Morgunblaðið - 07.09.2002, Blaðsíða 16

SUÐURNES
16 LAUGARDAGUR 7. SEPTEMBER 2002 MORGUNBLAÐIÐ
EITT af athyglisverðustu atriðum
Ljósanætur í ár en án efa Bæj-
arstjórnarbandið, hljómsveit skip-
uð fimm bæjarfulltrúum sem þar
með sýna á sér aðra hlið en venju-
lega. Bandið er skipað fulltrúum
allra flokka í bæjarstjórninni og er
eins konar þverskurður úr pólitík-
inni. Þótt stundum sé tekist hart á í
bæjarstjórninni bar ekki á öðru en
hljómsveitinni tækist vel að stilla
saman strengina á æfingu í fyrra-
kvöld.
Á efnisskrá Bæjarstjórabandsins
eru bæði íslensk og erlend lög og
víst er að enginn verður svikinn af
flutningi hljómsveitarinnar, enda
skipuð úrvals hljóðfæraleikurum.
„Lífið er lotterí“ sungu bæjarfull-
trúarnir fimm af mikilli innlifun á
æfingunni. Kjartan Már Kjart-
ansson leikur á fiðlu, Guðbrandur
Einarsson á skemmtara, Sveindís
Valdimarsdóttir syngur og Böðvar
Jónsson og Árni Sigfússon eru gít-
arleikarar bandsins.
„Þetta var svona skyndihugmynd
sem laust niður í kollinn á mér. Ég
vissi af öllu þessu hæfileikaríka tón-
listarfólki þegar ný bæjarstjórn var
mynduð síðastliðið vor og þegar ég
hafði samband við það fyrir stuttu
tók það strax mjög vel í hugmynd-
ina. Mér finnst alveg tilvalið að við
sýnum fólki að við getum gert
meira og annað en að þrasa,“ sagði
forsprakkinn Guðbrandur sem á
mörg ár að baki í tónlistarbrans-
anum.
„Já, það mætti segja það, ásamt
því að sýna á okkur aðra hlið, sagði
Guðbrandur þegar hann var spurð-
ur að því hvort bæjarfulltrúarnir
væru með þessu að stilla saman
strengina fyrir komandi fjögurra
ára samstarf. Aðspurður sagði Guð-
brandur ekki úr vegi að þátttakan í
Ljósanótt nú myndi leiða af sér nán-
ara samstarf, jafnvel með frum-
sömdu efni.
„Þeir verða bara að vera með
önnur atriði,“ sagði Guðbrandur
spurður að því hvort ekki hefði ver-
ið hægt að nota hina bæjarfull-
trúana sex í bakraddir og dansa.
Bæjarstjórabandið treður upp á
kvölddagskránni á Ljósanótt,
klukkan 20.40.
Bæjar-
stjórnin
stillir
saman
strengina
Morgunblaðið/Svanhildur Eiríksdóttir
Reykjanesbær
TÓMAS Ingi Olrich menntamála-
ráðherra ávarpar ráðstefnu um sí-
menntun í fyrirtækjum sem fram fer
í Eldborg í Svartsengi nk. mánudag.
Miðstöð símenntunar á Suðurnesj-
um, MSS, heldur ráðstefnuna en hún
er liður í viku símenntunar.
Á ráðstefnunni er lögð áhersla á
að kynna og fjalla um Markviss,
verkefni sem snýst um markvissa
uppbyggingu starfsmanna. MSS
hefur umsjón með verkefninu á
landsvísu og annast þjálfun ráðgjafa.
Á ráðstefnunni ræðir Árni Sigfús-
son, bæjarstjóri Reykjanesbæjar,
um símenntun fyrir atvinnulífið og
Grétar Þorsteinsson, forseti Alþýðu-
sambands Íslands, um símenntun og
bætt kjör launafólks. Auk þess er
Markviss-verkefnið kynnt og fulltrú-
ar fyrirtækja fjalla um reynslu sína
af því og símenntun í fyrirtækjum.
Loks mun menntamálaráðherra
opna Markviss-vefinn formlega.
Ráðstefnan hefst klukkan 13.30.
Ráðstefna
um
símenntun
Svartsengi
AÐALDAGUR Ljósanætur, menn-
ingar- og fjölskylduhátíðarinnar í
Reykjanesbæ, er í dag og nær há-
marki með útidagskrá í kvöld. Henni
lýkur síðan á morgun, sunnudag.
Menningar- og skemmtidagskrá
er allan daginn. Hana er meðal ann-
ars hægt að nálgast á vef Ljósanæt-
ur, www.ljosanott.is. Nefna má dag-
skrá fyrir börnin, íþróttir og leiki,
myndlist og handverk, opin gallerí,
kvikmyndir og leiklist, tónlist, opin
söfn og götuleikara.
