Morgunblaðið - 09.03.2002, Blaðsíða 2

FRÉTTIR
2 LAUGARDAGUR 9. MARS 2002 MORGUNBLAÐIÐ
Fylgstu
með
nýjustu
fréttum
www.mbl.isAllt um heimsókn Íslendinga til
Brasilíu / B1, B2, B3, B4
Gillingham fylgist með Ólafi
Gottskálkssyni /B3
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r9.
m a r s ˜ 2 0 0 2
ÚTFÖR Úlfars Þórðarsonar augn-
læknis var gerð í gær frá Dómkirkj-
unni í Reykjavík. Séra Hjálmar
Jónsson dómkirkjuprestur jarðsöng
og organisti var Marteinn H. Frið-
riksson. Bryndís Halla Gylfadóttir
lék einleik á selló, einsöngvari var
Ólafur Kjartan Sigurðarson og
Kammerkór Dómkirkjunnar söng.
Líkmenn sem báru kistuna úr
kirkju voru (frá vinstri) Arngrímur
Jóhannsson, Þórarinn Guðmunds-
son, Skúli Jón Sigurðarson og Pétur
Valbergsson. Fremstur hægra meg-
in á myndinni er Sigurgeir Guð-
mannsson, þá Uggi Agnarsson,
Marinó Sveinsson og aftastur er
Þórður Sverrisson.
Útför Úlfars Þórðarsonar
Morgunblaðið/Árni Sæberg
HÉRAÐSDÓMUR Reykjavíkur
dæmdi í gær fjóra sakborninga í
kókaínmáli í átta til tíu mánaða fang-
elsi fyrir að hafa staðið að smygli á
tæplega 100 grömmum af kókaíni frá
Amsterdam í nóvember árið 2000.
Sá sem þyngstu refsinguna fékk
er 32 ára karlmaður, sem dæmdur
var í tíu mánaða fangelsi, en hann á
að baki langan sakaferil.
Þrír sakborningar, tveir karlmenn
og ein kona, voru dæmd í átta mán-
aða fangelsi fyrir aðild að málinu.
Fimm mánuðir af refsingu tveggja
ákærðu voru skilorðsbundnir.
Í niðurstöðu dómsins segir að tvö
úr hópnum hafi verið 20 og 21 árs er
þau frömdu brot sín. Hafi margt
breyst frá þeim tíma, konan stundi
nám í Danmörku og maðurinn sé á
lokaári í iðnskóla og í sambúð. Taldi
dómurinn hvorki að almenn né sér-
stök varnaðaráhrif refsingar myndu
skerðast þótt hluti refsivistar þeirra
yrði skilorðsbundinn, enda hefðu
þau ekki sætt refsingu áður.
Guðjón St. Marteinsson héraðs-
dómari kvað upp dóminn.
Dæmd í
fangelsi
fyrir kók-
aínsmygl
LAGT verður til á aðalfundi Símans á
mánudag að stjórnarmönnum verði
fækkað úr sjö í fimm. Friðrik Pálsson,
stjórnarformaður Símans, segir að
það sé eigandi 95% hlutafjár Símans
sem fari fram á þetta.
Spurður um ástæðu þess að ákveð-
ið sé að fækka nefndarmönnum, segir
Friðrik eðlilegt að vísa þeirri spurn-
ingu til samgönguráðherra.
Fækkað
í stjórn
Símans
BJÖRN Bjarnason, alþingismaður og
efsti maður á lista Sjálfstæðisflokks-
ins fyrir komandi borgarstjórnar-
kosningar, segir að það sé ekki nægi-
legt að horfa á borgarsjóð einan
þegar verið sé að fjalla um fjármál og
skuldastöðu Reykjavíkurborgar. R-
listinn hafi gripið til þess ráðs að
flytja skuldir frá borgarsjóði til borg-
arfyrirtækja eða sérstakra sjóða í
þeim tilgangi að láta borgarsjóð líta
sem best út. Þetta ráðslag minni helst
á aðferðir bandaríska orkufyrirtæk-
isins Enron, en fjármál þess eru nú til
rannsóknar í kjölfar gjaldþrots þess.
Ingibjörg Sólrún Gísladóttir borg-
arstjóri kynnti á borgarstjórnarfundi
á fimmtudag þriggja ára áætlun um
fjármál Reykjavíkurborgar.
Þar kom fram að ef gert væri ráð
fyrir að handbært fé frá rekstri og
ráðstöfun þess yrði árin 2006–2015
svipað því sem áætlað er árið 2005
yrði borgin skuldlaus árið 2015.
Björn sagði að það væri hægt að
stilla borgarsjóð af eins og menn vildu
ef menn notuðu þær aðferðir sem R-
listinn hefði notað. „Annars vegar
segja menn að borgarsjóður verði
skuldlaus árið 2015, en hins vegar
kemur fram í þessari fjárhagsáætlun
til þriggja ára að gert ráð fyrir að
heildarskuldir Reykjavíkurborgar
verði í árslok 2005 52,9 milljarðar.
Þetta minnir mig dálítið á umræðuna
um stöðu bandaríska orkurkufyrir-
tækisins Enron. Þar sögðu menn að
Enron stæði vel vegna þess að meg-
insjóðurinn stóð vel eftir að það höfðu
verið stofnaðir sérstakir sjóðir um
skuldirnar. Svipað hafa stjórnendur
Reykjavíkurborgar verið að gera.
Skuldirnar eru fluttar í sjóði og síðan
er fullyrt að borgarsjóður standi vel,“
sagði Björn.
