Morgunblaðið - 09.03.2002, Blaðsíða 58
DAGBÓK
58 LAUGARDAGUR 9. MARS 2002 MORGUNBLAÐIÐ
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn: 569 1329, fréttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG: RIT-
STJ@MBL.IS, / Áskriftargjald 2.100 kr. á mánuði innanlands. Í lausasölu 190 kr. eintakið.
Víkverji skrifar...
VíKVERJA þykir sem margirþeir, sem fara mikinn gegn hug-
myndum sem reglulega skjóta upp
kollinum um að leyfa beri hægri
beygju á rauðu ljósi, hafi aldrei reynt
að aka þar sem slíkt er heimilt. Þær
upphrópanir hafa til dæmis heyrst, að
þeir sem vilji leiða slíkt í lög séu öku-
níðingar, sem geti ekki beðið á rauðu
ljósi eins og annað fólk og engin
ástæða sé til að láta undan kröfum
slíkra manna.
Víkverji bjó um hríð í Bandaríkj-
unum, í ríki þar sem leyfilegt er að
beygja til hægri á rauðu ljósi, og sá
fljótt það mikla hagræði sem er að
slíkri reglu. Hún er alls ekki sett til að
leyfa ökuníðingum að njóta sín, held-
ur til að tryggja jafnara flæði í um-
ferðinni. Það er algjörlega ástæðu-
laust að langar raðir bíla myndist við
umferðarljós, þegar engin umferð er
þvert á veginn, heldur miklu nær að
ökumenn fái að taka sína hægri
beygju og dreifa þar með umferðar-
þunganum.
FYRST umferðarmálin ber á gómagetur Víkverji ekki stillt sig um
að beina þeim tilmælum til yfirvalda í
Reykjavík að þau endurskoði umferð-
arljósin á Bústaðavegi, á brúnni yfir
Kringlumýrarbraut. Víkverji ekur oft
Bústaðaveginn í vesturátt og beygir
til vinstri á þessum ljósum, til að kom-
ast niður á Kringlumýrarbrautina í
suðurátt. Oftar en ekki komast mun
færri bílar í beygjuna á grænu ljósi en
efni standa til, vegna þess að engin
ljós stöðva flæði bíla sem koma í aust-
ur eftir Bústaðavegi og ætla líka nið-
ur á Kringlumýrarbraut. Þeir halda
áfram ferð sinni, óháð ljósunum uppi
á brúnni.
Það er í besta falli klaufalegt að
gefa ökumönnum grænt ljós til að
beygja, en tryggja þeim ekki greiða
leið úr þeirri beygju. Í versta falli
skapar þetta stórhættu. Á annatím-
um þýðir þetta að löng röð bíla mynd-
ast á brúnni, sem hefur truflandi áhrif
á aðra umferð og teppir hana jafnvel
alveg um tíma.
BERTHOLD Brecht skrifaði ein-hvers staðar að í umferðinni
væri lykilatriði að vera í takt við hina
bílana. Sú hugsun hefur ekki náð til
íslenskra ökumanna, sem virðast mun
fremur líta svo á að þeir séu, hver og
einn, heimur út af fyrir sig. Besta
dæmið um ökumenn, sem líta svo á að
aðrir ökumenn komi þeim ekki við, er
sennilega að finna nákvæmlega þessa
stundina á götum, sem eru tvær ak-
reinar eða fleiri. Fullkomlega óþekkt
virðist vera að umferð eigi að ganga
hraðar fyrir sig á vinstri akrein en
þeirri hægri og gildir þar einu þótt
það geti verið beinlínis hættulegt að
silast eftir vinstri akrein vegna þess
að þá er verið að þvinga þá umferð,
sem fer hraðar, til að taka fram úr öf-
ugu megin. Annað hegðunarmynstur,
sem virðist benda til þess að ökumenn
telji að aðrir bílar séu aðeins leikmun-
ir í sviðsmynd, sem hafi verið smíðuð
þeim til heiðurs, er þegar tekið er
fram úr á harða skani til þess eins að
svína inn á næstu afrein.
