Morgunblaðið - 06.09.2002, Blaðsíða 35

UMRÆÐAN
MORGUNBLAÐIÐ FÖSTUDAGUR 6. SEPTEMBER 2002 35
við æ fleiri verkefnum sem mörg-
um hverjum ætti að sinna annars
staðar, en er það sjálfgefið að
bráðamóttakan taki við öllu sem
þangað berst? Af hverju getur
bráðamóttakan ekki vísað á heilsu-
gæsluna (Læknavaktina) eins og
Læknavaktin vísar á bráðamót-
tökuna þegar fagleg rök krefjast
þess?
Heilsugæsluna í Reykjavík þarf
að efla verulega til þess að hún geti
leyst verkefni sem nú er farið með
á LSH. Byggja þarf fleiri dvalar-
og hjúkrunarheimili þannig að létt
sé á aðsókn á LSH og ekki síður er
mikilvægt að auka heimahjúkrun
því að lausnirnar felast ekki ávallt í
húsbyggingum. Öldruðum hefur
fjölgað mjög á höfuðborgarsvæðinu
og það hefur aukið þörfina á úr-
ræðum.
Halda þarf áfram hagræðingu
sem nú er að nást með sameiningu
spítalanna. LSH hefur á að skipa
frábæru starfsfólki sem vinnur
störf sín oft við erfiðar aðstæður
um leið og það fær á sig miklar
kröfur og gagnrýni frá samfélag-
inu. Mikill árangur hefur náðst
með hagræðingu í rekstri. Þetta
eru aðeins örfá atriði en fleiri
mætti nefna.
Lokun öldrunardeildar
Uppþotið vegna aðgerða á deild
heilabilaðra á Landakoti þurfti
ekki að koma á óvart. Skammur
aðdragandi og valið á sparnaði
sjúkrahússins hlaut að leiða slíkt af
sér. En þó að ýmsum aðgerðum
varðandi heilabilaða einstaklinga
hafi verið breytt þá treysti LSH
sér ekki til þess að opna deildina.
Þetta leiðir a.m.k. tvennt af sér,
annars vegar að flytja þarf heilabil-
aða sjúklinga milli deilda og slík
röskun er erfið fyrir slíkt fólk og í
öðru lagi lengist enn meir sá bið-
listi aldraðra sem bíða eftir innlögn
á deildina. Sparnaður sjúkrahúss-
ins sem næst með því að halda
deildinni lokaðri til áramóta er um
30 milljónir. Það sýnir þá aðstöðu
sem spítalinn er kominn í að hann
skuli grípa til þessara aðgerða fyrir
jafnlítinn ávinning en spítalinn
veltir um 21,5 milljörðum á ári. Ég
hvet Landspítala – háskólasjúkra-
hús til að endurskoða þessa
ákvörðun strax og leita annarra
leiða jafnframt því að málið verði
tekið upp við gerð aukafjárlaga.
Höfundur er þingmaður
Framsóknarflokksins.
Moggabúðin
Geisladiskahulstur, aðeins 700 kr.