Morgunblaðið - 20.09.2002, Blaðsíða 6

Morgunblaðið/Golli
Erla Guðjónsdóttir, sem bæjarstjórn réð í stöðu skólastjóra Áslandsskóla í fyrradag, ásamt Elínu Jónasdóttur,
deildarstjóra Skólaskrifstofu Hafnarfjarðarbæjar, og Magnúsi Baldurssyni fræðslustjóra fyrir framan skólann.
SKARPHÉÐINN Gunnarsson, sem
gegnt hefur starfi skólastjóra Ás-
landsskóla frá því í vor, mætti til
vinnu á skrifstofu skólastjóra í
skólanum í gærmorgun, þrátt fyrir
að bæjarstjórn hafi samþykkt í
fyrrakvöld að rifta rekstrarsamn-
ingi við Íslensku menntasamtökin,
ÍMS, og ráðið annan skólastjóra,
Erlu Guðjónsdóttur, tímabundið.
Sunita Gandhi sinnti einnig störf-
um sínum sem framkvæmdastjóri
ÍMS í skólanum í gær. Samkvæmt
upplýsingum frá skrifstofu skólans
höfðust Erla og Magnús Bald-
ursson fræðslustjóri við á göngum
skólans í gærmorgun meðan þau
biðu eftir niðurstöðu fundar lög-
manns ÍMS og bæjarlögmanni
Hafnarfjarðarbæjar. Erlu var, að
sögn fræðslustjórans, síðan fundin
aðstaða í skólanum.
Erla og starfsmenn bæjarins
funduðu með starfsfólki skólans
síðdegis í gær og mættu allir kenn-
arar á fundinn. „Þau [Skarphéðinn
og Sunita] hafa ekki enn yfirgefið
sínar skrifstofur,“ sagði Magnús
Baldursson, fræðslustjóri í Hafn-
arfirði, í samtali við Morgunblaðið
síðdegis í gær. „Lögmenn beggja
hafa ræðst við í dag og ætla að
funda aftur. Svo það er verið að
vinna í samningamálum. Við
stefnum á áframhaldandi skóla-
starf á föstudag og vonum að þetta
leysist sem fyrst.“
Magnús segir starfsfólk skólans
nú vera starfsmenn Hafnarfjarð-
arbæjar og strax verði farið í að
ganga frá ráðningasamningum við
það. Sagði hann að búnaður í skól-
anum væri að mestu í eigu ÍMS og
þyrfti m.a. að ná samkomulagi um
notkun hans hið fyrsta. Sagði
Magnús að kennsla hefði verið
með eðlilegum hætti í gær og að
lögð yrði áhersla á að svo verði
áfram.
Mikilvægast að ná sáttum
Erla Guðjónsdóttir var jákvæð
er Morgunblaðið ræddi við hana í
gærmorgun og sagði mikilvægt að
sáttum yrði náð sem fyrst.
„Ég legg áherslu á að kynnast
starfsfólkinu og börnunum og það
hef ég gert í morgun [gær], gengið
í stofur og heilsað upp á krakk-
ana,“ sagði Erla um fyrsta dag
sinn í nýju starfi. „Ég hef trú á því
að skólastarfið muni ganga ljúf-
lega fyrir sig, við ætlum ekki að
breyta neinu hér, krakkarnir fá
alla sína þjónustu og kennslu eins
og venjulega.“ Erla taldi mik-
ilvægt að börnin fyndu fyrir sem
minnstu raski, en að það væri und-
ir fullorðna fólkinu komið. „Það
skiptir miklu máli hvernig við
kynnum málið fyrir börnunum og
æsum okkur ekki yfir því þó að við
mætum erfiðum verkefnum sem
við þurfum að leysa.“
Erla sagði viðtökur samstarfs-
manna í Áslandsskóla hafa verið
mjög góðar. Hún sagðist ekki
mundu hafa afskipti af viðræðum
milli ÍMS og bæjarins sem áttu sér
stað í gær. „Það sem skiptir mestu
máli er að sáttum verði náð og að
við getum unnið vel saman, það er
mikilvægast.“
Erla mun gegna starfi skóla-
stjóra Áslandsskóla þar til nýr
skólastjóri verður ráðinn, en starf-
ið verður auglýst laust til umsókn-
ar á næstunni, að hennar sögn.
