Morgunblaðið - 03.02.2002, Blaðsíða 55

FÓLK Í FRÉTTUM
MORGUNBLAÐIÐ SUNNUDAGUR 3. FEBRÚAR 2002 55
KRISTÍN Rós Hákonardóttir sund-
kona var valin íþróttamaður
Reykjavíkur 2001 af Íþrótta-
bandalagi Reykjavíkur á dögunum.
Það var Ingibjörg Sólrún Gísladóttir
borgarstjóri sem veitti Kristínu við-
urkenningu í verðlaunahófi í Höfða.
Auk Kristínar Rósar, sem stundar
íþrótt sína með Íþróttafélagi fatl-
aðra, voru átta afreksmenn í íþrótt-
um tilnefndir til nafnbótarinnar og
fengu þeir einnig viðurkenningar
fyrir frábæran árangur sinn. Þetta
voru þau Einar Karl Hjartarson úr
Íþróttafélagi Reykjavíkur fyrir góð-
an árangur í hástökki, Gísli Krist-
jánsson úr Glímufélaginu Ármanni
fyrir góðan árangur í lyftingum,
Guðrún Jóhannsdóttir úr Skylm-
ingafélag Reykjavíkur fyrir góðan
árangur í skylmingum, Halldór B.
Jóhannsson úr Glímufélaginu Ár-
manni fyrir góðan árangur í þolfimi,
Jakob Jóhann Sveinsson úr Sund-
félaginu Ægi fyrir góðan árangur í
sundi, Magnús Magnússon úr Knatt-
spyrnufélagi Reykjavíkur fyrir góð-
an árangur í keilu, Trausti Már
Gunnarsson úr Ungmennafélaginu
Fjölni fyrir góðan árangur í taek-
wondo og Vignir Jónasson úr Hesta-
mannafélaginu Fáki fyrir góðan ár-
angur í hestaíþróttum.
Við sama tækifæri veitti Afreks-
og styrktarsjóður Reykjavíkur 29
íþróttafélögum styrki úr sjóðnum en
tvö félög höfðu áður hlotið styrk sem
veittur var í október síðastliðnum.
Kristín Rós íþrótta-
maður Reykjavíkur
Kristín Rós Hákonardóttir, íþróttamaður Reykjavíkur, tekur við
viðurkenningu sinni í Höfða úr hendi borgarstjóra.
Sjö kærustur
Seven Girlfriends
Gamanmynd
Bandaríkin 1999. Góðar stundir VHS. Öll-
um leyfð. (100 mín.) Leikstjórn og hand-
rit Paul Lazarus. Aðalhlutverk Timothy
Daly, Olivia d’Abo, Jami Getz.
HÉR ER á ferð óvenju blátt
áfram og raunsönn rómantísk gam-
anmynd sögð frá sjónarhorni karl-
mannsins – hins mjúka karlmanns.
Jesse (Daly) er hálffertugur og
hreint skíthræddur um að finna
aldrei hina einu réttu. Hann afræð-
ur því að leita uppi allar sínar fyrr-
verandi og fá uppúr þeim hvað hafi
farið úrskeiðis,
komast að því
hvers vegna hann
á svo erfitt með að
vera í sambandi.
Auðvitað kemst
hann að ýmsu, oft
á tíðum spaugi-
legu, miður
skemmtilegu í fari
sínu en jafnframt
rennur upp fyrir honum að sumt
það sem hitt kynið setti út á reynd-
ist ósanngjarnt. En að rannsókn
lokinni áttar hann sig á því að hann
er litlu nær. Eru kannski ekki fleiri
fiskar í sjónum?
Þrátt fyrir slatta af klisjum, netta
væmni á köflum og greinilegt ráð-
leysi leikstjóra hversu langt hann á
að teygja gamanið yfir í dramað þá
rís þessi nokkuð uppfyrir alltof al-
gengt miðjumoð rómantískra gam-
anmynda. Daly býr yfir hæfilegri
blöndu af sjarma, farsakenndum
aulaskap og trega til að bera hana
uppi og mótleikkonurnar komast
klakklaust frá sínu. Ágætis afþrey-
ing.  Skarphéðinn Guðmundsson
Myndbönd
Fleiri
fiskar í
sjónum?
Eiginmaður minn,
morðinginn
(My Husband, My Killer)
Sakamálamynd
Ástralía, 2001. Skífan, VHS. (99 mín.)
Bönnuð innan 16 ára. Leikstjórn: Peter
Andrikidis. Aðalhlutverk: Colin Friels,
Martin Sacks og Geoff Morrell.
Í ÞESSARI árströlsku sjónvarps-
mynd er reynt að varpa ljósi á saka-
mál sem skók áströlsku þjóðina á of-
anverðum níunda áratugnum. Er
hugsanlegt að Andrew, efnaður og
virtur hóteleigandi, hafi myrt eigin-
konu sína án þess
að hafa af því nokk-
urn greinilegan
ávinning? Þetta er
spurningin sem
liggur myndinni til
grundvallar, og
verður það fljót-
lega ljóst að að-
standendur hafa
fyrirfram ákveðna
skoðun á málalyktum. Þannig geng-
ur myndin út á það að rökstyðja
ákveðna niðurstöðu, fremur en
brjóta til mergjar flókið sakamál.
Þetta hlýtur að teljast löstur á kvik-
mynd sem gefur sig út fyrir að vera
hlutlaus en því verður hins vegar
ekki neitað að myndin sem dregin er
upp af kringumstæðum morðsins og
rannsókninni sem fylgdi í kjölfarið
er afar grípandi og vel sögð. En þar
sem myndin leggur upp með það að
varpa ljósi á raunverulegt sakamál,
verður nálgunin að teljast aðfinnslu-
verð. Heiða Jóhannsdóttir
Sönn
sakamál