Morgunblaðið - 06.09.2002, Blaðsíða 47
FRÉTTIR
MORGUNBLAÐIÐ FÖSTUDAGUR 6. SEPTEMBER 2002 47
Gengið á
slóðir gamalla
trjáa
Í HAUST standa skógræktarfélög-
in fyrir skógargöngum, þar sem
ætlunin er að skoða gömul og sögu-
fræg tré. Þessar göngur eru hluti
af fræðslustarfi skógræktarfélag-
anna og Búnaðarbanka Íslands hf.
Göngurnar eru skipulagðar í sam-
vinnu við Garðyrkjufélag Íslands.
Fyrsta gangan verður í Hafnarfirði
laugardaginn 7. september á vegum
Skógræktarfélags Hafnarfjarðar.
Gangan hefst klukkan 10.00 um
morguninn við Lækjarskóla við
Skólabraut. Gengið verður um suð-
ur- og miðbæ Hafnarfjarðar undir
leiðsögn starfsmanna Skógræktar-
félags Hafnarfjarðar þar sem leitað
verður að vöxtulegum trjám og þau
mæld.
Þetta er létt ganga við allra hæfi
sem tekur um tvo tíma. Gangan er
opin öllum og vilja skógræktar-
félögin hvetja sem flesta til að
mæta. Skógargöngur verða síðan
næstu laugardaga í september og
verða þær kynntar jafnóðum.
Námskeið í
djúpslökun og
hugleiðslu
SÍTA, frá Skandinavíska jóga- og
hugleiðsluskólanum, heldur eins dags
námskeið í Reykjavík sunnudaginn 8.
september.
Lögð verður áhersla á djúpslökun-
ar- og hugleiðsluaðferðir.
Námskeiðið verður haldið í Bolholti
4, 4. hæð. Það byrjar kl. 9 og lýkur kl.
17.
Upplýsingaseðlar eru á Grænum
kosti, Skólavörðustíg 8B.
Kriya-jógameistarinn Swami Jan-
akananda svarar spurningum áheyr-
enda um jóga, tantra og hugleiðslu.
Kvöldinu lýkur með leiddri hug-
leiðslu.
Skráning ekki nauðsynleg. kennsl-
an fram á ensku. Bolholti 4, 4. hæð –
sunnudaginn. 8. september. Kl. 20–
22. Aðgangseyrir 1.500 kr.
Nánari upplýsingar á www.yoga.se
Umræðufundur
um stjórnmála-
ástandið
ÞJÓÐMÁLARITIÐ KREML boðar
til Kremlarkvölds um stjórnmála-
ástandið á veitingastaðnum Café
Victor í Hafnarstræti á föstudags-
kvöldið nk. 7. september kl. 20.
Meðal mælenda verða þau Árni
Snævarr fréttamaður, Bryndís
Hlöðversdóttir alþingismaður, Guð-
laugur Þór Þórðarson borgarfulltrúi
og Logi Bergmann Eiðsson frétta-
maður. Kremlverjarnir Hreinn
Hreinsson, Eiríkur Bergmann Ein-
arsson og Magnús Árni Magnússon
taka einnig til máls. Aðrir Kreml-
verjar stjórna fundi.
Lýst eftir
vitnum
LÝST er eftir vitnum að umferðar-
óhappi er varð í Pósthússtræti við
Kaffibrennsluna, fimmtudaginn 5.9.
á milli kl. 8.20 og 9.05. Ekið var utan í
mannlausa fólksbifreið af gerðinni
Volkswagen Bora, bláa að lit, sem
lagt var þar í bifreiðastæði og fór
tjónvaldur af vettvangi. Þeir sem
upplýsingar geta veitt um mál þetta
eru vinsamlega beðnir um að hafa
samband við lögregluna í Reykjavík.
HÖRKUVEIÐI var í Vatnamótun-
um neðan Klausturs í byrjun vikunn-
ar, veiðihópur sem þá var á svæðinu í
tvo daga veiddi 42 sjóbirtinga og
menn settu í og misstu fullt af fiski til
viðbótar, að sögn Arnar Hjálmars-
sonar í Útilífi sem fylgist grannt með
gangi mála þar eystra. „Þetta var
rosaveiði hjá þeim og mikið af vænum
fiski í bland, einn 14 punda og að
minnsta kosti þrír 10 punda,“ sagði
Örn.
Á sama tíma urðu menn fiska varir
í Tungufljóti, fólk sem var í óveðrinu
um helgina lenti í fljótinu óveiðandi á
sunnudeginum, sem var heili dagur-
inn þeirra, en varð talsvert vart við
sjóbirting bæði í vatnamótunum hjá
Eldvatni og víða upp í á er áin sjatn-
aði á mánudeginum, þó svo að aflinn
hafi ekki verið mikill. Fiskur tók
grannt og nokkrir sluppu, en eitthvað
náðist þó og stærsti fiskurinn 8 pund.
Þetta er óvenjusnemmt fyrir Tungu-
fljót, en tíð suðaustanvatnsveður
gætu hafa spilað inn í.
Sjóbirtingur hefur líka gengið
óvenjusnemma í Vatnsá við Vík og að
sögn Hafsteins Jóhannessonar, for-
manns Stangaveiðifélagsins Stakks,
voru komnir um 140 birtingar á land
um miðja vikuna sem er miklu meira
en á sama tíma í fyrra. Þá voru komn-
ir 33 laxar á land sem er sama tala og
veiddist alla síðustu vertíð. „Ég var
að tala við menn áðan sem hafa veitt
hér í nokkur ár. Þeir voru með væna
og fallega fiska, bæði laxa og birtinga
og þeir sögðust aldrei hafa veitt jafn-
vel í ánni og nú. Eitt hollið fyrir
skömmu var með 26 fiska, bæði lax og
sjóbirting,“ bætti Hafsteinn við.
Ekki met í Norðurá
Lokatalan í Norðurá var 2.310 lax-
ar, en við athugun á veiðiskýrslum
kemur í ljós að þetta er fjórða besta
veiðisumarið í ánni frá upphafi. Sam-
kvæmt skýrslum Veiðimálastofnunar
var mest veiði í ánni í byrjun áttunda
áratugarins, 1970 veiddust 2.197 lax-
ar, 1971 komu 2.544 laxar á land, 1972
komu 2.529 laxar á þurrt og 1973 voru
þeir 2.323 laxarnir sem veiddir voru.
Þarna voru því fjögur ár í röð með yf-
ir 2.000 laxa og þrjú þeirra sumra
voru hærri en nú.
Hins vegar er þetta sumar það
besta síðan, en aðeins fjórum sinnum
á tímabilinu 1974 til 2001 komu meira
en 2.000 laxar á land. 1975 veiddust
2.132 laxar, 1978 veiddust 2.089 laxar,
1993 veiddust 2.117 laxar og 1998
veiddist 2.001 lax.
Fyrir árið 1970 náði Norðurá aldr-
ei 2000 laxa heildarveiði. Norðurá var
því 234 löxum frá meti í sumar.
Sjóbirtingur veiðist vel
Veiðimenn með hluta stórveiðinnar úr Vatnamótunum.
ERU
ÞEIR AÐ
FÁ’ANN?