Tveir góðir
ÉG átti því láni að fagna að
detta inn á tónleika með
þeim sídönsku félögum
Jóni Ólafssyni og Birni Jör-
undi úr Nýdanskri, sem
þeir héldu á Pollinum á Ak-
ureyri á dögunum. Dreng-
irnir léku og sungu af fingr-
um fram, eins og þeim
einum er lagið, tóku lög eft-
ir sjálfa sig og aðra heims-
þekkta listamenn. Þar sem
Jón og Björn eru miklir
húmoristar og taka sjálfa
sig ekki of hátíðlega var
ekki síður skemmtilegt að
hlusta á þá þegar þeir
þöndu ekki raddböndin.
Tónleikarnir voru mjög
„heimilislegir“ og einlægir,
ekki síst fyrir þær sakir að
heimamenn fjölmenntu
ekki á samkomuna, ein-
hverra hluta vegna. En þeir
sem komu – sáu og nutu
frábærrar skemmunar.
Það er óskandi að þeir Jón
og Björn Jörundur troði
oftar upp – sem víðast.
Þorgrímur.
Öryrki –
ellilífeyrisþegi
MIG langar að fá svör frá
heilbrigðisráðuneytinu eða
annarri stofnun við tveimur
eftirfarandi spurningar.
Aðili sem er 75% öryrki í
dag en verður ellilifeyris-
þegi á morgun fær minni
greiðslu frá Trygginga-
stofnun. Hver er ástæðan?
Breytist eitthvað hjá per-
sónunni sem veldur því að
hún þarf minna til að lifa af
(lægri greiðsla til ellilifeyr-
isþega). Öryrki sem vegna
örorku sinnar þarf á
sjúkranuddi að halda, verð-
ur ellilífeyrisþegi og sam-
kvæmt nýlegri reglugerð
fellur hann ekki undir und-
anþáguna (börn og öryrkj-
ar). Er gert ráð fyrir að við-
komandi hafi batnað við að
verða gamalmenni?
Öryrki.
Hlutir sem skipta máli
ÉG þurfti að fara til læknis
hér í Bandaríkjunum. Um
leið og læknirinn sá nafnið
mitt, spurði hún hvaðan ég
kæmi með þetta nafn. Ég
sagðist vera frá Islandi.
Um leið tók hún utanum
mig og sagðist þurfa að
faðma konu frá Íslandi.
Hún og hennar maður
höfðu eytt brúðkaupsferð
sinni á Islandi þrem mán-
uðum áður.
Þau voru á Íslandi í 10
daga og voru heilluð. Þau
tóku bílaleigubíl, fóru
hringinn, notuðu eingöngu
bændagistingu. Þau áttu
ekki orð yfir gestrisni Ís-
lendinga, hreint loft, út-
sýni, gott grænmeti, góðan
mat og elskulegheit.
Við Íslendingar eigum
yndislegt land, við höfum
hreint loft, hreint land, góð-
an fisk, sem hefur synt um
hreinan sjó, lamb, sem hef-
ur lifað á ósnortnum heið-
um. Þetta eru hlutir sem
skipta miklu máli í heimin-
um í dag.
Hvet ég Íslendinga til að
líta vel eftir þessum verð-
mætum í framtíðinni.
Auður Ragnarsdóttir.
Og enn um strætó
UNDANFARIÐ hafa birst
pistlar í Velvakanda um
strætisvagna í Grafarvogi,
leið 14 og 15. Vil ég taka
undir þá gagnrýni sem þar
hefur birst því það tekur
25–30 mínútur að komast
frá Ártúnsholti í Húsa-
hverfið. Vil ég koma því á
framfæri að þessi leið verði
endurskoðuð.
Eins vil ég benda á að
áætlun leiðar 4 úr Holta-
görðum stenst ekki á við
neinn vagn á leið í Húsa-
hverfi. Eins ef ég þarf að
taka leið 4 í Kópavog þarf
ég annaðhvort niður á
Hlemm eða upp á Ártúns-
holtið.
Guðrún.
Tapað/fundið
Kápa
tapaðist
DÖKKGRÁ ullarkvenkápa
var tekin, vonandi í mis-
gripum, úr fatahengi á
skemmtistaðnum Players í
Kópavogi, laugardags-
kvöldið 9. feb. sl. Sá sem
það gerði, vinsamlegast
hafi samband við Jóhönnu í
síma 899 7424 – eða skili
henni á Players.
Dýrahald
Páfagaukur týndist
í Hafnarfirði
GRÆNN og gulur páfa-
gaukur (gári) flaug út um
glugga á Langeyrarvegi 3 í
Hafnarfirði. Þeir sem hafa
orðið fuglsins varir hafi
samband í síma 565-1373.
