Morgunblaðið - 07.09.2002, Blaðsíða 57
BRÉF TIL BLAÐSINS
MORGUNBLAÐIÐ LAUGARDAGUR 7. SEPTEMBER 2002 57
Góð verð
Allt á að seljast
Lagerútsala
í 3 daga 5.-7. sept.
Fjölbreytt úrval
leikfanga.
Ódýrar
brauðristar
og kaffivélar.
Veiðivörur,
verkfærakassar
o.fl.
Veiðafæri
Opið
Fimmtudaginn 5. sept.
kl. 10-12 / 13-17
Föstudaginn. 6. sept.
kl. 10-12 / 13-17
Laugard. 7. sep. kl. 13-17
11
36
/
T
A
K
T
ÍK
Rauðagerði 26,
sími 588 1259
Nýtt
Haust — Vetur 2002
Opið í Rauðagerði 26
frá kl. 10—18 í dag,
laugardag.
Komið og fáið nýja
listann frá
GreenHouse, frítt
Dömufatnaður í
stærðum 36-48.
Eldri vörur seldar með
góðum afslætti.
Verið velkomin
Nýbýlavegi 12, Kópavogi,
sími 554 4433.
Mikið úrval af
nýjum fatnaði
!
"#$
$
VIÐ undirritaðar höfum allar fengið
endurhæfingu hjá Landspítala – há-
skólasjúkrahúsi í Kópavogi. Allar
höfum við fengið krabbamein og
gengið í gegnum erfiðar lyfja-,
geisla- eða aðrar meðferðir vegna
krabbameins. Við fréttum eftir ýms-
um leiðum að það ætti að fara að
opna endurhæfingu fyrir krabba-
meinssjúka í Kópavogi. Fyrstu sjúk-
lingarnir byrjuðu í lok janúar 2002.
Formleg opnun hefur dregist á lang-
inn. Við viljum með þessu bréfi segja
frá því hve nauðsynlegt og jákvætt
það er að fá endurhæfingu bæði and-
lega og líkamlega eftir svona alvarleg
veikindi. Þegar einstaklingur hefur
verið lengi í vernduðu umhverfi spít-
alans þar sem aðrir hafa að mestu
ráðið ferðinni þá getur verið erfitt að
takast á við daglega lífið aftur. End-
urhæfingin er á vegum spítalans, en
umhverfið í Kópavogi bæði utandyra
og innan er ekki stofnanalegt. End-
urhæfingin hefur gert okkur kleift að
takast á við hið daglega líf á ný.
Ástæðan fyrir því að okkur finnst svo
gott að koma í endurhæfinguna er
margvísleg og einstaklingsbundin.
Við erum þó sammála um að þar er
borin virðing fyrir okkur, og okkar
markmiðum. Fólk sem kemur í end-
urhæfinguna er ýmist ennþá í lyfja-
meðferðum, eða hafa lokið þeim og
eru í reglulegu eftirliti hjá krabba-
meinslækni. Iðjuþjálfun er hluti af
endurhæfingunni. Þar er leitast við
að finna styrkleika einstaklingsins og
vinna útfrá þeim. Það er gott að
koma í iðjuþjálfun og hitta annað fólk
sem er í sömu uppbyggingu og mað-
ur sjálfur. Það er gott að geta komið
á svona stað eins og í Kópavogi,
gleyma öllum erfiðleikum um stund,
og byggja sig upp andlega og líkam-
lega. Í vor fórum við á sjálfstyrking-
arnámskeið í iðjuþjálfuninni. Þar
gafst okkur tækifæri til að tala um
viðkvæm mál sem koma oft í kjölfar
krabbameins, eins og streitu, sjálfs-
ímynd, líkamsímynd, kynlíf, mat-
aræði og fl. Auk iðjuþjálfans komu að
námskeiðinu sálfræðingur, hjúkrun-
arfræðingur, næringarráðgjafi og
prestur. Iðjuþjálfinn á sér einnig
þann draum að geta útvíkkað starf-
semina með garðrækt, bæði í gróð-
urhúsi og með matjurtargarði. Að
okkar mati er aðstaðan í Kópavogi til
endurhæfingar alveg frábær og
margir möguleikar í umhverfinu. Þar
eru góðar gönguleiðir við voginn í fal-
legu umhverfi, kyrrð og ró. Það að
vera úti í náttúrunni eykur bæði and-
lega og líkamlega vellíðan. Inniað-
staða sjúkraþjálfunar er einnig fín að
okkar mati. Þar er stór sundlaug,
heitur pottur, tækjasalur og leikfim-
is- og slökunarsalur. Sumar af þeim
konum sem hafa misst t.d. brjóst
þora að fara í sund í endurhæfing-
unni, því samhugurinn og skilningur
er mikill.
