Morgunblaðið - 05.03.2002, Blaðsíða 48

48 ÞRIÐJUDAGUR 5. MARS 2002 MORGUNBLAÐIÐ






 
 


 



 
 


  
 
  
  









BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í FRAMHALDI af frétt Mbl. í dag
vil ég fara þess á leit við blaðið að það
birti eftirfarandi:
Í Morgunblaðinu í dag er birt frétt
þess efnis að berklasmit hafi komið
upp í leikskóla í Reykjavík. Hvergi
er minnst á hvaða leikskóla er um að
ræða. Aftur á móti er viðtal við Þor-
stein Blöndal yfirlæknir um málið. Í
umræddu viðtali svarar Þorsteinn
ekki þeim spurningum sem hljóta að
brenna á þeim foreldrum sem eiga
börn á leikskólanum. Þess vegna
verður að teljast einkennilegt tilefni
þessa viðtals þar sem spurningar
foreldra sem eiga börn á umræddum
leikskóla er alls ekki svarað.
Í bréfi sem leikskólastjóri um-
rædds leikskóla sendi frá sér til for-
eldra kemur fram að berklatilfellið
komi upp í leikskólanum vegna fyrr-
verandi starfsmanns leikskólans
sem hafði flutt nýverið til Íslands frá
Svíþjóð.
Mig langar að fara fram á það við
forráðamenn Leikskóla Reykjavíkur
sem eru rekstraraðilar umrædds
leikskóla að þeir svari eftirfarandi
spurningum sem foreldrar barna í
umræddum leikskóla eiga heimtingu
á að fá svar við.
Hvernig stendur á að starfsmenn
Leikskóla Reykjavíkur eru ekki
sendir með reglulegum hætti í lækn-
isskoðun?
Hver er ábyrgð Leikskóla Reykja-
víkur í tilfelli eins og þessu?
Munu Leikskólar Reykjavíkur
borga læknis- og lyfjakostnað til
handa þeim börnum sem berklasmit
kemur fram hjá?
Hvernig stendur á því að fyrirtæki
á vegum Reykjavíkurborgar er ekki
treystandi til að gæta barna án þess
að foreldrar eigi það á hættu að börn
þeirra sýkist af sjúkdómum sem
berklum?
Með fyrirfram þökk fyrir birt-
inguna.
HAUKUR ÞORVALDSSON,
Veghúsum 31, Reykjavík.
Berklasmit í
leikskóla í Reykjavík
Frá Hauki Þorvaldssyni:
EINHVERSSTAÐAR verða vondir
að vera segir máltækið og stundum
lítum við á það sem gustukaverk að
hýsa þann sem vart er í húsum hæf-
ur. Ég veit ekki
hvort það á samt
alltaf við.
Um árabil hef-
ur jakkafatastóð
sérfræðinga
reynt að koma í
hús íslenskra
stjórnmála þeirri
reginfirru að Ís-
lendingar skuli
ganga í Evrópu-
sambandið. Ég
ætla ekki að tyggja hér upp þau rök
sem færð hafa verið gegn aðild Ís-
lendinga að Evrópusambandinu. Það
hafa aðrir gert og vafamál að ég bæti
þar nokkru við enda er miklum
meirihluta þjóðarinnar ljóst að okk-
ur ber að standa þar utan. En ég
ætla að ræða aðeins um þá óláns-
sömu stjórnmálamenn sem fyrrnefnt
jakkafatastóð hefur náð að heilla til
sín.
Allt þangað til á yfirstandandi
kjörtímabili nennti enginn nema
pínulítill Alþýðuflokkur að hleypa
þessari skoðun inn í forstofuna hjá
sér. Samfylkingin tók þessa mis-
heppnuðu skoðun í arf og hefur enda
búið við sífellt minnkandi fylgi allt
frá því hún var stofnuð með samein-
ingu Alþýðuflokks og Alþýðubanda-
lags. Ég er ekki fjarri því að þessi
umræða hafi verið drýgsta veganesti
sósíalistaflokks Steingríms J. Sig-
fússonar.
En á undanförnum árum hefur
Halldór Ásgrímsson ítrekað opnað
alla leið inn í stofu hjá Framsókn-
arflokknum fyrir Evrópusinnum og
alvöru Framsóknarmenn í flokknum
varla haft undan að reka sama ófögn-
uð út bakdyramegin. Þetta er hin
raunalegasta uppákoma fyrir okkur
kjósendur flokksins sem vitum að
Framsóknarflokkurinn hefur allt frá
stofnun staðið sterkum fótum í ís-
lenskri mold og feimnislaust þorað
að bera á borð öfgalausa íslenska
sjálfstæðishugsun. Í afstöðu flokks-
ins til byggðamála og landbúnaðar
hafa komið skýrt fram sjónarmið
þeirra sem vilja vinna landinu öllu
gagn og ekki láta sérhagsmuni og
stundarhagsmuni meirihlutans við
Faxaflóann ráða ferðinni.
Einhverjir kunna að segja að það
sé meinlaust að Íslendingar kanni
möguleika á Evrópusambandsaðild
eða setji í gang vinnu við skoða alla
kosti þjóðarinnar í málinu. Ég held
að slík „könnun“ geti aldrei leitt ann-
að af sér en að við ýtum af stað
ákveðnum snjóbolta sem á endanum
skilar okkur inn í þetta sama skrif-
ræðisbákn. Vitaskuld taka ekki aðrir
þátt í þeirri könnun en þeir skriffinn-
ar sem þegar eru ákveðnir í afstöðu
sinni með aðild og árangur af hóp-
vinnu af þessu tagi er sjaldnast mjög
vitrænn. Nægir þar að minna á sjáv-
arútvegsnefnd stjórnvalda.
En meðan Evrópuþráhyggjan
liggur eins og mara á hug utanrík-
isráðherra er ekki við því að búast að
Framsóknarflokkurinn auki fylgi
sitt. Það sem meira er, – ég veit ekki
hvort ég óska honum þess. Verði
ekkert lát á þessum söng er ég ekki
einu sinni viss um að ég treysti mér
til að kjósa hann sjálfur og hvað þá
að ráðleggja nokkrum manni að gera
það.
BJARNI HARÐARSON,
blaðamaður og félagi í Framsókn-
arfélagi Árnessýslu.
Framsóknarflokk-
urinn og Evrópu-
sambandið
Frá Bjarna Harðarsyni:
Bjarni
Harðarson