Morgunblaðið - 09.03.2002, Blaðsíða 29

LISTIR
MORGUNBLAÐIÐ LAUGARDAGUR 9. MARS 2002 29
Miðasala er í húsinu klukkutíma fyrir alla viðburði.
Bach-veisla á Sunnudags-matinée
í tónlistarhúsinu Ými 10. mars kl. 16:00
Auður Hafsteinsdóttir, Guðný Guðmundsdóttir, Pálína Árnadóttir,
Sif Tulinius, Sigrún Eðvaldsdóttir og Sigurbjörn Bernharðsson flytja sex
einleikssónötur og -partítur J.S. Bachs fyrir einleiksfiðlu.
Miðasala er í s. 595 7999 og 800 6434 virka daga á milli kl. 9 og 17
og á slóðinni www.midasala.is, en einnig má leggja inn
miðapantanir á símsvara 551 5677.
EINS dauði er annars brauð var
það fyrsta sem hvarflaði að undirrit-
uðum þegar gengið var inn í ónotað
kjúklingasláturhús Reykjagarðs í
Borgarnesi. Þar hefur leikfélagið
hreiðrað um sig í gríðarstórri
skemmu sem fellur eins og hanski að
hendi að viðfangsefninu, braggaleik-
ritinu Djöflaeyjunni. Þarna er hið
ákjósanlegasta leikhús sem gera
mætti enn betra ef áhugi væri fyrir
því, en líklega þykir slík starfsemi
ekki jafn atvinnuskapandi og eitt-
hvað annað. Borgnesingar hafa engu
að síður fyllt skemmuna fjórum sinn-
um frá frumsýningu um síðustu helgi
og hafa þá fleiri gengið þarna um
gátt en marga mánuði á undan.
Sýningin er hin ágætasta skemmt-
un og leikendur komast vel frá öllu
sínu. Ragnheiður Jóhannesdóttir og
Jóhann Pálsson áttu hug og hjörtu
áhorfenda, Ragnheiður sem hin
hjartagóða en tannhvassa Lína og
Jóhann sem hinn dagfarsprúði
Tommi sem hélt uppi tveimur fjöl-
skyldum eða þremur með búðinni
sinni í Thúlekampinum.
Unga fólkið á sína fulltrúa í sýn-
ingunni, þau Ingvar Breiðfjörð,
Svein Þórólfsson, Margréti Jóns-
dóttur, Þröst Reynisson, Guðbrand
Magnússon og Ólöfu Maríu Brynj-
arsdóttur í hlutverkum Badda,
Danna, Dollýjar, Grjóna, Grettis og
Hveragerðar. Öll stóðu þau sig með
prýði og sköpuðu skýrar manngerð-
ir. Áslaug Júlíusdóttir og Jónas Þor-
kelsson voru kostuleg í hlutverkum
nirflanna Þórgnýs og Fíu. Heiðdís
Björk Gunnarsdóttir sýndi umkomu-
leysi Þórgunnar með sannfærandi
hætti. Ragnar Gunnarsson og Axel
Vatnsdal brugðu sér í ýmis gervi og
voru sögumenn inn á milli.
Heildarsvipur sýningarinnar er
góður og leikstjórinn hefur greini-
lega náð góðum tökum á hópnum og
virkjað hann til dáða. Umgjörð sýn-
ingarinnar er viðeigandi hrá og veitir
innsýn í veröld sem var og kemur
vonandi ekki aftur. Enda með öllu
ástæðulaust að gæða eymd bragga-
byggðanna í Reykjavík einhverjum
fortíðarljóma.
LEIKLIST
Leikdeild UMF Skallagríms
eftir Einar Kárason. Handrit: Kjartan
Ragnarsson. Leikstjórn: Valgeir Skag-
fjörð. Fimmtudagur 7. mars.