VELVAKANDI
Svarað í síma 569 1100 frá 10-12 og 13-15.
Netfang velvakandi@mbl.is
K r o s s g á t a
LÁRÉTT:
1 haugur, 4 innafbrots, 7
missa marks, 8 vagga, 9
fljót að læra, 11 mjög, 13
röska, 14 lýkur, 15
ástand, 17 gáleysi, 20
ránfugl, 22 tölum, 23
fróð, 24 bunustokkur, 25
bik.
LÓÐRÉTT:
1 hlykkur, 2 skilja eftir, 3
straumkastið, 4 ytra snið,
5 lestaropið, 6 valda tjóni,
10 flanaðir, 12 rándýr, 13
afgirt hólf, 15 dimmir, 16
dauðyflið, 18 næða, 19
áma, 20 brauka, 21
slæmt.
LAUSN SÍÐUSTU KROSSGÁTU:
Lárétt: 1 ósnjallur, 8 skatt, 9 gengi, 10 agn, 11 aftur, 13
torga, 15 katta, 18 ámæli, 21 nöf, 22 ærleg, 23 aftra, 24
rifrildið.
Lóðrétt: 2 slakt, 3 Jótar, 4 lygnt, 5 Unnur, 6 assa, 7 eira,
12 urt, 14 orm, 15 klær, 16 taldi, 17 angar, 18 áfall, 19
æstri, 20 iðan.
Skipin
Reykjavíkurhöfn:
Helga María kemur í
dag. Baldur Árna fer í
dag.
Hafnarfjarðarhöfn:
Florinda kemur í dag .
Mannamót
Eldri borgarar í Mos-
fellsbæ, Kjalarnesi og
Kjós. Félagsstarfið
Hlaðhömrum er á
þriðju- og fimmtudög-
um kl. 13–16.30, spil og
föndur. Jóga á föstu-
dögum kl. 11. Kóræf-
ingar hjá Vorboðum,
kór eldri borgara í
Mosfellsbæ á Hlað-
hömrum fimmtudaga
kl. 17–19. Púttkennsla í
íþróttahúsinu kl. 11 á
sunnudögum. Mosfells-
bær, leikhúsferð á leik-
ritið „Með fulla vasa af
grjóti“ fimmtud. 21.
mars. Uppl. hjá Svan-
hildi í s. 586 8014, kl.
13–16. Uppl. um fót-,
hand- og andlitssnyrt-
ingu, hárgreiðslu og
fótanudd, s. 566 8060
kl. 8–16.
Félag eldri borgara í
Hafnarfirði, Hraunseli,
Flatahrauni 3. Mánud:
félagsvist kl. 13.30.
Þriðjud. hefst
spænskukennsla kl.
16.30 til 18. Fimmtud.
opið hús í boði Sjálf-
stæðisfél. í Hafnarfirði.
Félagsstarf aldraðra,
Garðabæ. 21. mars fé-
lagsvist á Garðaholti
kl. 19.30 á vegum
Kvenfélags Garða-
bæjar.
Mán. 11. mars kl. 9
leir, kl. 9.45 boccia, kl.
11.15 og 12.15 leikfimi,
kl. 13.05, róleg stóla-
leikfimi, kl. 13 gler/
bræðsla, kl. 15.30
tölvunámskeið, kl. 9–14
fótaaðgerðastofan.
Fótaaðgerðastofan
verður lokuð óákveðinn
tíma vegna veikinda.
Félagsstarfið, Sléttu-
vegi 11–13. Vegna af-
mælis Þorgerðar
Sveinsdóttur stendur
sýning á verkum henn-
ar uppi í félagsmiðstöð-
inni frá kl. 10–16, dag-
ana 11 til 13. mars.
Allir velkomnir.
Félag eldri borgara,
Reykjavík, Ásgarði,
Glæsibæ. Kaffistofan
opin virka daga frá kl.
10–13. Kaffi, blöðin og
matur í hádegi. Leik-
félagið Snúður og
Snælda sýnir í Ásgarði
í Glæsibæ, söng og
gamanleikinn „Í lífsins
ólgusjó“ og „Fugl í
búri“, dramatískan
gamanleik. Sýningar:
Miðviku- og föstud. kl.