Kvölddagskráin fer fram á gras-
bakkanum við minnismerki sjó-
manna við Hafnargötu. Þar er leikin
tónlist frá klukkan 20. Nefna má að
fyrirhugað er að efna til bryggju-
söngs og að víkingaskipið Íslending-
ur siglir undir Bergið. Þá verður
kveikt á lýsingu Bergsins og haldin
vegleg flugeldasýning laust eftir
klukkan tíu. Dagskránni er fram
haldið og lýkur með ljósaböllum
Á Ljósanótt í fyrra komu tuttugu
þúsund manns. Aðstandendur hátíð-
arinnar eru viðbúnir þeim fjölda og
segjast geta tekið við fleirum.
Ljósanótt
haldin í dag
Reykjanesbær
LISTASAFN Reykjanesbæjar hef-
ur nú fengið til afnota sýningarsal,
austursal Duus-húsanna í Keflavík,
en verið er að gera þau upp og taka í
notkun að nýju. Árni Sigfússon bæj-
arstjóri lýsti opnun salarins í gær
um leið og Einar Garibaldi hóf sýn-
inguna Blað 18 – Reykjanes. Hann
hefur fært Listasafninu að gjöf sýn-
inguna í heild, samtals 52 myndir.
Listasafn Reykjanesbæjar varð til
við stofnun bæjarfélagsins árið 1994
á grunni Listasafns Keflavíkur. Það
á nú um 200 verk eftir marga lista-
menn, mikið eftir Suðurnesjamenn
en einnig nokkra af þekktustu mynd-
listarmönnum landsins. Að sögn Val-
gerðar Guðmundsdóttur menningar-
fulltrúa hefur safnið verið
húsnæðislaust en verk í eigu þess
verið höfð til sýnis í stofnunum bæj-
arins.
Við athöfnina í gær sagði Árni Sig-
fússon bæjarstjóri að opnun fyrsta
sýningarsalar Listasafns Reykja-
nesbæjar af mörgum væri dæmi um
framsækni bæjarins í lista- og menn-
ingarmálum, eins og á öðrum svið-
um.
Austursalur Duus-húsa er annar
áfanginn við endurgerð húsaþyrp-
ingarinnar. Árni sagði að mikið verk
væri fyrir höndum við endurbæturn-
ar en haldið yrði áfram við þær. Val-
gerður er ánægð með salinn, sem er
um 300 fermetrar að stærð. Segir
raunar að eftir sé að leggja á hann
nýtt gólf en það verði gert eftir ára-
mót.
Hún hefur áhuga á að setja þar
upp áhugaverðar og metnaðarfullar
sýningar, íslenskra og erlendra lista-
manna. Þegar sé búið að bóka næstu
sýningu en hún er á verkum hóps
Fyrsti sýningarsalur
Listasafns bæjarins
Reykjanesbær
Morgunblaðið/Jim Smart
FORSETI Íslands, Ólafur Ragnar
Grímsson, opnaði sýningu um sögu
saltfisksins í gær. Sýningin er í
húsi sem sérstaklega var hannað
og byggt fyrir Saltfisksetur Ís-
lands.
Fjöldi gesta var við opnun salt-
fisksýningarinnar og opnun á sýn-
ingu á bátum og ljósmyndum sem
Grímur Karlsson líkanasmiður hef-
ur gert og haldið saman en sú sýn-
ing er í sal á efri hæð.
Ístak byggði hús Saltfiskseturs-
ins og afhenti Páll Sigurjónsson,
forstjóri fyrirtækisins, það Ólafi
Erni Ólafssyni, bæjarstjóra og for-
manni stjórnar Saltfisksetursins.
Í ræðum forseta Íslands, Sturlu
Böðvarssonar samgönguráðherra
og annarra kom fram ánægja með
það framtak Grindvíkinga að koma
upp sýningu um saltfiskinn og var
þess látið getið að hún ætti hvergi
annars staðar heima en í Grinda-
vík. Sérstaklega var minnst á mik-
inn hlut Grindvíkinga í saltfisk-
framleiðslu undanfarinna áratuga
og forystu þeirra í sölumálum, sér-
staklega Tómasar Þorvaldssonar
og Dagbjarts Einarssonar, sem
voru formenn SÍF í aldarfjórðung
samtals. Forsetinn flutti Grindvík-
ingum og öðrum sem stuðlað hafa
að uppbyggingu Saltfiskseturs Ís-
lands og saltfisksýningar þakkir
íslensku þjóðarinnar.
Friðrik Pálsson, stjórn-
arformaður SÍF, færði Salt-
fisksetrinu fimm milljónir króna
sem virðingarvott fyrir framtakið.
Morgunblaðið/Jim Smart
Ólafur Örn Ólafsson bæjarstjóri og Björn G. Björnsson hönnuður sýna
Ólafi Ragnari Grímssyni forseta saltfisk á sögusýningunni.
Salan er lokastig framleiðslunnar og því er vel við hæfi að sýningu sem
segja á frá sögu, verkun og sölu saltfisksins ljúki í suðrænni sölubúð.
Sýningin á hvergi
annars staðar heima
Grindavík
♦ ♦ ♦