ÞAR SEM DJÖFLAEYJAN RÍS
Braggablús
Hávar Sigurjónsson
Í GALLERÍI Reykjavík, Skóla-
vörðustíg 16, stendur nú yfir sýning
Guðfinnu A. Hjálmarsdóttur, Ylur &
afl. Sýningin er að hluta til skúlptúr
er var lokaverkefni Guðfinnu til
B.A. prófs í Listaháskóla Íslands
2001.
Veggverk er hún sýnir hafa síðan
þróast út frá sömu hugmynd og er
myndefnið sótt til Nesjavalla.Verkin
eru raflýst og sýnd í myrkvuðu rými
í sýningarsal gallerísins. Sýningin
er opin virka daga kl. 12-18, laug-
ardaga kl. 11-16 og lýkur 20. mars.
Verk Guðfinnu A. Hjálmarsdóttur.
Ylur og afl í Galleríi
Reykjavík
LEIKRIT Kjartans Ragnarssonar
njóta ómældra vinsælda og eru leikin
minnst árlega einhvers staðar á land-
inu. Oftar en ekki eru tvö eða fleiri
samtímis á fjölunum. Svo er einmitt
nú þegar Laugvetningar sýna Land
míns föður og í Borgarnesi er nýbúið
að frumsýna Djöflaeyjuna, leikgerð
Kjartans á sögum Einars Kárasonar.
Þegar um er að ræða stóran og
áhugasaman hóp ungra leikenda er
verk á borð við Land míns föður auð-
vitað rakið verkefni; þar fá allir eitt-
hvað við sitt hæfi, hlutverkin eru fjöl-
mörg og allir þurfa að leika, syngja og
dansa og þótt leikstjórinn færist heil-
mikið í fang er jafnvíst að áhorfendur
verða þakklátir fyrir framtakið. Ekki
má gleyma því að verkið færir með
sér þekkingu á nýliðinni sögu okkar,
hernámi og undanfara lýðveldisstofn-
unar. Sú kynslóð leikenda sem hér
heldur á spöðum þekkir þessa sögu
ekki nema af afspurn og hefur sjálf-
sagt aldrei leitt hugann að þeim að-
stæðum sem hér var búið við á 5. og 6.
áratug aldarinnar.
Sýning Ingunnar Jensdóttur er
nokkuð hrá en þó verður að taka tillit
til þess að hópurinn kemur frá Laug-
arvatni og flutti sýninguna í Félags-
heimili Kópavogs og hefur líklega gef-
ist lítill tími til að laga sýninguna að
aðstæðum. Hóp- og dansatriði báru
þetta með sér en fyrst og fremst háði
plássleysi leikendum þar sem lítið
svigrúm var til hreyfinga þegar allur
leikhópurinn var kominn á sviðið.
Fjörlegt litaval í búningum lífgaði þó
verulega upp á einlita umgjörðina.
Mestu skiptir þó að sagan komst
ágætlega til skila og leikendur skiluðu
flestir hverjir sínu með sóma. Ástríð-
ur Jónsdóttir og Sveinn Óskar Ás-
björnsson stóðu sig prýðilega í hlut-
verkum Báru og Sæla, unga parsins
sem verður leiksoppar styrjaldarár-
anna og um leið tákngervingar hinnar
nýfrjálsu þjóðar.
Ingólfur Birgir Sigurgeirsson var
hugljúfur sem breski sjentilmaðurinn
og offíserinn Tony og Haraldur Grét-
arsson og Ólöf Guðbjörg Eggerts-
dóttir náðu að miðla eldri kynslóð
persónanna á sannfærandi hátt.
Helsti vankantur sýningarinnar
var meðferð leikenda á texta, á köfl-
um var hann óskýr og söngtextar
drukknuðu óþarflega oft í kröftugum
leik hljómsveitarinnar.
Hljómsveitarstjórn og hljóðfæra-
leikur var hins vegar með ágætum og
greinilega vanir menn þar á ferð.
LEIKLIST
Nemendafélag Menntaskólans á
Laugarvatni
eftir Kjartan Ragnarsson. Tónlist eftir
Atla Heimi Sveinsson.
