Morgunblaðið - 03.10.2002, Blaðsíða 53

FÖSTUDAGINN 4. okt. kl. 13
verður haldin málstofa sem ber
yfirskriftina: Tengsl rannsókna
og stefnumótunar í menntamál-
um: hvers vegna – hvernig? Kl.
15.45 setur Tómas Ingi Olrich
menntamálaráðherra málþing-
ið. Þá verða flutt þrjú erindi um
ólík viðhorf til lífsleikni. Flytj-
endur eru: Kristján Kristjáns-
son, prófessor við Háskólann á
Akureyri, Sigrún Aðalbjarnar-
dóttir, prófessor við Háskólann
á Akureyri, og Aldís Yngvadótt-
ir ritstjóri Námsgagnastofnun.
Málþingið verður haldið í hús-
næði Kennaraháskóla Íslands
við Stakkahlíð og er þátttöku-
gjald 1.000 kr.
Laugardaginn 5. okt. kl. 9–16
verða flutt 70 stutt erindi um
lífsleikni í skólastarfi, mál og
lestur, náttúrufræði, upplýs-
ingatækni, menntun kennara
o.fl. Frá kl. 15–16 er þátttakend-
um þingsins boðið upp á að ræða
nánar ýmislegt sem hefur komið
fram fyrr um daginn í svonefnd-
um kaffistofum. Ýmis verkefni
verða kynnt á veggspjöldum.
Dagskráin er á http://rann-
sokn.khi.is/malthing/.
Málþing um
rannsóknir,
nýbreytni
og þróun
FRÉTTIR
MORGUNBLAÐIÐ FIMMTUDAGUR 3. OKTÓBER 2002 53
FORELDRASAMTÖKIN Vímulaus
æska hafa opnað vefsíðu.Vefsíð-
unni er ætlað að veita aðstoð for-
eldrum sem hafa áhyggjur af hugs-
anlegri vímuefnaneyslu barna
sinna. Á henni eru einnig fréttir af
starfi samtakanna, upplýsingar um
námskeið og umræða um málefni
sem snerta uppeldi eða fíkniefna-
heiminn, s.s. um handrukkara,
útihátíðir og fleira. Slóðin er
www.foreldrahus.is.
Þorsteinn Jóhannsson frá Vímulausri æsku þakkar Knúti Haukssyni,
aðstoðarforstjóra Samskipa, fyrir stuðning við vefgerðina. Með þeim er
Sigurður Hlöðversson sem aðstoðaði Foreldrahúsið við gerð vefjarins.
Vímulaus æska
opnar heimasíðu
TOURETTE-samtökin verða með
opið hús í kvöld, fimmtudagskvöldið
3. okt. kl. 20:30 að Hátúni 10b (aust-
asta ÖBÍ blokkin), í kaffiteríunni á
jarðhæðinni.
Þessi opnu hús eru mánaðarlega
að vetrinum, fyrsta fimmtudag hvers
mánaðar, og gefst fólki þá tækifæri
til að hlusta á fyrirlestra eða kynn-
ingar, horfa saman á myndband,
fjalla um bækur varðandi Tourette-
heilkennið og spjalla saman yfir
kaffibolla um málefni tengd því, seg-
ir í fréttatilkynningu.
Tourette-
samtökin
með opið hús
„AIKIKAI Reykjavík er eina íþrótta-
félagið á landinu sem iðkar sjálfs-
varnarlistina Aikido þar sem áhersla
er lögð á sjálfsvörn án mótárásar og
notkun á krafti andstæðingsins gegn
honum sjálfum. Íþróttin hefur verið
stunduð hér á landi síðan 1992 og eru
iðkendur nú um 50 talsins,“ segir í
fréttatilkynningu.
Nýverið flutti félagið í húsnæði í
Faxafeni 8 sem bætir alla aðstöðu til
iðkunar íþróttarinnar og mun félagið
nú geta boðið námskeið fyrir unglinga
(13-15 ára) ásamt námskeiðum fyrir
16 ára og eldri.
Fyrr á árinu fékk félagið til liðs við
sig nýjan yfirþjálfara sem hefur yfir
20 ára reynslu af íþróttinni og mikla
reynslu af kennslu allra aldurshópa.
Félagið fær einnig reglulega heim-
sóknir frá erlendum þjálfurum og var
nýlega gengið frá samkomulagi um að
japanskur þjálfari kæmi reglulega til
landsins til að halda námskeið.
Nánari upplýsingar má finna á
http://here.is/aikido.