14 og sunnud. kl. 16,
ath. leiksýningin á
morgun, sunnudag,
fellur niður vegna for-
falla. Miðapantanir í s:
588 2111, 568 8092 og
551 2203. Sunnud: Fé-
lagsvist kl. 13.30.
Dansleikur kl. 20,
Caprí-tríó leikur fyrir
dansi. Mánud.: Brids
kl. 13. Danskennsla
fellur niður. Þriðjud.:
Skák kl. 13 og alkort
spilað kl. 13.30. Mið-
vikud.: Göngu-hrólfar
fara í göngu frá Ás-
garði, Glæsibæ, kl. 10.
Heilsa og hamingja,
fyrirlestrar laugardag-
inn 16. mars n.k. kl.
13.30 í Ásgarði,
Glæsibæ. 1: Minnkandi
heyrn hjá öldruðum.
Hannes Petersen yf-
læknir. 2: Alzheim-
ersjúkdómar og minn-
istap, Jón Snædal
yfirlæknir. Framtals-
aðstoð frá Skattstofu
Reykjavíkur verður
þriðjud. 19. mars á
skrifstofu félagsins,
panta þarf tíma. Spari-
dagar á Örkinni 14.-
19.apríl, skráning á
skrifstofu FEB. Silf-
urlínan er opin á
mánu- og miðvikud. kl.
10–12 fh. s.588-2111.
Skrifstofa félagsins er
flutt að Faxafeni 12
sama símanúmer og
áður. Félagsstarfið er
áfram í Ásgarði,
Glæsibæ. Uppl. á skrif-
stofu FEB.
Gerðuberg, félagsstarf.
Í dag kl. 13–16 mynd-
listarsýning Braga
Þórs Guðjónssonar op-
in, veitingar í veit-
ingabúð.
Norðurbrún. Skatta-
framtalsaðstoð verður
veitt 20. mars frá kl. 9
upplýsingar hjá ritara í
s. 568 6960. Fimmtu-
daginn 21. mars kl. 15
verður ferðakynning,
„lukkupottur“.
Vesturgata 7. Sigrún
Ingvarsdóttir fé-
lagsráðgjafi verður
með viðtalstíma á
föstudögum kl. 14–16 á
Vesturgötu 7. Hún
býður upp á félagslega
ráðgjöf og upplýsingar,
t.d. um bætur frá
Tryggingastofnun, bú-
setuúrræði og margt
fleira. Páskabingó
verður miðvikud. 20.
mars kl. 13.15. Rjóma-
pönnukökur með
kaffinu. Góðir vinn-
ingar. Fimmtud. 21.
mars kl. 10.30: Í fót-
spor Jesú. Séra Jakob
Ágúst Hjálmarsson
dómkirkjuprestur sýnir
myndband frá Landinu
helga og segir frá. Allir
velkomnir.
Gönguklúbbur Hana-
nú. Morgunganga kl.
10 frá Gjábakka í
Kópavogi alla laug-
ardagsmorgna.
Krummakaffi kl. 9. All-
ir velkomnir.
Kirkjustarf aldraðra,
Digraneskirkju. Opið
hús á þriðjudag kl. 11.
Leikfimi, matur, helgi-
stund og fleira. Kristín
Bjarnadóttir kristni-
boði kemur í heimsókn
og segir frá kristniboði
í máli og myndum.
Félag fráskilinna og
einstæðra. Fundur í
kvöld kl. 21 í Konna-
koti, Hverfisgötu 105.
Nýir félagar velkomn-
ir. Munið gönguna
mánu- og fimmtudaga.
Sjálfsbjörg, félags-
heimilið Hátúni 12. Á
morgun, bingó kl. 14.
Stuðningsfundir fyrr-
verandi reykingafólks.
Fólk sem sótt hefur
námskeið gegn reyk-
ingum í Heilsustofnun
NLFÍ í Hveragerði,
fundur í Gerðubergi á
þriðjud. kl. 17.30.
GA-fundir spilafíkla,
kl. 18.15 á mánudögum
í Seltjarnarneskirkju
(kjallara), kl. 20.30 á
fimmtudögum í
fræðsludeild SÁÁ,
Síðumúla 3–5 og í
Kirkju Óháða safnaðar-
ins við Háteigsveg á
laugardögum kl. 10.30.
