hafi hringt í forstjóra Baugs, Jón
Ásgeir Jóhannesson, á föstudaginn
og tjáð honum ákvörðun stjórnar
Arcadia um að slíta viðræðunum.
Jón hafi orðið mjög vonsvikinn.
Daily Telegraph hefur eftir heim-
ildarmönnum að mjög ólíklegt sé að
Baugur reyni að komast yfir Arc-
adia gegn vilja Arcadia.
Í frétt á vefsíðu blaðsins The
Guardian í gær kemur fram, að
Baugur hafi þegar eignast um 20%
hlut í Arcadia, og hafi áætlað að
gera kauptilboð upp á 280-300 pens
fyrir hvern hlut í Arcadia. Muni
Baugur hafa ætlað að afla lánsfjár
til kaupanna í nokkrum bönkum og
síðan ætlað að endurgreiða lánin
með því að selja eignir og hluta af
Arcadia-keðjunni.
The Guardian hefur eftir Rich-
ard Ratner, hjá greiningadeild
breska fjárfestingafyrirtækisins
Seymor Pierce, að hann teldi að
Baugur hefði lent í vandræðum
með áætlanir um söluna á eignum
Arcadia. „Það er erfitt að koma
auga á hverjir hefðu viljað kaupa
parta á viðunandi verði, einkum
þar sem Baugur hefði nauðsynlega
þurft að selja þá,“ er haft eftir
Ratner.
Þá kemur fram í frétt The
Guardian, að hefði orðið af kaupum
Baugs á Arcadia hefði Rose yfir-
framkvæmdastjóri sjálfur fengið
um 16 milljónir punda í vasann –
rúma 2,3 milljarða króna. Búið hafi
verið að ganga frá samningi um
framtíð hans hjá fyrirtækinu og
samkvæmt þeim samningi hefði
Rose haldið áfram störfum uns
kaupin hefðu verið frágengin en þá
hefði hann hætt störfum.
Margir fjármálaskýrendur hafi
talið að þessi væntanlegi stórgróði
myndi verða Rose hvatning til að
ganga frá samningnum. „Það voru
margir sem töldu að hann gæti ekki
horft lengra en í eigin peninga-
veski, en hann hefur nú sýnt og
sannað að svo er ekki,“ hefur The
Guardian eftir ónafngreindum
heimildarmanni.
Yfirframkvæmdastjóri Arcadia í viðtali við Daily Telegraph um slit viðræðna
„Höfum gert það sem okkur
bar að gera fyrir fyrirtækið“
SIGRÚN Magnúsdóttir, borgar-
fulltrúi, lýsti því yfir á fundi Fram-
sóknarflokksins í Reykjavík í gær,
þar sem sam-
þykkt var sam-
eiginlegt fram-
boð Reykjavíkur-
listans, að hún
myndi ekki gefa
kost á sér til setu
á listanum við
borgarstjórnar-
kosningarnar í
vor.
Á fundinum
var til afgreiðslu
samstarfsyfirlýsing stjórnmála-
flokkanna sem aðild eiga að
Reykjavíkurlistanum vegna borgar-
stjórnarkosninganna í vor. Jafn-
framt var ákveðið að fulltrúar
Framsóknarflokksins á sameigin-
legum lista verði valdir með skoð-
anakönnun meðal aðalfulltrúa á
sameiginlegu kjördæmisþingi í
Reykjavík 23. febrúar næstkom-
andi. Verða niðurstöðurnar bind-
andi fyrir fjögur efstu sætin, en
350-400 manns eiga rétt til þátttöku
í könnuninni, að sögn Guðjóns Ólafs
Jónssonar, formanns kjördæmis-
ráðs Framsóknarflokksins í
Reykjavíkurkjördæmi suður.
Framsóknarflokkurinn á nú tvo
borgarfulltrúa á Reykjavíkurlistan-
um og á sameiginlegum lista við
borgarstjórnarkosningarnar í vor
fær hann sæti 2, 5, 10 og 14.
Guðjón Ólafur sagði að mikil sátt,
eindrægni og baráttuhugur hefði
ríkt á fundinum.
Fundir um sameiginlegt framboð
Reykjavíkurlistans voru einnig hjá
Samfylkingunni og hjá Vinstri
hreyfingunni - grænt framboð eftir
hádegi í gær.
Borgarfulltrúar
Framsóknar valdir
í skoðanakönnun
Sigrún
Magnúsdótt-
ir gefur ekki
kost á sér
Sigrún
Magnúsdóttir
VEÐURSTOFAN lýsti yfir viðbúnaðarstigi vegna
snjóflóðahættu á norðanverðum Vestfjörðum og
norðanverðum Tröllaskaga í gær. Rafmagnstrufl-
anir voru víða um land og björgunarsveitarmenn
önnum kafnir við að aðstoða fólk og bjarga verð-
mætum. Vindhraðinn komst víða í 50 til 60 metra á
sekúndu í verstu hviðunum og var meðalvindhraði
víða 35 til 40 metrar.