Björn nefndi sem dæmi að skuldir
hafnarsjóðs hefðu aukist mikið. Sér-
stakt félag hefði verið stofnað í kring-
um skuldir borgarinnar vegna fé-
lagslegs íbúðarhúsnæðis. Miklir
fjármunir hefðu verið teknir út úr
Orkuveitu Reykjavíkur í þeim til-
gangi að laga stöðu borgarsjóðs, en
skuldir Orkuveitunnar hefðu hins
vegar aukist mjög mikið.
„Við Reykvíkingar, sem stöndum
undir þessum skuldum, verðum að
horfa á málið í heild sinni. Það kemur í
hlut okkar að greiða allar þessar
skuldir. Það sem máli skiptir er að
nettóskuld borgarinnar hefur aukist
um 29 milljarða frá árinu 1993 eða 8,9
milljónir hvern einasta dag,“ sagði
Björn.
Björn Bjarnason um fjárhagsáætlanir meirihluta borgarstjórnar
Vinnubrögð R-listans
minna á aðferðir Enron
RÍKISSAKSÓKNARI hefur gefið
út ákæru á hendur þremur rúmlega
tvítugum mönnum fyrir bensín-
sprengjuárás á aðsetur bandaríska
sendiráðsins og sendiherrans við
Laufásveg hinn 21. apríl 2001. Við
árásina blossaði upp eldur á framhlið
hússins. Málið var þingfest í Héraðs-
dómi Reykjavíkur í gær og játaði sá
sem sakaður er um að hafa kastað
sprengjunni sök. Meðákærðu neita
sök.
Ákærðir fyrir
að smána erlenda þjóð
Mennirnir eru ákærðir fyrir að
hafa smánað erlenda þjóð og erlent
ríki opinberlega með háttsemi sinni.
Í ákæruskjali er sagt að mennirnir
hafi sammælst um að varpa sprengj-
unni á sendiráðið og hafi einn þeirra
útbúið sprengjuna sem var gler-
flaska, fyllt bensíni og með kveik í
stút. Síðan hafi þeir farið saman að
sendiráðinu, þar sem einn þeirra hafi
sett á sig húfu annars félaga síns og
farið í jakka hins félagans. Hann hafi
borið eld að kveiknum, hlaupið með
sprengjuna logandi út úr húsagarði
gegnt sendiráðinu og kastað henni í
vegg yfir anddyri hússins.
Öryggisvörður sendiráðsins
slökkti eldinn fljótlega en nokkrar
brunaskemmdir urðu á framhlið
hússins.
Háttsemi ákærðu er talin varða
við 95. gr. almennra hegningarlaga,
sbr. 22. gr. sömu laga hvað varðar
háttsemi félaga þess sem sakaður er
um að hafa kastað sjálfri sprengj-
unni.
Ríkislögreglustjóri mun sækja
málið fyrir dómi.
Ákærðir
fyrir
bensín-
sprengju-
árás
„MAÐURINN hoppaði yfir búðar-
borðið og réðist á mig. Hann kýldi
mig í andlitið og dró mig á hárinu,“
segir Arna Sigrún Haraldsdóttir, 19
ára menntaskólanemi, sem varð fyr-
ir því í gær að ráðist var á hana þeg-
ar hún var við störf í í söluturninum
Tvistinum á Lokastíg í Reykjavík.
Arna sagði að maðurinn hefði
komið inn í söluturninn skömmu áð-
ur þegar samstarfsmaður hennar
var við vinnu. Hann hefði hins vegar
farið út en komið aftur inn eftir að
vaktaskipti höfðu farið fram. Hann
hefði tekið peninga úr kassanum,
auk þess sem hann hefði hrifsað til
sín sígarettur og símakort.
Viðskiptavinur kom inn í söluturn-
inn um það leyti sem maðurinn var
að hlaupa út. Hann reyndi að elta
hann, en missti af honum. Lögreglan
náði manninum hins vegar stuttu
síðar. Um var að ræða 22 ára gamlan
mann sem hafði verið í meðferð
vegna fíkniefnaneyslu. Hann varð
uppvís að fíkniefnaneyslu í meðferð-
inni og var vísað úr henni.
Arna sagði að þetta hefði ekki ver-
ið skemmtileg lífsreynsla. Hún
þurfti að fara á slysadeild þar sem
meiðsl hennar voru skoðuð.
Í fyrrakvöld ógnaði maður starfs-
manni í versluninni 10–11 í Spor-
hömrum í Grafarvogi. Lögreglan
hefur upplýst þetta mál. Tveir menn
áttu aðild að ráninu og var annar
þeirra handtekinn skömmu eftir rán-
ið.
Hinn var handtekinn í gær og
færður til yfirheyrslu. Málsatvik
liggja ljós fyrir og telst málið upp-
lýst. Mennirnir eru 19 og 22 ára.
Rán í söluturninum Tvistinum
Kýldi og hárreytti starfsmann
♦ ♦ ♦
♦ ♦ ♦
RÍKISSAKSÓKNARI hefur ákveð-
ið að ekki verði gefin út kæra á hend-
ur vefmiðlinum Strik.is, en hann var
á síðasta ári ásakaður um að dreifa
klámi. Ríkilögreglustjóri óskaði eftir
rannsókn á málinu eftir að greint var
frá því í fjölmiðlum að á vefmiðlinum
væri grein þar sem finna mætti teng-
il sem vísaði áfram á klámsíður.
Á vefsíðunni Strik.is var í gær
greint frá því að ritstjóra miðilsins
hefði borist bréf frá ríkissaksóknara
þar sem segði að embættið hefði lok-
ið athugun á gögnum lögreglurann-
sóknar vegna kærunnar. Í bréfinu
segir: „Hér með tilkynnist yður að
ekki þykja efni til frekari aðgerða á
hendur yðar í málinu vegna kæru
þessarar, sbr. 112. gr laga nr. 19.
1991 og er það því fellt niður.“
Ekki kært
fyrir dreif-
ingu á klámi