Við vonumst til að þeir peningar
sem söfnuðust í mars 2001, um 80
milljónir, undir yfirskriftinni 3. hver
Íslendingur fær krabbamein verði að
hluta nýttir til að styrkja endurhæf-
inguna í Kópavogi. Við getum stað-
fest að hún á fullan rétt á sér, hún er
okkur krabbameinssjúkum nauðsyn-
leg. Við viljum að þeir sem á eftir
okkur koma fái sömu tækifæri til
endurhæfingar og við. Það sem okk-
ur finnst vanta í endurhæfingunni er
að fá aðgang að félagsráðgjafa. Þeg-
ar kemur að því að leita réttar síns er
það alger frumskógur. Þá væri gott
að hafa fagaðila sem er inni í þeim
málum. Í endurhæfingunni hafa
skapast sterk tengsl milli okkar sem
þangað koma. Eftir að endurhæfing-
unni lýkur skiljast leiðir. Við eigum
þann draum að geta fengið afnot af
húsnæði þar sem við getum haldið
áfram að hittast og styrkja hvor aðra.
Að lokum viljum við þakka þeim sem
hafa af þrautseigju og hugsjón byggt
upp endurhæfingu fyrir krabba-
meinssjúka í Kópavogi. Gangi ykkur
vel í framtíðinni.
ÍSFOLD ELÍN HELGADÓTTIR,
RÓSA JÓNSDÓTTIR,
ÞÓRDÍS ÞORBERGSDÓTTIR,
STEINUNN GUNNARSDÓTTIR,
MARGRÉT SIGGEIRSDÓTTIR
OG INGA OLSEN.
Endurhæfing krabbameins-
sjúkra í Kópavogi
Frá Ísfold Elínu Helgadóttur,
Rósu Jónsdóttur, Þórdísi Þor-
bergsdóttur, Steinunni Gunnars-
dóttur, Margréti Siggeirsdóttur og
Ingu Olsen:
ÉG sendi um daginn kvörtun til Al-
coa, þar sem ég bað ágæta forráða-
menn auðhringsins að hlífa hálendi
Íslands, ég bað þá að hætta við að
reisa hér álver.
Það sorglega er að ég fékk svar
við þessu bréfi, þar sem mér er
þakkað fyrir ádrepuna og sérstak-
lega er mér þakkað fyrir sýndan
áhuga.
Ég átti nú ekki annað eftir en fá
þakklæti frá uppblásnum auðkýfingi
fyrir það eitt að sýna í verki áhuga
minn á mínu eigin landi. Hann hefur
líklega haldið greyið að við værum
allir jafn sinnulausir hérna á
skerinu, að okkur sé öllum jafn skít-
sama hvernig rosabullurnar líta út
sem á okkur traðka. Nei, þeir skulu
svo sannarlega fá að vita það að þar
sem ég er, fer ekki vinur Alcoa eða
undirgefinn aumingi sem bíður þess
að fá spark í andlitið.
Ég finn þó til með mannkertinu
sem sendi mér þakkirnar allar, því
hann veit það eitt að sjálfviljug teyg-
ir ríkisstjórn Davíðs Oddssonar háls
íslenskrar þjóðar í gapastokk heims-
ins svo hafa megi okkar fólk að að-
hlátursefni og skotspæni um aldur
og ævi. Fyrir okkar hönd er því
haldið fram að breið samstaða sé
meðal þjóðarinnar að leyfa þeim Al-
coa-mönnum að níða af okkur skó-
inn. Okkur er sagt að þjóðin vilji
fórna náttúruauðlind sem ekki á sinn
líka í veröldinni. Okkur er sagt að
hagnaðurinn verði slíkur að þjóðin
eigi eftir að mala gull um ókomin ár,
bara ef við fórnum auðæfunum og
látum ekki þjóðernisstolt og nátt-
úruást standa í vegi fyrir athafna-
gleði auðmagnseigenda sem engu
geta tapað á framkvæmdinni.
Þetta er þjóðinni sagt og hún er
svo áhugalaus, að hún spyr ekki, en
sporðrennir þess í stað því sem að
henni er rétt.
Það er búið að stokka spilin og
okkur er sagt að setja upp pókerfés-
in: Við eigum að fórna öllu og ef við
lítum á það sem í boði er, þá kemur í
ljós að útgjöld hvers einasta Íslend-
ings eiga eftir að aukast á næstu ár-
um, bæði vegna hækkandi vaxta og
svo einnig vegna þess að ekki er
tryggt að Kárahnjúkavirkjun geti
nokkurntíma skilað arði. Við borg-
um virkjunina, gefum Könunum raf-
magn, þeir selja framleiðsluna og
hirða sjálfir allan gróðann. Ásarnir
eru allir á einni hendi. Og við erum
svo ótrúlega undirgefnir aumingjar
að við sjáum ekki einu sinni að það
er vitlaust gefið.
