Morgunblaðið - 06.09.2002, Síða 21
ERLENT
MORGUNBLAÐIÐ FÖSTUDAGUR 6. SEPTEMBER 2002 21
Laugavegi 60, sími 552 0253.
Póstsendum
Glæsilegt
úrval af
mokkajökkum,
ullarjökkum
og kápum
Ókeypis veski fylgir
öllum yfirhöfnum.
Dragtir í úrvali.
Frábært verð.
FRÍTT
í alla miða- og stöðumæla
eftir kl. 13.00 á löngum laugardegi
• Þýsk jakkaföt frá 18.500
• Stakir jakkar frá 10.800
• Stakar buxur 4.800
• Einlitar skyrtur 1.990
Ullarflauelsbuxur 7.500
GÆÐAVARA Á
GÓÐU VERÐI
Laugavegi 34,
sími 551 4301
NÝJAR SENDINGAR
15%
afs
láttu
r
af tr
úlof
una
rhri
ngu
m
Laugavegi 54, sími 552 5201
Allar gallabuxur
áður 5.990
Nú 4.490
Hippamussur
áður 3.490
Nú 1.990
Grófar peysur
áður 5.990
Nú 3.990
Bolir frá ......1.000
Allt nýjar vörur
Ótrúlegt úrval!
LANGUR LAUGARDAGUR
Klapparstíg 44,
sími 562 3614
Froðuþeytari
fyrir cappucino
verð án statívs kr. 2.900
tilboð 2.500
Langur laugardagur
Tilboð
föstudag
og laugardag
DEILDAR meiningar eru um það
hvort rétt sé að halda með reglu-
legu millibili gríðarlega fjölmenna
alþjóðafundi á borð við ráðstefnu
Sameinuðu þjóðanna um sjálfbæra
þróun sem nú er nýlokið í Suður-
Afríku. Anders Fogh Rasmussen,
forsætisráðherra Danmerkur, sem
er í forsvari fyrir ráðherraráð
Evrópusambandsins (ESB) þetta
misserið, er meðal efasemdar-
mannanna. Sagði hann á blaða-
mannafundi í Jóhannesarborg á
miðvikudag að þjóðir heims ættu
að einbeita sér að því að draga úr
fátækt og umhverfistjóni í stað
þess að verja orku sinni í reglu-
bundna risafundi.
„Við ættum ekki sjálfkrafa að
efna til Jóhannesarborgarfundar
plús fimm [þ.e. nýs fundar eftir
fimm ár], Jóhannesarborgarfund-
ar plús 10,“ sagði hann. „Næsti
áratugur ætti að vera áratugur
framkvæmda.“
Allsherjarþingið verði
næsti vettvangur
Ráðherrann bætti því við að
allsherjarþing SÞ ætti að vera
vettvangurinn fyrir umræður af
þessu tagi. Umhverfissinnar hafa
flestir verið harðorðir um niður-
stöðurnar og segja að þröngir
hagsmunir atvinnulífsins hafi orð-
ið ofan á, fjölþjóðleg stórfyrirtæki
hafi sigrað. Ekki hafi verið sam-
þykktar róttækar hugmyndir um
að útrýma fátækt og mengun.
En Ítalinn Romano Prodi, for-
seti framkvæmdastjórnar ESB,
var á öðru máli en Fogh Rasm-
ussen og taldi eins og flestir ráða-
menn heimsins að fundurinn í Jó-
hannesarborg hefði tekist vel.
„Risafundur er aldrei vel heppnuð
sýning vegna þess hve erfitt það
er að stýra honum og skipuleggja
hann. Takmörk eru fyrir því
hverju er hægt að koma í gegn á
slíkum stórfundi og menn verða að
slaka til. En á tíu ára fresti eða
þar um bil verður að kalla alla
saman til fundar, hvernig er ann-
ars hægt að tala einni röddu?“
spurði Prodi.
Hann benti á að ýmislegt hefði
áunnist. ESB hefði tekist að fá
Kanada og Kína til að staðfesta
Kyoto-bókunina um baráttu gegn
koldíoxíðlosun í andrúmsloftið og
Rússar hefðu heitið að staðfesta
samkomulagið innan skamms.
Of mikið umstang
vegna fundahaldanna?