Söng- og tónlistarstjórn: Hilmar Örn Agn-
arsson. Leikstjóri og umgjörð: Ingunn
Jensdóttir. Miðvikudagur 6. mars.
LAND MÍNS FÖÐUR
Stríð og friður
Hávar Sigurjónsson
JÓHANNES Atli Hinriksson opnar
ljósmyndasýningu í galleri@hlemm-
ur.is í dag, laugardag, kl. 16. Jó-
hannes Atli útskrifaðist úr skúlptúr-
deild Listaháskóla Íslands 1997 og
er viðfangsefni hans á þessari sýn-
ingu dulúðugar ljósmyndir af ána-
möðkum.
„Í harðri samkeppni um athygli til
dæmis á fjölmiðlamarkaði hafa
glansmyndir af yngismeyjum verið
næsta traust söluvara. Til þessa hafa
fáar myndir af rennilegum ána-
möðkum prýtt forsíður dagblaða og
tímarita en hver veit nema á næst-
unni sé breytinga að vænta hvað það
varðar,“ skrifar Hólmfríður Sigurð-
ardóttir, líffræðingur og ánamaðka-
aðdáandi, m.a. í sýningarskrá.
Sýningin er opin fimmtudaga til
sunnudaga frá kl. 14–18 og stendur
til 30. mars nk.
Einn ánamaðkanna sem Jóhann-
es Atli fangaði á ljósmynd.
Dulúðugir ána-
maðkar á Hlemmi
Sýningu lýkur
Listasalurinn Man,
Skólavörðustíg
Glerlistasýningunni Birtu
lýkur á sunnudag. Þrjár lista-
konur eiga verk á sýningunni:
Ingibjörg Hjartardóttir, Krist-
ín J. Guðmundsdóttir og
Rebekka Gunnarsdóttir.
HJÁ Máli og
menning eru
komnar út tvær
bækur í kiljuformi.
Kynþátta-
fordómar, hvað er
það pabbi? er eft-
ir Tahar Ben Jell-
oun í þýðingu
Friðriks Rafns-
sonar.
Í kynningu segir m.a.: „„Börn skilja
öðrum betur,“ segir höfundur þess-
arar bókar, „að fólk er ekki haldið
kynþáttafordómum þegar það fæð-
ist, heldur fyllist það þeim. Stundum.
Í þessari bók reyni ég að svara spurn-
ingum dóttur minnar, hún er ætluð
börnum sem ekki hafa ennþá fyllst
fordómum og langar til þess að öðl-
ast skilning.““ Bókin kom út í Frakk-
landi árið 1998 og varð metsölubók
á örskömmum tíma. Tahar Ben Jell-
oun er frá Marokkó en búsettur í
Frakklandi. Nú hefur bókin komið út í
tuttugu og fimm þjóðlöndum.
Bókin er 86 bls., prentuð í Dan-
mörku.
Draumar á jörðu eftir Einar Má
Guðmundsson er endurútgefin.
„Hér segir frá þeim minnisstæðu
og litríku persónum sem kynntar voru
til sögunnar í skáldsögunni Fótspor á
himnum. Skáldið styðst við sögu-
legar heimildir en fléttar saman
þjóðtrú, ljóðrænar stemningar og
hugarflug,“ segir í kynningu. Bókin er
225 bls., prentuð í Danmörku.
Kiljur
Steinþór
Marínó sýnir
í Listhúsinu
NÚ stendur yfir málverkasýn-
ing Steinþórs Marínós Gunn-
arssonar í Listhúsinu í Laugar-
dal.
Hann hefur haldið fjölmarg-
ar einkasýningar, og tekið þátt í
fjölda samsýninga hér heima og
erlendis. Hann stundaði nám í
Myndlistarskólanum í Reykja-
vík. Myndverk eftir Steinþór
Marínó eru í eigu opinberra
stofnana, safna og einstaklinga
hér á landi og erlendis.
Sýningin stendur til 31. mars
og er opin alla daga, nema
sunnudaga, kl. 9–18.30.