Morgunblaðið - 04.07.2002, Qupperneq 6

FRÉTTIR
6 FIMMTUDAGUR 4. JÚLÍ 2002 MORGUNBLAÐIÐ
HYDRO Aluminum, álvinnslusvið
norska stórfyrirtækisins Norsk
Hydro, hefur sent frá sér tilkynn-
ingu þar sem fyrirtækið lýsir því yfir
að það hafi enn fullan hug á að taka
þátt í álverkefni á Íslandi þegar öll
skilyrði eru fyrir hendi.
Að sögn Thomas Knutzen, upplýs-
ingafulltrúa Hydro Aluminum,
ákvað fyrirtækið að senda út frétta-
tilkynningu þar sem ítrekað er að
þeir séu ekki hættir við verkefnið og
var það gert í ljósi þess að ýmsir að-
ilar hefðu tjáð sig um að fyrirtækið
hefði hætt við þátttöku í álverkefn-
inu á Reyðarfirði.
„Við vildum leiðrétta þennan mis-
skilning og ítreka að við værum ekki
hættir við þátttöku í álverkefninu
þótt endanleg ákvörðun liggi ekki
fyrir,“ segir Knutzen.
Aðspurður hvort yfirlýsing banda-
rísku náttúruverndarsamtakanna
World Wildlife Fund, WWF, hafi átt
þátt í að Norsk Hydro sendir frá sér
tilkynningu nú segir Knutzen að hún
hafi augljóslega haft áhrif. Þeir hafi í
nýlegri tilkynningu komið fram með
fullyrðingar um ástæður þess að fyr-
irtækið hafi ákveðið að bíða með
ákvörðun og að fyrirtækið hefði í
raun hætt við þátttöku sem rétt hafi
verið að leiðrétta.
Í tilkynningu frá Hydro Alumin-
um segir að ýmsar yfirlýsingar hafi
komið fram í íslenskum fjölmiðlum
að undanförnu varðandi áhuga
Hydro Aluminum á að starfa á Ís-
landi. Tekið er fram að fyrirtækið
hafi ekki lagt áform um álver á Ís-
landi á hilluna. Eins og tilkynnt hafi
verið í mars hafi kaup Hydro á þýska
fyrirtækinu VAW gert það að verk-
um að Hydro þurfi lengri tíma til að
meta fjárfestingarstefnu sína til
næstu ára og sé því ekki í aðstöðu til
að taka endanlega ákvörðun um ál-
ver á Íslandi fyrir 1. september 2002.
„Við viljum taka þátt í álþróun á
Austurlandi þegar öll skilyrði eru
fyrir hendi,“ segir í tilkynningunni.
Norsk Hydro ítrekar áhuga á þátttöku í álverkefni á Íslandi
Telja rétt að leiðrétta
yfirlýsingar WWF
SAMKVÆMT lögum um meðferð
opinberra mála hefur maður sem er
dæmdur í héraði fjórar vikur til að
áfrýja dómnum til Hæstaréttar.
Ákæruvaldið hefur átta vikna frest.
Jakob R. Möller hrl., verjandi
Árna Johnsen, sagði í samtali við
Morgunblaðið í gær að ekki hefði ver-
ið tekin ákvörðun um hvort málinu
yrði áfrýjað. „Það er athyglisvert að
allir ákæruliðirnir sem hann er sak-
felldur fyrir, nema einn, tengjast
Þjóðleikhúsinu. Hann er sýknaður af
öllum ákæruliðum sem varða Bratta-
hlíð og Vestmannaeyjar,“ segir Jak-
ob. Einu brotin sem hann hafi verið
sakfelldur fyrir sem tengist þing-
mennsku hans varði kvittanir vegna
veitinga sem hann hafi í raun og veru
lagt út fyrir. Þarna sé því um form-
brot að ræða frekar en auðgunartil-
gang. Bragi Steinarsson, vararíkis-
saksóknari, segir að ákæruvaldið
muni taka ákvörðun um áfrýjun þeg-
ar afstaða Árna til áfrýjunar liggi fyr-
ir. Hið sama gildi um afstöðu ákæru-
valds til áfrýjunar hvað aðra
málsaðila varðar.
Helmingur afplánaður
sé brotið ekki alvarlegt
Skv. upplýsingum frá Fangelsis-
málastofnun eru almennar reglur um
afplánun dóma þannig að þeir sem
dæmdir eru fyrir alvarleg afbrot af-
plána almennt 2/3 hluta refsitímans.
Alvarleg afbrot eru fyrst og fremst
afbrot sem beinast gegn lífi og lík-
ama, s.s. líkamsárásir og kynferðis-
brot. Þeir sem hafa fengið dóma fyrir
önnur afbrot afplána yfirleitt helm-
ing refsitímans. Öðru máli gegnir um
síbrotamenn en þeir þurfa að afplána
stærri hluta dómsins og jafnvel allan.
Missir kjörgengi til Alþingis
Í lögum um kosningar til Alþingis
er kveðið á um að hver sá sem er með
kosningarétt sé kjörgengur til Al-
þingis, hafi hann óflekkað mannorð.
Þetta á þó ekki við um hæstaréttar-
dómara og umboðsmann Alþingis
sem ekki eru kjörgengir. Í lögunum
segir að dómur fyrir refsivert brot
hafi ekki flekkun mannorðs í för með
sér nema sakborningur hafi verið
fullra 18 ára þegar brotið var framið
og refsingin sé fjögurra mánaða
fangelsi óskilorðsbundið hið minnsta
eða að öryggisgæsla hafi verið dæmd.
