Morgunblaðið - 04.07.2002, Page 2
FRÉTTIR
2 FIMMTUDAGUR 4. JÚLÍ 2002 MORGUNBLAÐIÐ
Fylgstu
með
nýjustu
fréttum
www.mbl.isÖrn Arnarson ekki meðal
keppenda á EM í Berlín /B1
Fylkir, ÍBV, KA og Keflavík
áfram í bikarnum /B2
4 SÍÐUR12 SÍÐUR
Sérblöð í dag
Á FIMMTUDÖGUM
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í F
ÍSLANDSPÓSTUR hækkaði í gær
póstgjaldskrár um 8½ prósent að
meðaltali. Þá hefur fyrirtækið auk
þess lagt niður sérstaka gjaldskrá
fyrir blöð og tímarit og mun breyt-
ingin hafa í för með sér umtalsverðar
hækkanir á dreifingarkostnaði blaða
og tímarita með pósti. Forsvars-
menn Íslandspósts segja að með
breytingunum sé verið að tengja
gjaldskrár betur við þann kostnað
sem hlýst af hverri þjónustugrein
fyrir sig.
Að sögn Áskels Jónssonar, fram-
kvæmdastjóra markaðs- og sölu-
sviðs hjá Íslandspósti, er um að ræða
gjaldskrárhækkanir sem áttu upp-
haflega að taka gildi 1. janúar sl. Í
ljósi efnahagsástands í þjóðfélaginu
á þeim tíma ákvað stjórn Íslands-
pósts að fresta þeim um ótiltekinn
tíma.
Vegin meðaltalshækkun á gjald-
skrám, sem gildi tóku í gær, er 8½
prósent, að sögn Áskels, þar af 7 pró-
senta hækkun á einkaréttarpósti,
þ.e. almennum bréfpósti í innan-
landssendingum upp að 250 g og 5–6
prósenta hækkun á sendingum utan-
lands. Þá hækkar samkeppnispóstur
um 10–12% að meðaltali, en til sam-
keppnispósts teljast bréf þyngri en
250 g auk blaða, tímarita og böggla-
pósts.
Að sögn Áskels er með breyting-
unum verið að tengja gjaldskrár við
kostnað sem hlýst af hverri þjón-
ustugrein fyrir sig.
Þá leggur Íslandspóstur niður sér-
staka gjaldskrá yfir blöð og tímarit
sem Áskell segir að sé gamall arfur
frá fyrri tíð.
„Í eldri lögum var gert ráð fyrir að
til væri sérstök gjaldskrá fyrir blöð
og tímarit sem ráðherra gat á hverj-
um tíma niðurgreitt ef svo bar undir.
Nú er þetta ósköp einfaldlega farið
úr lögunum þannig að við erum að
bregðast við því,“ segir Áskell.
Með breytingunum fara blaða- og
tímaritasendingar inn í hefðbundna
bréfagjaldskrá.
Dreifingarkostnaður á eintak
úr 30 krónum í 65 kr.
Áskell viðurkennir að um verulega
breytingu á gjaldskrá sé að ræða á
þessum tilteknu sendingum, sem
hafi áður farið allt niður í þriðjung af
hefðbundinni bréfagjaldskrá. Sú
verðlagning hafi hins vegar verið
barn síns tíma og í engu samræmi
við tilkostnað.
„Við getum ekki verið með svona
gjaldskrá sem gæti hugsanlega verið
litið á sem samkeppnishindrandi
vegna þess hversu lág hún er,“ segir
Áskell Jónsson.
Að sögn Gísla Valtýssonar, fram-
kvæmdastjóra vikublaðsins Frétta í
Vestmannaeyjum, kostar gjald-
skrárhækkunin útgefendur blaðsins
um 950 þúsund krónur aukalega á
ári.
Með breytingunum fer dreifingar-
kostnaður á hvert eintak, miðað við
500 eintök, úr 30 kr. í 65 kr., að sögn
Gísla. Hann segir hækkunina um-
talsverða fyrir lítið fyrirtæki á borð
við Fréttir.
Gísli segir að engar ákvarðanir
hafi verið teknar um hvernig þessum
aukna kostnaði verði mætt. Hins
vegar blasi við að þrautalendingin sé
sú að bæta kostnaðinum inn í
áskriftarverðið.
Fréttir koma út vikulega í 2.000
eintökum. Blaðburðarbörn sjá um
dreifinguna í Eyjum en milli fimm og
sex hundruð áskrifendur eru á meg-
inlandinu og fá þeir blaðið sent til sín
með pósti.
Íslandspóstur afnemur sérstaka gjaldskrá fyrir blöð og tímarit
Gjaldskrá hækkuð um
8,5% að meðaltali SKOSKA hljómsveitin Travis komhingað til lands í gær, miðviku-dag, en hún mun eins og kunnugt
er halda tónleika í Laugardalshöll-
inni í kvöld.
Þeir Fran Healy, Douglas
Payne, Neil Primrose og Andrew
Dunlop voru kampakátir við kom-
una í gær.
