Morgunblaðið - 10.02.2002, Blaðsíða 2

FRÉTTIR
2 SUNNUDAGUR 10. FEBRÚAR 2002 MORGUNBLAÐIÐ
Morgunblaðinu í dag fylgir
auglýsingablaðið „Sumar 2002“
frá Heimsferðum. Blaðinu verður
dreift um allt land.
ANNA Kristinsdóttir,
stjórnmálafræðinemi og
fyrrverandi formaður
Framsóknarfélagsins í
Reykjavík, hefur ákveðið
að gefa kost á sér í skoð-
anakönnun kjördæmis-
sambanda framsóknar-
manna í Reykjavík fyrir
borgarstjórnarkosning-
arnar í vor. Hún sækist eft-
ir 1. eða 2. sæti Framsókn-
arflokksins á framboðslista Reykja-
víkurlistans.
Anna Kristinsdóttir er
fædd 27. maí 1963. Hún
leggur stund á nám í
stjórnmálafræði við fé-
lagsvísindadeild Háskóla
Íslands. Anna hefur setið í
miðstjórn Framsóknar-
flokksins frá árinu 1990, í
stjórn Sambands ungra
framsóknarmanna (SUF)
sem gjaldkeri 1990–1992, í
stjórn Framsóknarfélags
Reykjavíkur frá 1996, þar af sem for-
maður 1999–2000.
Skoðanakönnun framsóknarmanna
Anna
Kristinsdóttir
Anna Kristinsdóttir
býður sig fram
STEFÁN Jón Hafstein
hefur ákveðið að gefa kost
á sér í fyrsta sæti Samfylk-
ingarinnar á Reykjavíkur-
listanum við borgarstjórn-
arkosningarnar í vor.
Samkvæmt samkomulagi
flokkanna sem standa að
listanum á Samfylkingin
að skipa frambjóðendur í
3., 4., 9. og 15. sæti listans.
Stefán Jón segir það
skoðun sína að Reykjavíkurlistinn
hafi víða staðið vel að verki og að Ingi-
björg Sólrún Gísladóttir hafi
reynst farsæll borgarstjóri.
Hann segir jafnframt að end-
urnýjun á Reykjavíkurlistan-
um sé mikilvæg. Hann
kveðst ekki hafa mikinn póli-
tískan farangur úr fortíð
sinni en segist vera Reykja-
víkurlista- og Samfylkingar-
maður.
Stefán Jón er menntaður
fjölmiðlafræðingur og hefur
starfað mest á því sviði. Hann er
fæddur 18. febrúar 1955.
Prófkjör Samfylkingar
Stefán Jón
Hafstein
Stefán Jón Hafstein
býður sig fram í 1. sæti
BJÖRN Bjarnason mennta-
málaráðherra afhjúpaði nafn nýju
stólalyftunnar í Hlíðarfjalli við
formlega vígslu hennar í gær að
viðstöddu fjölmenni en nafnið
Fjarkinn varð fyrir valinu, enda
komast fjórir með í hverjum stól.
Björn flutti ávarp við þetta tæki-
færi, sem og Kristján Þór Júlíusson,
bæjarstjóri á Akureyri, Egill Jó-
hannsson, formaður Skíða-
sambands Íslands, og Benedikt
Geirsson, stjórnarmaður í Íþrótta-
og ólympíusambandi Íslands og
Vetraríþróttamiðstöð Íslands. Þeir
Egill og Benedikt færðu Skíðastöð-
um áletraða skildi að gjöf.
Kristján Þór bæjarstjóri og
helstu skíðafrömuðir bæjarins, þeir
Óðinn Árnason og Hermann Sig-
tryggsson, klipptu á borða en það
voru einmitt þessir þrír sem tóku
fyrstu skóflustunguna að mann-
virkinu. Menntamálaráðherra lýsti
yfir ánægju með nýju lyftuna, sem
væri sú stærsta á landinu. Hann
sagði að á Akureyri væri mkill
metnaður og áhugi og það hafi
komið vel í ljós með nýju lyftunni
hversu stórhuga menn eru. Að at-
höfn lokinni skelltu menn sér á
skíði og fór menntamálaráðherra
þar fremstur í flokki.
Alls tóku um 180 manns þátt í
samkeppni um nafn á lyftuna og
bárust 132 mismunandi nöfn. Þar af
lögðu 16 einstaklingar til nafnið
Fjarkinn og mun nafn eins þeirra
verða dregið út eftir helgi og hann
verðlaunaður sérstaklega.
Nýja stólalyftan í Hlíðarfjalli við Akureyri formlega vígð
Morgunblaðið/Kristján
Þeir Óðinn Árnason, Björn Bjarnason menntamálaráðherra, Kristján Þór Júlíusson bæjarstjóri og Hermann Sigtryggsson voru kampakátir í gær-
morgun í nýju stólalyftunni í Hlíðarfjalli, sem fengið hefur nafnið Fjarkinn. Þeir fóru fyrstu ferðina upp fjallið og margir fylgdu í kjölfarið.