Samtök þolenda kyn-
ferðislegs ofbeldis,
fundir mánudaga kl. 20
á Sólvallagötu 12.
Stuðst er við 12 spora
kerfi AA-samtakanna.
Styrkur, samtök
krabbameinssjúklinga
og aðstandenda þeirra.
Opið hús í Skógarhlíð 8
þriðjudaginn 12. mars
kl. 20.30, Eiríkur Örn
Arnarson flytur erindið
Að takast á við nei-
kvæða hugsun. Allir
velkomnir.
Félag áhugafólks um
íþróttir aldraðra.
Skemmtifundur verður
haldinn í dag, 9. mars,
kl. 14.30 í Ásgarði,
Glæsibæ. Dagskrá:
ávarp Hjörtur Þór-
arinsson, ferðaþættir:
Tómas Einarsson,
söngur: kór eftirlauna-
kennara, stjórnandi
Jón Hjörleifur Jóns-
son, Vinabandið leikur
fyrir dansi. Allir vel-
komnir.
Kvenfélag Breiðholts.
Fundur verður í safn-
aðarheimili Breiðholts-
kirkju 12. mars kl. 20.
Kynntar verða snyrti-
vörur Gerðar úr líf-
rænt ræktuðum blóm-
um og jurtum.
ITC-Melkorka. Afmæl-
isfundur í tilefni 20 ára
afmælis deildarinnar
verður fundur miðviku-
daginn 13. mars kl. 20 í
Borgartúni 29, 3. hæð.
Allir velkomnir. Til-
kynna þarf komu sína
til Fanneyjar, s.
568 7204, Ásgerðar, s.
567 0405, eða Jóhönnu,
s. 553 1762. Heimasíða
ITC: www.simnet.is/itc
www.itcmelkorka.trip-
cod.com
Gigtarfélag Íslands:
Gönguferð um Laug-
ardalinn laugardaginn
9. mars kl. 11 frá húsa-
kynnum félagsins í Ár-
múla 5. Þægileg
klukkutíma ganga sem
ætti að henta flestum.
Einn af kennurum hóp-
þjálfunar gengur með
og sér um létta upp-
hitun og teygjur. Allir
velkomnir. Ekkert
gjald. Nánari upplýs-
ingar í síma 530 3600.
Hríseyingafélagið.
Páskabingó verður í
Skipholti 70, 2. hæð,
sunnudaginn 10. mars
kl. 14. Félagar fjöl-
mennið og takið með
ykkur gesti.
Bandalag íslenskra
skáta. Endurfundir
eldri skáta verða má-
nud. 11. mars í Hraun-
byrgi, skátaheimili
Hraunbúa, Hjallabraut
51 í Hafnarfirði. Húsið
opnað kl. 11.30, matur
verður fram borinn kl.
12. Allir eldri skátar
eru hvattir til að koma
og hitta gamla félaga.
Í dag er laugardagur 9. mars, 68.
dagur ársins 2002. Orð dagsins: Og
sjá, hönd snart mig og hjálpaði mér
óstyrkum upp á knén og hendurnar.
(Daníel 10, 10.)
1
7
11
15
22
24
12
14
3
9
20
10
4
8
21
23
25
13
17
5
18
6
19
2
16
ÉG varð fyrir því á laug-
ardaginn að hringja á
Bæjarleiðir-Hreyfil eins
og það heitir núna til að
panta bíl fyrir mig og
dóttur mína sem er eins og
hálfs árs, og bað um bíl
með barnastól. Það var
ekki hægt að fá svoleiðis
bíl. Hún á símanum sagði
bara því miður. Ég fékk
þá engan bíl frá þeim. Ég
hef verslað við Bæjarleiðir
í mörg ár svo ég varð svo-
lítið svekktur yfir þessari
þjónustu. Ég hringdi bara
á aðra leigubílastöð og
fékk þá þessa þjónustu al-
veg í hvelli. Ég sagði bíl-
stjóranum frá þessu og
hann sagði við mig að þeir
hjá hans stöð væru með
stóla niðri á stöð svo það
væri ekkert mál að skella
þeim í bílinn. Ef Bæj-
arleiðir ætla að vera með
þjónustu fyrir börn líka
verða þeir að bæta sig.
„Sækjum börnin heim“ í
bílstól!
Stefán E. Petersen,
Bæjargili 31, Garðabæ.
Bæjarleiðir ekki fyrir börn?