Morgunblaðið - 07.09.2002, Blaðsíða 14

AKUREYRI
14 LAUGARDAGUR 7. SEPTEMBER 2002 MORGUNBLAÐIÐ
SIGFÚS Jónsson framkvæmda-
stjóri Nýsis sagði það mjög ein-
kennilegt að Ríkiskaup skuli nú
meta tilboð Ístaks og Nýsis í bygg-
ingu rannsókna- og nýsköpunar-
húss við Háskólann á Akureyri
ógilt. „Þeir hjá Ríkiskaupum mátu
bæði tilboðin gild í upphafi en eru
þeir með þessu að biðja einhverja
menn úti í bæ að dæma sjálfa sig
óhæfa. Ég veit heldur ekki á hvaða
forsendu þeir vilja fá okkar tilboð
metið ógilt,“ sagði Sigfús.
Ríkiskaup hafa sent erindi til
kærunefndar útboðsmála og óskað
eftir því að nefndin staðfesti þá
skoðun stofnunarinnar að tilboð Ís-
taks og Nýsis sé ógilt. Áður hafði
kærunefnd útboðsmála úrskurðað
tilboð frá Íslenskum aðalverktökum
og fleirum í verkið ógilt.
Sigfús sagði að allur þessi mála-
tilbúnaður yrði til í ráðuneytum
menntamála og fjármála. Þar væru
menn að brugga einhver launráð en
að Ríkiskaup væri látið vinna málið
formlega. „Er ekki markmið hins
opinbera að annast hagkvæm inn-
kaup en vera ekki að standa í svona
stríði? Við höfum farið að leik-
reglum og jafnframt unnið málið
hjá kærunefnd útboðsmála, þar
sem niðurstaðan var alveg skýr.
Það liggur því beinast við hjá ríkinu
að semja við okkur á grundvelli
þeirrar niðurstöðu, auk þess sem
við erum með hagstæðasta tilboð-
ið.“
Sigfús sagði að í raun væri þetta
mál alveg óskiljanlegt og að bygg-
ingasagan væri að verða efni í heila
bók. „Við getum ekkert annað gert
en að bíða og sjá til hvert fram-
haldið verður.“
Í Morgunblaðinu í gær var m.a.
haft eftir Júlíusi S. Ólafssyni for-
stjóra Ríkiskaupa að mikið líf væri í
lögfræði málsins en að á meðan liði
tíminn og ekkert byggt á meðan.
„Það er að verða mánuður síðan úr-
skurður vegna okkar máls kom frá
kærunefndinni og ef menn vilja
klára málið er bara að semja við
okkur,“ sagði Sigfús.
Framkvæmdastjóri Nýsis vegna erindis Ríkiskaupa
Bæði tilboðin voru metin
gild hjá Ríkiskaupum
MJÖG góð aðsókn hefur verið
að Byggðasafninu Hvoli og
hafa um 5.000 gestir heimsótt
safnið í sumar. Er þetta mikil
aukning frá síðustu árum. Í
frétt frá safninu er talið líklegt
að þakka megi þessa miklu að-
sókn sjónvarpsþætti um Jó-
hann Svarfdæling sem sýndur
var í Ríkissjónvarpinu um jól-
in og aftur nú í sumar, og
einnig því að vegna veðurs
sóttu ferðamenn í ríkara mæli
í afþreyingu innandyra.
Safninu var lokað 6. sept-
ember síðastliðinn, en opið
verður fyrir hópa eftir sam-
komulagi við forstöðumann
safnsins.
Óvenju
góð aðsókn
að Hvoli
HIN árlega lendingakeppni Flug-
skóla Akureyrar var haldin nýlega.
Keppnin felst í fjórum mismunandi
nákvæmnislendingum og var keppt
samkvæmt alþjóðlegum reglum
FAI. Alls tóku 13 flugmenn þátt að
þessu sinni.
Undirbúningurinn og keppnin
veitir flugmönnum góða æfingu og
gott tækifæri til að viðhalda þekk-
ingu sinni. Að vanda sýndu sumir
nokkur tilþrif í æfingunum.
Hlutskarpastur að þessu sinni
varð yngsti flugmaðurinn, Kristján
Þór Kristjánsson, á TF-FAD en
hann er aðeins 16 ára gamall og
hlaut hann aðeins 22 refsistig, í
öðru sæti varð Björn Ásbjörnsson á
TF-UTA með 179 refsistig og í
þriðja sæti varð Smári Árnason,
TF-KNM, með 245 refsistig.
Kristján Þór vann einnig auka-
verðlaunin sem eru veitt fyrir best-
an árangur í Tomahawk-flokki.
Verðlaunahafar ásamt Kristjáni Kristinssyni yfirdómara.
