Morgunblaðið - 03.02.2002, Side 25

vitra yfirvald látið mér í té svo ég geti
sett þar eitthvað upp sem ætti að
vera upphafið að „íslensku safni í
Reykjavík“ og sameinað skólanum
þegar að því kemur hann flytjist
hingað. Þetta er þó í áttina! Vesalings
fanginn minn hrópar á hjálp og frelsi,
og mikil aðstoð getur, hlýtur og mun
áreiðanlega veita honum það.
Tvítök óskast, flokkuð nákvæm-
lega, af öllum íslenskum náttúrugrip-
um sem dönsku söfnin eiga og geta
verið án (ef undan eru skilin hrygg-
dýrin sem við sjálfir munum ugglaust
ráða fram úr með).
Í öllum guðanna bænum! Eitthvað
verður að berast með vorinu; mín
góða áætlun kollsteypist annars, það
verður hlegið að mér og Ísland verð-
ur af safninu. Í stuttu máli sagt: Ef
svo fer, fæ ég ekkert afdrep í hinu
nýja, fyrirhugaða skólahúsi og verð
að selja safnið mitt hamhleypunni
Siemsen!! Skilaðu þessu, kæri vinur,
til Reinhardts og Forchhammers og
láttu þá skilja að komist safnið á lagg-
irnar geti það með tíð og tíma orðið
hinum söfnuðum drjúgur liðsstyrkur.
Þegar ég hef nú sagt þér allt af
létta um þetta sný ég mér eins og til
heyrir að öðru. Langar þig að heyra
bæjarfréttir úr greninu okkar, þess-
um óviðjafnanlega útskækli? Harmur
– ó já – nóg er af honum. Kona Stef-
áns Gunnlaugssonar landfógeta lést
nýlega af barnsförum eftir að hafa al-
ið honum tvíbura – dreng og stúlku –
sem grafin voru með móður sinni. –
Gleði – hana er einnig að finna. Hr.
Edvard Siemsen hefur tekið sér fyrir
konu Sigríði í klúbbnum og sonur
þeirra var skírður í gær. Hann kærði
sig kollóttan, þessi ótamdi æringi, og
leit dagsins ljós á búðkaupsdaginn. –
-----------
Afkomendur Siemsena eru fjöl-
mennir hér í borg. Nefna má Einar B.
Pálsson verkfræðing, Ólaf verkfræð-
ing, Franz Eduard deildarstjóra og
Þórunni Soffíu, húsfrú. Börn Magn-
úsar Kjaran stórkaupmanns voru af
ætt Siemsens. Móðir þeirra var
Soffía dóttir Franz Eduards Siem-
sens sýslumanns í Gullbringu- og
Kjósarsýslu. Franz Eduard Siemsen
varð sýslumaður í Hafnarfirði, Árni
Siemsen stórkaupmaður og ræðis-
maður Íslands í Lübeck var sonur
hans. Synir Árna eru Franz og Lud-
vig kunnir verskunarmenn. Caroline
Siemsen, eiginkona Ottós Þorláks-
sonar og móðir Hendriks Ottóssonar,
var dóttir Hendriks J. Siemsens. Af
börnum þeirra eru margir afkomend-
ur, Áskell Másson tónskáld meðal
þeirra.
„Íslensk tunga á við í íslenskum kaupstað, hvað allir athugi.“ Guðmundur Giss-
urarson, næturvörður í Vaktarabænum. Teikning eftir Albertus van Beest.
Höfundur er þulur.
MORGUNBLAÐIÐ SUNNUDAGUR 3. FEBRÚAR 2002 25
Sjálfstæðisflokkurinn í Hafnarfirði
Kynningarfundur frambjóðenda
í prófkjöri Sjálfstæðisflokksins vegna
bæjarstjórnarkosninga í Hafnarfirði 2002
Sjálfstæðisflokkurinn í Hafnarfirði kynnir frambjóðendur
í prófkjöri flokksins vegna komandi bæjarstjórnarkosninga
á opnum fundi á veitingastaðnum Skútunni,
mánudagskvöldið 4. febrúar kl. 20:00.
Tónlistarflutningur á vegum Tónlistarskóla Hafnarfjarðar.
Bæjarbúar eru hvattir til að mæta og kynnast frambjóðendum flokksins
Heimasíða: www.xdhafnarfjordur.is - Allir velkomnir meðan húsrúm leyfir.
Helga R. Stefánsdóttir,
húsmóðir.
Sigurlín Sveinbjarnardóttir,
aðstoðarskólastjóri.