Margir hafa gagnrýnt lengd
fundarins í Jóhannesarborg og
þann aragrúa málefna sem fjallað
var um. Meira en 100 þjóðarleið-
togar sóttu hann auk mörg þúsund
embættismanna og annarra full-
trúa, á hliðarráðstefnum frjálsra
félagasamtaka af öllu hugsanlegu
tagi voru tugþúsundir manna og
fréttamanna að auki. Fundahöldin
í íburðarmiklum sölunum í út-
hverfinu Sandton, skammt frá fá-
tækrahverfum milljónaborgarinn-
ar, stóðu í tíu daga. Ætlunin var að
leggja þar drög að lausnum á fjöl-
mörgum vandamálum og verkefn-
um, þ. á m. hlýnun andrúmslofts-
ins, ofveiði á fiski, jarðvegseyðingu
og of lítilli þátttöku almennra
borgara í átaksverkefnum, gras-
rótarstarfinu svonefnda.
Einnig var fjallað um betri heil-
brigðisþjónustu fyrir konur og
þátttöku sveitarfélaga í fyrirtækj-
um þar sem einkaaðilar leggja
einnig fram skerf, svo að dæmi séu
nefnd.
Alls er í lokaályktun minnst á
153 markmið og hafa þau verið
rædd á undirbúningsfundum full-
trúa ríkjanna síðustu mánuði. En
ekki er um bindandi yfirlýsingar
að ræða þótt margir voni að með
yfirlýsingum um bætt framferði sé
búið að gefa tóninn fyrir þróun
næstu tíu ára í umhverfismálum.
Reynslan af
Rio-fundinum
Fyrir tíu árum var haldinn álíka
umfangsmikill fundur um sjálf-
bæra þróun í Rio de Janeiro en
skiptar skoðanir eru um það hve
árangursríkur hann hafi verið.
Romano Prodi sagði að tryggja
yrði að markmiðum SÞ-fundarins
að þessu sinni yrði hrint í fram-
kvæmd.
„Við megum ekki gera sömu
mistökin og í Rio þar sem við sam-
þykktum yfirlýsingar með kraft-
miklu orðalagi en höfum farið okk-
ur hægt við að framkvæma þær,“
sagði Prodi.
Fundi SÞ í Jóhannesarborg um sjálfbæra þróun lokið
Fogh Rasmussen
vill meiri áherslu á
framkvæmdir en orð
Boðar baráttu gegn fátækt og umhverfisspjöllum
Jóhannesarborg. AP, FP.
Reuters
Anders Fogh Rasmussen, for-
sætisráðherra Danmerkur,
ávarpar fund SÞ í vikunni.
TÍU af beztu skákmönnum Rúss-
lands munu mæta tíu þekktum skák-
meisturum frá öðrum löndum heims
á fjögurra daga skákmóti sem hefst í
Moskvu á sunnudag. Hefur mótinu
verið gefin yfirskriftin „Skákmót
aldarinnar“, að því er talsmenn rúss-
neska skáksambandsins og alþjóða-
skáksambandsins FIDE greindu frá
í gær.
Verður fyrirkomulag mótsins
þannig, að allir liðsmenn hvors liðs
munu mæta öllum úr hinu liðinu í
skákum þar sem tíminn er takmark-
aður við 25 mínútur, auk tíu sek-
úndna á hvern leik.
Auk heimsmeistaranna fyrrver-
andi, Garrís Kasparovs og Anatólís
Karpovs, verða í rússneska liðinu:
Vladímír Kramnik, Alexander Khal-
ífman, Jevgenníj Barejev, Alexander
Grúshchík, Alexej Dreyjev, Alex-
ander Morozevítsj, Pjotr Svídler og
Alexander Motíjlev.
Í heimsliðnu verða: Vishwanathan
Anand (Indlandi), Rúslan Ponomar-
íjov (Úkraínu, núverandi heims-
meistari FIDE), Vasilíj Ívantsjúk
(Úkraínu), Alexei Shírov (Spáni),
Peter Leko (Ungverjalandi), Boris
Gelfand (Ísrael), Nigel Short (Bret-
landi), Judit Polgar (Ungverjalandi),
Ilja Smirin (Ísrael) og Teymur
Radzhabov (Azerbajdsjan).
„Skákmót
aldarinnar“
Moskvu. AFP.