Morgunblaðið - 05.03.2002, Blaðsíða 11

FRÉTTIR
MORGUNBLAÐIÐ ÞRIÐJUDAGUR 5. MARS 2002 11
Skógarhlíð 18, sími 595 1000. www.heimsferdir.is
Verð kr. 19.900
Flugsæti til Prag, út 18. mars, heim 21.
mars. Almennt verð kr. 20.895.
Skattar kr. 3.550, ekki innifaldir.
Verð kr. 3.900
Verð fyrir mann, m.v. 2 í herbergi,
per nótt með morgunmat á góðu 3ja
stjörnu hóteli.
Ferðir til og frá flugvelli, kr. 1.800.
Heimsferðir bjóða nú einstakt
tilboð til Prag þann 18. mars í 3 nætur, en nú getur þú kynnst
þessari einstöku borg á ótrúlegu tilboðsverði. Þú bókar flugsæti
á aðeins 19.900 kr. og getur valið um góð hótel Heimsferða í
hjarta Prag. Og að sjálfsögðu nýtur þú traustrar þjónustu
fararstjóra Heimsferða í Prag allan tímann.
Síðustu 18 sætin
Síðustu sætin til
Prag
frá kr. 19.900
18. mars
AFDRÁTTARSKATTUR sem
greiddur er hér á landi vegna
tekna erlendra aðila lækkaði úr
20% í 15% um síðustu áramót.
Skattprósenta afdráttarskattsins
getur síðan lækkað verulega frá
þessu vegna tvísköttunarsamninga
Íslands við einstök erlend ríki, en
þá fer skattprósentan eftir ákvæð-
um hvers tvísköttunarsamnings
fyrir sig.
Indriði H. Þorláksson, ríkis-
skattstjóri, sagði að allir aðilar
sem fengju greiðslu fyrir starfsemi
eða þjónustu innta af hendi hér á
landi væru tekjuskattskyldir hér
samkvæmt 3. gr. skattalaga. Þegar
um erlenda aðila væri að ræða
hefði þessi skattur verið 20% en
hann hefði lækkað í 15% um ára-
mótin.
Indriði sagði að tekjur sem
væru upprunnar hér á landi væru
skattskyldar hér. Síðan væri í tví-
sköttunarsamningum við einstök
ríki þessi skattur víða lækkaður
eða felldur niður. Það þýddi ekki í
sjálfu sér að þessar tekjur væru
skattfrjálsar heldur að hitt ríkið
hefði skattlagningarréttinn.
Afdráttarskattur lækkaði
úr 20% í 15% um áramót
SÍÐUSTU fimmtán mánuði hafa á
þriðja þúsund manns gengist undir
beinþéttnimælingu hjá Lyfju. Nið-
urstöðurnar voru kynntar um
helgina og benda eindregið til þess
að Íslendingar þurfi að huga betur
að beinum sínum.
Við sama tækifæri tóku Ingibjörg
Sólrún Gísladóttir borgarstjóri og
Sigurður Geirdal, bæjarstjóri í
Kópavogi, í notkun nýtt önd-
unarmælitæki, en Lyfja, Samtök
lungnasjúklinga og Astma- og of-
næmisfélagið hafa gert með sér
samstarfssamning um gjaldfrjálsar
mælingar á félagsmönnum samtak-
anna.
Af þeim rúmlega tvö þúsund kon-
um sem fóru í beinþéttnimælingu
hjá Lyfju var um átta hundruð kon-
um ráðlagt að fara í frekari rann-
sókn, þar af fjögur hundruð að gera
það tafarlaust, þar sem sterkar lík-
ur væru á beinþynningu. Hættan á
beinþynningu reyndist hvað mest í
aldurshópnum 60 til 70 ára eða yfir
30% en 17% hjá konunum öllum. Fá-
ir karlmenn sáu hins vegar ástæðu
til þess að láta mæla beinþéttni og
var úrtakið það lítið að erfitt reynd-
ist að draga ályktanir af mælingum
hjá þeim.
Ingibjörg Sólrún Gísladóttir seg-
ist ekki hafa gengist undir bein-
þéttnimælingu en mæling á lungna-
styrk sínum hafi komið vel út. „Það
sást að ég er loftmikil, heildar-
loftmagn var vel yfir áætluðum
mörkum og allt í fínu lagi með lung-
un. Mælingin kom líka vel út hjá
Sigurði Geirdal, þannig að ég held
við getum bæði mjög vel við unað.“
Aðspurð hvort hún hreyfi sig
mikið segist Ingibjörg Sólrún vera
hundlöt við slíkt. „En ég er alltaf
full af góðum fyrirheitum. Aftur á
móti reyki ég ekki lengur þótt ég
hafi gert það um árabil.“
Á þriðja þúsund í
beinþéttnimælingu
Morgunblaðið/Sverrir
GUÐRÚN Ebba Ólafsdóttir,
formaður Félags grunnskóla-
kennara, hefur ákveðið að
gefa ekki kost á sér til endur-
kjörs þar sem hún hefur
ákveðið að taka sæti á fram-
boðslista Sjálfstæðisflokksins
vegna borgarstjórnarkosning-
anna í vor.
