Morgunblaðið - 12.03.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 12. MARS 2002 VERÐ Í LAUSASÖLU 190 KR. MEÐ VSK.
EIGENDUR FBA Holding S.A. voru í gær sviptir
atkvæðisrétti í Íslandsbanka af Fjármálaeftirlit-
inu. Tilkynning þess efnis barst til Íslandsbanka
nokkrum tímum áður en aðalfundur félagsins
hófst. Hlutur FBA Holding í Íslandsbanka nemur
15,553%. Eigendur þess eru Jón Ásgeir Jóhann-
esson, forstjóri Baugs, Þorsteinn Már Baldvins-
son, forstjóri Samherja, og Saxhóll, félag í eigu
fjölskyldu Jóns Júlíussonar, sem átti Nóatúns-
verslanirnar áður en Kaupás keypti þær. Hlutur
Saxhóls í FBA Holding var þar til í gær í eigu Jóns
Ólafssonar, stjórnarformanns Norðurljósa. Eig-
endur Saxhóls hafa lýst því yfir að hlutur þess
verði fluttur út úr FBA Holding
Í tilkynningu Fjármálaeftirlitsins til Íslands-
banka segir: „Fjármálaeftirlitið hefur í dag ákveð-
ið, með vísan til 12. gr. laga nr. 113/1996, um við-
skiptabanka og sparisjóði, sbr. 10.gr. sömu laga, að
hlutum FBA Holding S.A. í Íslandsbanka fylgi
ekki atkvæðisréttur. Ákvörðunin tekur gildi nú
þegar. Hefur FBA-Holding S.A. verið tilkynnt um
ákvörðunina og ástæður hennar. Fjármálaeftirlitið
leggur fyrir Íslandsbanka að grípa til viðeigandi
ráðstafana vegna þessa.
Fjármálaeftirlitið tekur ákvörðun sína til endur-
skoðunar jafnskjótt og gripið hefur verið til úrbóta
af hálfu FBA-Holding S.A. og annarra hlutaðeig-
andi aðila, sem Fjármálaeftirlitið metur nægjan-
legar.“ Í 12. grein laganna segir m.a. að Fjármála-
eftirlitið geti gripið til þessara ráðstafana „sé aðila,
sem á virkan eignarhlut í viðskiptabanka, svo farið
eða fari hann þannig með hlut sinn að skaði heil-
brigðan og traustan rekstur bankans“.
Kom forráðamönnum FBA Holding á óvart
Rétt fyrir aðalfundinn barst yfirlýsing frá Jóni
Ásgeiri Jóhannessyni og Þorsteini Má Baldvins-
syni vegna málefna FBA-Orca Holding: „Eins og
fram kom í bréfi frá Fjármálaeftirlitinu, dagsett
11. mars, hefur eftirlitið svipt FBA-Orca Holding
atkvæðarétti sínum í Íslandsbanka hf. Þetta kom
forráðamönnum FBA-Orca Holding á óvart þar
sem unnið hafði verið að endurskipulagningu á fé-
laginu. Þeirri endurskipulagningu lauk nú með
sölu Jóns Ólafssonar á eignarhlut sínum í félaginu.
Eigendur FBA-Orca Holding, Jón Ásgeir og
Þorsteinn Már, reikna fastlega með, eftir viðræður
við fulltrúa Fjármálaeftirlitsins, að þeir fái at-
kvæðarétt sinn til baka innan fárra daga enda sé
hér um að ræða eignasterkt félag með eigið fé upp
á 2 milljarða króna. Félagið sé því fullfært um að
standa undir þeim skuldbindingum sem í því felast
að eiga svo stóran hlut í Íslandsbanka hf.“
Í samtali við Morgunblaðið segir Jón Ásgeir að
athugasemdir Fjármálaeftirlitsins snúist um ófull-
nægjandi upplýsingagjöf og þá óvissu sem ríkt hef-
ur um Orca. Lögmenn FBA-Holding hafi rætt við
Fjármálaeftirlitið og lýst yfir fullum vilja FBA-
Holding til að ljúka málinu. Þær breytingar sem
orðið hafa á Orca SA með sölu Jóns Ólafssonar á
hlutnum skipti miklu, eins og fram kemur í yfirlýs-
ingu Jóns Ásgeirs og Þorsteins Más.
Páll Gunnar Pálsson, forstjóri Fjármálaeftirlits-
ins, segir í samtali við Morgunblaðið að ákvörðun
Fjármálaeftirlitsins hafi átt sér nokkurn aðdrag-
anda. „Fjármálaeftirlitið hefur rökstutt niðurstöð-
una í bréfi til FBA-Holding en mun ekki tjá sig um
ástæður ákvörðunarinnar. Leiti forsvarsmenn
FBA-Holding eftir viðræðum við Fjármálaeftirlit-
ið og grípi til úrræða sem það telur fullnægjandi
mun það endurskoða afstöðu sína.“ Páll Gunnar vill
ekki tjá sig um yfirlýsingu Jóns Ásgeirs og Þor-
steins Más að öðru leyti.
Fjármálaeftirlitið sviptir eigendur FBA-Holding atkvæðisrétti í Íslandsbanka
Ónóg upplýsingagjöf
og óvissa um Orca