Sá yngsti
vann
Lendingakeppni Flugskóla Akureyrar
BÓKAÚTGÁFAN Hólar á Akur-
eyri hefur gert samning við sjáv-
arútvegsráðuneytið um útgáfu á
Sögu sjávarútvegs á Íslandi. Um
verður að ræða útgáfu á þremur
bókum og kemur sú fyrsta út nú
fyrir jólin. Höfundur verksins er
Jón Þ. Þór sagnfræðingur. Í fyrsta
bindinu er greint frá árabátaút-
gerð og útgerð seglskúta og nær
tímabilið fram undir aldamótin
1900. Næstu bækur í þessu
þriggja binda verki koma út árin
2003 og 2004.
Merkileg saga
útgerðar á Grenivík
Þá munu Hólar einnig gefa út
bókina „Bein úr sjó,“ sem er út-
gerðarsaga Grýtubakkahrepps.
Hana skrifar Björn Ingólfsson
skólastjóri á Grenivík. Útgerðar-
saga Grýtubakkahrepps hefst í
kringum 1850 með hákarlaveiðum.
Á seinni hluta 19. aldar var Greni-
vík einn af stærstu vertíðarstöðum
landsins og skipaði veigamikinn
sess í útgerð í Eyjafirði sem og á
Íslandi öllu. Sagan nær til vorra
daga. Bókin er mikil að vöxtum,
um 350 blaðsíður og ríkulega
myndskreytt.
Bókaútgáfan Hólar
á Akureyri
Tvær bæk-
ur um sjáv-
arútveg
BIFREIÐ af gerðinni Porsche var
stolið frá verkstæði í Glerárþorpi á
Akureyri aðfaranótt þriðjudags og
hefur hennar ekki orðið vart síðan.
Bifreiðin ber einkennisstafina
AL-996 og er dökkblá að lit. Þeir
sem geta gefið upplýsingar um hvar
bifreiðin er niðurkomin eru beðnir
að hafa samband við lögregluna á
Akureyri.
Bifreið stolið
♦ ♦ ♦
Háskóli Íslands átti 90 ára afmæli á síðasta ári. Af því tilefni hafa Hollvinasamtök
Háskólans og Bókaútgáfan Hólar tekið höndum saman um að senda skólanum
afmæliskveðju í formi bókar þar sem markmiðið er að kryfja 20. öldina á Íslandi til
mergjar. Kvenréttindi, kristindómur, menntamál og ótal margt fleira verður þar í
brennipunkti. Áformað er að ritið komi út um næstu áramót en í ritnefnd þess
eiga sæti Sigríður Stefánsdóttir, framkvæmdastjóri Hollvinasamtakanna, doktor
Kristján Kristjánsson, prófessor við Háskólann á Akureyri, og Jón Hjaltason,
sagnfræðingur.
TABULA GRATULATORIA
Vinsamlegast skráið nafn mitt á heillaóskaskrá sem prentuð verður í
AFMÆLISKVEÐJU TIL HÁSKÓLA ÍSLANDS. Að sjálfsögðu er heimilt að hafa tvö
nöfn (eða fleiri) saman án nokkurrar aukagreiðslu. Verð bókarinnar er kr. 5.700
(sendingargjald innifalið) og verður það innheimt fyrirfram en bókin send
jafnskjótt og hún kemur úr prentun sem verður í kringum næstu áramót.
NAFN/NÖFN (sem eiga að koma saman á heillaóskaskrá):
HÁSKÓLI ÍSLANDS
AFMÆLISKVEÐJA
Vinsamlegast setjið x þar sem við á:
Ég óska að greiða bókina, kr. 5.700, út í hönd með reiðufé/ávísun er fylgir hér með ____,
eða með VISA ____, EURO ____, GÍRÓ ____.
Ég óska eftir að skipta greiðslum í tvennt ____, þrennt ____
Kort nr. Gildir til: Undirskrift:
Nafn: Kennitala:
Heimilisfang: Sími:
Sendist til: Bókaútgáfunnar Hóla, pósthólf 9089, 129 Reykjavík. Einnig má skrá sig á Tabula í
s. 587 2619 eða á netfanginu; holar@simnet.is


Til sölu eða leigu
Njarðarnes 14
Nýtt verslunar/iðnaðarhúsnæði.
Stærð um 900 m². (Góð staðsetning í nýju hverfi.)
Dalsbraut 1
Verslunar/iðnaðarhúsnæði.
Grunnflötur 750 m² + kjallari 170 m²
(Mjög góð staðsetning við hliðina á Glerártorgi)
Upplýsingar í símum
461 1188 og 891 2823
Fyrrverandi og núverandi Akureyringar og nærsveitamenn fæddir 1952. Ætlum
okkur að hittast 28. september á Pollinum kl. 3-5 og endurnýja gömul kynni.
Síðan borðum við saman á KEA um kvöldið. Makar velkomnir með.
Mæting skal tilkynnt í síðasta lagi 13. sept. til eins af undirrituðum.
Úlfar Hauksson, s. 462 5443, Brynja Skarphéðinsdóttir, s. 699 4639,
Margrét Þórðardóttir, s. 462 2760, Jóhanna Magnúsdóttir, s. 462 4520,
Ólafur Svanlaugsson, s. 897 3283.
Árgangur 1952