Morgunblaðið - 20.09.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 20. SEPTEMBER 2002 VERÐ Í LAUSASÖLU 190 KR. MEÐ VSK.
ÁHERSLUR í skriftarkennslu hafa
að mati Margrétar Eiríksdóttur,
grunnskólakennara í Vogaskóla,
orðið til þess að færri eru vel skrif-
andi en áður. Hún segir að nú sé lögð
meiri áhersla á að börn semji og
skrifi sem mest án þess að kennari sé
endilega að fetta fingur út í skriftina.
Auk þess hafi formskrift verið tekin
upp í stað lykkjuskriftar í skólum um
miðjan níunda áratuginn og síðar
svokölluð ítölsk skrift, sem sé sein-
skrifuð og fljóti illa. „Gamla lykkju-
skriftin er kannski ekki eins falleg,
en hún flýtur miklu betur. Þar af
leiðandi finnst mér fleiri vera illa
skrifandi með ítölsku skriftinni.“
Breytingin hafi átt að vera til ein-
földunar, en gallinn sé sá að mörg
börn geti ekki lesið skrift foreldra
sinna því lykkjuskrift fullorðinna sé
svo ólík því sem þau hafi lært.
Börn ólæs
á skrift for-
eldranna

Dregið til stafs/B7
SKAFTÁRHLAUP náði hámarki í
fyrrinótt og náði rennslið þá um
650 rúmmetrum á sekúndum. Gert
var ráð fyrir að hámarksrennsli
yrði talsvert meira en ekki er vitað
hvers vegna sú spá brást.
Skjálftamælar námu gosóróa í
Skaftárjökli síðdegis í gær og segir
Páll Einarsson, prófessor hjá Jarð-
eðlisfræðistofu Raunvísindastofn-
unar Háskólans, að gosið hafi í
nokkrar mínútur í eystri katlinum,
þaðan sem hlaupið kemur nú. Hann
segir að komið hafi fram gosórói á
skjálftamælum í Skaftárhlaupum
síðustu ár og engin undantekning
hafi orðið á í þetta sinn.
Hlaup úr eystri katlinum
ávallt stærri
Eins og fyrr segir kemur hlaupið
úr svonefndum eystri katli en vest-
ari ketillinn hljóp í júlí sl. og varð
hámarksrennsli þá um 750 rúm-
metrar á sekúndu. Gert var ráð fyr-
ir að hlaupið sem hófst á þriðju-
dagskvöld yrði allt að þúsund
rúmmetrar enda hafa hlaup úr
eystri katlinum ávallt verið stærri
en úr vestari katlinum frá því mæl-
ingar hófust árið 1955. „Við höfum
engar skýringar á þessu. Mælingar
Magnúsar Tuma Guðmundssonar
[jarðeðlisfræðings] á eystri katl-
inum fyrir viku sýndu að yfirborð
ketilsins var nokkurn veginn í eðli-
legri hæð fyrir hlaupið. Samkvæmt
því hefði þetta átt að verða svipað
að stærð og fyrri hlaup. Ástæðan
fyrir því að svo er ekki er okkur
ókunn ennþá,“ segir Oddur Sig-
urðsson hjá Orkustofnun. Vel geti
verið að rúmmál hlaupsins verði
jafnmikið og fyrr en það skili sér
seinna undan jöklinum. Þetta séu
þó vangaveltur og engu hægt að slá
föstu um skýringar fyrr en frekari
gögn liggi fyrir.
Tölvubúnaður skemmdist af
völdum brennisteinsgufu
Vatnamælingamenn urðu að
forða sér frá jöklinum í fyrradag
þegar brennisteinsvetni í andrúms-
loftinu fór upp fyrir hættumörk.
Tölvubúnaður þeirra skemmdist
nokkuð af völdum brennisteins-
vetnisins og m.a. er móðurborð í
fartölvu ónýtt. Oddur segir að still-
ur geri það að verkum að mengunin
sé verri en oft áður. Uppi við jök-
ulröndina og niður með hlaupfar-
veginum megi sjá sýrubrunninn
mosa. Vegagerðinni höfðu í gær-
kvöldi engar fréttir borist af vega-
skemmdum af völdum hlaupsins.
Morgunblaðið/RAX
Frúna, flugvél Ómars Ragnarssonar fréttamanns, ber hér við útfallið á Skaftárjökli. Þegar hlaupið var í hámarki runnu 650 rúmmetrar á sekúndu.
Hámarksrennsli
í Skaftá minna
en búist var við
IÐNAÐARRÁÐHERRA, Valgerð-
ur Sverrisdóttir, mun að nýju leggja
fram á komandi Alþingi frumvarp
til nýrra raforkulaga. Frumvarpið
er einkum til komið vegna tilskip-
unar Evrópusambandsins um innri
markað raforku í Evrópu, sem
EES-ríkin gengust einnig undir.
Ráðherra segir í samtali við Morg-
unblaðið að frumvarpið verði nú lagt
fram í óbreyttri mynd en dagsetn-
ingar á gildistöku laganna geti þó
breyst. Að sögn Valgerðar gæti
málið endað fyrir EFTA-dómstóln-
um eða jafnvel íslenskum dómstól-
um, verði frumvarpið ekki að lögum
fyrir áramót en samkvæmt tilskip-
uninni átti að vera búið að innleiða
hana 1. júlí síðastliðinn. Hefur Eft-
irlitsstofnun EFTA verið gerð grein
fyrir töfinni.
Raforkulagafrumvarpið felur í sér
heildarendurskoðun á löggjöf um
vinnslu, flutning, dreifingu og sölu
raforku. Það var fyrst lagt fram til
kynningar á löggjafarþinginu 2000–
2001 og vísað til iðnaðarnefndar
sem hafði það til umfjöllunar. Það
var svo lagt fram að nýju á síðasta
þingi með nokkrum breytingum en
var ekki afgreitt. Meðal helstu nýj-
unga í frumvarpinu má nefna að
orkufyrirtækin mega framleiða og
selja raforku til hvaða notanda sem
er en stofna á eitt flutningsfyrir-
tæki, annaðhvort af stærstu orku-
fyrirtækjunum eða ríkinu, sem mun
dreifa raforkunni til dreifiveitna á
hverjum stað. Þannig gæti einstak-
lingur eða fyrirtæki á Ísafirði keypt
raforku af Orkuveitu Reykjavíkur
verði það talið hagkvæmt. Markmið
með tilskipuninni og lagabreyting-
unni þar með er að koma á sam-
keppni í raforkuframleiðslu og smá-
sölu til notenda.
Komin fram yfir á tíma
Valgerður Sverrisdóttir segist
vera bjartsýn á að frumvarpið nái í
gegn á Alþingi þrátt fyrir gagnrýni
á það, m.a. frá sveitarfélögum og
orkufyrirtækjum.
„Við erum komin fram yfir á tíma.
Ef við komum ekki þessari tilskipun
í lög gætum við átt eftir að lenda í
erfiðum málum gagnvart ESA, eft-
irlitsstofnun EFTA. Við hljótum að
leggja metnað okkar í það að klára
frumvarpið þannig að það verði að
lögum fyrir áramót. Við höfum sent
ESA bréf þar sem fram kemur að
frumvarpið verði forgangsmál á
komandi þingi. Ef það gerist ekki er
ljóst að málið gæti endað fyrir
EFTA-dómstólnum eða jafnvel ís-
lenskum dómstólum. Þar sem ekki
hafa orðið breytingar á frumvarpinu
hafa bæði þingmenn og orkufyrir-
tækin haft góðan tíma til að kynna
sér það vel. Ég geri mér vel grein
fyrir því að skoðanir eru skiptar,
enda er verið að koma á róttækum
breytingum,“ segir Valgerður.
Tefst að innleiða tilskipun Evrópusambandsins um innri markað raforku
Ráðherra segir málið geta
endað fyrir dómstólum