Aðalfundur/6
Jón Ásgeir Jóhannesson
segist vænta atkvæðis-
réttar innan fárra daga
EFTIR fund með sérfræðingi frá
Veðurstofu Íslands í gærkvöldi
ákvað almannavarnanefndin í Vík í
Mýrdal að ekki væri óhætt fyrir
fólk að halda til í sex íbúðarhúsum í
Reynishverfi og tveimur húsum í
Vík vegna hættu á snjóflóðum. Spáð
var snjókomu á þessum slóðum í
nótt og í dag og enn er talin hætta á
snjóflóðum. Á sunnudag voru bæ-
irnir á Efri- og Neðri-Prestshúsum,
Görðum og Reyni rýmdir auk
húsanna í Vík en í gærkvöldi var
einnig ákveðið að rýma bæði húsin
á Lækjarbakka. Þar féll snjóflóð á
sunnudagsmorgun sem hreif með
sér gamlan vörubíl og tyllti honum
upp á húsvegg og færði jafnframt
tvo jeppa úr stað á hlaðinu. Ekki
urðu meiðsl á fólki. Mikill snjór
safnaðist í fjallshlíðar í nágrenni
Mýrdalsins um helgina en þá snjó-
aði nánast látlaust í hátt í tvo sólar-
hringa. Skóf mikið í fjöll og hengjur
slúta víða yfir fjallsbrúnir.
Morgunblaðið/Brynjar Gauti
Kristín Björnsdóttir í Sólheimakoti i Mýrdal þurfti að klifra hátt vildi hún komast út um dyrnar á bænum.
Enn hætta
á snjóflóð-
um í Mýr-
dalnum

Snjóhengjur slúta/4
AÐALFUNDUR Landssímans kaus
í gær nýja stjórn, en hana skipa
Rannveig Rist, forstjóri ÍSAL, Frið-
rik Már Baldursson hagfræðingur,
Sigurgeir B. Kristgeirsson, fram-
kvæmdastjóri í Vestmannaeyjum,
Thomas Möller, framkvæmdastjóri
hjá OLÍS, og Örn Gústafsson við-
skiptafræðingur. Rannveig tekur við
starfi stjórnarformanns félagsins af
Friðriki Pálssyni sem verið hefur
stjórnarformaður frá árinu 1999.
Friðrik sagði á aðalfundinum að
nauðsynlegt væri að halda áfram að
einkavæða Landssímann. Fyrirtæk-
ið þyrfti að komast undan þeim póli-
tísku deilum sem staðið hefðu um
það. Hann fór einnig yfir þá gagn-
rýni sem beinst hefur að Landssím-
anum á síðustu vikum og sagði:
„Gagnrýnin á stjórnendur félagsins
hefur verið óvægin, órökstudd,
ósönn og meiðandi.“
Gagnrýni kom fram á fundinum á
tillögu samgönguráðherra um að
hækka laun til stjórnarmanna úr 65
þúsund krónum í 150 þúsund krónur
og laun formanns úr 150 þúsund
krónum í 300 þúsund krónur. Tillag-
an var samþykkt en mjög margir al-
mennir hluthafar greiddu atkvæði á
móti henni.
Vanskil hafa aukist
Í ræðu Óskars Jósefssonar for-
stjóra kom fram að sumir grunn-
þættir í tekjumyndun Símans væru í
dag seldir undir kostnaðarverði og
þörf væri á að breyta verðskrá.
Sömu viðhorf komu fram í ræðu
Friðriks Pálssonar, en hann sagði að
vegna smæðar markaðarins væri
ástæða til að búast við að verðlag á
símaþjónustu færi hækkandi.
Óskar sagði að áætlanir Símans
gerðu ráð fyrir 3% lækkun á rekstr-
arútgjöldum hans frá fyrra ári. Þeg-
ar hefði verið gripið til aðgerða sem
miðuðust að því að ná þessu mark-
miði.
Það kom einnig fram í máli Óskars
að útistandandi kröfur Símans hefðu
hækkað á árinu um tæpar 500 millj-
ónir. Ákveðið hefði verið að hrinda af
stað sérstöku innheimtuátaki vegna
þessa. Ennfremur sagði hann að
ákveðið hefði verið að greiða auka-
lega 100 milljónir króna í afskrifta-
sjóð vegna þessarar erfiðu inn-
heimtu. Hann sagði að í afskrifta-
sjóði fyrirtækisins væru núna tæp-
lega 400 milljónir.
Þörf á breytingum á gjaldskrá
Forstjóri Landssímans segir tap á sumum grunnþáttum Símans

