Morgunblaðið - 12.03.2002, Blaðsíða 18

SUÐURNES
18 ÞRIÐJUDAGUR 12. MARS 2002 MORGUNBLAÐIÐ
• Hæstu vextir á innlánsreikningi

• Hámarksöryggi
• Ver›trygging

• Sveigjanleiki

• Laus til útborgunar vi› 18 ára aldur

• Engin lágmarksinnborgun

• fiú getur lagt inn reglulega e›a

flegar flér hentar

• Fallegar gjafaumbú›ir
Fermingargjöf

er framtí›arsjó›ur
Framtí›arreikningur er frábær fermingargjöf
og ólík ö›rum gjöfum a› flví leyti a› hún vex
me› fermingarbarninu og tryggir flví öruggan
sjó› vi› 18 ára aldur.
Íslandsbanki

-flar sem gjafirnar vaxa!

Gjafabréf
Stofnun e›a

innlegg á Framtí›ar-

reikning er tilvalin

fermingargjöf
Framtí›arreikningur Íslandsbanka
SANDGERÐISBÆR mun taka upp
viðræður við aðra banka eða spari-
sjóði um opnun útibús í Sandgerði ef
bankaráð Landsbankans breytir
ekki afgreiðslutíma útibús síns til
fyrra horfs. Bærinn mun leita til
annarra stórra viðskiptavina bank-
ans um að taka þátt í þeim viðræð-
um. Bankaráðið mun væntanlega
taka erindið fyrir á fundi sínum
næstkomandi fimmtudag.
Landsbankinn breytti í gær af-
greiðslutíma útibús síns í Sandgerði.
Er það nú opið frá 12 til 16 og starfs-
fólki fækkar. Bæjarstjórn Sand-
gerðis mótmælti áformunum í síð-
ustu viku og eftir árangurslausar
viðræður við forráðamenn bankans
kom bæjarstjórnin saman til auka-
fundar vegna málsins á laugardag.
Viðskiptin annað?
Þar var samþykkt samhljóða
áskorun til bankaráðs Landsbank-
ans um að endurskoða skerðingu á
þjónustu við íbúa bæjarfélagsins og
lögð áhersla á að staðið verði við áð-
ur gefin loforð um óbreytta þjón-
ustu. Óskar Gunnarsson, formaður
bæjarstjórnar, segir að þarna sé
verið að vísa til munnlegra loforða
sem gefin voru þegar afgreiðsla Ís-
landspósts var flutt í Landsbank-
ann, þáverandi stjórnendur hafi lýst
því yfir að það væri til að hægt yrði
að halda uppi þessum afgreiðslutíma
til frambúðar.
Óskar segir að bankinn sé í litlu
húsnæði og þar sé ákaflega þröngt á
álagstímum. Telur hann það skjóta
skökku við að þegar mikill uppgang-
ur og fjölgun sé í Sandgerði og bær-
inn að byggja upp þjónustu á öllum
sviðum, skerði eina bankastofnunin
á staðnum þjónustu sína. Hún stand-
ist ekki kröfur sem bæjarfélagið og
íbúar þess geri til þjónustunnar.
Í ályktun bæjarstjórnar er vakin
athygli á miklum umsvifum Sand-
gerðisbæjar sem er með öll sín
bankaviðskipti í Landsbankanum.
Tekið er fram að verði bankaráðið
ekki við ábendingum bæjarstjórnar
sé bæjarráði falið að hefja viðræður
við aðra banka eða sparisjóði til að
kanna möguleika á opnun útibús eða
afgreiðslu sem þjónað geti Sand-
gerðingum og Sandgerðisbæ með
sóma. Leita á til stærstu viðskipta-
vina Landsbankans um að taka þátt
í þeim viðræðum. Óskar segir að allt
sé opið í þeim efnum, þegar hann er
spurður hvort viðskipti bæjarins
verði færð annað, og segir að það
geti falist í ályktuninni. Hann segir
að ekki sé búið að taka upp viðræður
við aðrar bankastofnanir, beðið
verði eftir viðbrögðum bankaráðs-
ins.
Bankaráð fundar
Helgi S. Guðmundsson, formaður
bankaráðs Landsbankans, sagðist í
gær ekki hafa heyrt frá forráða-
mönnum Sandgerðisbæjar og vildi
því bíða með að svara þeim. Hann
bjóst við að erindi þeirra yrði lagt
fyrir fund bankaráðs næstkomandi
fimmtudag.
Bæjarstjórn mótmælir skertri þjónustu Landsbankans
Leita til annarra
banka eða sparisjóða
Sandgerði
SLÖKKVITÆKJAÞJÓNUSTA
Suðurnesja í Keflavík hefur gert
samning við tæknideild Bruna-
