Morgunblaðið - 14.02.2002, Side 4

BÍLASALI í Reykjavík hefur
kært annan bílasala fyrir að
valda talsverðum skemmdum á
lakki á bifreið bílasalans þar
sem hún stóð yfir nótt við bíla-
söluna fyrir skömmu.
Sakar bílasalinn kollega sinn
um að hafa rispað bílinn svo illa
að heilsprauta þurfi bílinn á ný.
Eigandi annars bíls á bílasöl-
unni hefur einnig lagt fram
kæru á hendur bílasalanum en
skemmdir á þeim bíl munu vera
minniháttar.
Bílasali kær-
ir bílasala
FRÉTTIR
4 FIMMTUDAGUR 14. FEBRÚAR 2002 MORGUNBLAÐIÐ
GEYSIR í Haukadal gaus af
sjálfsdáðum á þriðja tímanum í
gær og náði vatnssúlan um fimm-
tíu til sextíu metra hæð að sögn
Más Sigurðssonar, eiganda Hótels
Geysis. Hann segir ennfremur að
gosið hafi staðið yfir í tuttugu
mínútur til hálftíma.
Um sjötíu manns, aðallega er-
lendir ferðamenn, urðu vitni að
gosinu.
Már segir að virknin hafi auk-
ist í hvernum undanfarnar vikur;
hann sé heitari og meira vatn
komi úr honum. „Geysir hefur
verið að skvetta úr sér öðru
hvoru undanfarnar vikur og hef-
ur vatnssúlan þá náð um 25 til 30
metra hæð,“ segir Már en bætir
því við að gosið í gær hafi verið
„alvöru gos“, eins og hann orðar
það, því vatnssúlan hafi náð
fimmtíu til sextíu metrum. Gos-
strókurinn hafi þó verið aðeins
hærri. „Geysir er orðinn eins og
unglingur aftur,“ segir Már.
Már segir að Geysir hafi verið
nokkuð virkur eftir jarðskjálft-
ana á Suðurlandi sumarið 2000
en segir að virknin hafi aukist
enn frekar síðustu vikurnar.
Hann gjósi nú að jafnaði, í um 25
til 30 metra hæð, þrisvar á dag;
fyrst um kl. 8 á morgnana, síðan
kl. 12 á hádegi og að lokum um
kl. 18.
Morgunblaðið/RAX
Um sjötíu manns fylgdust með um sextíu metra háu Geysisgosi í gær
Virknin aukist
undanfarnar vikur
Geysir í Haukadal gaus í gær. Þessi mynd var tekin í júní árið 2000 en þá hófst kröftugt gos eftir að fjörutíu kílóum af sápu hafði verið hent í hann.
HALLDÓR Ásgrímsson utanríkisráðherra segist
ekki telja miklar líkur á að það takist að selja
Landssímann á þessu kjörtímabili. Söluferlinu sem
hófst í fyrra sé í reynd lokið. Halldór gagnrýnir yf-
irlýsingar formanns einkavæðingarnefndar um
Landssímann. Hann telur einnig að ekki hefði átt
að gera ráðningarsamning við Þórarin V. Þórarins-
son til fimm ára.
„Ég tel engar líkur á því að Landssíminn verði
seldur á þessu kjörtímabili. Því ferli sem hófst í
sumar er að mínu mati lokið. Það hefur ekki fengist
viðunandi verð og ég sé ekki að það séu miklar líkur
á því að það skapist svigrúm til að ganga frá málinu
á kjörtímabilinu.“
Halldór sagðist telja að ástæðan fyrir því að ekki
hefði tekist að selja Landssímann væri fyrst og
fremst sú að ekki hefði verið fyrir hendi sá áhugi á
málinu sem búist var við miðað við þær verðhug-
myndir sem stjórnvöld höfðu. Hugmyndir seljanda
og kaupenda um verð hefðu einfaldlega ekki farið
saman.
Þau sjónarmið hafa komið fram að stjórnvöld
hefðu átt að hefja söluferlið fyrr á síðasta ári en
draga það ekki fram til hausts eins og gert var.
Halldór sagðist taka undir þessi sjónarmið.
„Ég hvatti til þess að ljúka setningu laga sem
heimiluðu söluna á sl. vorþingi og við stóðum að því
af heilum hug. Við vorum jafnframt þeirrar skoð-
unar að það væri best að ljúka málinu sem fyrst.
Þessi sjónarmið komu fram hjá fulltrúum Fram-
sóknarflokksins í einkavæðingarnefnd. Formaður
einkavæðingarnefndar taldi hins vegar nauðsyn-
legt að fresta því til haustsins og bar því við að mál-
ið væri ekki tilbúið. Ég er þeirrar skoðunar að það
hafi verið óheppilegt að fara ekki af stað fyrr.“
Halldór sagði enga leið að segja til um hvort tek-
ist hefði að selja Landssímann ef salan hefði hafist
strax um vorið. Það væri ekki hægt að ganga út frá
því að það hefði breytt einhverju.
