Morgunblaðið - 05.03.2002, Blaðsíða 13

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 5. MARS 2002 13
CE-merking
lækningatækja
Þýðing og mikilvægi CE-merksins
NÁMSKEIÐ 14. OG 15. MARS
fyrir framleiðendur og innflytjendur
lækningatækja og starfsfólk
í heilbrigðisþjónustu
Markmið námskeiðsins er að þátttakendur þekki
grundvallarhugmyndina að baki CE-merkinu, geti greint hvort
tilteknar vörur til nota á heilbrigðissviði eigi að bera merkið og skilji
þýðingu CE-merkisins fyrir lækningatæki sérstaklega.
Meðal efnis:

Forsaga - Þýðing og mikilvægi CE-merkisins.

Nýja aðferðin - (New Approach).

CE-merkingar - Tengsl tilskipana og staðla.

Samræmismat.

Samræmisyfirlýsing framleiðanda/Ábyrgð innflytjanda. Tæknilýsing.

Hvað eru lækningatæki? - Tilskipun um lækningatæki.

Hlutverk Landslæknis (Landlæknisembættið).

Leiðir til að sýna fram á samræmi við tilskipun - Notkun staðla.

Dæmi um CE-merkt lækningatæki (Taugagreining hf.).
Námskeiðið fer fram hjá Staðlaráði Íslands, Laugavegi 178.
Þátttökugjald kr. 28.000.
Nánari upplýsingar og skráning á www.stadlar.is og í síma 520 7150.
ÞEIR sem áttu leið um Kjal-
arnesið í gærkvöld ráku
kannski upp stór augu þegar
þeir sáu hóp fólks helga sér
land að fornum sið með því
að hlaupa um með kyndil og
tendra eld með reglulegu
millibili. Vegfarendur voru
þó ekki komnir rúm 1000 ár
aftur í tímann heldur voru
þarna á ferðinni leikskóla-
börn, foreldrar og starfsfólk
á Kátakoti að afmarka svæð-
ið þar sem ný bygging leik-
skólans á að rísa.
Með skepnur á
leikskólalóðinni
Athöfnin hófst með því að
farið var í skrúðgöngu frá
núverandi leikskólabygg-
ingu að lóðinni og síðan
hlupu börn og fullorðnir með
kyndla sem komið var fyrir
umhverfis nýja byggingar-
reitinn. Það var ekki seinna
vænna því að sögn Steinunn-
ar Geirdal, leikskólastjóra á
Kátakoti, styttist í að fram-
kvæmdir við nýja leikskóla-
húsið hefjist. „Það er ætl-
unin að hanna og undirbúa
bygginguna á þessu ári og
hefja svo framkvæmdir eftir
áramót. Síðan er gert ráð
fyrir að leikskólinn verði
tilbúinn næsta vor.“
Eins og Morgunblaðið hef-
ur greint frá verður áhersla
lögð á að nýi leikskólinn
verði vistvænn. „Byggingar-
efnin verða algerlega eitur-
efnalaus og umhverfisvæn
fyrir fólk sem á eftir að
vinna í húsinu og svo er hug-
myndin að spara alla orku
eins og hægt er og nýta hana
sem best. Við munum jafnvel
safna rigningarvatni til þess
að vökva jurtirnar okkar en
við vonumst til að fá gróður-
hús í leikskólabygginguna
þannig að við getum verið
með eigin ræktun.“
Steinunn segir lóðina
verða miklu stærri en geng-
ur og gerist á leikskólum.
„Það er gert ráð fyrir því að
við getum verið með ein-
hverjar skepnur, t.d. hænur,
kanínur og eitthvað slíkt.
Þetta yrði á ytri lóðinni en
við verðum með afgirta innri
lóð og svo ytri lóð sem við
getum líka ráðstafað. Nú
þegar endurnýtum við allt
sem við mögulega getum og
flokkum allan úrgang. Börn-
in verða þannig alin upp í því
að þykja vænt um umhverfi
sitt og læra að ganga um
það.“ Hún segir undirbúning
fyrir flutninginn hafa staðið
lengi yfir enda sé mikil
áhersla lögð á umhverfis-
málin í starfsemi leikskól-
ans.
Hópur sem vann að for-
sögn að leikskólabygging-
unni lauk störfum í haust en
honum til ráðgjafar var
bandaríski arkitektinn Floyd
Stein, sem starfar í Dan-
mörku og er þekktur fyrir
teikningar sínar að vistvæn-
um leikskólum sem hafa ver-
ið umtalaðar sem byltingar-
kenndar. „Það er ekki
ákveðið hvort Stein verður
áfram með í verkinu en það
verður trúlega íslenskur