Raforkumarkaður/26–27
TVEIR skólastjórar mættu til vinnu
í Áslandsskóla í gærmorgun eftir að
bæjarstjórn Hafnarfjarðar sam-
þykkti á aukafundi í fyrradag að
rifta samningi bæjarins við Íslensku
menntasamtökin um rekstur skól-
ans.
Samþykkt var að ráða Erlu Guð-
jónsdóttur tímabundið í stöðu skóla-
stjóra og jafnframt að auglýsa eftir
umsóknum um stöðu skólastjóra og
aðstoðarskólastjóra.
Erla og starfsmenn bæjarins
funduðu með starfsfólki skólans síð-
degis í gær og sagði Erla að mik-
ilvægt væri að ná sáttum sem fyrst.
Guðmundur Benediktsson bæjar-
lögmaður átti í gær fund með lög-
manni ÍMS og munu þeir ræðast
frekar við í dag og á næstu dögum.
Að hans sögn eru bæjaryfirvöld
þeirrar skoðunar að yfirtakan sé bú-
in að eiga sér stað þó að hún sé ekki
að fullu komin til framkvæmda.
Samningsgreiðslur til ÍMS
u.þ.b. 300 milljónir króna
Sunita Ghandi, framkvæmdastjóri
Íslensku menntasamtakanna og Ás-
landsskóla, sendi bæjarstjórn Hafn-
arfjarðar í gær bréf fyrir hönd sam-
takanna þar sem riftun samningsins
og yfirtöku er harðlega mótmælt
sem lögleysu sem muni ekki hafa
réttaráhrif á samning aðila frá 11.
maí 2001. Telja verði að sá samn-
ingur sé eftir sem áður í fullu gildi og
bindandi fyrir báða samningsaðila.
Í bréfinu segir að gera megi ráð
fyrir að áætlaðar samningsgreiðslur
til ÍMS vegna rekstrar skólans frá
hausti 2002 til loka upphaflegs
þriggja ára samningstíma verði
u.þ.b. 300 milljónir króna. Þá segir
að ekki komi annað til greina en full-
ar efndir af hálfu Hafnarfjarðarbæj-
ar og að ekki verði fallist á riftun
samningsins.
Ekki fall-
ist á rift-
un samn-
ingsins
Tveir skólastjórar
í Áslandsskóla

Íslensku menntasamtökin/6