Morgunblaðið - 06.09.2002, Page 12
HÖFUÐBORGARSVÆÐIÐ
12 FÖSTUDAGUR 6. SEPTEMBER 2002 MORGUNBLAÐIÐ
SIGMAR B. Hauks-
son, formaður Skot-
veiðifélags Íslands,
segir að sölubann sé
þýðingarmesta að-
gerðin til að vernda
rjúpnastofninn auk
þess sem félagið leggi
til að friðað svæði í
nágrenni Reykjavíkur
verði stækkað og
rannsóknir auknar.
Rjúpnastofninn er í
sögulegu lágmarki en
talið er að hér séu nú
um 400 til 600 þúsund
rjúpur, þótt tölurnar
séu ekki ábyggilegar,
að sögn Sigmars, sem
segir að um 140.000 rjúpur hafi
verið veiddar á ári að undanförnu.
Hann bendir á að í skoðanakönnun
félagsins í fyrra hafi meira en 61%
félagsmanna talið að grípa þyrfti
til einhverra aðgerða til að vernda
rjúpnastofninn og um 72% að-
spurðra hefðu talið að vænlegasta
leiðin væri að stöðva sölu til versl-
ana og veitingahúsa.
Um 500 veiðimenn veiði um
helming allra rjúpna, en þetta sé
fjöldadráp og atvinnustarfsemi.
Áður fyrr hafi rjúpnaveiði verið
atvinna en ekki sportveiði og rjúp-
ur hafi verið fluttar út til Dan-
merkur frá 1850.
Upp úr 1920 hafi veiðarnar auk-
ist með öflugri vopnum, en miklar
sveiflur hafi ávallt einkennt stofn-
inn.
1926 hafi verið fluttar út um
240.000 rjúpur en um 4.500 1929
og Friðrik Jónsson,
bóndi í Hraunkoti í
Lóni, hafi veitt um
1.100 rjúpur 1966 en
innan við 100 stykki
ári síðar. Auk þess
hafi Náttúrufræði-
stofnun bent á að
topparnir væru að
minnka og það væri
visst áhyggjuefni sem
yrði að taka á. Nátt-
úrufræðistofnun legg-
ur til bann við sölu á
bráð og styttingu
rjúpnaveiðitímans í
einn mánuð.
Sigmar var formað-
ur nefndar sem um-
hverfisráðherra skipaði til að fara
yfir og gera tillögur um aðgerðir
til að draga úr veiðiálagi á helstu
tegundir villtra fugla, en nefndin
komst m.a. að þeirri niðurstöðu
varðandi rjúpuna að mikilvægt
væri að banna sölu á bráð til veit-
ingahúsa og verslana.
Sigmar segir að skotveiðar eigi
að vera frístundaiðja eins og aðrar
veiðar en ekki atvinnuveiðar og því
taki Skotvís undir það að rjúpan
verði tekin út af markaðnum, því
með því að stöðva atvinnuveiðarn-
ar minnki heildarveiðin um 30 til
60 þúsund rjúpur á ári.
Rannsökuð verði áhrif
veiða á stofninn
„Sölubann er þýðingarmesta að-
gerðin,“ segir Sigmar. Hann bend-
ir á að undanfarin fjögur ár hafi
mest af nágrenni Reykjavíkur ver-
ið friðað en félagið leggi til að frið-
aða svæðið verði stækkað og verði
frá Esjubrúnum í Þingvallaveg að
sunnanverðu, Sogið og Ölfusá, þ.e.
að Reykjanes verði alfriðað næstu
fjögur árin. Samfara því verði
stundaðar rannsóknir á svæðinu til
að fá upplýsingar um hvaða áhrif
veiðarnar hafi á rjúpuna.
Hann segir að í tillögum Nátt-
úrufræðistofnunar fylgi engar
rannsóknaáætlanir en ekki sé að-
eins þýðingarmikið að fá vitneskju
um hvaða áhrif veiðarnar hafi
heldur hvaða áhrif aðrir umhverf-
isþættir eins og t.d. refur, minkur,
hrafn og sílamávur hafa, aukin
umferð, uppblástur, gróðurbreyt-
ingar og fleira. Því sé Skotvís and-
vígt styttingu veiðitímans á þessu
stigi málsins auk þess sem of stutt
sé í veiðitímabilið, sem er 15. októ-
ber til 22. desember.
