Morgunblaðið - 18.04.2002, Side 12

FRÉTTIR
12 FIMMTUDAGUR 18. APRÍL 2002 MORGUNBLAÐIÐ
FUNDURINN var haldinn að til-
stuðlan ÍBR og að loknum framsögu-
ræðum voru pallborðsumræður þar
sem framsögumenn sátu fyrir svör-
um.
Starfið ekki metið
að verðleikum
Í máli Reynis Ragnarssonar, for-
manns ÍBR, kom fram að þetta væri í
annað sinn sem ÍBR héldi fund með
frambjóðendum flokkanna skömmu
fyrir kosningar. Tilgangurinn væri
ekki að etja saman frambjóðendum til
að ná fram yfirboðum heldur fyrst og
fremst að upplýsa stjórnmálamenn
um hvað helst brynni á íþróttahreyf-
ingunni. Taka yrði tillit til hennar og
frambjóðendum gæfist tækifæri til að
kynna sig og stefnu síns framboðs.
Hann gat þess að síðan sveitar-
félögin hefðu tekið yfir íþróttamálin
frá ríkisvaldinu hefðu þau ráðstafað 6
til 9% tekna sinna til æskulýðs- og
íþróttamála. Í Reykjavík hefði verið
ráðstafað 6 til 7% af heildartekjum. Í
fjárhagsáætlun ársins 2002 væru
þetta um 1.456 milljónir króna af 24
milljarða tekjum, sem væri ráðstafað
til þessa málaflokks eða liðlega 6%. Af
þessari fjárhæð væri áætlað að til
íþróttahreyfingarinnar færi 521 millj-
ón í húsaleigu og æfingastyrki og
byggingastyrki.
Reynir Ragnarsson sagði að breyt-
ing á styrktarkerfinu 1990 hefði verið
algjör bylting en það hefði að stofni til
verið óbreytt síðan og nú hefðu flest
sveitarfélög tekið það upp og bætt um
betur. Auknar styrkveitingar, eins og
t.d. í Garðabæ, Hafnarfirði og Mos-
fellsbæ, hefðu gjörbreytt rekstri
íþróttafélaganna í viðkomandi bæjar-
félögum. „Forystumenn íþróttamála í
Reykjavík hafa margoft bent á að það
þurfi að bæta núverandi styrktar-
kerfi, það þurfi að meta það mikla
uppeldis- og forvarnarstarf, sem fram
fer á vegum íþróttafélaganna, sem að
miklu leyti er unnið í sjálfboðavinnu,“
sagði hann. „Þetta er starf sem
íþróttafélögunum hefur fundist borg-
aryfirvöld ekki hafa metið af verðleik-
um. Íþróttafélögin hafa margoft kall-
að eftir breytingum sem meðal
annars væru í þá veru að borgin
greiddi laun eins starfsmanns hjá
hverju hverfafélagi, og greiddi niður
barna- og unglingastarfið til dæmis
með beinum styrkjum sem rynnu til
ákveðinna verkefna.“
Í júlí 2000 kom út skýrsla um út-
tekt ÍTR og ÍBR á rekstrarumhverfi
íþróttafélaganna í borginni og fram-
tíðarsýn til 2010. Reynir Ragnarsson
gerði niðurstöður skýrslunnar að um-
talsefni sínu og gat þess að margt í
henni væri í vinnslu en meira þyrfti
til. Öll íþróttafélögin ættu í fjárhags-
vandræðum og nauðsynlegt væri að
tryggja fjárhagslegan grundvöll
þeirra, t.d. með því að gera við þau
þjónustusamninga um ákveðna þjón-
ustu í hverfunum. Íþróttaskóli félag-
anna væri í lausu lofti og líta yrði á
hann sem hluta af almenna skólakerf-
inu sem borgin greiddi að fullu. Ef
hlutdeild íþrótta- og æskulýðsmála í
heildartekjum borgarinnar hækkaði
um eitt prósentustig hefði málaflokk-
urinn 240 milljónum kr. meira að spila
úr sem þýddi að hægt væri að greiða
a.m.k. 10 þús. kr. á hvern iðkanda
yngri en 12 ára til félaganna. Fyrir
þann pening væri hægt að halda úti
öflugum íþróttaskóla í öllum skóla-
hverfum borgarinnar. Hreyfingin
þyrfti að fá hærra hlutfall af heildar-
tekjunum. „Þessir fjármunir myndu
nýtast vel í því mikla uppeldis- og for-
varnarstarfi sem er unnið innan
íþróttahreyfingarinnar í borginni.“
Félögin vilja meira frá borginni
Theodór Sigurbergsson, foreldri
barns í íþróttum, sagði að gríðarlega
öflugt íþróttastarf væri rekið hjá
mörgum félögum í borginni en að-
staðan væri misjöfn. Miklar kröfur
væru gerðar til þeirra en tilfinnanlega
vantaði heildarstefnumörkun sem
tæki tillit til skólans, íþróttaskólans
sem gæti fallið inn í heilsdagsskólann,
og sumarskólann. Til að geta staðið
undir þessu öllu þyrfti meira fjár-
magn í barna- og unglingastarfið og
það þyrfti að fá meiri athygli.