Erla er fjórði skólastjóri Áslands-
skóla frá því hann hóf göngu sína
síðastliðið haust.
Skarphéðinn Gunnarsson, skóla-
stjóri Áslandsskóla frá því í vor,
og Böðvar Jónsson, formaður
stjórnar ÍMS, vildu ekki tjá sig um
málið í gær er Morgunblaðið leit-
aði viðbragða þeirra við ákvörðun
bæjarstjórnar.
Bæjarlögmaður Hafnarfjarðar,
Guðmundur Benediktsson, átti í
gær fund með lögmanni ÍMS en
hann sagðist í samtali við Morg-
unblaðið ekki vilja tjá sig um fund-
inn að svo stöddu. Hann sagði þó
ráðgert að þeir myndu ræðast
frekar við í dag og næstu daga.
Spurður um næstu skref í mál-
inu segir Guðmundur að bæjaryf-
irvöld séu þeirrar skoðunar að yf-
irtakan sé búin að eiga sér stað þó
að hún sé ekki að fullu komin til
framkvæmda, þar eð ÍMS séu enn í
skólanum. Sagðist hann telja að
þau mál ættu eftir að leysast.
Samningurinn áfram í fullu
gildi og ekki fallist á riftun
Í bréfi sem Sunita Ghandi, fram-
kvæmdastjóri ÍMS og Áslands-
skóla, sendi bæjarstjórn Hafn-
arfjarðar í gær fyrir hönd Íslensku
menntasamtakanna er riftun
samningsins við ÍMS og yfirtöku
bæjarins á rekstri Áslandsskóla
mótmælt sem lögleysu og að hún
hafi engin réttaráhrif á samning
aðila frá 11. maí 2001. Telja verði
að sá samningur sé eftir sem áður í
fullu gildi og bindandi fyrir báða
samningsaðila og um það vísi í
grundvallarreglum kröfuréttar um
skuldbindingargildi samninga og
efndaskyldu þeirra.
Þá er rökstuðningi með sam-
þykkt bæjarstjórnar mótmælt sem
tilhæfulausum og að ákvæði 9.
kafla samnings aðila skjóti ekki
nokkurri stoð undir samþykktina.
Skýrt sé kveðið á um réttarstöðu
aðila komi til ágreinings vegna
framkvæmdar samningsins. Einnig
sé tilvísun í neyðarrétt fjarstæða
sem eigi sér ekki lagagrundvöll.
Bent er á að engar skriflegar
kvartanir eða athugasemdir hafi
heldur borist í tengslum við tillögu
um fyrirvaralausa riftun samnings-
ins.
Í bréfinu segir meðal annars að
samtökin hafi á grundvelli samn-
ingsins fjárfest í tækjum, búnaði
o.fl. til reksturs skólans og hafi
lagt fram mikla vinnu og önnur
framlög til að koma skólanum á
legg. Gera megi ráð fyrir að áætl-
aðar samningsgreiðslur til ÍMS
vegna rekstrar skólans frá hausti
2002 til loka upphaflegs þriggja
ára samningstíma verði u.þ.b. 300
milljónir króna. Þá er á það bent að
skv. samningi við Hafnarfjarðarbæ
sé ráðgert að samningstími geti
orðið allt að 23 ár. Ekki komi ann-
að til greina en að halda fullum
efndum upp á Hafnarfjarðarbæ og
verður ekki fallist á riftun samn-
ingsins.
Í bréfinu segir enn fremur að
snemma í gærmorgun hafi óboðnir
fulltrúar Hafnarfjarðarbæjar kom-
ið á vettvang ásamt „skólastjóra“
grunnskólans.
„Ekki er ljóst hver réttarstaða
þess aðila er, en sérstaklega skal
bent á að skv. lögum nr. 78/2002
um réttarstöðu starfsmanna við að-
ilaskipti að fyrirtækjum ber yf-
irtökuaðila, ef því er að skipta, að
virða ráðningarsamninga starfs-
manna og geta aðilaskipti við þess-
ar aðstæður ein og sér ekki leitt til
uppsagnar starfsmanna. Tilnefning
„annars skólastjóra“ fer því þvert
gegn þeim lögum og telst vera al-
gjör lögleysa.“
Hagnýta sér eignir ÍMS
Í bréfinu er harðlega mótmælt
að starfsmenn Hafnarfjarðarbæjar
fari um húsnæðið sem sé löglega í
umráði annars aðila og hagnýti sér
eignir ÍMS.