850 milljónir/30
STJÓRNENDUR Flugleiða hafa
sett sér það markmið að ná jafnvægi
í rekstri Flugleiða á árinu 2002 en á
síðasta ári nam tap félagsins 1.212
milljónum króna. Þetta kom fram í
ræðu stjórnarformanns Flugleiða,
Harðar Sigurgestssonar, á aðalfundi
félagsins í gær.
Að hans sögn þarf að minnka
kostnað á framleidda einingu hjá fé-
laginu og auka framleiðni og hag-
kvæmni í allri stjórnun fyrirtækis-
ins. Eins þurfi að þróa og einfalda
þjónustu félagsins með nýjar kröfur
markaðarins að leiðarljósi.
„Launakostnaður er um fjórðung-
ur af rekstrarkostnaði í starfsem-
inni. Um 70% launakostnaðar í móð-
urfélaginu heyrir til þeim hópum
sem starfrækja flugvélar félagsins,
flugmönnum, flugfreyjum og tækni-
mönnum.
Það er óhjákvæmilegur þáttur í að
tryggja þennan rekstur til framtíðar
að félagið nái að auka framleiðni
starfsmanna á öllum sviðum og nýta
betur krafta þeirra. Til þess verður
að gera breytingar á samningum
sem gefa félaginu kost á meiri
sveigjanleika. Að öðrum kosti blasir
við að draga verði starfsemi félags-
ins meira saman en ella,“ sagði
Hörður.
Stjórnarformaður
Flugleiða á aðalfundi
Breyta þarf
samningum
við starfs-
fólk

Flugfélag/20
CESSNA 152, sem er tveggja manna
einshreyfils flugvél, hvolfdi á Stóra-
Kroppsflugvelli í Borgarfirði síðdeg-
is í gær. Flugmennina tvo, flugkenn-
ara og flugnema, sakaði ekki.
Vélin hélt frá Reykjavík kl. 17.05
og hafði áætlað hálfs annars tíma
flug. Klukkan 17.46 fær flugumferð-
arstjórn tilkynningu frá flugmönn-
unum um að vélinni hafi hvolft á flug-
vellinum við Stóra-Kropp þar sem
reyna átti snertilendingu. Tilkynntu
þeir jafnframt að sig hefði ekki sak-
að.
Lögreglan í Borgarnesi hélt á
slysstaðinn í gær og fulltrúar frá
Rannsóknarnefnd flugslysa einnig.
Flugvél
hvolfdi
JÖRÐIN Möðruvellir í Eyja-
fjarðarsveit er til sölu hjá fast-
eignasölunni Eignakjörum á
Akureyri. Á Möðruvöllum er
tvíbýli og þar er kúabú og
fjárbú.
Möðruvell-
ir til sölu

Íslenskt höfuðból/C1
♦ ♦ ♦