Rúnar Geirmundsson, formaður
Íþróttafélagsins Fylkis, sagði að kraf-
an væri að borgin kæmi meira til
móts við íþróttafélögin til að halda ut-
an um innra starf þeirra, því með góð-
um framkvæmdastjóra og íþróttafull-
trúa löðuðust fleiri að starfinu.
Ekki pólitískur ágreiningur
Ólafur F. Magnússon, borgar-
fulltrúi og efsti maður á lista Frjáls-
lyndra og óháðra, sagði að ekki ríkti
pólitískur ágreiningur um íþróttamál-
in heldur hefðu stuðningsmenn hinna
ýmsu félaga frekar tekist á innan
borgarstjórnarflokkanna um fjárveit-
ingar til íþróttafélaganna, þó þeir
ættu að vera hafnir yfir slíkt. Kynni
sín af tómstundastarfi ÍTR væru
ákaflega jákvæð en öll tómstunda- og
íþróttaiðkun barna í Reykjavík gæti
orðið enn betri og öflugri ef samstarf
skólanna, ÍTR og íþróttafélaganna
yrði aukið enn frekar þannig að starf-
semin gæti spannað lengra tímabil en
nú væri mögulegt og það yrði vonandi
hægt með lengingu skólaársins.
Í máli Ólafs kom fram að þverpóli-
tísk samstaða ríkti um að halda uppi
öflugu íþróttastarfi í borginni og þá
ekki bara með hliðsjón af árangri í
keppni heldur einnig til að auka fé-
lagsþroska unglinga og vitund al-
mennings um gildi hreyfingar og
holls og reglusams lífernis. Forvarn-
argildi íþróttanna væri mikið og reka
þyrfti beittan áróður gegn reykingum
og áfengisneyslu og hvað þá fíkni-
efnaneyslu á þessum vettvangi.
Myndarlega væri staðið að uppbygg-
ingu íþróttamannvirkja og nýrisin
knattspyrnuhöll í Grafarvogi væri
glæsilegt dæmi þar um. Víðtæk sam-
staða virtist ríkja um þá framkvæmd
sem og um uppbyggingu frekari
keppnis- og líkamsræktaraðstöðu í
Laugardalnum og almennt tæki hann
undir flest það sem fram hefði komið
hjá Reyni Ragnarssyni.
Innra starfið forgangsverkefni
Björn Bjarnason, borgarstjóraefni
sjálfstæðismanna, sagði að nauðsyn-
legt væri að líta til málefnanna með
nýjum hætti með hliðsjón af öflugu
starfi íþróttafélaganna og með hlið-
sjón af því að skólastarfið hefði tekið á
sig nýja mynd með einsetningu skól-
anna. Hann sagði að afreksstefnan
sem hann hefði unnið að sem mennta-
málaráðherra með forystumönnum
íþróttahreyfingarinnar mætti sín lít-
ils nema grasrótin væri góð. Hann
vísaði til stefnuskrár Sjálfstæðis-
flokksins fyrir borgarstjórnarkosn-
ingarinnar, sem bæri nafnið betra
íþrótta- og æskulýðsstarf, en þar
kæmi fram að Sjálfstæðisflokkurinn
vildi efla íþróttastarfið í Reykjavík og
virkja sem flesta til þátttöku með
aukinni samvinnu við íþróttafélögin í
borginni. Stefnan væri í takt við fram-
komin sjónarmið á fundinum um
nauðsyn þess að efla innra starfið í fé-
lögunum.