Japani
þjálfar sjálfs-
varnarlist
Lífs en ekki liðinn
Í inngangi að minningargreinum
um Unni Magnúsdóttur á blaðsíðu
30 í Morgunblaðinu miðvikudaginn
2. okt. síðastliðinn komst því miður
inn sú villa að sagt var að Hilmir
Hinriksson, sonur Hinriks, eigin-
manns Unnar, væri látinn. Hann er
bráðlifandi og býr í Hveragerði. Beð-
ist er velvirðingar á þessu.
Sex manns í heimili
á Kárastöðum
Í frétt af stórbruna á Syðri-Kára-
stöðum í Vatnsnesi í blaðinu í gær
var rangt farið með fjölda heimilis-
meðlima og aldur húsfreyjunnar. Í
heimili voru 6 manns, á aldrinum 4-
49 ára. Húsfreyjan er 49 ára en ekki
á sextugsaldri líkt og ranghermt var.
Leiðréttist þetta hér með.
Hafði ekki fengið
inni á Sogni
Nokkurrar ónákvæmni gætti í frá-
sögn aðstoðarmanns félagsmálaráð-
herra, sem höfð var eftir honum í
frétt Morgunblaðsins á þriðjudag
um viðbrögð ráðherra heilbrigðis-,
dóms- og félagsmála við bréfi frá
Stefáni Aðalsteinssyni. Steinn Ár-
mann, sonur hans, hafði ekki fengið
inni á Sogni, eins og aðstoðarmað-
urinn sagði við Morgunblaðið, held-
ur tjáði Stefán honum símleiðis að
sonur hans hefði fengið inni á Vogi.
LEIÐRÉTT
TILLÖGUR Sambands íslenskra
sveitarfélaga í byggðamálum
voru samþykktar á landsþingi
sambandsins sem haldið var á
Akureyri í liðinni viku. Sérstök
byggðanefnd var stofnuð á veg-
um sambandsins fyrir tveimur
árum og henni falið að leggja
fram tillögur að nýrri byggða-
stefnu fyrir sambandið. Tillög-
urnar voru samþykktar á full-
trúaráðsfundi sambandsins í
mars í vetur en hlutu nú fulln-
aðarafgreiðslu eftir nokkrar um-
ræður.
Tillögurnar eru í alls 12 liðum
og fjalla um ýmsa þætti byggða-
mála, m.a. að tryggð verði sam-
keppnisgeta höfuðborgarsvæðis-
ins gagnvart útlöndum, öflugt
þjónustu- og vaxtarsvæði verði
byggt upp á Eyjafjarðarsvæðinu
sem valkostur við höfuðborgar-
svæðið og að í öðrum lands-
hlutum verði byggðir upp lands-
hlutakjarnar, fyrst í stað á
Ísafjarðarsvæðinu og Mið-Aust-
urlandi.
Þá vill sambandið að sveitar-
stjórnar,- byggða,- skipulags,- og
byggingamál verði sameinuð í
eitt ráðuneyti, ráðuneyti byggða-
og sveitarstjórnarmála. Eins er
fjallað um sameiningu sveitarfé-
laga í tillögunum sem samþykkt-
ar voru á þinginu og að stefnt
verði að því að stækka þau og
efla með frjálsri sameiningu á
kjörtímabilinu. Náist sá árangur
sem stefnt er að verði sveitar-
félögin á bilinu 30 til 50 talsins í
lok næsta kjörtímabils. Sam-
bandið vill að endurskoðun á
verkaskiptingu ríkis og sveitarfé-
laga verði hraðað og samstarfs-
verkefnum fækkað. Talað er um
greiðan aðgang allra íbúa lands-
ins að rafrænum samskiptum og
að allir sitji við sama borð hvað
varðar aðgengi og gjaldskrá.
Einnig er lagt til að flutnings-
kerfi raforku verði einfalt og
ódýrt og tryggt að samkeppni
geti átt sér stað í raforkusölu.
Lagt er til að fjárveitingar til
samgöngumála verði auknar og
samhliða endurbótum á sam-
göngukerfinu verði unnið að því
að efla almenningssamgöngur
innan svæða og milli landshluta.
Loks má nefna tillögur um að efla
atvinnuþróunarstarf á lands-
byggðinni og að skattalegum að-
gerðum verði beitt til að hafa
áhrif á byggðaþróun. Í greinar-
gerð með þeirri tillögu er bent á
að ýmsar þjóðir hafi beitt þeirri
aðferð að lækka skatta í dreifðum
byggðum og á jaðarsvæðum í
þeim tilgangi að draga úr fólks-
flutningum frá þeim til stærri
borga. Þar geti verið um að ræða
tekjuskatt, eignaskatt og þunga-
skatt en eins sé rétt að taka end-
urgreiðslu námslána til athugun-
ar í sama tilgangi.
Á þinginu var óskað eftir form-
legu samstarfi við ríkið um fram-
kvæmd stefnumörkunar sam-
bandsins.