arkitekt sem hannar húsið.
Ég legg þó mikla áherslu á
að Stein verði okkur áfram
til ráðgjafar.
Að mati Steinunnar er
brýn þörf fyrir nýja leik-
skólabyggingu á Kjalarnesi.
„Núna eru um 90 börn á
aldrinum eins til fimm ára á
þessu svæði og við erum
bara með um 24 heilsdags-
pláss. Það er lítið um önnur
úrræði því fyrir utan leik-
skólann er ein dagmamma
með fjögur börn og um ann-
að er ekki að ræða á Kjal-
arnesi. Þannig að biðlistinn
er langur og þetta er orðið
mjög aðkallandi.“
Gert er ráð fyrir að nýi
leikskólinn verði þriggja
deilda í fyrstu en hægt verði
að bæta við fjórðu deildinni.
Segir Steinunn því um að
ræða 60 dagvistunarpláss
sem gætu farið upp í 90 þeg-
ar fram líða stundir.
Morgunblaðið/Árni Sæberg
Margir tóku þátt í að nema land fyrir leikskólann Kátakot í gærkvöldi.
Framkvæmdir við nýjan vistvænan leikskóla
Land helgað að fornum sið
Kjalarnes
GERT er ráð fyrir gróðri um-
hverfis girðingu, sem fimm
ára stúlka slasaðist við að
lenda á þar sem hún renndi
sér á sleða í brekku við Set-
berg í Hafnarfirði. Segir for-
stöðumaður gatnadeildar
bæjarins að slysið muni verða
haft í huga við lokafrágang
svæðisins.
Eins og Morgunblaðið
greindi frá á laugardag skarst
stúlkan illa við áreksturinn
þegar hún lenti á girðingunni
þannig að sauma þurfti 14
spor í andlit hennar en hún
hafði rennt sér utan sleða-
brekku sem er til hliðar við
grindverkið. Helga Stefáns-
dóttir, forstöðumaður gatna-
deildar Hafnarfjarðar, segir
að aðstæður í nágrenni sleða-
brekkunnar verði skoðaðar
sérstaklega í ljósi slyssins.
„Eins og kom fram í fréttinni
á laugardag þá erum við að
vinna að frágangi á þessu
svæði og skoðum þetta í því
samhengi. Teikningarnar
gera ráð fyrir gróðri í kring
um þessa girðingu og sömu-
leiðis á að koma gróður á
hljóðmönina fyrir neðan,“
segir hún.
Herdís Storgaard, verkefn-
isstjóri Árvekni sem er átaks-
verkefni um slysavarnir
barna og unglinga, segir að á
umræddu svæði sé sérstak-
lega hugað að því að börn geti
rennt sér í þar til gerðri sleða-
brekku og það sé lofsvert.
„Þarna finnst mér það hlut-
verk foreldra að kanna hvar
börnin eru að renna sér. Eins
og þetta horfir við mér þá var
þetta barn að renna sér ann-
ars staðar en æskilegt er sem
í sjálfu sér er ekkert skrýtið
þegar börn eiga í hlut. Hins
vegar þurfa foreldrar að ræða
við börnin og benda þeim á
hvar séu hentugar brekkur til
að renna sér. Ef þetta grind-
verk reynist eitthvert vanda-
mál finnst mér að það þurfi að
endurskoða það og hugsan-
lega setja á það dekk eða eitt-
hvað slíkt. En fljótt á litið met
ég það þannig að þess þurfi
ekki með vegna þess að þarna
er gífurlega stórt svæði þar
sem börnin geta rennt sér
annars staðar.“
Sleðabrekkusvæðið við Setberg ekki frágengið
Vantar gróðurinn
Hafnarfjörður
ÍBÚAR Mosfellsbæjar geta
nú nálgast upplýsingar um
hverfið sem þeir búa í á sér-
stökum hverfavef sem opnað-
ur var á laugardag. Vefurinn
var opnaður í tengslum við
kynningu á Staðardagskrá 21
sem nú stendur yfir á Bóka-
safni Mosfellsbæjar.
Kynningin stendur yfir út
þessa viku en að sögn Jóhönnu
B. Magnúsdóttur, verkefnis-
stjóra Staðardagskrár 21 í
Mosfellsbæ, er stöðug þörf
fyrir að kynna Staðardag-
skrána íbúum bæjarins, bæði
nýaðfluttum og þeim sem fyrir
eru. Í Staðardagskránni eru
umhverfismarkmið bæjarins
skilgreind en þau voru sam-
þykkt fyrir rétt rúmu ári í
bæjarstjórn.
Í tengslum við kynninguna
var hverfavefurinn opnaður en
hann er að finna á heimasíðu
Mosfellsbæjar, sem hefur
slóðina www.mos.is. Jóhanna
segir þennan vef hugsaðan