„Ég hef verið í forystu fyr-
ir kennara í rúman áratug og
barist fyrir bættum kjörum
þeirra. Nú langar mig að láta
að mér kveða á öðrum vett-
vangi og berjast fyrir betri
menntun og öflugra skóla-
starfi í Reykjavík,“ segir í yf-
irlýsingu frá henni af þessu
tilefni.
Fram kemur að Guðrún
Ebba var kjörin í stjórn
Kennarafélags Reykjavíkur
vorið 1990 og gegndi for-
mennsku þar frá 1991–94.
Það ár var hún kjörin vara-
formaður Kennarasambands
Íslands og í nóvember 1999
varð hún formaður Félags
grunnskólakennara er það
var stofnað í tengslum við
sameiningu Kennarasam-
bands Íslands og Hins ís-
lenska kennarafélags.
Aðalfundur Félags grunn-
skólakennara verður haldinn
um miðja vikuna.
Samkvæmt upplýsingum
Morgunblaðsins mun Finn-
bogi Sigurðsson, varaformað-
ur Félags grunnskólakennara
og formaður Kennarafélags
Reykjavíkur, gefa kost á sér
til formennsku, en ekki er vit-
að hvort frambjóðendur verða
fleiri.
Guðrún
Ebba gef-
ur ekki
kost á sér
STJÓRN Lánasjóðs íslenskra náms-
manna (LÍN) hefur staðfest fyrri úr-
skurð sinn þar sem lánþega var synj-
að um undanþágu á árlegri
endurgreiðslu námslána vegna veik-
inda og örorku hans.
Málskotsnefnd LÍN hafði fellt úr
gildi fyrri úrskurð stjórnarinnar frá
árinu 1999 en í honum og aftur nú
hafnaði stjórnin því að veita undan-
þágu. Lánþeginn hyggst vísa málinu
aftur til málskotsnefndar en það hef-
ur ekki áhrif á innheimtu endur-
greiðslna og verður gengið að ábyrgð-
armönnum á lánum hans um miðjan
þennan mánuð, að öllu óbreyttu.
Málið aftur til málskotsnefndar
Lánþeginn, Jóhannes Davíðsson,
segir að hann hafi verið formlega
greindur með mænusiggssjúkdóm ár-
ið 1999 en slík greining taki oft nokk-
urn tíma í kerfinu. Hann hafi hins
vegar verið komið með sjúkdóminn
mun fyrr og hafi byrjað að finna fyrir
honum á árunum 1993–1994.
„Ég mun skjóta málinu aftur til
málskotsnefndar, það er eini kostur-
inn í stöðunni og ég mun leita til al-
þjóðadómstóla ef það dugar ekki.
Skuldin er engu að síður komin til
innheimtufyrirtækis sem sækir hana
þótt yfirstjórn LÍN sé að fjalla um
málið. Ég sé satt segja ekki fram á
annað en eignir ættingja minna verði
boðnar upp nú 12. mars. Þetta er hið
versta mál fyrir mig og mína fjöl-
skyldu og mér finnst menn hafi ekki
sýnt mér mikinn skilning.“
Jóhannes segir að LÍN hafi í raun
engan vilja sýnt til þess að koma til
móts við sig enda sé um nokkurs kon-
ar prófmál að ræða og allt að þrjú
hundruð fjölskyldur kunni að leita
réttar síns fái hann leiðréttingu. Fyr-
ir LÍN sé því í reynd um miklu hærri
upphæðir að tefla en þær 1,1 milljón
sem sjóðurinn telji hann skulda.
Jóhannes leitaði á sínum tíma álits
umboðsmanns Alþingis og var niður-
staða umboðsmannsins sú að stjórn
LÍN og málskotsnefnd hefðu ekki af-
greitt beiðni lántakanda samkvæmt
lögum og mæltist til að málskots-
nefnd tæki málið til skoðunar á ný
yrði þess óskað. Í niðurstöðu úrskurð-
ar málskotsnefndar frá því febrúar í
ár segir að í gögnum kæranda komi
fram að hagur hans hafi farið versn-
andi og hann haft útgjöld af lyfja-
kaupum og er niðurstaða málskots-
nefndar sú að fella verði hinn kærða
úrskurð úr gildi.