Halldór var spurður um yfirlýsingar Hreins
Loftssonar, fyrrverandi formanns einkavæðingar-
nefndar, um Landssímann.
„Ég tel að þessar yfirlýsingar séu ekki til þess
fallnar að auðvelda það verkefni sem hann stýrði
þangað til fyrir nokkrum dögum. Hann verður að
gera sér grein fyrir því að það þarf að halda málinu
áfram. Það hafa verið miklar deilur í kringum Sím-
ann og mér sýnist að hann sé nú heldur að auka
þær.“
Gagnrýnir ráðningar-
samninginn við Þórarin
Ráðningarsamningur við Þórarin V. Þórarins-
son, fyrrverandi forstjóra Landssímans, hefur tals-
vert verið gagnrýndur. Halldór var spurður um álit
sitt á samningnum.
„Ég hafði ekki heyrt um efnisatriði þessa samn-
ings og hafði aldrei látið mér detta það í hug að það
væri verið að ráða framkvæmdastjóra til fimm ára
inn í fyrirtæki sem átti að fara að selja. Það hefur
líka komið í ljós að hann var með þeim hætti að það
hefur kostað fyrirtækið mikla fjármuni sem engin
ástæða var til,“ sagði Halldór.
Halldór Ásgrímsson segist hafa viljað flýta sölu Landssímans
Ekki líkur á að Síminn verði
seldur á kjörtímabilinu
HÉRAÐSDÓMUR Reykjavíkur
felldi í gær úr gildi ákvörðun
dómsmálaráðherra um að fram-
selja lettneskan ríkisborgara á þrí-
tugsaldri, Jurijs Eglitis, til Lett-
lands en Lettinn er grunaður um
að vera valdur að dauða þriggja
manna í Lettlandi á árunum 1997
til 2000. Auk þess er hann sakaður
um þrjú rán.
Ríkissaksóknari hefur áfrýjað
niðurstöðu Héraðsdóms til Hæsta-
réttar Íslands.
Lettinn hefur verið í gæsluvarð-
haldi hér á landi frá því í lok nóv-
ember sl. eða frá því Interpol í
Reykjavík barst tilkynning frá Int-
erpol í Ríga í Lettlandi um að eft-
irlýstur lettneskur ríkisborgari,
Jurijs Eglitis að nafni, væri á Dal-
vík. Lettinn var handtekinn dag-
inn eftir og úrskurðaður í gæslu-
varðhald að fyrirmælum
ríkislögreglustjóra en fram kom í
tilkynningunni frá Interpol í Ríga
að Lettinn sætti lögreglurannsókn
í Lettlandi vegna láts tveggja
manna.
Beiðni um að Lettinn yrði fram-
seldur til Lettlands barst síðan ís-
lenska dómsmálaráðuneytinu hinn
14. desember sl. og varð ráðherra
við þeirri beiðni í lok desember.
Lögmaður Lettans fór hins vegar
fram á að þeirri ákvörðun yrði
hafnað og hún borin undir dóm-
stóla.
Framsal með skilyrðum
Til vara krafðist lögmaður Lett-
ans þess að framsal yrði heimilað
með skilyrðum.
Í greinargerð lögmannsins til
Héraðsdóms Reykjavíkur kemur
m.a. fram að hann telji að rétt-
arkerfi Lettlands fullnægi ekki
þeim kröfum sem gerðar séu í
Mannréttindasáttmála Evrópu. Þá
segir í greinargerðinni að ekki hafi
fengist óyggjandi staðfesting á því
að dauðarefsing liggi ekki við
meintum brotum Lettans.
Í niðurstöðum Héraðsdóms seg-
ir m.a. að í framsalsbeiðninni frá
Lettlandi komi fram að dauðarefs-
ing hafi verið numin úr lögum í
Lettlandi. „Hins vegar er ekki
sagt berum orðum í beiðninni að
dauðarefsing samkvæmt eldri lög-
um verði ekki beitt en þar segir að
sóknaraðili [Lettinn] verði sóttur
til saka fyrir elsta brotið sam-
kvæmt eldri lögum frá 1961. Sam-
kvæmt þeim lögum kann dauða-
refsing að liggja við brotinu.“
Í niðurstöðu Héraðsdóms er vís-
að í lög nr. 13/1984 þar sem segir
að setja skuli það skilyrði fyrir
framsali að óheimilt sé að full-
nægja dauðarefsingu gagnvart
hinum framselda manni. Með vísan
til þeirra laga m.a. og að ekki sé
nægileg trygging fyrir því að
dauðarefsing komi ekki til greina í
máli Lettans felldi Héraðsdómur
úr gildi ákvörðun dómsmálaráð-
herra um framsal.
Eftirlýstur
Letti ekki
framseldur
til heima-
lands síns