Svo heimsk er íslensk þjóð í þessu
pókergeimi, að við reynum að
svindla, og það gerum við til að
tryggja það að við megum tapa með
stæl.
Kannski erum við ennþá svo
bljúgir og böðlum hlýðnir, að við
bjóðum ekki bara hina kinnina þegar
við fáum högg á andlitið. Við erum
þess albúin eftir fyrsta höggið að
láta drottnunarvald amerískra auð-
hringa riðlast á okkur og mergsjúga
land og þjóð ef það er það sem þessir
ástkæru vinir okkar vilja. Þeir koma
hingað með pókerbros á vör og doll-
araglampa í augunum og við setj-
umst við borðið tilbúin í ólsen-ólsen
eða lúdó.
Við erum svo gjörsneydd heil-
brigðri skynsemi þegar kemur að
því að taka þátt í peningaspili heims-
ins að við látum ríða okkur á slig af
minnsta tilefni, á meðan þjóðir eins-
og t.d. Víetnamar og Indverjar setja
auðvaldinu afarkosti og neita að
fórna náttúruperlum fyrir hjómið
eitt.
Það teljast náttúrulega landráð að
selja þjóðarsálina, og að selja hana
fyrir slikk hlýtur að sýna að hér eiga
undirgefnir aumingjar hlut að máli.
KRISTJÁN HREINSSON,
skáld,
Einarsnesi 27, Reykjavík.
Undirgefnir aumingjar
Frá Kristjáni Hreinssyni:
Silfurstigamót
í sumarbrids
Dagskráin í dag, laugardaginn 7.
sept.:
Monrad-barómeter, opinn tví-
menningur, hefst klukkan 11 og lýk-
ur um kl. 18. Skráningarfrestur til
kl. 22 föstud. 6. sept.
Sunnudaginn 8. sept.:
Monrad-sveitakeppni, 8 spila leik-
ir, 7 umferðir, einnig frá kl. 11 til 18.
Skráningarfrestur til kl. 10.45
sunnud. 8. sept.
Úrslit í Sumarbrids
Úrslit 2. sept. Mitchell, M=216
NS
Guðlaugur Sveinss. – Þórður Björnss. 288
Soffía Daníelsd. – Óli Már Guðmundss. 234
Björn Friðrikss. – Leifur Aðalsteinss. 215
AV
Guðrún Jóhannesd. – Sævin Bjarnas. 251
Bryndís Þorsteinsd. – Dröfn Guðm. 238
Arnar Arngrímss. – Alfreð Kristjánss. 233
Úrslit þriðjudagsins 3. septem-
ber, Mitchell, 22 pör, M=216.
NS
Kristján Blöndal – Haukur Ingason 249
Guðl. Sveinsson – Sveinn R. Eiríksson 241
Guðný Guðjónsd. –Hrafnhildur Skúlad. 238
AV
Helgi Bogason – Kjartan Ásmundsson 256
Jón Stefánsson – Magnús Sverrisson 247
Sverrir Þórisson – Björn Friðriksson 233
Ólöf Ingvarsdóttir – Björn Hrafnkelss. 233
Erla Sigurjónsdóttir – Sigfús Þórðars. 233
Úrslit miðvikudagsins 4. sept,
Howell, M=156.
Þröstur Ingimarss. – Þórður Björnss. 211
Hlynur Garðarss. – Magnús Ásgrímss. 194
Guðrún Jóhannesd. – Sævin Bjarnas. 188
Harpa Fold Ingólfsd. – María Haraldsd. 184
Síðasta spilakvöldið í Sumarbrids
2002 verður föstudagskvöldið 13.
september.
Allar nauðsynlegar upplýsingar
um Sumarbrids 2002, lokastöðu
spilakvölda, bronsstigastöðu og
fleira má finna á heimasíðu Brids-
sambands Íslands, www.bridge.is
og á síðu 326 í textavarpi sjónvarps-
ins.
BRIDS
Umsjón Arnór G.
Ragnarsson
26 pör í Gullsmára
Eldri borgarar spiluðu tvímenn-
ing á 13 borðum í Gullsmára 13
fimmtudaginn 5. september sl. Með-
alskor 264. Beztum árangri náðu:
NS
Þórhildur Magnúsd. – Helga Helgad. 349
Bjarni Guðmundss. – Haukur Hanness. 337
Heiður Gestsd. – Þórdís Sólmundard. 281
AV
Þórhallur Árnas. – Haukur Guðmundss. 313
Kristjana Halldórsd. – Eggert Kristinss. 311
Garðar Sigurðsson – Ernst Backman 292
Eldri borgarar koma saman til
bridsiðkunar í Gullsmára alla mánu-
daga og fimmtudaga. Skráning kl.
12.45 á hádegi.