Morgunblaðið - 12.03.2002, Blaðsíða 29
LISTIR
MORGUNBLAÐIÐ ÞRIÐJUDAGUR 12. MARS 2002 29
PHARMACO hf. og Listasafn Ís-
lands hafa gert með sér samstarfs-
samning fyrir árin 2002 og 2003, en
samningurinn var undirritaður af
forsvarsmönnum beggja aðila í gær.
Verður Pharmaco því aðalstyrktar-
aðili Listasafns Íslands næstu tvö ár-
in og nemur framlag fyrirtækisins
tólf milljónum króna.
Með samstarfssamningnum vill
Pharmaco styðja og styrkja menn-
ingarlíf á Íslandi og kynna íslenska
list erlendis. Mun fyrirtækið taka
þátt í kostun sýninga, viðburða og
annarrar starfsemi á vegum Lista-
safns Íslands.
Ólafur Kvaran, forstöðumaður
Listasafns Íslands, segist fagna
samstarfssamningnum sem verði
mikilvægur þáttur í að styrkja starf
safnsins. „Samningurinn við Pharm-
aco er okkur mjög mikilvægur.
Framundan á árinu eru veigamikil
og kostnaðarsöm sýningarverkefni
og beinist stuðningssamningurinn
ekki síst að þeim. Þannig verður í
aprílmánuði opnuð sýning á verkum
rússnesku aldamótameistaranna
sem fengin er frá Tretjakov-safninu í
Moskvu. Í haust verður síðan sýning
á íslenskri myndlist 20. aldar í
Tretjakov-safninu, og verður það
viðamesta kynning á íslenskri mynd-
list sem haldin hefur verið í Rúss-
landi. Pharmaco er mjög góður sam-
starfsaðili fyrir okkur í þessu
kynningarstarfi vegna umsvifa fyr-
irtækisins og markaðshlutdeildar á
þessu svæði,“ segir Ólafur.
Að sögn Sindra Sindrasonar, for-
stjóra Pharmaco, er hér um að ræða
fyrsta stóra samninginn sem fyrir-
tækið gerir við aðila er starfar á sviði
lista og menningar. „Megináherslur
okkar í styrkveitingum beinast að
starfsemi sem stendur okkur nærri,
s.s. sjúklingasamtökum og aðilum er
starfa á sviði heilbrigðismála. Und-
anfarið hefur fyrirtækið hins vegar
tekið þátt í uppbyggingu efnahags-
lífs og viðskipta erlendis, ekki síst í
Rússlandi og austanverðri Evrópu.
Þetta árið hefur Listasafn Íslands
uppi metnaðarfull áform um sýning-
arhald tengt Rússlandi og þótti okk-
ur hjá Pharmaco áhugavert tækifæri
að eiga þátt í að stuðla að auknum
menningarsamskiptum Íslendinga
og þjóða á því svæði. Við erum mjög
ánægðir með það samstarf sem hér
er lagt upp með og vonumst til að
það muni nýtast bæði Pharmaco og
Listasafni Íslands,“ segir Sindri.
Pharmaco og Listasafn Íslands gera samstarfssamning
„Mikilvægur þáttur í að
styrkja starf safnsins“
Morgunblaðið/Kristinn
Knútur Bruun, formaður safnráðs Listasafns Íslands, Sindri Sindrason, forstjóri Pharmaco, Ólafur Kvaran,
forstöðumaður listasafnsins, og Björgólfur Thor Björgólfsson, stjórnarformaður Pharmaco, fagna undirskrift
samstarfssamnings Pharmaco og Listasafns Íslands. Framlagið nemur tólf milljónum króna á tveimur árum.
ÞRIÐJU tónleikarnir í röð fernra
hádegistónleika Íslensku óper-
unnar á vormisseri verða haldnir í
dag, þriðjudag, og bera þeir yf-
irskriftina „Heima hjá Atla“. Þar
flytja þau Signý Sæmundsdóttir
sópran, Ólafur Kjartan Sigurð-
arson baríton og Þóra Fríða Sæ-
mundsdóttir píanóleikari sönglög
eftir Atla Heimi Sveinsson, og
verða þrjú laganna frumflutt á
þessum tónleikum.
Sönglögin á efnisskránni hefur
Atli Heimir samið á undanförnum
árum. Verkin eru samin við ljóð
skálda úr fortíð og samtíð, en tvö
laganna eru við ljóð eftir Kára Stef-
ánsson, forstjóra Íslenskrar erfða-
greiningar og önnur tvö við frönsk
ljóð eftir Béatrice Cantoni, sem var
frönsk sendiherrafrú hér á landi á
árunum 1993–1997. Þá verða flutt
fjögur lög sem Atli hefur samið við
ljóð Jónasar Hallgrímssonar og að
lokum eitt lag við ljóð séra Jóns frá
Bægisá. Eitt laganna við ljóð eftir
Kára og tvö við ljóð Jónasar hafa
ekki heyrst opinberlega áður.
Atli Heimir segist hneigjast æ
meira til sönglagagerðar, einkum
umfangsmeiri sönglaga eða tón-
smíða sem kenndar eru við „Lied-
er“. „Ég hef alltaf verið ljóða- og
bókmenntaunnandi og hef mjög
gaman af því að lesa og fylgjast
með íslenskum skáldskap, bæði
fornum og nýjum. Hingað til hef ég
samið nokkuð af smálögum og
söngvísum en undanfarið hef ég
fært mig yfir í umfangsmeiri söng-
lög í anda Evrópuhefðarinnar. Eitt
slíkt samdi ég nýlega fyrir Sólrúnu
Bragadóttur við Útsæ Einars Bene-
diktssonar, en lagið tekur allt að
því 20 mínútur í flutningi. Á hádeg-
istónleikunum verða sönglög í þess-
um anda, bæði við ljóð Kára Stef-
ánssonar og Béatrice Cantoni.
Þetta eru talsvert umfangsmikil
sönglög og mikið „kompóneruð“,
ekki síst í þeim skilningi að algert
jafnræði er komið á með píanóinu
og söngröddinni. Það er kannski
ýmislegt fleira í þessum dúr á leið-
inni hjá mér.“
Atli Heimir segir þessar tón-
smíðar ekki síst heillandi þar sem
Íslendingar eiga rótgróna ljóða-
hefð sem enn standi í miklum
blóma. „Hins vegar er þetta ákaf-
lega ópraktísk og innhverf listiðja.
Ljóðin eiga sér mjög einlæga aðdá-
endur en þeir eru aldrei óskaplega
margir. Það er mér því mikil hvatn-
ing hvað íslenskir söngvarar hafa
sýnt þessari viðleitni minni mikinn
áhuga og af nógu er að taka á
þessu sviði,“ segir Atli Heimir að
lokum.
Tónleikarnir „Heima hjá Atla“
hefjast kl. 12.15 og taka um 40 mín-
útur. Aðgangseyrir er 600 kr.
Íslensk
sönglög í
anda Evr-
ópuhefðar
Morgunblaðið/Árni Sæberg
Ólafur Kjartan Sigurðarson, Þóra Fríða Sæmundsdóttir og Signý Sæ-
mundsdóttir munu flytja sönglög eftir Atla Heimi Sveinsson á hádeg-
istónleikum Íslensku óperunnar í dag. Þrjú laganna verða frumflutt.
FÓLK Í FRÉTTUM