Morgunblaðið - 05.05.2002, Blaðsíða 19

MORGUNBLAÐIÐ SUNNUDAGUR 5. MAÍ 2002 19
landi vorið 1968. Um svipað leyti hóf
félagið að kynna olíumöl sem vænleg-
an valkost í stað malarveganna sem
þá voru allsráðandi. Í dag er olíumöl
algengasta bundna slitlagið á þjóð-
vegum landsins.
Hagtrygging og FÍB-trygging
„Árið 1962 hóf félagið að reka vega-
þjónustu og margir landsmenn muna
enn eftir bláu og hvítu Land Rover
jeppunum sem veittu vegfarendum
margháttaða aðstoð á misjöfnum mal-
arvegum landsins á sínum tíma og
veittu vegfarendum öryggi. Árið 1965
barðist félagið fyrir lækkun trygging-
ariðgjalda á bíla, þannig að sú saga er
bæði gömul og ný. Tryggingafélögin
daufheyrðust þá við óskum og kröfum
félagsins eins og svo oft síðar og varð
niðurstaðan sú að fyrir frumkvæði
FÍB var stofnað tryggingafélag, Hag-
trygging. Meðal nýmæla í rekstri
þess var bónuskerfið. Það var hugsað
þannig að góðir ökumenn sem sjaldan
urðu valdir að óhöppum og slysum í
umferðinni nytu góðs af því í lægri ið-
gjöldum. Hagtrygging olli miklu um-
róti og uppstokkun á tryggingamark-
aðnum sem allir landsmenn nutu góðs
af. Hið sama gerðist svo aftur árið
1997 þegar FÍB bauð út bílatrygging-
ar félagsmanna. Þar var farin önnur
leið en áður, því ekki var um stofnun
tryggingafélags að ræða. Við töldum
það ekki á verkefnasviði FÍB að reka
slíkt félag, en buðum þess í stað út
tryggingar félagsmanna undir merkj-
um FÍB tryggingar. Íslensku trygg-
ingafélögin sendu inn gjaldskrár sín-
ar og buðu þar með öll með tölu
nánast sömu kjör. En tilboð frá vá-
tryggjanda á Lloyd́s tryggingamark-
aðinum reyndist hagstæðast. Aftur
varð mikið umrót á tryggingamark-
aðinum og íslensku tryggingafélögin
sem öll höfðu boðað miklar iðgjalda-
hækkanir, lækkuðu iðgjöld sín veru-
lega,“ segir Árni.
„FÍB er viðurkennt af stjórnvöld-
um sem ráðgefandi aðili um hvers-
konar lagasetningu sem tengist bif-
reiðum og umferðaröryggi og hefur
átt drjúgan þátt í mótun þess lagaum-
hverfis. Þetta er eitt þeirra verkefna
sem aldrei taka enda og áður hefur
verið minnst á. Það mál af þessu tagi
sem nú ber hæst í þessum málaflokki
er barátta félagsins fyrir afnámi
þungaskatts á dísilbifreiðar og í stað
þungaskatts verði tekið upp olíugjald.
Það er löngu tímabært að dísilknúnir
fólksbílar verði valkostur fyrir venju-
legt fjölskyldufólk, enda hafa fram-
farir í smíði dísilvéla verið miklar síð-
ustu ár og nýjar dísilvélar eru
ótrúlega sparneytnar, hljóðlátar og
mengunarlitlar en jafnframt öflugar
og endingargóðar,“ segir Árni.
Hann segir að skatta eigi að nota
með jákvæðum hætti til að umbuna
þeim sem markvisst draga úr elds-
neytiseyðslu, t.d. með kaupum á
minna mengandi og nýtnari ökutækj-
um. Til að ná raunhæfum markmið-
um þurfi stjórnvöld að sjá fyrir heild-
aráhrifin af sanngjörnum breytingum
á skattaumhverfinu. Breytingar úr
þungaskatti í olíugjald geta haft áhrif
á tekjur ríkissjóðs en á móti kemur
verulegur ávinningur: Minni olíu-
notkun, hagstæðari vöruskiptajöfn-
uður við útlönd, minni útlosun á gróð-
urhúsalofttegundum, minni mengun
og orkusparnaður í stað orkusóunar.
Álfheimastrætó í kafaldsbyl. FÍB hóf að reka vegaþjónustu árið 1962.
gugu@mbl.is
AÐALFUNDUR
Aðalfundur Lífeyrissjóðs verkfræðinga verður haldinn á
Grand Hóteli Reykjavík, Sigtúni 38, Reykjavík, þriðjudag-
inn 21. maí 2002 kl. 17.15.
Fundarefni:
1. Skýrsla sjóðstjórnar.
2. Reikningsskil.
3. Fjárfestingarstefna kynnt.
4. Lífeyrisuppgjör pr. 31.12. 2001 – skýrsla
tryggingafræðings sjóðsins.
5. Breytingar á samþykktum.
6. Kosning tveggja manna í stjórn og eins til vara.
7. Kosning endurskoðanda og tveggja
skoðunarmanna.
8. Önnur mál.
Endurskoðaðir og undirritaðir reikningar sjóðsins, ásamt
skýrslu tryggingafræðings, munu liggja frammi á skrifstofu
sjóðsins viku fyrir aðalfund, sjóðfélögum til sýnis.
Reykjavík, 5. maí 2002.
Stjórnin.
AUGLÝSINGADEILD
netfang: augl@mbl.is eða sími 569 1111