Morgunblaðið - 31.10.2002, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 31. OKTÓBER 2002 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla dagaSími 588 1200
MAÐUR, sem hefur rekið fasteigna-
sölu á höfuðborgarsvæðinu, gaf sig
fram við efnahagsbrotadeild ríkis-
lögreglustjóra í fyrradag og játaði
að hafa dregið sér verulega fjármuni
frá viðskiptavinum sínum. Sam-
kvæmt upplýsingum frá ríkislög-
reglustjóra var fasteignasalan nokk-
uð umsvifamikil en rekstur hennar
hefur nú verið stöðvaður og húsnæð-
ið innsiglað.
Jón H. Snorrason, yfirmaður
efnahagsbrotadeildar ríkislögreglu-
stjóra, staðfesti við Morgunblaðið í
gær að um væri að ræða Holt fast-
eignasölu í Kópavogi. Jón segir að
maðurinn hafi gefið sig fram við lög-
reglu að eigin frumkvæði en engar
kærur höfðu þá borist frá viðskipta-
vinum. Við yfirheyrslur hafi maður-
inn játað að hafa á 1–2 ára tímabili
dregið sér fé frá viðskiptavinum
fasteignasölunnar en gefið sig fram
þar sem hann treysti sér ekki til að
halda brotunum áfram.
Maðurinn hafi auk þess lagt fram
ýmis gögn en af þeim megi ráða að
fjárdrátturinn hafi numið um 80
milljónum króna. Talið er að brotin
hafi beinst gegn 15 viðskiptavinum
fasteignasölunnar en svik mannsins
fólust í því að hann hélt eftir fjár-
munum og verðbréfum sem voru
greiðslur fyrir fasteignir sem hann
hafði milligöngu um að selja. Að
sögn Jóns er talið að féð hafi að
mestu leyti verið notað í rekstur
fasteignasölunnar. Þar sem atvik
málsins liggi að mestu leyti fyrir,
hafi ekki verið talin þörf á gæslu-
varðhaldi og ekki leiki grunur á að
maðurinn hafi haft vitorðsmenn. Jón
segir að verið sé að kanna hvort
eignir séu til fyrir væntanlegum
kröfum viðskiptavina.
Guðrún Árnadóttir, formaður Fé-
lags fasteignasala, sagði í gær að fé-
lagið hefði í mörg ár lagt til við
dómsmálaráðuneytið að eftirlit væri
með starfsemi fasteignasala, sér-
staklega með meðferð þeirra með
vörslufé. Ráðuneytið hefði ekki orðið
við þessum óskum en Guðrún segir
að slíkt eftirlit hefði tvímælalaust
getað komið í veg fyrir brot af því
tagi sem fasteignasalinn hjá Holti í
Kópavogi hefur nú játað á sig. Í gær
áttu fulltrúar Félags fasteignasala
fund með fulltrúum dómsmála-
ráðuneytisins og segir Guðrún að á
næstu dögum muni félagið leggja
fram margvíslegar tillögur til úr-
bóta.
Fasteignasalar verða að vera með
tryggingar sem bæta tjón vegna gá-
leysisbrota og minniháttar mistaka í
starfi. Guðrún segir að tryggingarn-
ar nái hins vegar ekki yfir ásetnings-
brot af því tagi sem fasteignasalinn
játaði. Hún ráðleggur því viðskipta-
vinum fasteignasölunnar, sem telja
að þeir hafa orðið fyrir tjóni, að fá
sér lögmann. Félag fasteignasala
hafi ekkert forræði yfir félagsmönn-
um sínum sem dugi í þessu tilviki.
SAMKEPPNISRÁÐ beinir í nýju
áliti sínu þeim tilmælum til landbún-
aðarráðherra með vísan til sam-
keppnislaga, að hann beiti sér fyrir
því að heildsöluverðlagning á búvöru
verði gefin frjáls svo fljótt sem auðið
er og eigi síðar en um mitt ár 2004. Er
það mat ráðsins að samningur um
starfsskilyrði mjólkurframleiðslu frá
1997, með viðauka frá 2001, gangi
gegn markmiðum samkeppnislaga.
