Morgunblaðið - 03.02.2002, Qupperneq 14

S
AMHLIÐA frábær-
um árangri íslenska
liðsins á EM í Svíþjóð
hefur framganga
Ólafs svo sannarlega
vakið athygli og laðað
að áhorfendur. Allir vilja sjá þennan
snilling handknattleiksins leika listir
sínar. „Sjáðu Stefánsson, vááá, þvílíkt
skot,“ sagði starfsmaður í íþróttahús-
inu í Skövde þegar viðureign Íslands
og Slóveníu stóð sem hæst. Og það fór
kliður um salinn.
Þegar erindið var borið upp við
Costantini, birti yfir honum, hann
ljómaði sem sólin sjálf. „Ég skal með
glöðu geði tala um Ólaf Stefánsson.
Þar er á ferð snillingur sem hefur
ekki náð hátindi ferils síns. Ólafur er
28 ára gamall og ég tel að hann eigi
enn eftir að taka framförum,“ sagði
Costantini sem hætti þjálfun franska
landsliðsins fyrir ári þegar hann
leiddi það til sigurs í annað sinn á
heimsmeistaramóti, fyrra skiptið var
á Íslandi 1995.
Vottar ekki fyrir
hroka eða yfirlæti
Hvað gerir Ólaf að svo góðum
handknattleiksmanni?
„Ólafur er fyrir það fyrsta frábær
skytta, í öðru lagi hefur hann einstak-
lega gott auga fyrir samleik auk þess
sem hann er að verða úrvals varn-
armaður. Á því sviði hefur honum far-
ið einna mest fram á síðustu misser-
um. Síðast en ekki síst, þá er hann
drengur góður, það vottar ekki fyrir
hroka eða yfirlæti. Hann umgengst
samherja sína sem meðherja af virð-
ingu, er sannur heiðursmaður. Það
vottar ekki fyrir hroka sem stundum
kemur upp hjá þeim stjörnum sem
skína hvað hæst hverju sinni,“ sagði
Costantini.
„Ólafur er hjarta íslenska liðsins á
Evrópumótinu. Hann hefur öðlast
gríðarlega reynslu á síðustu árum
með félagsliði sínu í Þýskalandi, varð
meistari með því síðasta vor og einnig
hefur Magdeburg í tvígang orðið
Evrópumeistari með Ólaf innan-
borðs. Magdeburg og íslenska lands-
liðið geta þakkað Ólafi Stefánssyni að
nokkrum hluta fyrir velgengnina.
Hann er leikmaður sem þjálfarar
allra félagsliða jafnt sem landsliða
vilja hafa inna sinna raða, hreint út
sagt stórkostlegur handknattleiks-
maður,“ sagði Costantini og sparaði
síst lofsyrðin.
Alfreð er rétti
maðurinn fyrir Ólaf
„Ólafur á enn eftir að taka fram-
förum,“ sagði Costantini er hann var
spurður að því hvort Ólafur væri nú á
hátindi ferils síns. „Það er tvær
ástæður fyrir því að ég tel að Ólafur
geti tekið frekari framförum, þær
eru; hann leikur með framúrskarandi
liði þar sem krafa um árangur er gerð
og síðan er það þjálfari hans, Alfreð
Gíslason. Alfreð er rétti maðurinn
fyrir Ólaf, honum tekst að laða það
besta fram í handknattleiksmannin-
um, veit hvað gera þarf enda var Al-
freð frábær handknattleiksmaður á
sinni tíð.“
Einstakur leikskilningur
„Er einhver möguleiki á því að
Ólafur sæki um spænskt ríkisfang?“
spurði Cesar Argiles Blasco lands-
liðsþjálfari glettinn á svip þegar hann
var spurður um Ólaf. „Ég vildi svo
gjarnan hafa Ólaf í mínu liði,“ sagði
Blasco ennfremur og bætti við: „Mál-
ið er ekkert flókið. Ólafur er besti
handknattleiksmaður Evrópumóts-
ins, á því leikur enginn vafi. Um leið
er hann einn allra besti handknatt-
leiksmaður heims um þessar mundir.
