Morgunblaðið - 18.04.2002, Blaðsíða 13

FRÉTTIR
MORGUNBLAÐIÐ FIMMTUDAGUR 18. APRÍL 2002 13
GARÐABÆJARLISTI – S-
listi – við bæjarstjórnarkosn-
ingar í Garðabæ 25. maí nk.
var samþykktur á fundi fé-
lagsins 10. apríl sl.
Listann skipa: 1. Sigurður
Björgvinsson skólastjóri, 2.
Lovísa Einarsdóttir íþrótta-
kennari, 3. Björn Rúnar Lúð-
víksson læknir, 4. Steinþór
Einarsson markaðsstjóri, 5.
Anna Magnea Hreinsdóttir
leikskólastjóri, 6. Þóra Kemp
félagsráðgjafi, 7. Árdís Ýr
Pétursdóttir nemi, 8. Ólafur
Gunnar Þórólfsson vélvirki, 9.
Stella Hrafnkelsdóttir hjúkr-
unarfræðingur, 10. Þorkell
Jóhannsson kennari, 11.
Bjarni Sæmundsson pípu-
lagningameistari, 12. Erna
Aradóttir leikskólastjóri, 13.
Gizur Gottskálksson læknir
og 14. Þórunn Sveinbjarnar-
dóttir alþingiskona.
Skipan
Garðabæj-
arlistans
ákveðin
LANDSSÍMINN hefur skilað grein-
argerð til Póst- og fjarskiptastofnun-
ar vegna erindis Tals hf. um meint
eignatengsl fyrirtækisins og Íslands-
síma í gegnum ríkissjóð. Þar kemur
fram meðal annars að erindið sé fyr-
irtækinu óviðkomandi þar sem það
eigi ekki hlut í Íslandssíma hvorki
með beinum eða óbeinum hætti.
Ríkissjóður á 98% hlut í Land-
símanum og 68% hlutafjár í Lands-
bankanum, sem er stærsti einstaki
hluthafinn í Íslandssíma.
Fram kemur hjá Heiðrúnu Jóns-
dóttir, upplýsingafulltrúa Landssím-
ans, að erindi félaganna snúi þess
vegna eðli málsins samkvæmt að eig-
endum félaganna. Íslenska ríkið sé
eigandi u.þ.b. 98% hlutafjár í Lands-
síma Íslands, en muni á þeim tíma
sem rekstrarleyfið hafi verið gefið út
hafa verið 100% eigandi að félaginu.
Engin breyting hafi því orðið á eign-
arhaldi á Landssíma Íslands hf., sem
máli skipti í þessu sambandi, frá því
að rekstrarleyfi félagsins hafi verið
gefið út. Þá sé ljóst að Síminn hafi
ekki eignast hlut í öðrum fjarskipta-
fyrirtækjum á sviði þjónustu þar
sem fjöldi leyfishafa sé takmarkaður
sbr. 4. gr. starfsleyfis. Hafi Lands-
sími Íslands hf. því ekki á nokkurn
hátt brotið gegn rekstrarleyfi sínu.
Hafi hins vegar orðið breytingar á
eignaraðild að Íslandssíma hf. frá út-
gáfu fjarskiptaleyfis Landssíma Ís-
lands hf. verði athugasemdum þar að
lútandi væntanlega að beina til Ís-
landssíma hf. eða eigenda þess fé-
lags, ef við eigi.
Þá vísaði Heiðrún einnig til þess
að lögmætisreglur stjórnsýsluréttar
mæli gegn því að leyfishöfum í leyf-
isbundinni starfsemi séu sett skilyrði
eða kostir sem þeir hafi ekki tök á að
fara eftir eða hafa áhrif á, nema að
slíkt hafi sérstæka lagaheimild. „Af
þessum sökum verður ekki talið að
eignarhald ríkisins að Íslandssíma,
sem eru tilkomin án nokkurs til-
verknaðar fjarskiptafyrirtækis
Landssíma Íslands hf., geti að lögum
leitt til þess að útgefið fjarskiptaleyfi
viðkomandi falli niður eða því séu
settar skorður öðrum hluthöfum til
tjóns.“
Greinargerð Landssímans til Póst- og fjarskiptastofnunar
Erindi Tals
Landssímanum
óviðkomandi
ÁRNI Þór Sigurðsson, formaður
skipulags- og byggingarnefndar
Reykjavíkur, segir að endurskoða
verði deiliskipulag lóða við Laugar-
nestanga í framhaldi af nýlegum úr-
skurði úrskurðarnefndar skipulags-
og byggingarmála. Var hann á þá
leið að ógilt var ákvörðun borgar-
ráðs um að fella úr gildi heimild til
byggingar vinnustofu á Laugarnes-
tanga 65 þar sem hús Hrafns Gunn-
laugssonar stendur.
Rök nefndarinnar m.a. þau
að réttur Hrafns sé skertur
Rök úrskurðarnefndarinnar eru
m.a. þau að réttur Hrafns sé skert-
ur með því að meina honum að
byggja umrædda vinnustofu og að
jafnræðis hafi ekki verið gætt með
honum og eigendum nágrannalóða
hvað varðar nýtingarhlutfall lóðar-
innar.
Formaður skipulags- og bygg-
inganefndar segir að í framhaldi af
þessum úrskurði muni hann leggja
til á fundi nefndarinnar í næstu viku
að deiliskipulag lóðanna nr. 60, 62
og 65 við Laugarnestanga verði
endurskoðað. Árni Þór segir Laug-
arnestangann öðrum þræði eiga að
vera almennt útivistarsvæði og hafi
það verið skoðun nefndarinnar að
ekki yrði um frekari byggingar að
ræða á umræddum lóðum. Efnisleg
rök væru fyrir lægra nýtingarhlut-
falli vegna útivistarsvæðisins í
Laugarnestanga.
Ráðist var í framkvæmdir
sem ekki var leyfi fyrir
Þá sagði Árni Þór að hann hefði
óskað eftir að byggingafulltrúi gerði
athugasemdir við framgöngu
Hrafns Gunnlaugssonar á lóð sinni.
Þar hefði verið ráðist í framkvæmd-
ir sem ekki væri leyfi fyrir, m.a.
jarðvegur fluttur á lóðina og að
hluta á lóð borgarinnar, stækkað
hús og torveldað aðgang að göngu-
stíg í fjörunni.
Í frétt Morgunblaðsins á þriðju-
dag af úrskurði nefndarinnar mis-
ritaðist nýtingarhlutfall lóðar
Hrafns en það er 0,15. Er það helm-
ingi lægra en nýtingarhlutfall lóða
nágranna Hrafns og undir lægri
mörkum í Aðalskipulagi Reykjavík-
ur. Er beðist velvirðingar á þessum
mistökum.
Vill endur-
skoða deili-
skipulag
í Laugar-
nestanga