Morgunblaðið - 03.02.2002, Blaðsíða 58

FÓLK Í FRÉTTUM
58 SUNNUDAGUR 3. FEBRÚAR 2002 MORGUNBLAÐIÐ
SÍMI 564 0000 - www.smarabio.isÍ I - .s ara i .is5 hágæða bíósalir
Miðasala opnar kl. 13
Sýnd kl. 4, og 8.
Sýnd í LÚXUS kl. 2, 6 og 10. B.i. 12 ára
„Besta mynd ársins“
SV Mbl
„Þvílík bíóveisla“ HVS Fbl
Sýnd kl. 8 og 10.30. B.I. 16 ára.




DV



Mbl



ÓHT Rás 2
Kvikmyndir.coml i i .

Kvikmyndir.com

DV
Glæný leysigeislasýning í sal-1
á undan myndinni
Gwyneth Paltrow Jack Black
Frá höfundum
„There´s Something
About Mary“ og
„Me myself &
Irene“ kemur
Feitasta
gamanmynd
allra tíma

SV Mbl

DV
FRUMSÝNING
Sýnd kl. 2, 4, 6, 8 og 10.
Dúndrandi gott
snakk með
dúndrandi góðri
gamanmynd
Sýnd kl. 5.30, 8 og 10.30.
Ath! síðustu sýningar á Lord of the Rings í Lúxussal.
FLJÚGANDI FÁKAR
heitir heimildarmynd
sem sýnd verður í Sjón-
varpinu kl. 20.05. Höf-
undur hennar er Hinrik
Ólafsson leikari en hann
vann myndina í samstarfi
við Saga Film.
Tildrögin voru þau að
Hinrik komst í kynni við
Will nokkurn Covert;
knapa og hestatamninga-
mann með meiru og
fylgdist með með honum
á ferðalögum um Banda-
ríkin og Ísland.
Fjölskylda Wills hefur um langt
skeið stundað þjálfun, ræktun og
sölu á hestum en síðustu ár hefur
hún einvörðungu sinnt íslenska
hestinum. Fyrir átta árum kviknaði
hjá honum óslökkvandi áhugi fyrir
hestum, einkanlega þeim íslenska,
sem endaði með því að hann réð sig
norður í land í þeim tilgangi að
læra af íslenskum tamningamönn-
um. Will náði fljótlega afar góðum
tökum á íslenska hestinum, sem
hinu ylhýra, og í dag á hann meira
að segja íslenska kærustu.
„Það er eins og hann hafi verið
Íslendingur í fyrra lífi,“ segir Hin-
rik og hlær. „Hann talar t.a.m. al-
veg ótrúlega góða íslensku.“
Þetta er fyrsta heimildarmyndin
sem Hinrik stendur að. „Ég hef
komið að handritagerð, bæði í leik-
húsi og reyndar í kvikmynd líka.
Mér fannst þetta frábær vett-
vangur til að tengja saman marga
þætti; þá íslenska hestinn, náttúr-
una hér og svo þetta ferðalag okk-
ar sem við sjáum í myndinni. Jón
Þór (Hannesson) í Saga Film
kveikti strax á hugmyndinni og ég
var farinn til Bandaríkjanna dag-
inn eftir.“
Þess má geta að myndin hefur
verið sýnd víðsvegar um Bandarík-
in og hefur þar með þjónað góðu og
gegnu hlutverki sem kynning á ís-
lenska hestinum og náttúrunni hér.
„Það er gríðarleg hestamenning
í Bandaríkjunum, sérstaklega í
miðríkjunum og suðurríkjunum,“
segir Hinrik. „Það er mikið um
sýningar og kaupstefnur þarna og
Will fer mikið á slíka viðburði til að
kynna íslenska hestinn. Það er
ógrynni af hestakynjum þarna úti
og veit ég til þess að síðastliðin
fimm ár hefur markaðsetningin á
þeim íslenska verið framúrskar-
andi.“
Heimildarmyndin Fljúgandi fákar
Will Covert, með íslenska hestinn í baksýn.
Íslenski hesturinn
settur í öndvegi
GAMAN var að renna aug-um yfir lista yfir besturokkskífur síðasta árs ogsjá hvað Bretar voru þar
fáliðaðir. Víst komu út góðar skífur
á Bretlandseyjum á síðasta ári en
frumkvæðið og fjörið var allt fyrir
vestan Atlantsála, hvort sem menn
voru að hræra í rafblús, síðsýru,
sveitarokki, afróbíti eða bara að
poppa. Eitt helsta einkenni á rokk-
inu að vestan var kannski að menn
virtust vera búnir að átta sig á því
að spilagleðin væri málið; það væri
hægt að yrkja um dauða og djöful,
en öllu skipti að tónlistin væri spiluð
af gleði og krafti. Svo henta þessir
tímar líka vel til endurvinnslu.
Á næstunni er væntanleg hingað
til lands ein skemmtilegasta rokk-
sveit síðasta árs vestan hafs, The
Strokes, en í kjölfar Strokes-
æðisins á síðasta ári, aðallega í
Bretlandi, hafa menn keppst við að
giska á hvaða hljómsveit eigi næst
leið upp á stjörnuhimininn. Þar eru
margar nefndar, þar á meðal White
Stripes, Von Bondies, Black Rebel
Motorcycle Club, Andrew W.K. og
svo má telja. Kíkjum aðeins á tvær
þær síðarnefndu, sem báðar sækja
innblástur til fyrri tíma, en í ólíkar
áttir þó.
Leitað aftur í tímann
Mikið hefur verið látið með það
að fjölmargar þeirra rokksveita
sem hljóma hvað ferskastar í dag
séu að leita aftur í tímann eftir inn-
blæstri, White Stripes aftur í Miss-
issippiblús, Von Bondies í Suð-
urríkjarokk, Strokes í New York
síðpönksnýbylgjuna og svo má
