Morgunblaðið - 18.12.2002, Qupperneq 23

Morgunblaðið/Alfons
Á aðventuhátíðinni söng hinn nýstofnaði barnakór undir stjórn Valintina Kai.
AÐVENTUHÁTÍÐ Kvenfélags
Ólafsvíkur var nýlega haldin í Ólafs-
víkurkirkju. Hátíðin hófst sam-
kvæmt venju á því að kveikt var á að-
ventukerti, á meðan söng
kirkjukórinn „Við kveikjum einu
kerti á“. Eftir helgileik fermingar-
barna söng barnakór og Elín Una
Jónsdóttir las jólasögu. Léttsveit
Tónlistarskólans spilaði fyrir kirkju-
gesti og hugvekju flutti Sigurbjörg
Kristjánsdóttir, á milli atriða söng
Kirkjukór Ólafsvíkur. Sr. Óskar H.
Óskarsson flutti bæn og að lokum
sungu kirkjugestir saman „Bjart er
yfir Betlehem“.
Að dagskránni lokinni var kaffi-
sala í Safnaðarheimilinu á vegum
Kvenfélags Ólafsvíkur og fer allur
ágóði af sölunni til Safnaðarheimilis-
ins en hafinn er undirbúningur að
endurbótum á neðri hæð kirkjunnar
þar sem Safnaðarheimilið er til húsa.
Aðventuhátíð í Ólafsvíkurkirkju
Ólafsvík
LANDIÐ
MORGUNBLAÐIÐ MIÐVIKUDAGUR 18. DESEMBER 2002 23
ÚTIBÚ Búnaðarbankans í Borg-
arnesi gaf Grunnskóla Borganess
tölvu til afnota í svokölluðu
Námsskjóli. Námsskjólið er til-
raunaverkefni sem formlega var
komið á fót um miðjan nóvember
síðastliðinn. Það er úrræði fyrir
nemendur á unglingastigi sem
eiga erfitt með að einbeita sér að
námi inni í bekk. Alls eru þar
fjórir nemendur og byrja þeir
daginn á að fara í þrek í íþrótta-
húsinu áður en bóklegt nám hefst.
Kennslustundir þeirra eru 30 mín-
útur í einu, en þeir fara í frímín-
útur og list- og verkgreinatíma
með öðrum nemendum skólans.
Þetta fyrirkomulag hefur gengið
vel og eru nemendur ánægðir.
Ekkert fjármagn hefur verið veitt
til verkefnisins og kemur sér því
gjöf Búnaðarbankans vel til að
mæta þörfum nemendanna. Með-
fylgjandi mynd var tekin þegar
tölvan var afhent nemendum.
Morgunblaðið/Guðrún Vala Elísdóttir
Á myndinni eru frá vinstri Skúli Ingvarsson skrifstofustjóri, Kristján B. Snorrason útibússtjóri, Atli Örn Þórð-
arson, Davíð Örn Gunnarsson, Hjálmar Guðjónsson, Guðmundur Sigurður Jónsson og Eðvar Traustason kennari.
Búnaðarbankinn gefur tölvu
Borgarnes
ST. FRANCISKUSSPÍTALINN í
Stykkishólmi hefur tekið í notkun
viðbótaraðstöðu fyrir endurhæf-
ingardeildina sem þjóna á sjúkling-
um á háls- og bakdeildinni.
Nýja aðstaðan er þar sem prent-
smiðja systranna var áður. Um er
að ræða 140 fermetra húsnæði sem
hefur verið innréttað að nýju með
þarfir sjúklinga í huga. Með við-
bótinni verður hægt að þjóna fleiri
sjúklingum og stytta biðlista.
Endurhæfingarstarf sjúkrahúss-
ins er þekkt um allt land. Mikil
ásókn er að komast í meðferð við
háls- og bakdeild sjúkrahússins.
Sjúklingar koma alls staðar af að
landinu til að fá bót kvallafullra
bakverkja.
Það kom fram hjá Róberti Jörg-
ensen, framkvæmdastjóra spítal-
ans, að endurhæfingarstarf St.
Franciskusspítala hófst árið 1978,
þá við frumstæðar aðstæður. Árið
1990 réðst Jósef Blöndal, læknir til
starfa. Hann hafði verið við nám í
meðferðartækni sem kennd er við
breskan lækni, James Cyriax.
Hann hefur verið frumkvöðull end-
urhæfingarstarfsins á sjúkrahús-
inu síðan.
Árið 1992 voru 13 rúm tekin í
notkun fyrir sjúklinga með háls- og
bakvandamál. Starfsemi háls- og
bakdeildar hefur sífellt verið að
treysta grundvöllinn undir starf-
semi St. Franciskusspítalans.
Nú starfa 5 sjúkraþjálfarar við
spítalann og sá sjötti bætist í hóp-
inn eftir áramót. Þá er stefnt á að
bjóða upp á þjónustu í Grundar-
firði.
St. Franciskusspítali stækkar
endurhæfingardeildina
Morgunblaðið/Gunnlaugur Árnason
Á myndinni eru Róbert Jörgensen framkvæmdastjóri, Anna S. Trausta-
dóttir, en hún naut fyrst þjónustu endurhæfingardeildar, Ásta Karlsdóttir,
Hrafnhildur Jónsdóttir, deildarstjórar háls- og bakdeildar, Luica de Korte,
deildarstjóri endurhæfingardeildar, og Jósef Blöndal yfirlæknir.
Bætt aðstaða
fyrir baksjúklinga
Stykkishólmur
Á DÖGUNUM fór fram Íslands-
mót í almennum fimleikum á Akra-
nesi og var þetta í fyrsta sinn á tíu
ára ferli Fimleikafélags Akraness,
FIMA, sem slíkt mót er haldið á
vegum félagsins.
Um var að ræða fyrsta þrep í al-
mennum fimleikum, og var keppt í
dansæfingum, dýnuæfingum,
trampólíni og stökki.
Keppendur voru alls 186, allt
stúlkur á aldrinum 10–14 ára gaml-
ar, en alls sendu 14 félög víðsvegar
af landinu keppendur á mótið. Sum
liðin komu um langan veg, frá
Hornafirði, Akureyri, Húsavík,
Egilsstöðum, Vestmannaeyjum,
Selfossi, Hveragerði, Laugarvatni,
Reykjanesbæ, höfuðborgarsvæð-
inu auk heimamanna frá Akranesi.
Mótið tókst vel í alla staði, fram-
kvæmdin var með ágætum og var
vel mætt á áhorfendabekki íþrótta-
hússins við Vesturgötu.
Fjöl-
mennt Ís-
landsmót
Morgunblaðið/Sigurður Elvar
Fimleikastúlkurnar knáu voru glaðar, stoltar og ánægðar á Akranesi.
Akranes