Að sögn Magnúsar Más Magnússonar, jökla-
fræðings hjá Veðurstofunni, þýðir viðbúnaðarstig
það, að sólarhringsvakt er á Veðurstofu vegna
snjóflóðahættu og stöðugt samband haft við
snjóathugunarmenn á þessum stöðum. „Við látum
alla sýslumenn og almannavarnanefndir vita af
því, að við séum að fylgjast grannt með og svo er-
um við sífellt að athuga hvort við ætlum að fara út í
rýmingar.“
Bjóst Magnús við að viðbúnaðarástandið héldist
áfram um hríð. Eitt snjóflóð féll í gærmorgun og
var það á Hnífsdalsveg en enginn var á ferli þegar
það gerðist.
Víða voru rafmagnstruflanir á Norður- og Vest-
urlandi í fyrrinótt og gærdag vegna veðursins.
Enn var rafmagnslaust í Skagafirði og á Sauð-
árkróki er Morgunblaðið fór í prentun, en vonast
var til að hægt yrði að koma því á um miðjan dag.
Þá var rafmagnslaust í Árneshreppi á Strönd-
um en samkvæmt upplýsingum Orkubús Vest-
fjarða var óvíst að rafmagn kæmist á í gær. Enn
var rafmagnslaust á vesturlínu sem sinnir Vest-
fjörðum og Dalasýslu laust eftir hádegi í gær.
Þorsteinn Hilmarsson, upplýsingafulltrúi
Landsvirkjunar, segir rafmagnsleysið vera vegna
samsláttar á háspennulínum og sagði því lítið ann-
að hægt að gera en að bíða þess að veður gengi
niður. Línur hefðu ekki slitnað svo vitað væri til
svo ekki var um skemmdir að ræða.
Björgunarsveitarmenn önnum kafnir
Hátt í 50 björgunarsveitarmenn voru að störf-
um á höfuðborgarsvæðinu og höfðu þeir sinnt hátt
í 40 útköllum um hádegisbilið. Mest var um að
ræða hefðbundin fokútköll þar sem lausir hlutir,
þakplötur, vinnuskúrar og fellihýsi voru að fjúka,
aðallega í Reykjavík og Mosfellsbæ. Þá var Sæ-
brautinni lokað vegna sjógangs.
Vörubifreið fauk út af Vesturlandsveginum við
Kollafjörð í gærmorgun. Einn maður var í bílnum
og kenndi hann sér meins á hendi og í andliti en
leitaði sjálfur á slysadeild. Snarvitlaust veður var
á Kjalarnesi um hádegisbilið þar sem vélarhlífar á
bílum höfðu fokið upp og hliðarrúður brotnað.
Sendibíll fauk út af veginum undir Ingólfsfjalli
laust fyrir klukkan átta í gærmorgun. Ökumað-
urinn var einn í bílnum og var hann fluttur á
Heilsugæsluna á Selfossi og þaðan til Reykjavíkur
vegna gruns um höfuðáverka.
Á Vestfjörðum og Vesturlandi var víða bál-
hvasst. Björgunarsveitarmenn á Ísafirði aðstoð-
uðu fólk að komast til vinnu sinnar í gærmorgun
þar sem illfært var vegna veðurs og fannfergis og
sama er að segja um björgunarsveitarmenn á
Blönduósi. Þar fuku bílar út af þjóðveginum við
Hjaltabakka og á Torfalækjaflóa en engin slys
urðu á fólki né umtalsvert tjón á bifreiðum enda
var fólk á litlum hraða að sögn lögreglu. Undir há-
degi bárust fregnir af því að hluti þaksins á iðn-
aðarhúsnæðinu að Votmúla hefði splundrast og
miklar skemmdir orðið á húsnæðinu.
Björgunarsveitin Skagfirðingasveit var kölluð
út að höfninni á Sauðárkróki um fimmleytið í fyrri-
nótt vegna erlends flutningaskips sem hafði byrj-
að að missa festar. Unnu björgunarsveitarmenn
að því að festa skipið en um tíuleytið slitnaði það
endanlega frá og hélt út úr höfninni og lónaði á
firðinum. Annað erlent flutningaskip átti einnig í
erfiðleikum en björgunarsveitarmenn náðu að
festa það við hafnargarðinn.
Sjógangur var víða mikill og á Suðurnesjum
þurfti að dæla sjó út úr veitingahúsinu Ránni og
verslununum Sportbúð Óskars, Ljósboganum og
Stapafelli en þessi fyrirtækin eru við Hafnargötu í
Keflavík. Að sögn lögreglu flæddi sjór inn þannig
að niðurföll höfðu ekki undan.
Innanlandsflug lá niðri frá klukkan 16 á föstu-
dag en athuga átti með flug til Akureyrar og Eg-
ilsstaða síðdegis í gær. Öðru flugi var aflýst.
Morgunblaðið/Golli
Loka varð Sæbrautinni í Reykjavík vegna sjógangs enda ekki fýsilegt að aka þar um í verstu gusunum.
Rafmagnstruflanir og við-
búnaður vegna snjóflóða