Morgunblaðið - 05.03.2002, Blaðsíða 15

SUÐURNES
MORGUNBLAÐIÐ ÞRIÐJUDAGUR 5. MARS 2002 15
H
V
ÍT
A
H
Ú
S
IÐ
/
S
ÍA
Skeifunni 4, Reykjavík s: 568 7878
Snorrabraut 56, Reykjavík s: 561 6132
Stórhöfða 44, Reykjavík s: 567 4400
Austursíðu 2, Akureyri s: 464 9012
Hafnargötu 90, Keflavík s: 421 4790
Bæjarlind 6, Kópavogi s: 544 4411
Harpa Sjöfn málningarverslanir
20-40% afsláttur
af allri innimálningu
Fagleg ráðgjöf og þjónusta
fyrir einstaklinga.
á innimálningu
TILBOÐ
PÁSKA
VEGAGERÐIN á eftir að ákveða
hvaða veglínu hún leggur áherslu á
þegar nýr Suðurstrandarvegur verð-
ur byggður milli Þorlákshafnar og
Grindavíkur. Gerðar hafa verið at-
hugasemdir við þá veglínu sem mælt
hefur verið fyrir með ströndinni þar
sem hún liggur yfir Húshólma og
Óbrennishólma þar sem merkar
fornminjar eru við vegstæðið.
Unnið er að umhverfismati fyrir
nýjan Suðurstrandarveg. Matsáætl-
un hefur verið samþykkt og unnið að
umhverfismatsskýslu. Jónas Snæ-
björnsson, umdæmisstjóri Vega-
gerðarinnar á Reykjanesi, segir að
valið sé einkum talið standa um tvær
veglínur, með ströndinni eða uppi
undir núverandi vegi. Hann staðfest-
ir að hugsanleg veglína með strönd-
inni fari yfir Húshólma og Óbrennis-
hólma. Hún hafi hins vegar verið
valin í samráði við fornleifafræðing
og ætti ekki að fara yfir merkar
minjar. Þjóðminjasafnið hafi hins
vegar gert athugasemdir og væri
hugsanlegt að færa hana alveg upp
fyrir hólmana af þeim sökum.
Segir Jónas að starfsmenn Vega-
gerðarinnar muni á næstu vikum
meta það hvaða leið vænlegast verði
að fara og muni tillaga þeirra koma
fram í umhverfismatsskýrslu.
Merkar minjar
Félagar úr ferðahópnum Ferlir
hafa farið mikið um Reykjanes til að
huga að gömlum minjum. Þeir fóru á
dögunum í Óbrennishólma og Hús-
hólma sem eru í Ögmundarhrauni,
skammt vestan Krýsuvíkur á leiðinni
til Grindavíkur. Í Óbrennishólma
eru ýmsar minjar, meðal annars
fjárborg sem verið hefur hin stærsta
á Reykjanesi og fleiri hleðslur og
garðar en hraunið stöðvaðist við
þessi mannvirki á leið sinni til sjávar.
Telur Ómar Smári Ármannsson,
einn af Ferlirs-félögum, að Óbrenni-
shólmi og Húshólmi séu með merk-
ustu fornminjasvæðum landsins. Þar
kunni jafnvel að leynast fornminjar
sem gefi vitneskju manna um land-
nám Íslands. Fyrirhugað sé að
leggja breiða hraðbraut í gegn um
Hólmana með ófyrirséðum afleiðing-
um, þrátt fyrir að þau hafi lítið verið
rannsökuð og ekki sé til á einum stað
vitneskja um þær minjar sem þegar
sé vitað um.
Ferlir á eftir að gera sér ferð í
Húshólma en samkvæmt upplýsing-
um Ómars Smára er þar vitað um
forna kirkju sem talið er að hafi verið
notuð eftir að Ögmundarhraun rann
árið 1151, fornan skála sem hraunið
umlukti og enn sjáist merki um,
grafreit og garða. Tillaga að Suður-
strandarvegi geri ráð fyrir að hann
fari yfir hluta af þessum minjum.
Ómar Smári vekur einnig athygli
á því að tillagan að Suðurstrandar-
vegi geri ráð fyrir að hann snerti
Jónsvörðuhús á Krýsuvíkurheiði,
auk annarra fornminja á leið sinni
með ströndinni.
Ekki búið að ákveða veglínu
Suðurstrandarvegar
Óttast að forn-
minjar spillist
Grindavík/Krýsuvík
LAGT er til að sköpuð verði ný
ímynd fyrir ferðaþjónustu á Suð-
urnesjum, í skýrslu um stefnumót-
un sem unnin hefur verið fyrir
Ferðamálasamtök Suðurnesja. Ein
tillagan er að kenna svæðið við
Reykjanes fremur en Suðurnes.
Sveitarstjórnarmenn voru boð-
aðir til fundar í Eldborg í Svarts-
engi á dögunum til að ræða
„Stefnumótun í ferðaþjónustu á
Suðurnesjum (Reykjanesi)“. Eitt af
þeim atriðum sem menn greinir á
um í þeirri vinnu er nafnið á svæð-
inu, þ.e. hvort svæðið eigi að kalla
Suðurnes eða Reykjanes og krist-
allast það í fundarboðinu.
