Morgunblaðið - 23.02.2002, Síða 2

FRÉTTIR
2 LAUGARDAGUR 23. FEBRÚAR 2002 MORGUNBLAÐIÐ
NORÐANSTÓRHRÍÐ gekk yfir
mestallt landið í gær en ekki varð
teljandi tjón sökum veðurs. Mikil
ófærð var hins vegar víða á landinu
og rafmagnstruflanir urðu sums
staðar. Veður var farið að ganga nið-
ur síðdegis á Norður- og Austurlandi
en var mjög slæmt sunnanlands frá
hádegi og fram eftir degi. Fárviðri
skall á í Öræfasveit síðdegis og fór
vindhraði upp undir 50 m/s í mestu
hviðunum.
Hellisheiði var lokað í kjölfar
tveggja árekstra þar sem alls skullu
átta bifreiðar saman. Þrengslunum
var lokað um svipað leyti en báðar
þessar leiðir voru opnaðar undir
kvöld. Samkvæmt upplýsingum
Vegagerðarinnar voru flestir vegir
ófærir vegna veðurs eða snjóa og
beðið var átekta með snjómokstur
uns veðrið gengi niður. Mjög hvasst
var norðvestan til á landinu og fór
vindur sums staðar yfir 35 m/s í
mestu hviðunum.
Aftakaveður var á Húsavík í gær-
morgun sem og víðar og var lögregl-
an á tveimur bílum við að aðstoða
fólk að komast í vinnu. Að auki fóru
björgunarsveitamenn um á tveimur
bílum og aðstoðuðu fólk í vanda.
Á Sauðárkróki hafði veður sömu-
leiðis gengið niður seinnipartinn og
sagði lögreglan að gríðarmikill snjór
hefði safnast fyrir. Leiðin milli
Varmahlíðar og Sauðárkróks var þó
sæmilega fær, en hliðargötur á
Śauðárkróki voru illfærar.
Á Höfn í Hornafirði var veður
gengið niður um kaffileytið og var þá
hafist handa við að ryðja götur sem
voru meira eða minna ófærar. Yfir
tuttugu bílar sátu fastir í bænum en
voru losaðir með aðstoð lögreglu.
Götur voru sæmilega færar á Ak-
ureyri og fundu menn ekki mikið fyr-
ir óveðrinu þar í bæ að sögn lögregl-
unnar. Þó var Öxnadalsheiði lokuð
vegna ófærðar og sömuleiðis Víkur-
skarð.
Tveir fjöldaárekstrar
í Kömbunum
Á Selfossi skall óveðrið á um há-
degisbil með dimmum éljum og
stormi. Í Kömbunum varð afspyrnu-
slæmt ástand, sem versnaði um allan
helming þegar tveir fjöldaárekstrar
urðu með þeim afleiðingum að tvær
ungar konur meiddust minniháttar.
Í öðrum árekstrinum lentu saman 3
bifreiðir og í þeim næsta, örskammri
stund síðar, lentu fimm bifreiðir
saman.
Lögreglan á Selfossi átti mjög erf-
itt með að athafna sig á vettvangi og
koma fólkinu undan veðrinu og var
Hellisheiðinni lokað í kjölfarið og
hún ekki opnuð fyrr en kl. 18.14. Þá
var Þrengslum lokað vegna snjó-
moksturs en þau opnuð aftur um kl.
19.00. Talsvert eignatjón varð í
árekstrunum og voru einungis þrjár
bifreiðanna ökufærar eftir óhöppin.
Þá voru björgunarsveitir úr Árnes-
sýslu sendar upp á Hellisheiði til að
athuga hvort vegfarendur væru í
vanda staddir auk þess sem leitað
var að konu í Þrengslum, sem kom í
leitirnar.
Afar erfitt ástand var undir Hafn-
arfjalli um miðjan dag í gær og átti
fjöldi fólks í miklum erfiðleikum þar.
Veginum undir Hafnarfjalli var enda
lokað vegna veðurs. Lögreglu- og
björgunarsveitamenn í Borgarnesi
aðstoðuðu fólk sem varð að yfirgefa
bifreiðar sínar. 12–15 bifreiðir voru
skildar eftir á veginum. Hvalfjarð-
argöngum lokað í nokkrar mínútur.
Morgunblaðið/RAX
Varla var stætt í rokinu á köflum og því kusu sumir að setja undir sig hausinn til að komast leiðar sinnar eins og þessi maður á Akranesi.
Mikil ófærð á landinu og
margir í erfiðleikum
VIÐ fráfall Gísla Jónssonar
menntaskólakennara fyrr í vetur
lauk merkum kafla í sögu Morg-
unblaðsins. Í 221⁄2 ár hafði Gísli rit-
að í blaðið þætti um íslenskt mál.
Hinn fyrsti birtist 20. maí 1979 og
alls voru þættirnir orðnir 1.138
þegar hinn síðasti kom fyrir augu
lesenda Morgunblaðsins fullveldis-
daginn 1. desember 2001, nokkrum
dögum eftir andlát Gísla. Er sú
dagsetning vel við hæfi þar sem
fullveldi þjóðarinnar og tunga
hennar eru svo samofin að annað
fær varla staðist án hins.
