Morgunblaðið - 10.12.2002, Blaðsíða 38

HESTAR
38 ÞRIÐJUDAGUR 10. DESEMBER 2002 MORGUNBLAÐIÐ
Reiðfatnaður
Náttúrulegur lífsstíll
FREMSTIR FYRIR GÆÐI
REIÐSALUR nýju reiðhallar Hóla-
skóla er 1.200 fermetrar að flatar-
máli, lengd vallar er 60 metrar en 20
metrar á breidd en með annarri
langhlið vallarins er rými fyrir um
200 áhorfendur. Stórar hurðir eru
gegnt hvor annarri á báðum göflum
hússins þannig að höllin nýtist vel til
skeiðreiðar eða annars yfirferðar-
gangs. Athygli vakti mikil og góð
lýsing í höllinni ef kveikt er á öllum
ljósum. Eru alls átta raðir með flúor-
lömpum sem liggja langsum eftir
höllinni. Duga vel ljós á tveimur röð-
um til almennrar vinnu í höllinni.
Þessi mikla lýsing auðveldar mjög
alla myndatöku og gildir þar einu
hvort um er að ræða ljósmyndun eða
myndbandsupptökur. Fyrir er á
Hólum minni reiðskemma sam-
byggð einu af hesthúsi staðarins
með 800 fermetra reiðvelli og all-
nokkuð síðan starfsemin varð meiri
en aðstaðan gat annað. Sárlega
skorti orðið viðbótaraðstöðu því
fjöldi nemenda á hrossabraut hefur
að því er fram komi í máli Skúla
Skúlasonar skólameistara þrefald-
ast síðustu árin auk þess sem hlutur
verklegs náms í reiðmennsku, tamn-
ingum og reiðkennslu hefur stórauk-
ist. Skólinn getur ekki annað þeirri
eftirspurn sem er í að komast á skól-
ann. Í vetur stunda 46 nemendur
nám á hrossabraut en nú er boðið
upp á þriggja ára nám á brautinni í
vetur. Sagði Skúli að skólinn hefði
gegnt forystuhlutverki í námi á
þessu sviði og væru aðstandendur
og starfsmenn skólans stoltir af því.
Með tilkomu þessrar nýju reið-
hallar breytist aðstaða skólans til að
sinna hinni miklu þörf sem nú þegar
er til staðar í starfsemi skólans og
ennfremur bjóðast nú miklir mögu-
leikar til frekari umsvifa og má þar
meðal annars nefna minni reiðsýn-
ingar og jafnvel annars konar sýn-
ingar. Þá skapar þetta aukna rými
möguleika til aukins námskeiðshalds
á skólanum og má þar nefna til
dæmis endurmenntunarnámskeið
og einmitt um þessar mundir stend-
ur yfir 16 manna reiðkennaranám-
skeið á vegum Félags tamning-
manna í samvinnu við Hólaskóla. Er
það tilkoma nýju hallarinnar sem
gerir mögulegt að halda þetta nám-
skeið.
Hólaskóli leigir
og kaupir seinna
Framkvæmdir við byggingu hall-
arinnar hófust fyrri part sumars og
er hún nú tilbúin til notkunar við
kennslu. Byggingameistari hallar-
innar var Ólafur Friðriksson en um
jarðvinnslu sá Króksverk. RKS sá
um allar raflagnir en hönnun raf-
kerfis Gísli Sigurðsson. Um vatns-
lagnir sá Jón Geirmundsson, Stoð
ehf. um hönnun og eftirlit en arki-
tekt hússins er Björn Kristleifsson.
Eigandi hússins er Þrá efh. sem er í
eigu Kaupfélags Skagfirðinga og
Friðriks Jónssonar ehf. og mun
Hólaskóli leigja höllina samkvæmt
leigusamningi með kauprétti og gert
er ráð fyrir að Hólaskóli muni kaupa
bygginguna. Verða þau kaup fjár-
mögnuð með framlagi úr ríkissjóði
og eitthvað með sölu hrossa.
Landsmót á Hólum?
