Morgunblaðið - 04.07.2002, Blaðsíða 28

LISTIR
28 FIMMTUDAGUR 4. JÚLÍ 2002 MORGUNBLAÐIÐ
SMÁRALIND KRINGLUNNI
ÚTSALAN
HEFST Í DAG
20%-40%
AFSLÁTTUR AF VÖLDUM SKÓM
Þrýstimælar
Við mælum með
Fiskislóð 26 · Sími: 551 4680 · Fax: 552 6331
www.sturlaugur.is
i i l í i
l i
KONUR og rósir er yfirskrift mál-
verkasýningar Öldu Ármönnu sem
opnuð verður í Cafe Nielsen á Egils-
stöðum í dag, fimmtudag. Viðfangs-
efnið eru konur, málaðar í olíu, og
blómamyndir.
Hluti af þessum verkum var sýnd-
ur í Galleríi Reykjavík í maí sl. og
eru þau máluð á þessu og síðasta ári.
Alda Ármanna hefur haldið fjölda
einkasýninga og samsýninga í
Reykjavík, úti á landi og erlendis.
Sýningin stendur til 18. júlí.
Alda Ármanna
sýnir á
Egilsstöðum
ÞRJÁR myndlistarkonur sýna
verk sín á sýningu sem opnuð
verður í Galleríi i8 við Klapparstíg
í dag. Þetta eru þær Beate Ter-
floth, Sabine Funke og Ragna Ró-
bertsdóttir. Sýningin heitir Þrír
veggir, en listakonurnar hafa
skapað þrjú verk, hver á sinn vegg
gallerísins.
Edda Jónsdóttir, eigandi og
galleristi á i8, segir aðdraganda
sýningarinnar þann að bæði hún
og Michael Zink-galleríið í Münc-
hen hafi verið að sýna verk eftir
Rögnu Róbertsdóttur. „Okkur
Michael Zink leist vel hvoru á ann-
ars listamenn og höfðum áhuga á
að vinna saman. Hann fékk þá
hugmynd að þessar þrjár konur
sýndu saman úti, og okkur fannst
tilvalið að þær sýndu þá líka hér.
Sýningin í München stendur út
júlí, við erum að opna hér í dag, og
við erum jafnvel að hugsa um að
fara með þær á einn stað enn, og
gera þá jafnvel eftir á skrá um
þessi rýmisverk þeirra á hverjum
stað fyrir sig. En það var líka
gaman hvað verk þessara þriggja
kvenna kölluðust á; engin þeirra
eyðileggur fyrir hinni, hver þeirra
fær að vera sér, hver á sínum
vegg, þótt þeir falli vel saman í
einu rými.“
Teiknuð lína og
minning um landslag
Beate Terfloth segir sitt verk
ólíkt hinum, því það verði ekki til
fyrr en hún sé komin á staðinn.
„Verk mitt er svörun við veggnum
og rýminu hér. Þetta er ein lárétt
lína, sem tengir saman hina vegg-
ina tvo. Þetta gæti minnt á lands-
lag, en er það þó ekki; – þetta er
aðeins ein teiknuð lína. Þú sérð
fleiri línur vinstra megin sem eru
einhvers konar afsprengi hinnar.
En þegar þú ferð nær sérðu að
það er landslag í línunni. Tveir
staðir skera sig úr, þessi dökki
partur hægra megin, og svo stað-
urinn þar sem minni línurnar
kvíslast frá hinni vinstra megin.
Þessir staðir gera það að verkum
að þú ferð að efast um línuna. Lín-
an er tvennt í senn, – teikning í
veggrýminu, og hins vegar minn-
ing þín um annað rými, – lands-
lagsrýmið.“ Beate segir það hafa
verið sérstaklega ánægjulegt að fá
að vinna tvívegis með sömu lista-
konunum. Sýningin í München hafi
gengið mjög vel, en sýningin hér
hafi orðið allt öðru vísi, þótt verk
þeirra séu svipuð.
Arkitektúr
lita og forma
Sabine Funke segir litina skipa
höfuðsess í sínum verkum, því
næst komi uppbyggingin. „Ég er
mjög hrifin af skærum litum og
síðustu fimm, sex árin hef ég verið
að vinna mjög mikið að veggmálun
á byggingar og tengi verk mín við
arkitektúr þeirra. Ég er ekki að
myndskreyta arkitektúrinn, heldur
að reyna að skapa eigin arkitektúr
lita og forma sem á sér kannski
einhvers staðar hliðstæðu eða
samsvörun í arkitektúr bygging-
arinnar. Ég skapa verk mín út frá
rýminu sem ég hef hverju sinni og
er mjög heppin hér, því eins og þú
sérð, þá er minn veggur hér mjög
sérstakur.“ Veggur Sabine er eig-
inlega horn, eða vinkill, en hornið
stendur eins og eyja út í gólfið, og
endar þar, meðan aðalveggurinn
heldur áfram bak við eyjuna og
myndar lítið horn við glugga gall-
erísins. Aðalveggurinn er rauðgul-
ur og gluggahornið grængult, en
„eyjan“ sem tengir veggina er jök-
ulblá, eins og stakur jaki á reki
milli heitu litanna. „Þetta er hug-
mynd sem mér líst á, það sagði
mér íslensk kona að þessi litur
væri einmitt mjög íslenskur og það
er kannski einmitt hægt að sjá
þetta sem ís og eld. Annars vel ég
litina fyrst og fremst eftir tilfinn-
ingu og það kemur fyrir að ég vinn
með sömu litasamsetninguna jafn-
vel mánuðum saman. Ég reyni þó
alltaf að hafa frumlitina, gulan,
rauðan og bláan í einhverri mynd í
verkum mínum.“
Ljósberar úr gleri
Í verk sitt, tvo samsíða, lóðrétta
fleti notar Ragna Róbertsdóttir
pínulitlar glerperlur. „Þetta er
endurskinsefni sem drekkur í sig
birtuna úti, þannig að ég er eig-
inlega að toga birtuna inn í gall-
eríið. Verkið breytist mjög mikið
eftir birtuskilyrðunum hér inni og
er aldrei eins.“ Aðferð Rögnu er
að bera lím á fletina tvo og þá er
glerperlusallanum fleygt á límið.
„Ég hef mikið notað mulið gler í
verkum mínum en það hefur þó
ekki sama eiginleika og þetta efni.
Þetta efni skiptir litum og er nýtt
á hverjum klukkutíma allt eftir
birtunni.“
Sýningin í i8 verður opnuð kl. 17
í dag og stendur til 17. ágúst. Gall-
eríið er opið þriðjudaga til laug-
ardaga frá kl. 13–17.
Morgunblaðið/Árni Sæberg
Sabine Funke, Beate Terfloth og Ragna Róbertsdóttir sýna í i8, Klapparstíg.
Þrír veggir
Þrjár konur sýna verk sín í Galleríi i8
GAGNASAFN MORGUNBLAÐSINS
mbl.is