Fjarkinn skal hún heita
KRISTJÁN Þór Júlíusson, bæjar-
stjóri á Akureyri, segist sáttur við
nýja byggðaáætlun sem Valgerðar
Sverrisdóttir, iðnaðar- og viðskipta-
ráðherra hefur kynnt. Í tillögunni er
m.a. lagt til að Akureyri verði mót-
vægi við suðvesturhorn landsins.
„Það er ánægjulegt að gerð sé til-
raun til að aðgerðabinda áætlunina
svo unnt sé að nálgast markmið henn-
ar. Þegar horft er til einstakra þátta
áætlunarinnar er ljóst að margt af því
verður umdeilt og í sjálfu sér er ekk-
ert athugavert við það,“ segir Krist-
ján.
„Mér hefur þótt vera vaxandi skiln-
ingur á því að menn þurfi að for-
gangsraða áherslum og mér sýnist
menn vera orðnir sammála um það,
að ætla að byrja á að efla mótvægið
við höfuðborgarsvæðið hér á Akur-
eyri og við Eyjafjarðarsvæðið. Það
fellur saman við þær skoðanir sem ég
hef lengi haft. Það er hins vegar ljóst,
að þetta mun vekja viðbrögð hjá öll-
um sveitarfélögum landins. Ég er þó
sáttastur við að menn ætli sér að setja
fram byggðaáætlun sem þeir vilja að-
gerðabinda. Að mínu áliti er nauðsyn-
legt að breyta verklagi í þessum mál-
um frá því sem verið hefur.
Þessi áætlun kallar kannski á öðru-
vísi og harðari umræðu en undanfar-
ið, þannig að hvernig sem á það er lit-
ið, út frá hagsmunum einstakra ein-
inga eða landsins í heild, er ég sáttur
við að þessar tillögur skuli vera komn-
ar í umræðuna.“
Kallar á
harðari
umræðu
en áður
Bæjarstjórinn á
Akureyri um nýja
byggðaáætlun
FRAMKVÆMDASTJÓRN Evr-
ópuráðsins hefur ákveðið að veita
tæplega 82 milljónir króna til rann-
sókna á fyrirhuguðum gagnagrunn-
um á heilbrigðissviði í fjórum Evr-
ópulöndum, Íslandi, Eistlandi, Eng-
landi og Svíþjóð. Er þetta í fyrsta
sinn sem styrkur er veittur til
rannsókna á þessu sviði. Siðfræði-
stofnun Háskóla Íslands hefur yf-
irumsjón með rannsókninni, sem
verður undir stjórn Vilhjálms Árna-
sonar prófessors.
„Eitt meginverkefni Háskóla Ís-
lands er að efla rannsóknir og
rannsóknarnám,“ sagði Páll Skúla-
son, rektor Háskóla Íslands. „For-
senda fyrir því að það takist er að
við náum alþjóðlegu samstarfi eins
og hér er um að ræða við háskóla í
öðrum löndum og jafnframt að við
fáum styrki. Þetta efni er auk þess
feikilega áhugavert fyrir okkur Ís-
lendinga, sem gerir þetta ennþá
mikilvægara.“
Þetta er einn stærsti styrkur sem
veittur hefur verið til rannsókna á
þessu sviði og sá fyrsti til rann-
sóknar af þessu tagi.
Meginmarkmið verkefnisins, sem
kallast ELSAGEN, er að gera sið-
fræðilegar, lögfræðilegar og fé-
lagsfræðilegar rannsóknir á gagna-
grunnunum í þeim tilgangi að sjá
fyrir og setja fram spurningar sem
hafa kviknað eða eiga eftir að
kvikna varðandi þróunina í erfða-
vísindum.
Siðfræðistofnun Háskóla Íslands
stjórnar verkefninu undir yfirstjórn
Vilhjálms Árnasonar, prófessors í
heimspeki.
Evrópuráðið styrkir rannsókn á gagnagrunnum
Siðfræðistofnun
fær 82 milljónir

Gagnagrunnar/18
KONAN sem lést í bílslysinu í Ham-
arsfirði á föstudag hét Ágústa Egils-
dóttir, til heimilis að Svínaskálahlíð
23 á Eskifirði. Hún var fædd 3. októ-
ber árið 1956 og lætur eftir sig eigin-
mann og fjögur börn.
Lést í bílslysi
♦ ♦ ♦
ÖKUMAÐUR bifreiðar var fluttur
á heilsugæslustöðina í Keflavík eftir
bílveltu á Reykjanesbraut um
klukkan 8 í gærmorgun. Hann var í
bílbelti og slapp með skrámur og
marbletti að sögn lögreglunnar í
Keflavík, en bifreið hans skemmdist
talsvert. Hann missti stjórn á bif-
reiðinni skammt vestan Vogaaf-
leggjara og fór eina veltu út af veg-
inum. Bifreiðin var fjarlægð með
kranabifreið.
Bílvelta varð á
Reykjanesbraut