Hann greindi síðan frá stefnunni,
sem var birt í heild sinni í Morgun-
blaðinu 28. mars sl., lagði hana fram
fyrir fundarmenn og gat þess m.a. að
nauðsynlegt væri að skipuleggja
starfið með skýrum markmiðum og
viðmiðum, því með íþróttanámskrá
væri hægt að mæla árangurinn og
miða fjárveitingar við hann.
Þriggja ára áætlun
Steinunn V. Óskarsdóttir, borgar-
fulltrúi Reykjavíkurlistans og for-
maður ÍTR, sagði að gríðarleg upp-
bygging hefði átt sér stað í íþrótta- og
æskulýðsmálum á átta ára valdatíma
R-listans og sjaldan hefði eins miklu
fjármagni verið veitt í málaflokkinn í
uppbyggingu og almennan rekstur. Í
því sambandi nefndi hún að á valda-
tíma D-listans 1986 til 1993 hefði
borgin varið 1.922 milljónum í al-
mennar íþróttaframkvæmdir og 786
milljónum í félagaframkvæmdir eða
samtals 2,7 milljörðum, en sambæri-
legar tölur 1994 til 2002 væru 2.601
milljón og 1.900 milljónir eða samtals
4,5 milljarðar. Fjárfest hefði verið í
framtíðinni, Reykjavíkurborg hefði
látið félagasamtök og fyrirtæki ann-
ast ýmsan rekstur mannvirkja, en
ÍTR gegndi þar eftirlits- og aðhalds-
hlutverki. Hún nefndi dæmi um fram-
kvæmdir á tímabili R-listans, gat þess
að borgin hefði varið um 200 til 230
milljónum á ári til að koma upp full-
búnum íþróttahúsum og annarri að-
stöðu hjá félögunum á undanförnum
árum, gæðastarf þriggja íþrótta-
félaga hefði verið viðurkennt með
styrkjum og haldið yrði áfram á
markaðri braut.
Á næstu þremur árum væri gert
ráð fyrir uppbyggingu fyrir um 3,2
milljarða króna en mikilvægt væri að
vallargerð, viðhald og innra starf
hefðu forgang og sérstakt sparkvalla-
átak gerði ráð fyrir 15 til 25 millj-
ónum kr. á ári.
Á sömu nótum
Í umræðunum kom m.a. fram hjá
fulltrúa KRR að 20 til 25 battavelli
þyrfti í Reykjavík en hver völlur kost-
aði 7 til 15 milljónir. Steinunn V. Ósk-
arsdóttir sagði að á undanförnum ár-
um hefðu verið settar um 15 millj. kr.
á ári í þetta verkefni en samkvæmt
nýsamþykktri þriggja ára áætluninni
væri gert ráð fyrir 25 millj. kr. í það
2003, 20 milljónum 2004 og 28 millj-
ónum 2005. Björn Bjarnason tók und-
ir það að huga þyrfti að þessari vall-
argerð því hún skipti greinilega mjög
miklu máli fyrir félögin og grasrót-
arstarfið. Ólafur F. Magnússon tók í
sama streng.
Fram kom hjá fulltrúum flokkanna
að íþróttafélögin yrðu að axla sína
ábyrgð varðandi uppsafnaðar skuldir
og jafnræði yrði að ríkja varðandi
styrkveitingar. Alfreð Þorsteinsson,
borgarfulltrúi R-listans og formaður
Orkuveitu Reykjavíkur, sagði að
Orkuveitan endurskoðaði hugsanlega
taxta gjalda til íþróttafélaganna eða
styrkir til þeirra yrðu endurskoðaðir
en málið væri til skoðunar og líklega
yrði komið til móts við íþróttahreyf-
inguna með einum eða öðrum hætti.