Íslenskuþættir Gísla voru vin-
sælir og mikið lesnir og er því mik-
ill sjónarsviptir að þeim. Í ljósi
þess hefur verið ákveðið að efna á
ný til vikulegra þátta um íslenskt
mál í Morgunblaðinu og munu þeir
birtast á laugardögum eins og áður
var.
Ekki verður reynt að taka upp
þráðinn þar sem Gísli lét hann nið-
ur falla enda vandfundinn sá mað-
ur sem fær væri um það. Eflaust
munu ýmsir sakna fastra liða úr
þáttum Gísla svo sem kveðskapar
Hlymreks handan og annarra
þeirra sem létu fjúka í kviðlingum
og verður svo að vera. Þekking
sporgöngumannanna er ekki sam-
bærileg við þekkingu fyrirrennar-
ans, smekkur þeirra ugglaust eilít-
ið frábrugðinn og áherslur í
málvernd og málrækt ef til vill að
sumu leyti aðrar. Efnistökin verða
því óhjákvæmilega önnur en hjá
Gísla og fara eftir því hver skrifar
hverju sinni.
Umsjónarmenn þáttarins eru:
Karl Emil Gunnarsson prófarka-
lesari, Hjörtur Gíslason frétta-
stjóri (sonur Gísla Jónssonar), Ás-
geir Ásgeirsson prófarkalesari og
Sveinn Sigurðsson blaðamaður en
þeir eru allir starfsmenn Morgun-
blaðsins.
Íslenskt mál er á bls. 33 í Morg-
unblaðinu í dag.
Íslenskt mál á laugardögum
BJÖRGUNARSVEITIR á Blönduósi
og Skagaströnd hófu í gær leit að
þrítugum manni sem ætlaði á bíl frá
Blönduósi til Skagastrandar seint á
fimmtudagskvöld. Þegar hann
hafði ekki skilað sér til Skaga-
strandar um hádegisbil var farið að
óttast um hann og voru björg-
unarsveitir kallaðar út um klukkan
13. Björgunarsveitin Strönd á
Skagaströnd fór á öflugum jeppa
frá Skagaströnd til Blönduóss og
ætluðu björgunarsveitarmenn frá
Blönduósi að fara á móti henni á
snjóbíl.
Áður en snjóbíllinn fór af stað
hafði bóndi á nálægum bæ hins veg-
ar látið vita af því að hann hefði
orðið var við bíl mannsins og komið
honum til aðstoðar á fjórhjóladrif-
inni dráttarvél.
Bíll mannsins hafði fest um nótt-
ina og maðurinn látið fyrir berast í
bílnum en að sögn björgunarsveit-
armanna á Blönduósi var þar kol-
vitlaust veður, vel yfir 30 m/sek
meðalvindur.
Bóndi kom
ferðamanni
til bjargar
ÓVEÐRIÐ í gær olli rafmagnstrufl-
unum á Vesturlandi. Fór rafmagn
af Saurbæjarlínu kl. 9.30 í gær-
morgun. Rafmagn komst aftur á
hluta línunnar fyrir kl. 11 eða á
Fellsströnd og Hvammssveit en
nokkrir bæir á Saurbæjarlínunni
voru rafmagnslausir þar til viðgerð
lauk um klukkan 19.30.
Vinnuflokkur RARIK vann að
viðgerðum í mjög slæmu veðri og
miklu kófi og þurfti að fara um
Fellsströnd og Skarðströnd til að
komast yfir í Saurbæ. Bilun varð á
Framsveitarlínu í Grundarfirði um
kl. 18.30. Sjónvarpssendingar féllu
niður vegna þess í um klukkustund.
Rafmagns-
truflanir á
Vesturlandi
Fylgstu
með
nýjustu
fréttum
www.mbl.isValur hafði betur gegn ÍR
í æsispennandi leik / B3
Kostelic frá Króatíu fékk
þriðju gullverðlaun sín / B1
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r23.
f e b r ú a r ˜ 2 0 0 2
NOTENDUR Fasteignavefjar
mbl.is geta nú leitað að bújörðum,
einingahúsum og bjálkahúsum auk
þeirra tegunda eigna sem áður hefur
verið hægt að leita að á vefnum.
Með mörgum eignunum fylgja
myndir eða teikningar til frekari
glöggvunar fyrir tilvonandi kaupend-
ur. 65 fasteignasölur eru nú tengdar
fasteignavefnum og þar eru nú vist-
aðar rúmlega 8.400 eignir. Fast-
eignavefur mbl.is er í dag næst-
stærstur þeirra vefja sem finna má á
vefsvæði mbl.is. Flettingar í viku
hverri eru um 400 þúsund samkvæmt
talningu Samræmdrar vefmælingar.
Aukin þjónusta á
Fasteignavef mbl.is
♦ ♦ ♦