Tilefni álitsins er erindi Samtaka
verslunar og þjónustu, SVÞ, til sam-
keppnisráðs um það hvort framleng-
ing verðlagningar verðlagsnefndar
búvara á mjólkurvörum á heildsölu-
stigi brjóti ekki í bága við samkeppn-
islög. Í því kom m.a. fram að sam-
kvæmt samningi frá 1997 var gert ráð
fyrir að verðlagsnefnd hætti að verð-
leggja mjólkurvörur á heildsölustigi
og að frjáls verðlagning tæki gildi ár-
ið 2001. Ákvæðið hefði þótt eðlilegt og
í takt við viðskiptaþróun þegar það
var sett. Hins vegar hefðu landbún-
aðarráðherra og Bændasamtökin
samið viðauka við samninginn í októ-
ber í fyrra þar sem þessi verðlagning
hefði verið framlengd til 30. júní árið
2004.
Í áliti sínu vill samkeppnisráð að
landbúnaðarráðuneytið beiti sér fyrir
því að verðlagsnefnd búvara heimili
ekki samninga um verðtilfærslu þeg-
ar heildsöluálagning á mjólk verður
frjáls. Að auki er óskað eftir því að
ráðuneytið beiti heimildum sínum til
að tryggja eftir föngum að samningar
um verkaskiptingu samkvæmt
ákvæðinu raski ekki samkeppni og
vinni þar með gegn markmiðum þess
að gefa heildsöluverðlagningu á mjólk
frjálsa. Í því sambandi verði reynt að
vinna gegn samráði afurðastöðva um
framleiðslu og sölu og aðra lykilþætti
í samkeppni. Er það mat samkeppn-
isráðs að samningurinn frá 1997 um
starfsskilyrði mjólkurframleiðslu og
viðauki við hann frá því í fyrra, gangi
gegn markmiðum samkeppnislaga.
Telur samkeppnisráð að talsverður
tími hafi gefist til aðlögunar og verð-
lagsnefnd búvöru hafi á undanförnum
árum unnið að aðlögun heildsöluverðs
að breyttu rekstrarumhverfi og við-
skiptaháttum. Í álitinu segir að við
það að heildsöluverðlagning er gefin
frjáls er virkri samkeppni ætlað að
vernda almannahagsmuni og stuðla
að sanngjörnu verðlagi. „Að mati
samkeppnisráðs stafar virkri sam-
keppni veruleg hætta af því samráði
afurðastöðva í mjólkuriðnaði sem
felst í verðtilfærslu skv. 3. mgr. 13. gr.
búvörulaga og samningum um verka-
skiptingu afurðastöðva í mjólkuriðn-
aði, sbr. 71. gr. laganna.“
Samkeppnisráð minnir á að sam-
kvæmt 19. gr. samkeppnislaga skuli
ráðið eða Samkeppnisstofnun í formi
álits vekja athygli ráðherra á því ef
talið er að ákvæði laga eða stjórn-
valdsfyrirmæla stríði gegn markmiði
laganna og torveldi frjálsa samkeppni
í viðskiptum. Í frumvarpi með lögun-
um komi fram að tilgangur þessa
ákvæðis sé að vinna að því að frjáls
samkeppni ríki á öllum sviðum at-
vinnustarfsemi landsmanna þar sem
meginstefna laganna eigi við.
Samkeppnisráð beinir tilmælum til landbúnaðarráðherra í áliti sínu
Heildsöluverðlagning á
búvöru verði gefin frjáls
ÞAÐ MÁTTI halda að Reykjavík-
urtjörn væri böðuð tunglsljósi í
gærdag er nokkur velklædd ung-
menni brugðu þar á leik. Gullin
birta flæddi um ísinn og í ljós
komu langir skammdegisskuggar.