Sigurður Freyr Árnason,
sölustjóri.
Ragnhildur Guðmundsdóttir,
háskólanemi.
Steinunn Guðnadóttir,
bæjarfulltrúi.
Valgerður Sigurðardóttir,
forseti bæjarstjórnar.
Sigurður Einarsson,
arkitekt.
Gissur Guðmundsson,
rlm. - bæjarfulltrúi.
Magnús Sigurðsson,
verktaki.
Vilborg Gunnarsdóttir,
tannsmíðameistari.
Leifur S. Garðarsson,
aðstoðarskólastjóri.
Ágúst Sindri Karlsson,
lögmaður.
Magnús Gunnarsson,
bæjarstjóri.
Þóroddur S. Skaptason,
löggiltur fasteignasali.
Haraldur Þór Ólason,
framkvæmdastjóri.
Almar Grímsson,
lyfjafræðingur.
INGE Jensen frá Mo i Rana, í
Noregi, sýnir fimmtán málverk í
aðalsal Hafnarborgar. Eins og svo
margir samlandar hans virðist Jen-
sen hafa orðið djúpt snortinn af
ný-expressjónisma þeim sem ruddi
sér til rúms í listaheiminum í byrj-
un níunda áratugarins. Nýja mál-
verkið, eins og fyrirbærið er gjarn-
an nefnt hér heima, var að vísu
afar misjafnt og margvíslegt. Það
gat gengið á með expressjónískum
töktum fengnum frá Þýskalandi,
en ný-expressjónisminn á þeim bæ
var jafnfjölbreytilegur og málar-
arnir voru margir.
Þannig er varla nokkur sam-
nefnari til með þeim Baselitz,
Penck, Lüpertz, Immendorf og
Kiefer annar en striginn og mál-
aragræjurnar. Ef aðrir ný-ex-
pressjónistar eru dregnir inn í púl-
líuna vandast málið enn frekar.
Hvar á að skipa Oehlen-bræðrun-
um, Kippenberger, Walter Dahn
eða Polke? Eru þeir einnig ný-ex-
pressjónistar? Þá eru ótaldir allir
þeir sem komu frá öðrum löndum,
Ítalíu, Bandaríkjunum, Sviss og
Austurríki.
Svo virðist einmitt sem ýmislegt
hafi skolast til í áhrifaflóðinu sem
Inge Jensen mætti í upphafi ferils
síns, en hann lauk námi úr
Listakademíu Vesturlands í Björg-
vin, árið 1983. Við nánari athugun
er það nefnilega harla lítið sem
finna má af ný-expressjónisma í
verkum málarans, en þeim mun
meira af eldri stílbrigðum, einkum
fengnum frá Parísarskóla fimmta
og sjötta áratugarins og skyldum
evrópskum útibúum hans í Þýska-
landi, Ítalíu og víðar.
Jensen setur gjarnan saman
verk sín úr smærri einingum. Þess-
um smárömmum raðar hann utan
um einhvers konar
kjarna, sem einnig
getur verið samsett-
ur úr smærri römm-
um. Í kjarnanum er
oft að finna einhvers
konar hraunkennt
víravirki, en slíkar
skreytikenndar,
upphleyptar línur –
stundum fengnar
beint úr túpunni –
þekja margar mynd-
ir málarans. Einnig
getur ramminn sem
smáferningarnir
mynda utan um
kjarnann verið skaf-
inn í þar til gert
mynstur svo úr
verður skrautkennd,
þrykkættuð endur-
tekning.
Frómt frá sagt
eru verk Inge Jen-
sen alltof yfirveguð
til að kallast ex-
pressjónísk. Málar-
inn virðist hvergi
gleyma sér við gerð
þeirra, enda vakir
sjálfsagt það eitt
fyrir honum að búa
til skrautleg mynst-
ur til að minna á
Pollock, án þess að
hamsleysi kúrekans
góða frá Wyoming
fæli frá hugfangna
áhorfendur. Aðeins
eitt verk á sýning-
unni virtist geta vís-
að út fyrir þennan sýndarexpress-
jónisma. Spurningin er bara hvort
listamanninn langi að sleppa úr
sinni þægilegu prísund.
Samsett verk
MYNDLIST
Hafnarborg
Til 11. febrúar. Opið miðvikudaga til
mánudaga frá kl. 11–17.
MÁLVERK INGE JENSEN
Halldór Björn Runólfsson
„Dyr II“, eitt af verkum Inge Jensen.