Morgunblaðið - 05.03.2002, Blaðsíða 8

FRÉTTIR
8 ÞRIÐJUDAGUR 5. MARS 2002 MORGUNBLAÐIÐ
Námskeið í sálgæslu
Gengið um
dimma dali
Sálgæslunámskeiðverður á vegumBiblíuskólans við
Holtaveg á morgun, mið-
vikudaginn 6. mars. Nokk-
ur fjölbreytni verður á
námskeiðinu og m.a. tekið
á aðstæðum fanga og að-
standenda þeirra, sorgar-
viðbrögðum, sorg barna
o.fl. Yfirskriftir fyrirlestra
eru t.d. „Sorg og sorgar-
viðbrögð,“ „Í fangelsi var
ég...“, „Í fjötrum fíkni-
efna“, „Sorg barna“ og
„Máttur bænarinnar“.
Einn þeirra sem heldur
fyrirlestur á námskeiðinu
er sr. Hreinn Hákonarson
fangaprestur og svaraði
hann nokkrum spurnign-
um sem fyrir hann voru
lagðar.
– Segðu okkur nánar hvað sál-
gæsla er...
„Sálgæsla er með margvíslegu
móti og fer eftir aðstæðum hverju
sinni hvernig hún er. En kjarni
allrar sálgæslu felst í því að leið-
beina fólki sem er í lífsvanda statt,
hvetja það á raunsæjan hátt,
styrkja það í orði og verki með
ástúð og umhyggju. Sálgæsla
merkir að sá sem sálusorgar vakir
yfir sálarheill þeirra sem honum
er trúað fyrir, stendur við hlið
fólksins og gengur með því um
dimma dali. Hann huggar með
orði Guðs og bæn. Einn mikilvæg-
asti hlekkurinn í sálgæslu felst í
því að hlusta á fólk. Ekki bara að
hlusta á þau orð sem koma af
munni þess heldur lífssláttinn í
æðum þess. Góð sálgæsla getur
skipt sköpum og það veit fólk og
þess vegna leitar það til kirkjunn-
ar í þessum efnum. Það veit að
enginn hefur eins mikla reynslu í
þessu efni og einmitt kirkjan og
þjónar hennar.“
– Hverjar verða aðaláherslurn-
ar á námskeiðinu?
„Þær taka allar á sorginni og
þeim myndum sem hún birtist í og
með hvaða hætti er hægt að glíma
við hana hvort heldur hún snertir
þá sem misst hafa einhvern ná-
kominn, misst barnið sitt í neyslu
fíkniefna, fangelsi o.s.frv. Fjallað
verður almennt um viðbrögð við
sorg, sorg barna og hvaða styrk
má hafa af bæninni.“
– Nú ert þú fangaprestur og
fjallar um sorg fanga og aðstand-
endur þeirra...er ástandið á þeim
bæ mjög bágborið?
„Fangelsi er veröld út af fyrir
sig og um hana leika neikvæðir
straumar. Lokuð veröld og niður-
brjótandi þar sem enginn vill
vera. Fangelsi merkir aðskilnað
frá fjölskyldu og vinum. Fangan-
um er kippt tímabundið út af vett-
vangi dagsins og hann settur til
hliðar. Hann horfir gjarnan á lífið
renna fyrir utan og getur ekki
tekið þátt í því. Það er sárt. Þessi
aðskilnaður vekur sorg og daprar
huga þeirra sem í fangelsi eru.
Aðstandendur standa oft ráðvillt-
ir og hnípnir. Þeir skynja van-
þóknun samfélagsins á
gjörðum sinna nánustu
og þeir finna sárt til
með þeim sem hafa rat-
að í þessa ógæfu. Líf
foreldra og maka
breytist og greina má visst sorg-
arferli hjá þeim og föngunum. Þá
er sérstaklega brýnt að sýna nær-
gætni og ástúð þegar börn fanga
eru annars vegar því þeirra sorg
og missir er mikill. Mikilvægt er
að týna ekki bjartsýninni og sam-
stöðunni í nýjum aðstæðum sem
munu í fyllingu tímans breytast.
En sorg fanga er ekki aðeins
bundin þessum aðskilnaði, heldur
sækja vissulega á hugann þær að-
stæður sem ráku menn inn fyrir
dyr fangelsis. Innst inni finna allir
menn til hafi þeir gert eitthvað á
hlut einhvers. Og vanlíðan er mik-
il hjá þeim sem framið hafa alvar-
leg afbrot gegn lífi manna og lim-
um. Þar glímir hver við sjálfan
sig, líf sitt og framtíð undir
breyttum formerkjum.“
– Á hvaða hátt hjálpar sál-
gæsla?
„Góð sálgæsla lætur fólk finna
að það er ekki eitt á báti þegar það
horfist í augu við alvarleg vanda-
mál í lífi og starfi. Sálgæslan get-
ur hjálpað fólki til að ná áttum í
lífinu og fyllt það krafti til að horf-
ast í augu við t.d. sorg og missi.“
– Sálgæsla er frekar nýtt orð í
málinu, ekki ósvipað og áfalla-
hjálp...hvernig reiddi þjóðinni af
fyrir tíma þessara hugtaka og
þess sem þau standa fyrir?
