Morgunblaðið - 06.09.2002, Blaðsíða 19

VIÐSKIPTI/ATHAFNALÍF
MORGUNBLAÐIÐ FÖSTUDAGUR 6. SEPTEMBER 2002 19
SIGURÐUR Ágústsson ehf. í
Stykkishólmi hefur keypt pökk-
unarlínu og vélmenni af Eltak
ehf. til að bregðast við auknum
umsvifum í kavíarvinnslu félags-
ins.
Vélmennið sem um ræðir er frá
Soco System í Danmörku og rað-
ar stykkjum í kassa og kössum á
bretti. Sigurður Ágústsson fram-
kvæmdastjóri segir vélmennið
sérstaklega fyrirferðarlítið og
fjölhæft. Það muni leysa af hólmi
fjóra til sex starfsmenn í kavíar-
vinnslu félagsins við að raða
kavíarglösum í kassa og kössun-
um síðan á bretti. Hann segir að
engu starfsfólki verði sagt upp í
kjölfar þess að búnaðurinn verð-
ur tekinn í notkun, heldur sé hér
einungis verið að bregðast við
ákveðinni manneklu. Starfsfólk-
inu verði fundin önnur verkefni
til að búa til enn frekari verð-
mæti innan fyrirtækisins. „Um-
svif okkar í kavíarvinnslu hafa
verið að aukast og okkur þótti
þörf á því að vélvæða þennan
hluta vinnslun enn frekar,“ segir
Sigurður.
Morgunblaðið/Golli
Jónas Ágústsson hjá Eltak, Sigurður Ágústsson framkvæmdastjóri, Morten
Rask frá Soco System og Hilmar Sigurgíslason hjá Eltak.
Vélmenni vinnur 4–6 störf
KER hf., eignarhaldsfélag Olíufélags-
ins hf., hefur keypt hlut Arnar
Erlingssonar, útgerðarmanns, í út-
gerðarfélaginu Festi. Um er að ræða
42,93% hlut en fyrir áttu Ker hf. og
dótturfélag þess, Íshaf hf., um 15,06%
hlut í félaginu. Örn Erlingsson segist
ósáttur við þessar málalyktir en hann
hafði átt í viðræðum við Þorbjörn-
Fiskanes um samstarf í uppsjávar-
fiskveiðum.
Útgerðarfélögin Festi hf. í Grinda-
vík og Nót ehf. í Keflavík sameinuðust
undir merkjum Festar í árslok árið
2000. Nót ehf. var stofnað utan um
uppsjávarveiðar útgerðarfélagsins
Sólbakka sem er í eigu Arnar
Erlingssonar. Örn var stærsti hlut-
hafi Festar en aðrir hluthafar eru
samkvæmt heimildum Morgunblaðs-
ins Sigmar Björnsson útgerðarmað-
ur, Ásbjörn Helgi Árnason, fram-
kvæmdastjóri félagsins, og Trygg-
ingamiðstöðin.
Festi hefur yfir miklum uppsjávar-
veiðiheimildum að ráða, um 5% loðnu-
kvótans, 3,5 síldarkvótum og tveimur
kvótum í norsk-íslensku síldinni eða
u.þ.b. 6.000 tonnum. Festi hf. gerir úr
nótaskipið Þórshamar GK og nóta-
skipið Örn KE 13. Ennfremur gerði
Festi út nóta- og togveiðiskipið Guð-
rúnu Gísladóttur KE sem strandaði
og sökk við Noreg í júní sl. Morgun-
blaðið hefur heimildir fyrir því að eftir
áðurnefndar eignarhaldsbreytingar
sé fyrirhugað að flytja starfsemi
Festar frá Suðurnesjum á Djúpavog.
Farið í kringum
forkaupsréttarákvæði
Örn Erlingsson útgerðarmaður
segir að eftir skipsskaðann í Noregi í
júní hafi honum orðið ljóst að ef fyr-
irtækið ætti að halda áfram á sömu
braut og hann hafi markað, yrði það
að fara í samstarf við annað fyrirtæki
með sömu framtíðarsýn á íslenskum
sjávarútvegi. Hann hafi því tekið upp
viðræður við Þorbjörn-Fiskanes í
Grindavík um samstarf á sviði upp-
sjávarfiskveiða, með smíði á öflugu
nóta- og togveiðiskipi í huga. Þær við-
ræður hefðu verið langt komnar. „Ég
taldi mig hafa stuðning næststærsta
hluthafa Festar en saman áttum við
75-80% í fyrirtækinu. Á meðan unnið
var að þessum málum náði Ker hf.,
með 15% eignarhlut, saman við næst-
stærsta hluthafann og beitti leiðum til
að fara í kringum forkaupsréttar-
ákvæði félagsins, með því að næst-
stærsti hluthafinn veðsetti Keri hlut
sinn í félaginu og fékk síðan hlutinn
greiddan. Ker var þannig komið með
meirihlutaeign í félaginu og gerði mér
í framhaldinu tilboð í minn hlut. Þá
stóð ég skyndilega frammi fyrir því að
höfða mál til að fá forkaupsréttinn
virkan eða selja minn hlut í félaginu.
Ég hafði ákveðna sýn í huga varðandi
framtíð félagsins og vildi halda starf-
semi þess á Suðurnesjum. Hjá félag-
inu hefur starfað sama fólk áratugum
saman og mér fannst ég hafa skyldum
að gegna gagnvart því. Ég valdi engu
að síður þann kost að selja minn hlut í
félaginu, reyndar með óbragð í
munni,“ segir Örn.
Hann segist síður en svo hættur í
útgerð, þrátt fyrir að hann hafi selt
hlut sinn í Festi. Hann muni áfram
reka útgerðarfélagið Sólbakka og
gera út dragnótabátinn Örn KE 14.
Ásbjörn Helgi Árnason, fram-
kvæmdastjóri Festar, vildi ekki tjá
sig um málið að svo stöddu við Morg-
unblaðið í gær. Ekki náðist í Jakob
Björnson, stjórnarformann Kers,
vegna málsins í gær.
Ker hf. kaupir hlut Arnar Erlingssonar í útgerðarfélaginu Festi
Kom í veg fyrir
samstarf við Þor-
björn-Fiskanes
Skólavörðustíg 21, sími 551 4050.
Viskustykki
Til í níu munstrum