Og ástæðan er einföld. Ólafur er ein-
staklega góður skotmaður, en fyrst
og fremst er leikskilningur hans frá-
bær, það gerir hann að yfirburða-
manni,“ sagði Blasco.
Ólafur er markahæsti leikmaður
Evrópukeppninnar þegar þessi grein
er skrifuð að lokinni milliriðlakeppn-
inni. Þegar skoðaður er listi yfir
markaskorara og stoðsendingar sem
skilað hafa mörkum koma yfirburðir
Ólafs enn frekar í ljós. Hann átti þátt í
12 mörkum að meðaltali í sex fyrstu
leikjum keppninnar, semsagt skoraði
46 mörk og átti 26 stoðsendingar.
Næstur á þessum lista er Svisslend-
ingurinn Robert Kostadinovic með
11,3 mörk og stoðsendingar í leik og
Svíinn Stefan Lövgren er næstur með
10,3 mörk og stoðsendingar í leik.
Ólafur tekinn fram yfir Svíana
Kirsten Lindgren, þjálfari hand-
knattleiksliðsins í Västerås, var
spurður að því á fimmtudaginn í stað-
arblaðinu Vestmanlands Läns Tidn-
ing hvaða handknattleiksmann af EM
hann vildi helst hafa í liði sínu ef hann
gæti valið einn. Svarið var stutt og
laggott; Ólafur Stefánsson. Þrátt fyr-
ir að Svíar láti mikið með sína frá-
bæru handknattleiksmenn þá kom
Ólafur fyrst upp í huga Lindgrens.
Hann var spurður af hverju hann
myndi velja Ólaf, þá var svarið; „Ólaf-
ur er frábær skytta, hefur gríðarlega
gott auga fyrir samleik um leið og
hann er úrvals varnarmaður. Auk
þess hef ég heyrt að kringum hann sé
einstaklega góður andi og hann eigi
mjög gott með að smita samherja
sína af honum. Slíkt er ekki hvað sísti
kosturinn við góðan íþróttamann.“
Á miðvikudaginn sagði ofangreint
blað í umfjöllun sinni um leikinn að
„stjarna hefur skinið skært í góðu ís-
lensku landsliði. Stjarnan er Ólafur
Stefánsson“. Síðan hefur enn meira
vatn runnið til sjávar.
Aftonbladet sagði í vangaveltum
sínum um síðustu umferðina; „Ólafur
Stefánsson og íslenska landsliðið
verða að ná a.m.k. einu stigi í leiknum
við Þjóðverja til þess að komast í und-
anúrslitin.“ Og eftir leikinn sagði það;
„Í íslenska liðinu eru tvær stjörnur,
Sigfús Sigurðsson og Patrekur Jó-
hannesson. Stórstjarna er hins vegar
Ólafur Stefánsson.“
Daniel Costantini, fyrrverandi þjálfari heimsmeistara Frakka, segir sitt álit á Ólafi
Morgunblaðið/Golli
Á ferð snillingur sem hefur
ekki náð hátindi ferils síns
Undanfarin tvö til þrjú ár hef-
ur Ólafur Stefánsson verið
besti örvhenti leikmaðurinn
sem er til í heimi handknatt-
leiksins og í mínum huga ber hann af öðrum leik-
mönnum á Evrópumeistaramótinu, Ólafur stend-
ur upp úr. Hann er einfaldlega sá allra besti og
skyggir á alla aðra, sagði Daniel Costantini, fyrr-
verandi landsliðsþjálfari Frakka í handknattleik,
þegar Ívar Benediktsson ræddi við hann í Västerås
á föstudaginn og kannaði álit hans á Ólafi, sem
hefur komið, séð og sigrað á EM.
ÍÞRÓTTIR
14 SUNNUDAGUR 3. FEBRÚAR 2002 MORGUNBLAÐIÐ