málastofnunar um endurnýjun á
öllum reykköfunartækjum stofn-
unarinnar og um viðhald á þeim
og þjónustu. Festir Brunamála-
stofnun kaup á ellefu tækjum af
gerðinni Fenzy 5500 í þessum til-
gangi.
Tæknideild Brunamálastofnunar
hefur með höndum eftirlit með
slökkviliðum landsins svo og verk-
lega kennslu fyrir Brunamálaskóla
Brunamálastofnunar. Stofnunin
rekur farskóla sem er búinn öllum
nauðsynlegustu björgunartækjum,
meðal annars reykköfunartækjum,
dælum og björgunarklippum.
Starfsmenn tæknideildar heim-
sækja öll slökkvilið landsins að
minnsta kosti einu sinni á ári.
Á síðastliðnu ári notuðu um níu
hundruð slökkviliðsmenn tæki
stofnunarinnar, auk á þriðja
hundrað sem sóttu námskeið á
vegum Brunamálaskólans.
Myndin var tekin þegar Guð-
mundur Bergsson, deildarstjóri
tæknideildar Brunamálastofn-
unuar, tók við nýju reykköf-
unartækjunum frá Karli Taylor
hjá Slökkvitækjaþjónustu Suður-
nesja.
JÓN Gunnarsson, fyrrverandi odd-
viti, býður sig fram á móti Þóru
Bragadóttur, oddvita Vatnsleysu-
strandarhrepps, í prófkjöri H-lista
óháðra borgara sem fram fer næst-
komandi laugardag.
Bæjarmálafélag H-lista óháðra
borgara í Vatnsleysustrandar-
hreppi heldur prófkjör næstkom-
andi laugardag vegna uppstillingar
á lista fyrir næstu hreppsnefndar-
kosningar. Listinn hefur meirihluta
í hreppsnefnd, þrjá fulltrúa af
fimm.
Tveir bjóða sig fram í fyrsta sæt-
ið, Þóra Bragadóttir oddviti og Jón
Gunnarsson sem var oddviti
hreppsins um árabil en gaf ekki
kost á sér til setu í hreppsnefnd við
síðustu kosningar. Tveir gefa einnig
kost á sér í annað sætið, Birgir Þór-
arinsson og Sigurður Kristinsson,
fyrrverandi hreppsnefndarmaður
og varaoddviti. Sigurður hætti í
hreppsnefndinni á síðasta ári vegna
deilna innan meirihlutans. Beindist
gagnrýni hans einkum að Þóru
Bragadóttur oddvita.
Kristinn Þór Guðbjartsson gefur
kost á sér í þriðja sætið en hann er
varamaður í hreppsnefnd og Lena
Rós Matthíasdóttir í það fjórða.
Ljóst er að þau ná kosningu því
framboð eru bundin við þau sæti
sem menn bjóða sig fram í, sam-
kvæmt upplýsingum Sólveigar
Birgisdóttur formanns kjörnefndar.
Loks bjóða þrír sig fram í fimmta
sætið, Lára Baldursdóttir, Hanna
Helgadóttir og Magnús Ívar Guð-
bergsson. Lára var í fimmta sæti
listans við síðustu kosningar en er
nú komin í hreppsnefnd vegna af-
sagnar Sigurðar og Önnu Sigríðar
Hólmsteinsdóttur sem átti að taka
sæti hans. Finnbogi E. Kristinsson,
núverandi varaoddviti, sem skipaði
þriðja sæti listans við síðustu kosn-
ingar, tekur ekki þátt í prófkjörinu.
Prófkjörið fer fram í Lionshúsinu
í Vogum næstkomandi laugardag,
frá klukkan 15 til 19. Félagsfólk í
Bæjarmálafélagi H-listans getur
tekið þátt. Utankjörfundarat-
kvæðagreiðsla er í kvöld í Stóra-
Knarrarnesi, austurbæ, og annað
kvöld á Mýrargötu 10, bæði kvöldin
frá 20 til 22.
Prófkjör H-listans um helgina
Fyrrverandi
oddviti fram
gegn oddvita
Vogar
Morgunblaðið/Bernhard
.Endurnýja
reykköf-
unartækin
Keflavík
TÓMSTUNDA- og íþróttaráð
Reykjanesbæjar hefur ákveðið að
styrkja Hnefaleikafélag Reykjaness
um 200 þúsund kr. til tækjakaupa.
Fram kemur í erindi Hnefaleika-
félagsins til TÍR að í félaginu séu 130
manns, þar af 40 unglingar, og í
framhaldi af lögleiðingu ólympískra
hnefaleika muni félagið sækja um
aðild að Íþróttabandalagi Reykja-
nesbæjar. Vakin er athygli á því að
tækjabúnaður sé af skornum
skammti og sá sem til er sé gamall
og slitinn.
Styrkja
tækjakaup
boxara
Reykjanesbær