Morgunblaðið - 31.10.2002, Blaðsíða 52

52 FIMMTUDAGUR 31. OKTÓBER 2002 MORGUNBLAÐIÐ
HLJÓMSVEITIN Í svörtum fötum
hefur nú verið starfandi í um fimm
ár, spilað af sér fötin nánast á því
tímabili og átt væna útvarpssmelli
reglulega. Og nú er það fyrsta „al-
vöru“ breiðskífan, sem er samnefnd
sveitinni.
„Við erum gríðarlega spenntir
fyrir þessu,“ segir Hrafnkell. „Á
plötunni sýnum við dálítið nýja hlið
á okkur.“
Jón Jósep söngvari gerist heim-
spekilegur. „Þetta eru í raun tveir
hlutir; annars vegar eru listamenn
sem finna hjá sér þörf til að gefa út
plötu og svo eru það hins vegar
listamaðurinn sem veit að hann
verður að gefa út plötu til að vera
sýnilegur. Við vorum pínulítið
stressaðir fyrir þetta í byrjun en
það hvarf mjög fljótlega og það varð
alveg brjálæðislega gaman að gera
þetta.“
Hrafnkell imprar á því að þeir séu
í iðnaðarpoppinu. „Þegar við fórum
af stað með plötuna var það svolítið
að trufla okkur. En þegar við fórum
loks í gang með plötuna hvarf sú
hugsun; við duttum í einhvern gír
og þetta varð alveg ný upplifun fyrir
okkur. Allt í einu vorum við komnir
á stöðugar æfingar, semjandi lög og
hugmyndirnar fljúgandi fram og
aftur. Í sumum lögum erum við
meira að segja komnir mjög langt
frá þessu stuðformi sem við erum
hvað þekktastir fyrir. Við ákváðum
hins vegar að skjóta ekki loku fyrir
þá strauma og leyfa þeim bara að
fljóta. Platan er líka nokkuð fjöl-
breytt og það endurspeglar böllin
hjá okkur þar sem við spilum „Chop
Suey!“ með System of a Down og
„Reyndu aftur“ eftir Magnús Ei-
ríksson í bland!“
Fjölskyldurnar
eiga heiður skilinn
– Þar sem þið eruð svona hrein-
skilnir með þetta, finnst ykkur þá sú
pressa á ballbönd að gefa út plötur
með frumsömdu efni óþægileg?
„Ég held að það sé ekkert öðru-
vísi með sveitaballasveitirnar en
aðrar hljómsveitir,“ svarar Hrafn-
kell. „Hljómsveitir verða að gefa
eitthvað frá sér ef þær ætla að halda
nafni sínu á lofti.“
– Eins og gengur og gerist standa
gagnrýnendur og tónlistarmenn við
og við í skærum. Hvað finnst ykkur
um það?
„Ja…þú til dæmis ert bara að
vinna vinnuna þína þegar þú dæmir
plötur,“ segir Hrafnkell og þeir fé-
lagar sammælast um það að ef rýnt
sé til gagns þá sé ekkert við því að
segja. „En við erum líka búnir að
byggja dálítið upp sem þú hefur
aldrei skrifað um, það eru böllin og
skemmtanirnar. Við erum búnir að
spila fyrir fleiri þúsund manns sem
hafa skemmt sér vel og það skiptir
okkur alveg gríðarlegu máli. Þetta
fólk upplifir ábyggilega eitthvað allt
annað en þú sem ert bara að hlusta
á þetta á plötu.“
– Nú gáfuð þið út plötu jólin 2000
sem ber nafnið Verkefni 1. Hug-
myndafræðin í kringum hana var
mjög skemmtileg þó að listræn út-
koma hafi kannski ekki verið á sömu
línu.
„Ég er gríðarlega stoltur af þess-
ari plötu,“ segir Jón Jósep. „Þótt
hún sé hræðilega léleg, tókst okkur
þetta (hlær). Það má segja að hún
sé lítið annað en það hugarástand
sem við vorum í á þeim tíma. Við er-
um oft spurðir hvort við skömm-
umst okkar fyrir hana og það finnst
mér fáránlegt.“
Hrafnkell segir að þeir hafi verið
á balli á Suðurlandi og krakkarnir
hafi spurt þá af hverju þeir gæfu
ekki út plötu.
„Þetta var í byrjun desember og
við sögðum bara „já en þið verðið þá
að lofa að kaupa hana“. Við keypt-
um okkur svo bara Pro Tools og það
er alger steypa að þetta hafi tekist.
Við vorum allir í vinnu, konurnar
óléttar og ég veit ekki hvað og
hvað.“
– Hvernig farið þið að því eig-
inlega að halda þetta út. Eruð þið
ekki báðir fjölskyldumenn?
„Þetta er bara spurning um að
skipuleggja tímann vel,“ segir
Hrafnkell og glottir. „Maður finnur
alltaf tíma þó að fjölskyldur okkar
eigi heiður skilinn fyrir einstaka
þolinmæði. En þegar maður er kom-
inn upp á svið, hlaðast rafhlöðurnar
upp á nýtt. Við höfum alveg ofsalega
gaman af þessu og uppi á sviði ein-
beitum við okkur algerlega að því
sem við erum að gera. Það er ekkert
verið að hugsa um hvað eigi að hafa
í kvöldmatinn á morgun t.d.“
Næsta plata á teikniborðinu
– Í svörtum fötum er sveit sem
hefur unnið sig jafnt og þétt upp á
toppinn með vinnu og meiri vinnu.
Ekki satt?
„Kannski er það af því að við höf-
um lítið pælt í því,“ segir Jón. „Við
stefndum ekki í neina sérstaka átt,
við gerðum þetta bara af því að við
höfðum gaman af þessu. Við spil-
uðum sálartónlist á Kaffi Reykjavík
í heilt ár áður en okkur datt í hug að
fara gera eitthvað meira við þetta.“
– Er önnur plata í augsýn?
„Við erum strax farnir að leggja
drög að næstu plötu,“ segir Hrafn-
kell og Jón segir að þeir hafi verið
farnir að ræða vinnu við næstu plötu
þegar þeir voru rétt hálfnaðir með
þessa. Þeir segjast hafa lært mikið
af vinnsluferlinu og nú iði þeir í
skinninu eftir að fara að gera meira.
Í svörtum fötum kynnir plötuna á
tónleikum í kvöld í Austurbæjarbíói
(gömlu Bíóborginni) kl. 20.30. Ekk-
ert hefur verið til sparað svo að þeir
verði sem glæsilegastir og hafa pilt-
arnir m.a. fengið leikstjóra til liðs
við sig. Þeir leggja áherslu á að
þetta sé fullgild leik- og söngvasýn-
ing en miðaverð er 1.200 kr. í for-
sölu og er hægt að nálgast miða í
verslunum Skífunnar. Verðið er
hins vegar 1.500 kr. við dyrnar.
Alveg brjálæð-
islega gaman
Í svörtum fötum er ein vinsælasta poppsveit landsins í dag.
Í svörtum fötum hefur verið ein vinsælasta popp-
sveit landsins um langt skeið. Arnar Eggert Thor-
oddsen ræddi við svartstakkana Jón Jósep og
Hrafnkel vegna nýrrar breiðskífu.
arnart@mbl.is
Í svörtum fötum heldur útgáfutónleika í kvöld
FYRSTI OG SKELFILEGASTI KAFLINN
Í SÖGU HANNIBAL LECTER.
Sýnd kl. 7. Síðasta sýn.Sýnd kl. 10.30. Enskur texti