„Kirkjan hefur á öllum öldum
sálusorgað fólk, huggað og leið-
beint. Þegar áföll dundu yfir þjóð-
ina fyrr á öldum hvort heldur það
voru eldgos eða hallæri þá var það
kirkjan sem veitti áfallahjálp þó
svo það orð væri ekki til í málinu.
Kirkjan sálusorgaði fólk í raunum
lífsins og það var þá í góðum
höndum sem og vonandi nú.“
– Hefur þörfin fyrir sálgæslu
komið ykkur prestum í opna
skjöldu?
„Nei, ég held að svo
sé ekki. Prestar eru
þess fullkomlega með-
vitaðir að þörf á sál-
gæslu hefur kannski
aldrei verið eins brýn
og einmitt nú á dögum. Þess
vegna hafa prestar sótt sér í ríkari
mæli menntun í sálgæslu og reynt
að læra hver af öðrum. Það þarf
ekki að fara mörgum orðum um
að samfélag nútímans er flókið og
mörg erfið mál sem koma upp hjá
fólki hvort heldur er í einkalífi eða
atvinnulífi. Fólk sækir sálgæslu
til presta afar mikið þótt það fari
ekki hátt.“
Hreinn Hákonarson
 Sr. Hreinn Hákonarson,
fangaprestur þjóðkirkjunnar, er
fæddur í Reykjavík 18. ágúst
1952 og lauk guðfræðiprófi frá
Háskóla Íslands 1981. Sókn-
arprestur í Söðulhólsprestakalli
á Snæfellsnesi 1982–93. Fanga-
prestur frá 1993. Formaður
fangahjálparinnar Verndar og
ritstjóri Verndarblaðsins. Er í
stjórn Prestafélags Íslands og er
formaður Samverjans, félags
sérþjónustupresta. Eiginkona
Hreins er Sigríður Pétursdóttir,
verkefnisstjóri vettvangsnáms í
Kennaraháskóla Íslands. Eiga
þau fjögur börn, Halldóru, Har-
ald, Jóhönnu og Pétur, og eitt
barnabarn, Petru Ósk.
...sálgæsla er
með marg-
víslegu móti
Er þetta ekki örugglega góður fjárfestingarkostur, hæstvirtur ráðherra?
ALDÍS Hafsteinsdóttir, bæjar-
fulltrúi í Hveragerði varð langefst í
prófkjöri Sjálfstæðisflokksins í
Hveragerði um helgina.
Aldís hlaut 158 atkvæði í fyrsta
sætið. Í öðru sæti varð Pálína Sig-
urjónsdóttir, bæjarfulltrúi og hlaut
hún 136 atkvæði í 1. og 2. sætið. Í 3.
sæti varð Hjalti Helgason, sem kem-
ur nýr inn á listann, en hann fékk 163
atkvæði í 1.–3. sæti listans. Fjórða
sæti listans kom síðan í hlut Jóhanns
Ísleifssonar, bæjarfulltrúa, sem fékk
143 atkvæði í 1.–4. sæti. Theódór
Birgisson varð í 5. sæti með 169 at-
kvæði í 1.–5. sæti og Hálfdán Krist-
jánsson bæjarstjóri varð í 6. sæti
með 174 atkvæði í 1.–6. sæti, en tveir
þeir síðastnefndu er nýir menn á list-
anum.
Í prófkjörinu tóku þátt 289 og
voru 13 seðlar ógildir. Niðurstaðan
er bindnandi fyrir 1. og 3. sætið, en
ekki fyrir það 2. og 4. samkvæmt
upplýsingum Morgunblaðsins.
Hálfdán Kristjánsson, bæjar-
stjóri, sagði í samtali við Morgun-
blaðið að þetta væri niðurstaða próf-
kjörsins og hún virtist sýna það að
bæjarbúar vildu ekki að bæjarstjóri
væri jafnframt bæjarfulltrúi. Hann
hefði síðan rætt niðurstöðuna við
forseta bæjarstjórnar og formann
bæjarráðs og því samstarfi sem hefði
verið fyrir hendi í Hveragerði frá því
hann kom þangað yrði haldið áfram.
„Prófkjörsnefndin er að vinna
núna úr niðurstöðum prófkjörsins og
reyna að finna heppilega samsetn-
ingu á listann. Síðan þegar listinn
liggur fyrir munu menn fara yfir
stöðuna og velta fyrir sér hvernig
best sé að haga hlutum fyrir fram-
haldið,“ sagði Hálfdán ennfremur.
Aldís Hafsteins-
dóttir í efsta sæti
Sjálfstæðisflokkurinn í Hveragerði
LEYSINGAR eru miklar á
Patreksfirði og hálka gríðarleg
á vegum. Bifreið sem lagt var á
bílastæði við Stekkaból fór af
stað af sjálfsdáðum í hálkunni
og rann niður háan kant og
hafnaði á Geirseyrarbúðinni við
Aðalstræti.
Höggið frá bifreiðinni var
það mikið að gat kom á vegg
verslunarinnar og stóð hluti
bifreiðarinnar inn í verslunina
þegar fólk bar að.
Hillur með vörum hrundu
ásamt öðru, en verslunin var
lokuð er þetta átti sér stað og
urðu því ekki meiðsl á fólki í
óhappinu.
Ekki er búið að meta tjónið
er varð á húsnæðinu né þeim
vörum er skemmdust er óhapp-
ið átti sér stað.
Bifreið
rann inn
í verslun