Morgunblaðið - 07.09.2002, Blaðsíða 27

ERLENT
MORGUNBLAÐIÐ LAUGARDAGUR 7. SEPTEMBER 2002 27
NÝ skoðanakönnun í Danmörku
bendir til þess að 61% kjósenda
myndi greiða atkvæði með því að
ganga í Efnahags- og myntbanda-
lag Evrópu og taka upp evru en
34% vera á móti, að sögn dagblaðs-
ins Jyllandsposten í gær.
Þátttakendur voru eitt þúsund og
allir yfir 18 ára aldri. Stuðningur
við evruna hefur ekki fyrr mælst
svo hár meðal Dana. Reynsla af
nýja gjaldmiðlinum virðist skipta
máli, 76% þeirra sem hafa verið
með evru í pyngjunni og notað hana
á ferðalagi í álfunni vilja að Danir
taki hana upp í stað krónunnar. En
einnig vekur athygli að liðlega
helmingur þeirra sem enga reynslu
hafa af notkuninni styður nú upp-
töku evrunnar.
Aukinn
stuðningur
við evru
Ný könnun
í Danmörku
DÓMSTÓLL í Svíþjóð hafnaði í
gær áfrýjunarbeiðni frá Kerim
Chatty, sem grunaður er um að
hafa lagt á ráðin um að ræna flug-
vél á leið frá Stokkhólmi til London
fyrir skömmu. Hafði hann farið
þess á leit við réttinn að honum
yrði sleppt úr varðhaldi.
Chatty er 29 ára og hefur við-
urkennt að hafa haft skammbyssu
meðferðis er hann fór um borð í
flugvélina 29. ágúst sl., en neitar
því að hann hafi ætlað að ræna vél-
inni. Öryggisverðir fundu byssuna í
handfarangri hans. Bróðir Chattys
segir hann vera friðarsinna sem
hafi orðið að betri manni fyrir áhrif
trúarinnar.
Áfrýjunar-
beiðni hafnað
Stokkhólmi. AP.
ÖLDUNGADEILD Bandaríkjaþings samþykkti
í fyrrakvöld frumvarp þess efnis að flugmönnum
farþegaflugvéla skuli heimilt að hafa byssur í
flugstjórnarklefanum. Felur löggjöfin í sér að
flugmenn, sem skipaðir hafa verið sérstaklega til
löggæslustarfa, megi skjóta menn til bana reyn-
ist þess þörf til að verja flugvél árás hryðjuverka-
manna.
Lagasetningin var samþykkt með 87 atkvæð-
um gegn 6. „Þessi löggjöf er afar mikilvæg til að
tryggja heimavarnir Bandaríkjanna, til að
tryggja að við gerum hvaðeina til að koma í veg
fyrir að atburðirnir 11. september sl. endurtaki
sig,“ sagði öldungadeildarþingmaðurinn Barbara
Boxer við atkvæðagreiðsluna.
Flugmenn hafa allt frá því að hryðjuverkaárás-
irnar á Bandaríkin áttu sér stað beitt sér fyrir
löggjöf sem þessari. Hafa þeir sagt að aðeins með
því að heimila flugmönnum að beita banvænum
vopnum sé hryðjuverkaógninni svarað.
Ríkisstjórnin var lengi vel andvíg hugmynd-
inni, en hefur nú snúið við blaðinu. Þó telur
stjórnin að gera þurfi tilteknar ráðstafanir um
leið og flugmenn vopnist og mælti t.d. með því við
öldungardeildarþingmenn að flugmönnum yrðu
látin í té læst hylki til að bera byssurnar, þannig
að þær yrðu aldrei skildar eftir í flugstjórnarklef-
anum. Þá telur stjórnin að einungis þeir flug-
menn sem bjóðist til að bera vopn eigi að gera
það.
Lögreglumenn eru oft vopnaðir er þeir ferðast
með flugvélum og allt fram á sjöunda áratuginn
kváðu bandarísk alríkislög á um að flugmenn
skyldu vera vopnaðir þegar þeir flygju flugvélum
sem bæru póst.
Yfirmenn 21 flugfélags, sem eru andvígir því
að flugmenn fái að bera skotvopn, sendu öldung-
ardeildarþingmönnum bréf og fóru fram á það að
fá að ræða málið við þingið og stjórnina. Í bréfinu
sagði ennfremur, að það kæmi undarlega fyrir
sjónir og virtist hættulegt að ráðstafanir væru
gerðar til þess að þúsundir vopna streymdu inn í
flugvélar, einkum í ljósi þess að milljörðum doll-
ara hefði verið varið til þess að koma í veg fyrir að
vopn bærust inn í flugvélar.
Flugmenn verði vopnaðir
Washington. AFP.
MIKIÐ öngþveiti varð á Sikiley í
fyrrinótt þegar jarðskjálfti reið yfir
eyjuna, sá öflugasti í tuttugu ár. Þrír
menn slösuðust og þúsundir manna
þustu út á götur borga og bæja þegar
skjálftinn reið yfir en hann mældist
5,6 á Richter.
Upptök skjálftans voru um 40 km
norðaustur af hafnarborginni Pal-
ermo, úti í miðju hafi. Hann reið yfir
um klukkan hálftvö að íslenskum tíma
í fyrrinótt. Voru því flestir í fasta-
svefni og fáir á ferli, sem fjölmiðlar
sögðu að hefði komið í veg fyrir meiri
mannskaða. Skemmdir af völdum
skjálftans voru ennfremur litlar.
Skjálftinn fannst um alla Sikiley og
víða vaknaði fólk og þusti út á götur.
Honum fylgdu tveir stórir eftir-
skjálftar og meira en 70 smáskjálftar
en undir morgun var allt orðið rólegt
á ný.
Þrír slösuð-
ust í skjálfta
á Sikiley
♦ ♦ ♦
♦ ♦ ♦