Aðspurður hvaða rök séu fyrir því
að stjórn LÍN staðfesti í reynd fyrri
úrskurð sinn, segir Steingrímur Ari
Arason, framkvæmdastjóri LÍN, að
álit umboðsmanns Alþingis hafi lotið
að rannsókn málsins, þ.e. að skoða
hefði átt betur aðstæður lánþegans en
raun var á. „Í framhaldinu kallaði
málskotsnefnd eftir frekari upplýs-
ingum en leggur ekki mat á þær held-
ur sendir okkur þær og vekur athygli
á því að þessar upplýsingar gætu
mögulega haft áhrif á afgreiðslu
málsins. Stjórnin fékk því málið aftur
til sín og tók afstöðu til þess hvort
þessi viðbótargögn væru þess eðlis að
ástæða væri til þess að breyta fyrri
úrskurði. Niðurstaða stjórnarinnar
nú var sú að það væri ekkert nýtt í
gögnunum, þ.e. þarna sé um að ræða
upplýsingar sem taki til aðstæðna eft-
ir að vanskil einstaklingsins hófust.“
Steingrímur segir vanskilin hafa
byrjað árið 1997, einstaklingurinn
hafi leitað til sjóðsins árið 1999, en
gögnin sem hafi verið lögð fram snerti
aðstæður hans á árunum 2000 og
2001. „Þetta er spurning um aðstæð-
ur hans þegar vanskil byrja, það eru
ábyrgðaraðilar að láninu og það verð-
ur auðvitað að gæta jafnræðis gagn-
vart ábyrgðarmönnum. Ég vil einnig
taka fram að þegar málið var afgreitt
á sínum tíma var honum boðið að
skuldbreyta vanskilunum á hagstæð-
um kjörum en hann sinnti því ekki.“
Stjórn LÍN staðfestir fyrri úrskurð í máli öryrkja
Fær ekki undan-
þágu frá reglum um
endurgreiðslu
SJÁLFSTÆÐISFLOKKURINN
mælist með 43,9% fylgi þeirra sem
afstöðu taka skv. niðurstöðum skoð-
anakönnunar sem Fréttablaðið
gerði sl. sunnudag. Samfylkingin er
næststærsti flokkurinn skv. könn-
uninni og mælist með 22,2% fylgi,
Framsóknarflokkurinn með 13,2%,
Vinstrihreyfingin – grænt framboð
15,6% og Frjálslyndi flokkurinn
4,4%.
Skv. þessum niðurstöðum myndi
Sjálfstæðisflokkurinn bæta við sig
þremur þingmönnum ef kosið yrði
nú, Framsóknarflokkurinn tapa
fjórum, Samfylkingin tapa þremur,
Vinstrihreyfingin myndi vinna fjóra
þingmenn og Frjálslyndir halda sín-
um tvemur þingmönnum.
Sjálfstæðisflokkurinn fær 52%
fylgi í kjördæmum á höfuðborgar-
svæðinu en 34% á landsbyggðinni.
Framsóknarflokkurinn nýtur 22,2%
fylgis í landsbyggðarkjördæmum en
7,8% í kjördæmum á höfuðborgar-
svæðinu. Samfylkingin mælist með
hlutfallslega sama fylgi á lands-
byggðinni og á höfuðborgarsvæð-
inu, Vinstri grænir fá 18,1% fylgi í
landsbyggðarkjördæmum en 15,6%
á höfuðborgarsvæðinu. Ekki er gerð
tilraun til að aðgreina fylgi Frjáls-
lynda flokksins á milli höfuðborg-
arsvæðis og landsbyggðarkjör-
dæma.
30,2% þeirra sem voru spurðir í
könnuninni sögðust vera óákveðin.
600 manns voru í úrtaki könnunar-
innar, valdir úr símaskrá.
Samkvæmt Fréttablaðsins vilja
66% þeirra sem afstöðu tóku að
Sturla Böðvarsson samgönguráð-
herra segi af sér ráðherraembætti.
Spurt var: „Ertu fylgjandi eða and-
víg(ur) því að Sturla Böðvarsson
samgönguráðherra segi af sér emb-
ætti vegna Símamálsins?“ 17%
sögðust óákveðin, 4,5% tóku ekki af-
stöðu, 52,2% sögðust fylgjandi af-
sögn og 26,3% voru andvíg.
Fylgiskönnun Fréttablaðsins
Sjálfstæðisflokkur
með 43,9% fylgi