Eftir frost undanfarinna daga
er Tjörnin ísilögð og því líklega
heldur tilefni til að draga fram
skautana en reiðhjólin líkt og
ungmennin gerðu í gær. Kannski
hefur fararskjótinn ekki þótt
skila tilætluðum árangri á ísnum
því meira spennandi virtist vera
að krafla í ísinn og renna sér fót-
skriðu, með reiðhjólahjálm á
höfði.
Það má þó varast vakirnar sem
eru á Tjörninni áður en ísinn hyl-
ur hana með öllu.
Vafasamur
leikur á
gullnum ís
Morgunblaðið/Golli
HÉRAÐSDÓMUR Reykjavíkur úr-
skurðaði í gær karlmann á fertugs-
aldri í gæsluvarðhald til 8. nóvember
en hann er grunaður um að hafa svik-
ið verulegt fé, jafnvel tugmilljónir út
úr fjármálastofnun í tengslum við inn-
flutning á notuðum bílum og bílhræj-
um frá Bandaríkjunum. Er hann tal-
inn hafa notað bílana sem veð fyrir
lánum sem voru mun hærri en sem
nemur verðmæti bifreiðanna.
Jón H. Snorrason, yfirmaður efna-
hagsbrotadeildar ríkislögreglustjóra,
vildi lítið tjá sig um rannsókn málsins
í gær. Fleiri væru grunaðir um aðild
að málinu og ætti eftir að yfirheyra
nokkra vegna þess.
Bílainn-
flytjandi
í gæslu-
varðhald
Fasteignasali játar mikinn fjárdrátt frá viðskiptavinum
Talinn hafa dregið
sér um 80 milljónir
RÚMLEGA 415 tonn seldust af
kjúklingum í septembermánuði og
tæplega 563 tonn af svínakjöti.
Þetta er mesta sala á svínakjöti og
kjúklingum sem um getur í einum
mánuði hér á landi. Í samanburði
við september í fyrra er söluaukn-
ingin á kjúklingum 43% og 33% á
svínakjöti.
Fyrri hluta þessa árs var skortur
á kjúklingum á markaðinum vegna
tímabundinna erfiðleika hjá fram-
leiðendum sem einkum tengdust
banni á innflutningi á eggjum til
stofnræktar. Þessir erfiðleikar eru
núna að baki og framboð á kjúk-
lingum hefur aukist mikið á und-
anförnum vikum. Salan hefur að
sama skapi aukist mjög mikið.
Offramboð hefur verið á svína-
kjöti sem hefur leitt til verðlækk-
unar. Þetta skýrir að einhverju
leyti góða sölu á svínakjöti. Sala á
svínakjöti á síðustu 12 mánuðum
hefur aukist um 12% miðað við 12
mánuðina þar á undan. Sala á kjúk-
lingum hefur aukist um 13,3% mið-
að við sama tímabil.
Metsala
á kjúk-
lingum og
svínum
ÞÓTT Samtök verslunar og þjón-
ustu fagni álitinu þá segja þau einnig
að það valdi vonbrigðum að þetta sé
álit en ekki úrskurður sem skylt er
að fara eftir. „Ástæðan er sú, að sér-
ákvæði búvörulaga ganga framar
samkeppnislögum. Það er því á valdi
landbúnaðarráðherra að bregðast
við þessu áliti eða að hundsa það og
halda uppteknum hætti. Því verður
vart trúað að ráðherra taki ekki mið
af þessu opinbera áliti og stuðli að
virkri samkeppni. Jafnframt hljóta
fulltrúar launþega í Verðlagsnefnd
búvara að endurskoða störf sín og
þátttöku í nefndinni í ljósi álits Sam-
keppnisstofnunar,“ segir í frétt sem
samtökin sendu frá sér í gær.
Hefðu viljað úrskurð