sem framhald af hverfafund-
um sem Jóhann Sigurjónsson
bæjarstjóri hefur haldið í
hverju hverfi fyrir sig undan-
farin ár. „Á vefnum eru sams
konar upplýsingar og hann
hefur veitt á þessum hverfa-
fundum en þar hefur hann far-
ið í gegnum málefni bæjarins,
kynnt hvað gert hefur verið í
hverfinu og hvað sé á fram-
kvæmdaáætlun.“
Jóhanna veit ekki til þess að
þetta hafi verið gert í öðrum
sveitarfélögum. „Þetta er ekki
síst hugsað sem hvatning til
bæjarbúa til að segja sitt álit á
málefnum hverfisins en bæj-
arstjórinn er fyrstur til að
setja inn pistil á umræðuvef á
hverri hverfasíðu. Þess vegna
er þetta tengt staðardag-
skránni af því að hún byggir
svo mikið á virkni íbúanna.“
Kynningarefni um Staðar-
dagskrána er að finna á Bóka-
safninu. Í gær hélt Stefán
Gíslason verkefnisstjóri erindi
um Staðardagskrána og á mið-
vikudag mun Jóhanna endur-
taka leikinn klukkan 17.30. Í
dag fjallar Ingólfur V. Gísla-
son um karla og jafnréttismál.
Á fimmtudag verður áhersla
lögð á umhverfisstefnuna sem
Varmárskóli er að móta sér og
sögustund barnanna verður
helguð umhverfismálum.
Hverfistengdar
upplýsingar á Netinu
Mosfellsbær
Morgunblaðið/Golli
Stefán Gíslason, verkefnisstjóri um Staðardagskrá 21, hélt
í gær erindi á Bókasafni Mosfellsbæjar.
HEILBRIGÐIS- og trygginga-
málaráðuneytið fyrirhugar að bjóða
út rekstur nýrrar heilsugæslu-
stöðvar í Salahverfi í Kópavogi. Að
sögn aðstoðarmanns heilbrigðisráð-
herra á það þó ekki að hafa áhrif á
þjónustu stöðvarinnar til skjólstæð-
inga sinna.
Elsa B. Friðfinnsdóttir, aðstoð-
armaður ráðherra, segir ekki búið
að taka endanlega ákvörðun um út-
boð rekstursins og húsnæðis undir
stöðina. „Það er ekki komið leyfi frá
fjármálaráðuneytinu til að leita eft-
ir húsnæði þannig að í raun og veru
er málið ekki komið lengra en að
óska eftir því að fá að fara í útboð
vegna húsnæðisins. Við gerum hins
vegar ráð fyrir að það sé til rekstr-
arfé fyrir rekstri stöðvarinnar á
síðari hluta ársins vegna hækkunar
sem kom til heilsugæslustöðva á
síðustu fjárlögum.“
Elsa segir fyrirhugað að bjóða út
rekstur stöðvarinnar þegar hús-
næðismálin eru komin á hreint.
Sama þjónusta
og gjaldtaka
„Þetta yrði þannig að læknar eða
hópur lækna geti boðið í reksturinn
og er gert ráð fyrir að fyrirkomu-
lagið verði sambærilegt og í heilsu-
gæslustöðinni í Lágmúla þar sem
reksturinn er samkvæmt þjónustu-
samningi. Í samningnum er skil-
greint ákveðið þjónustumagn en
gjaldtaka er sú sama og á hinum
heilsugæslustöðvunum. Þannig að
við erum að tala um sama form,
sama eftirlitshlutverk og annað
slíkt og er á öðrum heilsugæslu-
stöðum. Munurinn er að læknarnir
hafa meiri möguleika í daglegri
stjórnun og daglegri skipulagningu
en þeir telja sig hafa í almennu
heilsugæslunni.“
Elsa segir ráðuneytið því telja
gagnrýnisraddir um að verið sé að
búa til tvöfalt heilbrigðiskerfi, ekki
eiga við rök að styðjast. „Þarna eru
öll þau lögmál sem gilda um aðrar
heilsugæslustöðvar varðandi að-
gengi og gjaldtöku. Þetta eru stóru
málin gagnvart borgurunum og þau
verða í heiðri höfð þannig að kerfið
er það sama fyrir skjólstæðingana.“
Að Elsu sögn er vonast til að
heilsugæslustöðin verði komin í
rekstur á seinni hluta ársins. „Þetta
hverfi er að byggjast mjög hratt
upp og í Kópavogi eru flestir íbúar
á hvern lækni samkvæmt okkar töl-
um. Þannig að það er mest aðkall-
andi að opna heilsugæslustöð þar
og við stefnum að því að það geti
orðið um mitt ár.“
Ný heilsugæslustöð í Salahverfi í undirbúningi
Áformað er að bjóða
rekstur stöðvarinnar út
Kópavogur