Ekki verið tekin
ákvörðun um áfrýjun
HLÝTT og bjart veður var á suðurlandsund-
irlendi í gær og bændur þar eru langt komn-
ir með fyrsta slátt eða hafa jafnvel þegar
lokið honum. Á sama tíma í fyrra voru
margir þeirra rétt að byrja að slá þannig að
ekki verður annað sagt en heyskapur hafi
gengið vel á þessu sumri. Úrkoma í maí og
júní var lítil á Suðurlandi og snjóalög í vor
sömuleiðis þannig að grunnvatnsborð hefur
lækkað talsvert og víða eru skurðir við að
þorna upp og sums staðar farið að gæta
vatnsskorts.
Guttormur Bjarnason, bóndi í Skálholti,
og kona hans, Signý Guðmundsdóttir, voru í
óða önn að snúa í blíðunni upp úr hádegi í
gær. Þau eru að ljúka fyrra slætti en slá síð-
an stærsta hluta túnanna aftur.
„Nei, nei, við leggjum okkur ekki eftir há-
degismatinn í svona bullandi heyskapartíð,
það verður að bíða vætunnar, núna sér mað-
ur ekki af nokkurri mínútu,“ segir Gutt-
ormur.
Nokkrir bændur
þegar búnir að heyja
„Jú, það er mjög sérstakt að fyrri hey-
skapur klárist fyrstu vikuna í júlí og ég veit
að sumir í nágrannasveitunum kláruðu að
heyja fyrir síðustu helgi. Þetta hefur alveg
verið einstök tíð. Það er rífandi þurrkur
núna og búið að vera alla þessa viku.“
„Þessi Ferguson er sennilega árgerð ’73
eða ’74,“ segir Guttormur, „en hann er líf-
seigur þótt hann sé búinn að snúast mikið.
Þegar svona veðrátta er vill maður ekki síð-
ur vera í opinni vél og njóta þess að finna
heitan blæinn leika um sig. Það verður bara
molla í vélum með húsi.“
Guttormur er fæddur og uppalinn í Gnúp-
verjahreppi en lærði síðan bifreiðasmíði í
Reykjavík og vann við það í ein tíu ár áður
en sveitin kallaði. „Ég tók við búskap hér
1993 enda var ég farinn að þrá að komast úr
þéttbýlinu og okkur líkar ákaflega vel hérna
og hér er allt til alls.“
Benedikt bóndi Gústavsson í Miðengi í
Grímsnesi lætur sér nægja að slá einu sinni.
Hann sagðist vera að slá síðustu heimatúnin
en hann ætti eftir að slá á tveimur öðrum
jörðum, en það væri mun minna. Benedikt
segir mjög misjafnt hvað bændur séu langt
komnir með slátt, sauðfjárbændur séu einatt
seinni, enda beita þeir túnin meira á vorin.
„Við byrjuðum að slá á þessum degi í
fyrra þannig að þetta er með besta móti. Og
fóðurgildið er meira eftir því sem slegið er
fyrr. Hvað tekur svo við? Ætli það verði ekki
bara hestaferðir og fyllerí,“ segir Benedikt
og glottir.
Benedikt segist hafa tekið við búskap af
foreldrum sínum fyrir tveimur árum. „Ég
bjó í Reykjavík um tíma og starfaði sem
kokkur þar en nennti því svo ekki lengur.
Ég kann mun betur við mig hér í sveitinni.“
Brakandi þurrkur
á Suðurlandi
Benedikt í Miðengi hætti að kokka í Reykjavík til þess að taka við búskap af foreldrunum.
Guttormur, bóndi í Skálholti, segist ljúka fyrra slætti í vikunni.Morgunblaðið/Jim Smart
ÍSTAK hefur sent frá sér yfirlýs-
ingu í kjölfar dóms í máli Árna
Johnsen.
„Svo sem kunnugt er var í dag,
hinn 3. júlí 2002, kveðinn upp
dómur Héraðsdóms Reykjavíkur í
máli ákæruvaldsins gegn Árna
Johnsen og öðrum nafngreindum
einstaklingum. Hefur nafn Ístaks
hf. dregist inn í það mál.
Ístak hf. hefur frá upphafi
málsins haldið því staðfastlega
fram að hvorki það, né starfsmenn
þess, hafi átt nokkurn þátt í ólög-
mætri eða refsiverðri háttsemi og
liggur nú fyrir niðurstaða Héraðs-
dóms Reykjavíkur sem sýknaði
starfsmann félagsins af öllum
kröfum ákæruvaldsins og stað-
festir þannig það sem félagið hef-
ur ætíð haldið fram.
Hins vegar hefur niðurstaða
Héraðsdóms Reykjavíkur stað-
fest að hluti þeirra verka sem Ís-
tak hf. var fengið til að vinna fyrir
byggingarnefnd Þjóðleikhússins
hafi í raun ekki verið unninn í
þágu nefndarinnar. Um er að
ræða vöruúttektir og kaup á þjón-
ustu beiðna frá Ístaki hf. sem fé-
lagið gaf út í góðri trú. Samkvæmt
viðskiptavenju reiknaði Ístak hf.
sér álag á þá reikninga sem þann-
ig voru greiddir, en það álag sem
hér um ræðir er innan við 300.000
krónur.
Í ljósi þeirrar niðurstöðu lög-
reglurannsóknar og Héraðsdóms
Reykjavíkur að félagið hafi verið
blekkt til að hafa milligöngu um
kaup vöru og þjónustu eins og lýst
er í dómnum, hafa stjórnendur Ís-
taks hf. ákveðið að endurgreiða
byggingarnefnd Þjóðleikhússins
framangreint álag sem lagt var á
þá reikninga sem þannig háttar
um.“
Undir þetta skrifar Páll Sigur-
jónsson, framkvæmdastjóri Ís-
taks.
Ístak endurgreiðir