telja. Þannig eru menn ytra gjarnir
á að líkja Black Rebel Motorcycle
Club, sem almennt kallast BRMC,
við prýðissveitina The Jesus and
the Mary Chain, sem var upp á sitt
besta um miðjan níunda áratuginn.
BRMC, sem hefur nafn sitt frá
mótorhjólagenginu ægilega í
Brando-myndinni The Wild One,
hefur verið að í fimm ár eða svo.
Framan af var sveitin tvíeyki þeirra
Peter Hayes og Robert Turner, en
þeir leika báðir á gítara og bassa og
syngja, en eftir að hafa gutlað í
hljóðveri leituðu þeir til Nick Jago
sem tók að sér trommuleik. 1998
gáfu þeir félagar út disk í takmörk-
uðu upplagi og með hann í fartesk-
inu og miklu tónleikahaldi tókst
sveitinni að komast á samning hjá
Virgin hálfu ári síðar.
Fyrsta stóra platan, B.R.M.C.,
kom út um mitt síðasta ár vestan
hafs en er að rata hingað til lands
um þetta leyti. Fimm laganna á
plötunni eru af disknum sem þeir
félagar gáfu út á sínum tíma, en
hljómur á skífunni er þó áþekkur;
ekki er annað að heyra en þeir
BRMC-menn hafi lagt áherslu á að
hafa hljóminn sem
grófastan. Tónlist-
in er þrungin bjög-
un og klifun, eins
og Jesus & Mary
Chain var siður, en
samlíkingin nær
eiginlega ekki
lengra, því þeir fé-
lagar hafa náð að
skapa sér sér-
stakan stíl.
Gleymið öllu nema
rokkinu!
Andrew W.K.
var mjög hampað í
kjölfar Strokes-
látanna í bresku
popppressunni á
síðasta ári og því
almennt spáð að
hann ætti eftir að leggja rokkheim-
inn að fótum sér. Hann hefur ekki
síst vakið athygli fyrir yfirlýsingar
sínar sem ganga út á að allir eigi að
leggja samviskunni og félagslegum
og menningarlegum höftum og
skemmta sér sem mest þeir mega,
gleyma öllu nema dynjandi rokkinu.
Á vefsetri Andrew W.K. er að
finna frumlegar skýringar á nafni
hans, aukinheldur sem þar er óskilj-
anleg æfisaga hans. Rétt er víst aft-
ur á móti sagan af dreng sem fædd-
ur er í Kaliforníu, elst upp Michigan
og byrjar snemma að glamra á pí-
anó. Píanóið hentaði ekki til að spila
pönk og því sneri Andrew sér að
trommuleik og var í ýmsum sveit-
um. Sautján ára gamall var hann
farinn að taka upp eigin lög og flutt-
ist til New York til að koma þeim og
sér á framfæri og hélt sólótónleika
með hljómborð, geislaspilara og
hljóðnema. Fyrsti diskurinn kom út
1999, kallaðist Girls Own Juice, og
annar 2000, Party Til You Puke, en
diskana gaf smáfyrirtæki út.
Alblóðugur á umslagi
Tónleikahald Andrews og útgáf-
urnar urðu til þess að honum var
boðið að hita upp fyrir Foo Fighters
og í framhaldi af því komst hann á
samning hjá Island. Það kallaði síð-
an á hljómsveit sem varð til 2000 og
í framhaldinu fluttist Andrew með
sveitina til Flórída. Fyrsta breið-
skífan, I Get Wet, kom út á síðasta
ári, með Andrew alblóðugan á um-
slagi, og fékk vægast sagt misjafnar
móttökur. Flestir lofsungu þó plöt-
una og mörg tímarit völdu hana
með helstu skífum ársins, en þeir
voru líka til sem kunnu alls ekki að
meta tónlistina og ímyndina. Helst
fer það í taugarnar á mönnum að
Andrew er að hvetja ungmenni til
að vera heimsk, hella sér út í
nautnahyggjuna gagnrýnislaust, en
þeir eru líka til sem segja allt saman
tilbúning, markaðsvarning á við
Linkin Park, Spice Girls nu-
metalsins.
Tónlist Andrew W.K. er rokk af
einföldustu og þyngstu gerð. Liðs-
menn hans eru þeir Jimmy Coup
gítarleikari, sem áður lék með Coup
de Grace, Donald „D.T.“ Tardy
trommuleikari, áður í Obituary,
Gregg R. bassaleikari og gítarleik-
aranir E. Payne og Sergeant Frank
og mannaskipanin segir óneitanlega
sitt um tónlistina. Þeir sem þekkja
þungarokk, að ekki sé talað um
harðkjarna, myndu aftur á móti lík-
astil ekki kalla Andrew W.K. rokk-
sveit, þó hún sé hávær, en álit
manna fer annars helst eftir því
hversu mikinn húmor þeir hafa fyr-
ir hamaganginum, því búið er að
hreinsa út alla tilgerð og allt skraut,
söngur er hrópaðir frasar og mörg
laganna viðlag út í gegn. Ýmist hafa
menn gaman af og brosa í kampinn
eða þeir fórna höndum – man ein-
hver eftir Slade?
Tónlist á sunnudegi
Árni Matthíasson
Spilagleðin
er málið
Allt fjörið í rokkinu virðist vera vestan hafs; þaðan
koma þær hljómsveitir sem mesta athygli vekja í
dag og eru að leika forvitnilegustu tónlistina.
Nefndar eru til sögunnar tvær nýjar sveitir, Black
Rebel Motorcycle Club og Andrew W.K.