Hafa í för með sér tugmillj-
arðakostnað fyrir ríkið
Kjartan Magnússon, borgar-
fulltrúi Sjálfstæðisflokks í
Reykjavík, benti á að tillögurnar
hefðu í för með sér tugmilljarða-
kostnað fyrir ríkisvaldið, en kröf-
um væri beint að því. Hann sagði
margar tillögur í stefnumörkun-
inni óraunhæfar og flestar þeirra
fela í sér stórhuga aðgerðir sem
ríkisvaldinu er ætlað að kosta að
miklu eða öllu leyti. „Því miður
verður að segjast eins og er að
tvö hugtök koma helst upp í hug-
ann þegar plaggið er lesið í heild
sinni; forsjárhyggja og skatta-
hyggja,“ sagði Kjartan.
Trúin á opinberar lausnir væri
allsráðandi í glímunni við byggða-
vandann. Uppbygging vaxtar-
svæða hér og þar bæri vitni þeirri
trú að hægt væri að skipuleggja
búsetu fólks og færa til eftir
landshlutum eða láta það sitja
kyrrt.
Þá benti hann á að í tillögunum
væri lagt á ráðin um aðgerðir
sem kostuðu mikla peninga og
væri í raun ekkert annað en krafa
um hækkun skatta. Tillaga um
nýtt ráðuneyti kallaði á nýtt fjár-
magn, nýja skatta, sagði Kjartan
og taldi að sveitarstjórnarmenn
ættu ekki að hafa frumkvæði að
því að ríkið tæki að sér fleiri
verkefni en það nú gegndi. Aukn-
ar almenningssamgöngur á
kostnað ríkisins væru einnig ávís-
un á stóraukna skattheimtu að
mati Kjartans.
Hann sagði tillögur um lækkun
skatta á landsbyggðinni ótrúleg-
ar, ljóst væri að slíkt væri afar
erfitt og umdeilt í framkvæmd
auk þess sem þær gengju í ber-
högg við almennar hugmyndir
um jafnræði í skattheimtu.
„Það kann aldrei góðri lukku
að stýra að ætla að jafna eitthvað
með því að grípa til ójöfnuðar,
eins og hér er lagt til,“ sagði
Kjartan. Taldi hann nær fyrir
sambandið að koma fram með al-
mennar tillögur um hvernig hægt
væri að bæta skilyrði atvinnulífs
og þar með mannlífsins í stað
þess að leggja til að einstökum
byggðarlögum væri mismunað.
Stefnumörkun í byggðamálum hjá
Sambandi íslenskra sveitarfélaga
Skattalegum að-
gerðum verði beitt
til að hafa áhrif á
byggðaþróun
SKOTVEIÐIFÉLAG Íslands efnir
til fyrstu alþjóðlegu rjúpnaráðstefn-
unnar í Reykjavík laugardaginn 5.
október næstkomandi. „Rjúpna-
rannsóknir hér á Íslandi hafa frá
árinu 1996 að mestu leyti verið kost-
aðar úr veiðikortasjóði, en í veiði-
kortasjóð renna tekjur fyrir svoköll-
uð veiðikort sem allir skotveiðimenn
verða að greiða fyrir til þess að
mega stunda skotveiðar á Íslandi.
Íslenskir skotveiðimenn hafa því
samtals greitt 38,4 milljónir til rann-
sókna á rjúpunni á undanförnum ár-
um,“ segir m.a. í fréttatilkynningu.
„Skiptar skoðanir eru um niður-
stöður rannsókna Náttúrufræði-
stofnunar Íslands og túlkun niður-
stöðu þeirra. Skotveiðifélag Íslands
telur afar brýnt að fá álit annarra
sérfræðinga á stofnsveiflum rjúp-
unnar. Af því tilefni hefur SKOTVÍS
fengið hingað til lands hæfustu sér-
fræðingana á þessu sviði.“
Á dagskrá ráðstefnunnar sem Siv
Friðleifsdóttir umhverfisráðherra
setur klukkan 14 eru eftirtalin er-
indi: Áki Ármann Jónsson veiðistjóri
fjallar um hvaða upplýsingar veiði-
kortakerfið gefi um rjúpnastofninn
og veiðar á rjúpu. Dr. Ólafur K.
Nielsen ræðir um íslenska rjúpna-
stofninn – ástand og horfur. Dr.
Thomas Willebrandt og Maria
Hörnell Willebrandt segja frá
stjórnun veiða á dalrjúpu í Svíþjóð,
dr. Peter Hudson ræðir stofnbreyt-
ingar lyngrjúpu og áhrif sjúkdóma
og sníkjudýra og dr. Hans Christian
Pedersen ræðir um veiðar og afföll á
dalrjúpu í Noregi, rannsóknir og til-
raunir.