Ennfremur sé talið að draga
þurfi úr veiðum á grágæs og yrði
rjúpnaveiðin aðeins leyfð í nóv-
ember stunduðu menn grágæsa-
veiðar lengur. Síðan verði alþjóð-
leg rjúpnaráðstefna hérlendis á
vegum Skotveiðifélags Íslands 5.
október.
Gert sé ráð fyrir fundi með er-
lendu sérfræðingunum, sérfræð-
ingum Náttúrufræðistofnunar og
starfsmönnum umhverfisráðuneyt-
isins um stöðu stofnsins og út frá
niðurstöðum þess fundar yrði þá
gripið til aðgerða á næsta ári. Þá
beri að hafa í huga að rjúpnastofn-
inn sé ekki í útrýmingarhættu og
veiðitíminn hér sé styttri en á hin-
um Norðurlöndunum.
Formaður Skotveiðifélags Íslands um rjúpnaveiði
Sölubann er þýðing-
armesta aðgerðin
Sigmar B.
Hauksson
FRÉTTIR
„ÉG held að þetta sé örugglega
stærsta lúða sem veiðst hefur á
sjóstöng hér við land,“ segir Ólafur
Björnsson um 131,5 kg lúðu sem
Bandaríkjamaður setti í norðaustur
af Garðsskaga fyrir rúmum átta ár-
um.
Ólafur gerði út sjóstangaveiðbát-
inn Hnoss KE frá Keflavík og fór út
með sjö Bandaríkjamenn úr liði
þeirra á Keflavíkurflugvelli 22. maí
1994. Eftir að þeir höfðu verið í um
þrjá tíma og veitt töluvert af þorski
og eitthvað af ufsa norðaustur af
Garðsskaga setti John Munro í
þessa stóru lúðu.
„Ég var með sjö menn úr land-
gönguliðinu, eins og þeir kalla það
á Vellinum, og þessi maður setti
skyndilega í lúðuna,“ segir Ólafur,
spurður um veiðina. „Hann taldi sig
hafa fest í botni og því fór ég til
hans enda í því að hjálpa til við svo-
leiðis. Ég fann greinilega að þetta
var lúða því hún fylgdi með og það
kom í minn hlut að drösla henni
upp, en við vorum í góðan hálftíma
að því.“
Að sögn Ólafs urðu menn hissa
þegar þeir sáu skepnuna. „Hún var
samt býsna spök,“ segir hann og
bætir við að hún hafi veiðst á venju-
legan krók á venjulegri sjóstöng.
„Áður hafði karfi húkkast á krók-
inn og það var karfinn sem hún ætl-
aði að gleypa en engin lína fór upp í
hana.“ Ólafur segir að ekki hafi
dugað nein vettlingatök við að taka
á móti henni. „Ég fór hálfur ofan í
sjó til að koma böndum á hana en
strákarnir héldu í fæturna á mér.
Þetta tókst og síðan drógum við
hana í land en hún mældist 131,5
kíló. Ég held að þetta sé örugglega
met á sjóstöng og er ég æði vanur á
sjó, en það er hreint furðulegt að ná
svona skepnu upp með svona tækj-
um.“
Þegar í land var komið hafði
Ólafur samband við fisksala en þeir
vildu síður svona stóra lúðu. „Það
varð úr að Garðar í Koti tók að sér
að koma henni á markað og fékk
hátt í 50 þúsund fyrir hana.“ Ólafur
Björnsson og John Munro eru hér
með 131,5 kg lúðuna á milli sín.
Morgunblaðið/Hilmar Bragi
„Fór hálfur
ofan í sjó
til að koma
böndum
á hana“
Veiddi 131,5 kg lúðu norðaustur af Garðsskaga
FRAMKVÆMDUM við stækkun
húsnæðis Slökkviliðs höfuðborg-
arsvæðisins að Skógarhlíð 14 mið-
ar vel áfram. Ráðgert er að taka
hluta byggingarinnar í notkun í
desember.