Sigríður Þrúður Stefánsdóttir og
Bjarnheiður Hallsdóttir kynntu
skýrslu sem þær hafa unnið að og
ber nafnið „Stefnumótun í ferða-
þjónustu á Reykjanesi“. Vinnan
hófst um mitt sumar 1999 og var
skýrslunni skilað í maí 2001. Fund-
urinn hafði þann tilgang að draga
fram viðhorf sveitarstjórnarmanna
við skýrslunni og hefja umræður
um málefnið. Sigríður sagði að í
stefnumótun væru þrír áherslu-
þættir. Fyrst nefndi hún að skapa
nýja ímynd Reykjaness og gat þess
að ástæðan fyrir því að skýrsluhöf-
undar völdu nafnið Reykjanes hafi
verið sú að það orð væri tengt land-
fræðilegri sýn fólks en Suðurnes
tengt veðurfari. Í öðru lagi að setja
á fót Ferðamálastofu Reykjaness,
sem byggðist á grunni Markaðs- og
atvinnumálaskrifstofu Reykjanes-
bæjar. Og í þriðja lagi að gera
markaðs- og kynningaráætlun fyrir
svæðið.
Fram kom í máli margra sveit-
arstjórnarmanna að þeir vilja vinna
innávið, það er að segja að styrkja
ferðaþjónustu innan hvers sveitar-
félags en vinna saman út á við.
Jóhann D. Jónsson, ferðamála-
fulltrúi Reykjaness, sagði að mik-
ilvægt væri að sátt ríkti um meg-
instrauma í ferðaþjónustunni. „Það
voru yfir 40.000 gistinætur á hót-
elunum á svæðinu árið 2001, sem er
gríðarleg aukning. Við þurfum að
fara að huga að byggingu nýrra
hótela eða stækkun á þeim sem fyr-
ir eru,“ sagði Jóhann.
Þá varð mönnum tíðrætt um
stjórnskipulag þessara mála og
menningartengda ferðaþjónustu.
Morgunblaðið/Garðar Páll Vignisson
Nokkrir sveitarstjórnarmenn á fundi um stefnumótun í ferðaþjónustu.
Vilja breyta ímynd
svæðisins
Reykjanes
KJÖRI íþróttamanns Sandgerðis
2001 verður lýst við samkomu sem
fram fer í Reynisheimilinu við Staf-
nesveg í kvöld kl. 20.30.
Fjórir íþróttamenn eru tilnefndir.
Samkoman er opin almenningi.
Kjöri íþrótta-
manns lýst
Sandgerði
STJÓRN Lögmannafélags hefur til-
nefnt Ásgeir Thoroddsen hæstarétt-
arlögmann sem oddamann í skila-
nefnd Hafnasamlags Suðurnesja.
Skilanefnd Hafnasamlagsins hef-
ur unnið að skiptingu eigna og
skulda samlagsins vegna úrsagnar
Vatnsleysustrandarhrepps en náði
ekki samkomulagi. Samkvæmt sam-
þykktum samlagsins ber þá að leita
eftir því við stjórn Lögmannafélags
Íslands að tilnefna oddamann.
Að sögn Péturs Jóhannssonar
hafnarstjóra er stefnt að því að
nefndin hefji störf að nýju í vikunni.
Ásgeir
Thoroddsen
oddamaður
Garður/Reykjanesbær/Vogar
SEX verktakar hafa sýnt áhuga á að
bjóða í byggingu íbúða aldraðra sem
Gerðahreppur hyggst byggja í Garð-
inum.
Hreppsnefnd Gerðahrepps hefur
kosið þriggja manna nefnd til að
stjórna byggingu íbúða fyrir aldr-
aða. Sigurður Ingvarsson oddviti er
formaður og með honum í nefndinni
eru Ólafur Kjartansson og Maríanna
Eiríksdóttir.
Fyrirtækin sem sýndu áhuga á út-
boðinu eru Bragi Guðmundsson,
Finnhús, Hjalti Guðmundsson,
Húsagerðin, Íslenskir aðalverktakar
og Keflavíkurverktakar. Nefndin
mun gefa fjórum verktökum kost á
að skila tilboðum í fyrirhuguðu alút-
boði.
Sex vilja
bjóða í íbúðir
aldraðra
Garður
NÝJAR áherslur í starfi markaðs-
og ferðamálafulltrúa hafa verið sam-
þykktar í bæjarráði Grindavíkur.
Verkefnisstjóri verður ráðinn til
tveggja ára.
Í framhaldi af því að Gunnlaugur
Einarsson, ferðamála- og markaðs-
fulltrúi Grindavíkur, sagði upp störf-
um lagði Einar Njálsson bæjarstjóri
fyrir bæjarráð tillögur að nýjum
áherslum í málaflokknum og voru
þær samþykktar. Skipulagt verður
átak á sviði upplýsingatækni og at-
vinnumála og veitt heimild til að ráða
verkefnisstjóra til tveggja ára.
Fram kemur í samþykktinni að
með verkefninu verður lögð áhersla
á að nýta upplýsingatækni í stjórn-
sýslu. Verkefnisstjórinn mun annast
uppfærslu og markaðssetningu á
heimasíðu bæjarins og sjá um frétta-
bréfið Járngerði. Hann mun annast
auglýsinga- og kynningarstarf og
upplýsingamiðlun til ferðafólks.
Hann á að vinna með bæjarstjóra
að fjármögnun, skipulagningu og
undirbúningi að starfrækslu Salt-
fiskseturs og hafa náið og lifandi
samstarf við Bláa lónið og Eldborgu.
Þá á verkefnisstjórinn að undirbúa
og gera framkvæmdaáætlun fyrir
Staðardagskrá 21.
Átak á
sviði upplýs-
ingatækni
Grindavík
♦ ♦ ♦
♦ ♦ ♦
♦ ♦ ♦