Að loknum erindum verða um-
ræður og ráðstefnunni slítur Sigmar
B. Hauksson formaður SKOTVÍS.
Ráðstefna um
rjúpurannsóknir
Ungir jafnaðarmenn í Kópavogi
stofna félag Stofnfundur Ungra
jafnaðarmanna í Kópavogi (UJK)
var haldinn nýlega. Stofnunin var
liður í skipulagsstarfi Ungra jafn-
aðarmanna á landsvísu. Formaður
var kosinn Pétur Ólafsson stjórn-
málafræðinemi, sem skipaði 9. sæti
lista Samfylkingarinnar við bæj-
arstjórnarkosningarnar í vor. Aðr-
ir í stjórn eru Hinrik Már Ásgeirs-
son varaformaður, Dagbjört
Hákonardóttir ritari, Kristján Ingi
Gunnarsson gjaldkeri og með-
stjórnendurnir Úlfur Teitur
Traustason, Hjörvar Hafliðason og
Karl Tryggvason.
Eftirfarandi ályktun var samþykkt
á fundinum: „Mikilvægustu al-
þjóðasamskipti Íslendinga eru við
Evrópu, efnahagslega og fé-
lagslega. Ungir jafnaðarmenn í
Kópavogi vilja að farið verði í að-
ildarviðræður við Evrópusam-
bandið sem fyrst, með skýr samn-
ingsmarkmið að leiðarljósi.
Einungis þannig fáum við úr því
skorið hvort við eigum samleið
með Evrópusambandinu eða ekki.“
Býður sig fram í prófkjör. Valdi-
mar Leó Friðriksson, fram-
kvæmdastjóri Aftureldingar í Mos-
fellsbæ, hefur ákveðið að gefa kost á
sér í 4. sætið í prófkjöri Samfylking-
arinnar í Suðvesturkjördæmi.
Valdimar hefur starfað hjá Aftureld-
ingu í 8 ár og sem stuðningsfulltrúi á
sambýli fyrir fatlaða jafn lengi.
Hann á sæti í stjórn Starfsmanna-
félags ríkisstofnana, ritnefnd, trún-
aðarmannaráði og samninganefnd
fyrir málefni fatlaðra. Hann er for-
maður UMSK og hefur gegnt ýms-
um trúnaðarstörfum fyrir íþrótta-
hreyfinguna síðan 1983. Valdimar er
menntaður í fiskeldisfræði og stjórn-
málafræði, er í stjórn Samfylking-
arfélags Mosfellsbæjar og situr í
tækninefnd Mosfellsbæjar. Valdi-
mar Leó mun setja á oddinn aukin
ríkisframlög til málefna fatlaðra og
öryrkja og til íþróttahreyfingarinnar
og stefnir á baráttusæti í Suðvest-
urkjördæmi, segir í fréttatilkynn-
ingu.
Í DAG STJÓRNMÁL
Aðalfundur VG á Suðurlandi
Vinstrihreyfingin – grænt framboð
á Suðurlandi heldur aðalfund laug-
ardaginn 5. október kl. 13.30 í
Gesthúsum á Selfossi.
Fyrir utan venjuleg aðalfund-
arstörf og val á fulltrúum í kjör-
dæmisráð verður rætt um mál-
efnastefnu flokksins í næstu
kosningum og sérstöðu Suðurlands
í nýju Suðurkjördæmi.
Stofnaðar hafa verið flokksdeildir í
kjördæminu á Suðurnesjum, í
Vestmannaeyjum, í A-Skaftafells-
sýslu og elsta deildin er deild sem
nær yfir gamla Suðurlands-
kjördæmið nema Eyjar. Rætt
verður um möguleika þess að
stofna deildir víðar.
Formaður deildarinnar á Suður-
landi og kjördæmisráðsins er Þor-
steinn Ólafsson.
SÍBS-daginn í ár ber upp á sunnu-
daginn 6. október. Í tilefni dagsins
verður opið hús kl. 13–17 í Síðumúla
6 fyrir alla sem vilja kynna sér
starfsemi samtakanna.
SÍBS flutti nýlega höfuðstöðvar
sínar í Síðumúla 6. Því er nú sér-
stakt tækifæri til að skoða húsnæðið
og kynna sér aukna möguleika með
tilkomu nýrrar og bættrar aðstöðu.
Starfsfólk og fulltrúar aðildarfélag-
anna verða á staðnum til að fræða
gesti og gangandi um samtökin og
þau fjölmörgu verkefni sem SÍBS
stendur að, segir í fréttatilkynn-
ingu.
Opið hús
hjá SÍBS