Þá mótmæla samtökin „þeirri
valdníðslu sem birtist í dæmalausri
framgöngu bæjarstjórnar Hafn-
arfjarðar í máli þessu,“ að því er
segir í bréfinu, og áskilja sér rétt
til að leita eftir að fá staðfest fyrir
dómstólum að riftunin sé ólögmæt.
Þá er fullri ábyrgð lýst á hendur
bæjaryfirvalda vegna „þeirrar
röskunar sem orðið hefur á nem-
endastarfi í skólanum í [gær] og
vegna þeirrar smánar sem bæjaryf-
irvöld hafa valdið og kallað yfir
skólann og nemendur hans,“ segir
þar.
Tveir skólastjórar mættu til vinnu í Áslandsskóla í gærmorgun
Íslensku menntasamtökin
taka samningsrof ekki gilt
FRÉTTIR
6 FÖSTUDAGUR 20. SEPTEMBER 2002 MORGUNBLAÐIÐ
Jóhannes S. Kjarval
Verið velkomin að skoða verkin í Gallerí Fold, Rauðarárstíg 14-16,
í dag kl. 10.00-18.00, á morgun kl. 10.00-17.00 og á sunnudag kl. 12.00-17.00.
Seld verða rúmlega 160 verk, þar á meðal fjölmörg verk gömlu meistaranna.
Hægt er að nálgast uppboðsskrána á netinu: www.myndlist.is Rauðarárstíg 14-16sími 551 0400
LISTMUNAUPPBOÐ
verður haldið á sunnudagskvöld kl. 19.00 á Hótel Sögu, Súlnasal.
HLUTABRÉF í deCODE
Genetics, móðurfélagi Ís-
lenskrar erfðagreiningar,
lækkuðu um 10,63% í gær og
var lokagengið það lægsta síð-
an bréfin voru skráð á Nasdaq-
hlutabréfamarkaðinn í Banda-
ríkjunum árið 2000, á útboðs-
genginu 18 dalir.
Lokagengið í gær var 1,85
dalir en var í fyrradag 2,09 dal-
ir á hlut. Þetta er í annað skipti
sem verð hlutabréfa í deCODE
fer niður fyrir tvo dali á hlut en
það gerðist fyrst í byrjun sept-
ember sl.
Samkvæmt stefnu Íslenskr-
ar erfðagreiningar tjá tals-
menn fyrirtækisins sig ekki
um gengi hlutabréfa í de-
CODE.
Hlutabréf í
deCODE í
lægsta gildi
STEFÁN Kristjánsson vann
Tomas Oral í sjöttu og síðustu
skák Hreyfilseinvígisins, sem
tefld var í gær.
Stefán vann Oral í 30 leikjum
í mikilli sóknarskák. Var Oral
með gjörtapað tafl þegar hann
féll á tíma.
Lokaúrslit einvígisins urðu
þau að Oral hlaut 4 vinninga en
Stefán 2.
Hreyfilseinvígið
Stefán vann
síðustu
skákina
UPP úr hádegi í gær herti aft-
ur á jarðskjálftahrinunni fyrir
norðan land eftir nokkurt hlé.
Skjálfti af stærðinni 3 á Richt-
er-kvarða varð rétt fyrir
klukkan 16, annar heldur öfl-
ugri varð klukkan 19.44 og
fjórum mínútum síðar mældist
skjálfti upp á 3,8 á Richter.
Að sögn Ragnars Stefáns-
sonar jarðeðlisfræðings eru
upptökin nú aðallega á tveim-
ur stöðum, annars vegar á
sama stað og upptök stóra
skjálftans sl. mánudag og hins
vegar um 20 km suðsuðaustur
af þeim stað, eða um 20 km
norður af Grímsey. Ragnar
segir að um sé að ræða brota-
hreyfingu djúpt í jarðskorp-
unni og líkur hafi aukist á að
annar skjálfti verði á þessum
slóðum jafnstór þeim sem varð
á mánudag en hann mældist
5,5 á Richter.
Norðurland
Herðir á
skjálfta-
hrinu
STUTT