Þeir félagar dvelja hér í þrjá
daga og voru greinilega búnir að
skipuleggja ferðina vel.
„Við ætlum að fara að sjá jökla
og hveri og fara á hestbak. Einnig
ætlum við að heimsækja eld-
fjallaeyjarnar Vestmannaeyjar,“
sagði söngvarinn Healy við kom-
una.
Fjórmenningarnir í Travis sögð-
ust aldrei hafa séð aðra eins nátt-
úru og blasti við þeim við komuna
til Íslands og líktu upplifun sinni
af landslaginu við komu til tungls-
ins. Þeir sögðust vera mjög
spenntir að fá að spila fyrir
Íslendinga og sögðu einu vænting-
arnar sem þeir hafa gert til ferð-
arinnar vera að fá að kynnast
skemmtilegu fólki.
Eins og
að lenda
á tunglinu
Morgunblaðið/Árni Sæberg
Andrew Dunlop, Douglas Payne, Fran Healy og Neil Primrose á blaðamannafundi í Bláa lóninu við komuna í gær.
GRUNSAMLEGUR pakki varð
þess valdandi að varnarsvæðinu á
Keflavíkurflugvelli var lokað í
tæpa þrjá tíma í gærdag. Pakkinn,
sem barst inn á svæðið, þótti grun-
samlegur þar sem hann var stíl-
aður á rangt heimilisfang og var
viðtakandi hans ekki nægilega skil-
greindur, samkvæmt upplýsingum
frá Landhelgisgæslunni.
Í kjölfarið ákvað póstmeistarinn
á varnarsvæðinu að kalla á örygg-
isverði sem rýmdu bygginguna
þangað sem pakkinn barst og var
síðan haft samband við Landhelg-
isgæsluna sem sér um sprengju-
eyðingu fyrir varnarliðið.
Sprengjusérfræðingar Land-
helgisgæslunnar rannsökuðu pakk-
ann með gegnumlýsingu auk þess
sem þeir óskuðu eftir upplýsingum
um sendandann. Lögreglunni í
Bandaríkjunum tókst að hafa uppi
á honum og í framhaldi af því var
pakkinn opnaður með sérstakri
tækni.
Innihald pakkans, tímarit,
súkkulaði og kökur, var afhent
herlögreglunni á Keflavíkurflug-
velli sem fer með rannsókn máls-
ins.
Varnarsvæðið á Keflavíkurflug-
velli var opnað á ný um klukkan
eitt í gærdag eftir að hafa verið
lokað í tæpar þrjár klukkustundir
vegna sendingarinnar.
Varnarsvæðinu lokað vegna grunsamlegs pakka
Reyndist innihalda tíma-
rit, súkkulaði og kökur
HÉRAÐSDÓMUR Reykjavíkur
dæmdi í gær tvítugan mann, Hlyn
Smára Sigurðarson, í tveggja ára
fangelsi vegna ýmissa afbrota.
Með afbrotum sínum rauf hann 17
mánaða skilorðsbundinn dóm og
var hann því tekinn upp og dæmt
fyrir brotin í einu lagi.
Verðmæti þýfisins
á fjórðu milljón
Í dómnum kemur fram að Hlyn-
ur hefur frá árinu 2000 hlotið þrjá
refsidóma fyrir umferðarlagabrot,
nytjastuld, fíkniefnabrot, gripdeild
og þjófnað. Hann var síðast
dæmdur í 20 mánaða fangelsi, þar
af 17 mánuði skilorðsbundna.
Hann lauk afplánun óskilorðs-
bundna hluta síðasta dómsins 2.
janúar en fyrsta brotið sem hann
var nú dæmdur fyrir framdi hann
9. mars. Alls var hann dæmdur
fyrir sex afbrot, þar af fjögur inn-
brot. Verðmæti þýfisins var á
fjórðu milljón króna.
Játaði brot sín
Fram kemur í dómnum að það
var virt ákærða til refsilækkunar
að hann væri ungur að árum og
hefði játað brot sín hreinskilnis-
lega. Gæsluvarðhald kemur til frá-
dráttar refsitímanum. Guðjón St.
Marteinsson héraðsdómari kvað
upp dóminn. Hjalti Pálmason sótti
málið f.h. lögreglustjórans í
Reykjavík. Sigmundur Hannesson
hrl. var til varnar.
Tveggja ára
fangelsi
vegna ítrek-
aðra afbrota
STÚLKA missti framan af
fingri í vinnuslysi hjá Létt-
steypu Suðurnesja í Njarðvík í
gær. Hún var flutt á Heilbrigð-
isstofnun Suðurnesja til að-
hlynningar og þaðan á Land-
spítala – háskólasjúkrahús.
Stúlkan slasaðist við vinnu í
hellustimpilvél, að sögn lög-
reglunnar í Keflavík. Var vélin
tekin úr umferð í kjölfar slyss-
ins, auk þess sem Vinnueftirlit
ríkisins var kvatt á vettvang til
að kanna aðstæður.
Missti
framan af
fingri