Tilkoma nýju reiðhallarinnar er
enn ein viðbótin í bættri aðstöðu á
Hólaskóla til ástundunar hesta-
mennsku. Það er vissulega ánægju-
efni og akkur fyrir hestamennskuna
á Íslandi að eiga slíkan stað sem
Hóla. Mikil og markviss uppbygging
hefur átt sér þar stað síðan 1982 og
hefur skólinn stöðugt verið að
styrkja sig í sessi. Margir eru þeir
sem telja að með þeirri uppbyggingu
sem stöðugt er í gangi á Hólum liggi
beint við að gera Hóla að landsmóts-
stað Norðurlands. Myndi slíkt virka
sem gagnkvæm vítamínsprauta í
starfsemi beggja aðila, Hólaskóla og
Landsmóts ehf. Með tilkomu reið-
hallar á Sauðárkróki telja margir að
nýting Vindheimamela muni minnka
og verður fróðlegt að sjá hvort
Skagfirðingar haldi sína héraðssýn-
ingu á Vindheimamelum eða Sauð-
árkróki eins og gert var í vor. Kyn-
bótadómarar eru komnir upp á lagið
með að meta sköpulag hrossa innan
dyra og því ekki ólíklegt að sóst
verði eftir slíkri aðstöðu.
Fimm reiðhallir
á Norðvesturlandi
Skagfirðingar eru orðnir vel settir
hvað reiðhöllum viðkemur. Þrjár eru
nú risnar í héraðinu og þar af eru
tvær þeirra yfir 60 metra langar og
má ætla að þessi mjög svo jákvæða
þróun ætti að stuðla að verulegum
framförum í reiðmennsku í hér-
aðinu. Gamla reiðhöllin á Hólum er
án efa langbest nýtta reiðhöll lands-
ins fyrir reiðmennsku og allt bendir
til þess að góð nýting nýju hallarinn-
ar verði einnig afar góð.
Til gamans má geta þess að tvær
minni reiðhallir eru svo í Húna-
vatnssýslum, ein á Hestamiðstöðinni
Gauksmýri og önnur á Blönduósi svo
ætla má að hestamenn á Norðvest-
urlandi séu býsna vel settir hvað
þetta varðar. Hið sama verður ekki
sagt um Eyjafjörð. Við Dalvík er
inniaðstaða í stóru hesthúsi sem áð-
ur var loðdýrahús en hefur verið
breytt í hesthús með reiðaðstöðu
innandyra en Akureyringar eru enn
sem komið er án slíkrar aðstöðu.
Tveir reiðsalir á Hólum í Hjaltadal stórbæta aðstöðu til reiðkennslu við skólann
Fimmta
reiðhöllin á
Norðurlandi
vestra vígð
Glæsileg 1.500 fermetra reiðhöll var vígð á
Hólum í Hjaltadal á laugardag að viðstöddu
miklu fjölmenni og þar á meðal var Guðni
Ágústsson landbúnaðarráðherra sem opnaði
formlega þessa langþráðu aðstöðu. Einnig
var þar Valdimar Kristinsson sem hreifst
mjög af þessari aðstöðubót á Hólaskóla.
Morgunblaðið/Vakri
Hólanemar á hrossabraut buðu upp á sýningu við vígsluna og sýndu hina ágætu kennsluhesta skólans sem þykja
einstaklega góðir og fór þar fremstur Jarpskjóni frá Enni sem hér er lengst til vinstri. Hann hefur þjónað nem-
endum skólans um langa tíð og oftar en ekki átt drjúgan þátt í að fleyta þeim yfir erfiða hjalla reiðprófanna.
Margt var um manninn á pöllum Hólahallar við vígsluna og mátti þar
kenna mörg þekkt andlit úr hestaheimi Skagafjarðar. Þeirra á meðal Svein
Guðmundsson heiðursborgara og Ingimar Ingimarsson.
Ljósadýrðin í Hólahöllinni er engu lík frá átta röðum af flúorlömpum og
óvíst að finna megi betur upplýsta reiðhöll á landinu.
Guðni Ágústsson flutti góða tölu
þar sem hann opnaði höllina með
formlegum hætti og eins og oft áð-
ur flutti hann góð tíðindi þegar
hann boðaði setningu reglugerðar
sem kveður á um að Hólar verði há-
skólastofnun. vakri@mbl.is