Kvikmyndir.com

HK DV
Sýnd kl. 4.50 og 8. Bi 12.

SV Mbl

SK RadíóX
Sýnd kl. 10. B.i. 16.



1/2
Kvikmyndir.is

ÓHT Rás 2
Sýnd kl. 5.45.
Sýnd kl. 8 og 10.30. B.i. 16.
Sýnd kl.8. Sýnd kl. 6. B.i. 12. Sýnd kl. 10.20. B.i. 14.
Frumsýnd kl. 6, 8 og 10.
Yfir 40.000 áhorfendur




HJ Mbl


1/2 HK DV




SFS Kvikmyndir.is
LOKSINS - LOKSINS

Mbl



Kvikmyndir.com



1/2
Kvikmyndir.is

SV. MBL


DV
Það verður
skorað af
krafti.
Besta breska gamanmyndin
síðan „Bridget Jones’s Diary.“
Gamanmynd sem sólar þig upp
úr skónum. Sat tvær vikur í
fyrsta sæti í Bretlandi.
Sýnd kl. 4 og 6. Vit 441.
E I N N I G S Ý N D Í L Ú X U S V I P
Sýnd kl. 10.10. Bi. 16. Vit 453
S Ý N D Í S A L 1
Kl. 3.45, 5.50 og 10.10. Vit 460

SK RadíóX
Sýnd kl. 4, 6, 8 og 10.10. Vit 448 Forsýnd kl. 8. Vit 461