Ellert B. Schram, forseti ÍSÍ, sagði
að Reykjavíkurborg hefði ávallt stað-
ið sig nokkuð vel varðandi íþrótta-
hreyfinguna. Hann þakkaði fram-
bjóðendum fyrir þann góða hug sem
þeir hefðu sýnt íþróttahreyfingunni
og aðalatriðið væri að borgarfulltrúar
hefðu skilning á viðhorfum og óskum
íþróttahreyfingarinnar, settu sig inn í
málin og gerðu sitt besta. Fulltrúar
stjórnmálaflokkanna töluðu á sömu
nótum í framsöguræðum sínum og
svör þeirra í pallborðsumræðunum
báru þess vitni að málaflokkurinn
væri þeim hugleikinn. „Ég lít björtum
augum til framtíðarinnar,“ sagði enda
Reynir Ragnarsson áður en hann
sleit fundi.
Málaflokkurinn mikil-
vægur og framtíðin björt
Fulltrúar stjórnmálaflokkanna voru á
opnum fundi um íþróttamál í Reykjavík.
Steinþór Guðbjartsson fylgdist með
fundinum í félagsheimili Þróttar í
Laugardal sl. þriðjudagskvöld.
Morgunblaðið/Golli
Frambjóðendurnir Ólafur F. Magnússon, efsti maður á lista Frjáls-
lyndra og óháðra, Steinunn V. Óskarsdóttir, Reykjavíkurlista, Kjartan
Magnússon, á lista Sjálfstæðisflokks, og Björn Bjarnason, borgarstjóra-
efni sjálfstæðismanna, á fundinum um íþróttamál í Reykjavík.
Morgunblaðið/Golli
Reynir Ragnarsson, formaður ÍBR, flytur framsöguræðu sína.
steg@mbl.is
LÖGREGLAN í Reykjavík hefur
undir höndum læstan peningaskáp,
sem fannst nýlega í austurborginni.
Sá, sem telur sig eiga skápinn, getur
vitjað hans á lögreglustöðinni á
Hverfisgötu.
Peningaskápur
í óskilum
VEGNA fréttar í Morgunblaðinu 16.
apríl sl. um flutning mála fyrir
óbyggðanefnd, vegna krafna fjár-
málaráðherra fyrir hönd ríkisins um
þjóðlendur í sveitarfélaginu Horna-
firði í Austur-Skaftafellssýslu, og
uppkvaðningu úrskurða í þeim mál-
um, vill óbyggðanefnd koma eftirfar-
andi á framfæri:
„Málflutningur mun fara fram í
tvennu lagi í sumar og haust. Mál
vegna Öræfa og Suðursveitar verða
flutt í síðustu viku júní og mál vegna
Mýra, Nesja og Lóns í annarri viku
september. Ekkert liggur fyrir um
það á þessu stigi máls hvenær úr-
skurðir verða kveðnir upp.“
Óákveðið með
úrskurði
óbyggðanefndar
HARALDUR Örn Ólafsson hækk-
aði sig enn á Everest á þriðjudag
og fór upp í aðrar búðir í 6.400 m
hæð og er við bestu heilsu. Hann
nálgast nú persónulegt hæðarmet
sitt í aðlögunarferlinu en til sam-
anburðar má nefna að Aconcagua,
næsthæsta fjallið af Hátindunum
sjö, sem Haraldur kleif fyrr á
árinu, er 6.960 m. Haraldur hyggst
halda niður í grunnbúðir í dag,
fimmtudag og hvíla sig í a.m.k. 2
daga. „Það er gríðarlegt útsýni héð-
an og sér til Nuptse og Everest,“
sagði Haraldur við bakvarðasveit
sína í Útilífi í Smáralind á þriðju-
dag. „Þetta hefur gengið vonum
framar og maður er orðinn reynsl-
unni ríkari í glímunni við hæðina,“
sagði hann.
Haraldur
kominn í
aðrar búðir
á Everest
HÉRAÐSDÓMUR Reykjavíkur
hafnaði á þriðjudag kröfu Ásgeirs
Leví Grétarssonar, sem ákærður er
fyrir manndráp, um lokað þinghald.
Ásgeir Leví sætir ákæru ríkissak-
sóknara fyrir manndráp með því að
hafa orðið Finnboga Sigurbjörns-
syni að bana við Bakkasel í Breið-
holti 28. október 2001.
Úrskurður héraðsdóms hefur ver-
ið kærður til Hæstaréttar.
Kröfu um lokað
þinghald hafnað
♦ ♦ ♦
♦ ♦ ♦