Að sögn Björns Gíslasonar,
framkvæmdastjóra SHS fasteigna
ehf., sem hefur umsjón með bygg-
ingum Slökkviliðsins, munu bygg-
ingarnar hýsa Slökkviliðið, Al-
mannavarnir, Neyðarlínuna,
Fjarskiptamiðstöð lögreglunnar
og Slysavarnafélagið Landsbjörg
þegar þær eru fullbúnar.
Stefnt er að því að viðbygging-
unni verði að fullu lokið fyrir 15.
júní næstkomandi. Hins vegar er
stefnt að því að Fjarskipta-
miðstöðin og Neyðarlínan flytji
inn í neðri hæðina í desember
næstkomandi. Alls verður við-
Björn Hermannsson lítur hér yfir byggingarsvæðið úr körfubíl.
Neyðarmiðstöð
tekur á sig mynd
Hlíðar
BORGARRÁÐ hefur samþykkt
að ganga til samninga við rekstr-
araðila Egilshallar um leigu á að-
stöðu fyrir frjálsíþróttaiðkun. Er
með þeirri samþykkt fallið frá
því að hafna tilboði um slíka
leigu.
Í bréfi Íþrótta- og tómstunda-
ráðs til borgarráðs er rakið að í
byrjun árs hafi farið fram við-
ræður milli ÍTR og eigenda Eg-
ilshallarinnar um leigu borgar-
innar á viðbótaraðstöðu í höllinni
fyrir ýmsar íþróttagreinar og
skólaleikfimi. Var þá meðal ann-
ars rætt um leigu á aðstöðu fyrir
frjálsíþróttagreinar og lýstu
leigusalar sig reiðubúna til að
koma slíkri aðstöðu fyrir um-
hverfis knattspyrnuvöllinn í hús-
inu gegn sérstöku æfingagjaldi.
Mótmæli frá forsvars-
mönnum íþróttahreyfinga
Í júlí síðastliðnum var ákveðið
í borgarráði að taka samningi um
leigu á aðstöðu fyrir ýmsar
íþróttir og skólaleikfimi með
þeirri breytingu þó að ekki yrði
gengið til samninga um félagsað-
stöðu skautamanna og aðstöðu
fyrir frjálsíþróttastarfsemi.
Hafa forsvarsmenn Frjáls-
íþróttasambands Íslands, Frjáls-
íþróttadeildar Fjölnis og Íþrótta-
bandalags Reykjavíkur mótmælt
þessari ákvörðun enda telja þeir
að með frjálsíþróttaaðstöðu í Eg-
ilshöll myndi öll aðstaða til æf-
inga og hugsanlega keppni í
frjálsíþróttum batna í borginni,
ekki síst í Grafarvogi þar sem
iðkendur þurfa að ferðast um
langan veg til að stunda íþrótt
sína.
Fastir pallar í stað
færanlegra
Kemur fram í bréfi ÍTR að
rekstraraðilar Egilshallar líta
svo á að um heildarsamning hafi
verið að ræða og með því að und-
anskilja frjálsíþróttaaðstöðuna
geti önnur verð sem samið var
um breyst. Þá séu líkur á að þeir
muni setja upp fasta áhorfenda-
bekki í stað færanlegra ef ekki
liggi fyrir afstaða fljótlega um
hvort líkur séu á samningi um
aðstöðu fyrir frjálsar íþróttir.
„Þessi breyting myndi þýða að
ekki verður hægt að koma fyrir
frjálsíþróttaaðstöðu í húsinu í
nánustu framtíð.“
Sem fyrr segir hefur borgar-
ráð breytt ákvörðun sinni og
samþykkt að ganga til samninga
um frjálsíþróttaaðstöðuna. Kem-
ur fram í bréfi ÍTR að heildar-
greiðsla vegna þessa verði 3,1
milljón króna á ári frá og með
árinu 2003.
Borgarráð breytir fyrri ákvörðun
sinni varðandi leigu í Egilshöll
Samið um nýja
aðstöðu fyrir
frjálsar íþróttir
Grafarvogur