Morgunblaðið - 28.12.2002, Blaðsíða 6
FORYSTUMENN í Samfylking-
unni í Reykjavík lýsa yfir fullum
stuðningi við störf Ingibjargar Sól-
rúnar Gísladóttur borgarstjóra í
ályktun sem þeir samþykktu í gær
og segjast harma þær harkalegu yf-
irlýsingar fulltrúa samstarfsflokk-
anna sem hafa leitt til þess að sam-
starfið um Reykjavíkurlistann er nú
í hættu.
Á hádegi í gær komu borgar- og
varaborgarfulltrúar Samfylkingar í
borgarstjórn saman með stjórn full-
trúaráðs flokksins til að ræða þá
stöðu sem upp er komin í Reykja-
víkurlistanum eftir að Ingibjörg
Sólrún Gísladóttir borgarstjóri til-
kynnti að hún ætlaði að gefa kost á
sér í alþingiskosningunum í vor fyr-
ir Samfylkinguna. Framsóknar-
flokkurinn og Vinstrihreyfingin –
grænt framboð funduðu fyrir jól um
stöðuna í samstarfinu þar sem var
samhugur um að Ingibjörg Sólrún
Forysta Samfylkingarinnar í Reykjavík fundar
Segja yfirlýsingar
samstarfsflokkanna
setja R-listann í hættu
Morgunblaðið/Jim Smart
Sigrún Elsa Smáradóttir varaborgarfulltrúi og Mörður Árnason varaþingmaður mæta til Samfylkingarfundar í
gær. Lengst til hægri á myndinni er Sjöfn Kristjánsdóttir sem tekið hefur þátt í starfi flokksins í Reykjavík.
gæti ekki boðið sig fram og sam-
tímis gegnt stöðu borgarstjóra.
Samfylkingin tekur ekki afstöðu
til þess í sinni ályktun hvort borg-
arstjóri eigi að víkja fari hún fram.
Fullum stuðningi er lýst við borg-
arstjóra og störf borgarfulltrúa
Reykjavíkurlistans á síðastliðnum
árum. Árangur Reykjavíkurlistans
sagður ótvíræður á öllum sviðum
borgarsamfélagsins og að borgarbú-
ar hafi í vor lýst afdráttarlausum
vilja sínum að Reykjavíkurlistinn
yrði áfram við stjórnvölinn í borg-
inni.
Þá segir Samfylkingin harkalegar
yfirlýsingar fulltrúa samstarfsflokk-
anna hafa leitt til þess að samstarfið
um Reykjavíkurlistann sé nú í
hættu. „Samfylkingin leggur
áherslu á að halda áfram því sam-
starfi um Reykjavíkurlistann sem
samið var um í vor. Enginn mál-
efnaágreiningur hefur komið upp í
samstarfinu og allir sem að því
standa hafa lýst vilja til að vinna
samkvæmt þeim málefnasamningi
sem um var samið.
Það var vilji þeirra flokka sem að
Reykjavíkurlistanum standa að fá
Ingibjörgu Sólrúnu Gísladóttur sem
borgarstjóraefni framboðsins. Ingi-
björg Sólrún féllst á að taka þetta
hlutverk að sér en undirgekkst eng-
ar skuldbindingar gagnvart flokk-
unum um að taka ekki frekar þátt í
pólitísku starfi,“ segir í yfirlýsing-
unni. Þá er borgarfulltrúum Sam-
fylkingar falið að vinna að áfram-
haldandi meirihlutasamstarfi í
Reykjavíkurlistanum í samræmi við
þau fyrirheit sem Reykvíkingum
voru gefin í vor.
Á sunnudag hefur borgarstjórn-
arflokkur R-listans, borgarfulltrúar
og varaborgarfulltrúar, verið boð-
aður til fundar í Ráðhúsinu til að
ræða R-listasamstarfið.
FRÉTTIR
6 LAUGARDAGUR 28. DESEMBER 2002 MORGUNBLAÐIÐ
STEFÁN Jón Hafstein, oddviti
Samfylkingarinnar í R-listanum,
sagðist í gærkvöldi ekki hafa lit-
ið svo á að um lokatilboð væri að
ræða af hálfu framsóknarmanna
en hann hafði þá eingöngu feng-
ið fregnir af niðurstöðu fundar
framsóknarmanna, sem haldinn
var síðdegis, í fréttum fjölmiðla.
Stefán Jón segir að hugmynd-
in, sem framsóknarmenn og
Vinstrihreyfingin – grænt fram-
boð settu fram í gær, sé þess
eðlis að ekki sé hægt að líta á
hana sem lokatilboð. Hann
kveðst vilja ræða málin áfram.
„Það er ýmislegt í stöðunni sem
hægt er að ræða. Jafnvel þótt
þessi hugmynd sé lögð fram, er
ýmislegt sem ekki gengur upp
nema menn séu búnir að ræða
sig niður á vinnulag og annað
slíkt,“ segir hann.
Stefán Jón sagðist telja skyn-
samlegast að þessi mál yrðu
rædd á fundi sem halda á með
borgarfulltrúum Reykjavíkur-
listans næstkomandi sunnudag.
Stefán Jón segir heldur ekki
sanngjarnt að koma fram með
svona uppstillingu um allt eða
ekkert og það sé ekki í anda
þess sem menn hafi verið að
ræða. ,,Í samstarfssamningi
Reykjavíkurlistans var nákvæm-
lega útfært hvernig flokkarnir
höguðu sínum málum á kjör-
tímabilinu. Ég skil t.d. ekki
hvort hugmyndin er sú að þessi
nýja tillaga eigi að upphefja það
samkomulag. Það er órætt og ef
á að upphefja það þarf hún að
fara inn í alla flokkana til um-
ræðu og samþykktar. Það gerist
ekki á einu kvöldi,“ segir hann.
Stefán Jón segist telja að
menn ættu að gefa sér meiri
tíma til að setjast yfir málið en
eðlilegt sé að miða við að nið-
urstaða geti legið fyrir 2. janúar
en þá verður haldinn fundur í
borgarstjórn.
„Allt hangir þetta nú svolítið í
lausu lofti ennþá og ég lít svo á
að það sé ekki búið að vinna úr
stöðunni,“ segir hann.
Stefán Jón Hafstein
Lítur ekki svo
á að um lokatil-
boð sé að ræða
KJÚKLINGABÚIÐ Móar fékk í gær heim-
ild til greiðslustöðvunar til 16. janúar. Krist-
inn Gylfi Jónsson, stjórnarformaður Móa og
einn af aðaleigendum, segir að tímann eigi að
nota til að freista þess að ná nauðasamn-
ingum en fyrirtækið skuldar rúmlega 1,44
milljarða króna en bókfærðar eignir félags-
ins eru 1,09 milljarðar.
Kristinn Gylfi segir lánardrottna vera
marga og að viðskiptabanki Móa, Búnaðar-
bankinn, hafi í reynd gert það að forsendu
fyrir mögulegri aðkomu sinni að málinu að
félagið færi í formlega nauðasamninga, þ.e.
greiðslustöðvun, til þess að tryggja að allir
lánardrottnar sætu við sama borð. Kristinn
Gylfi segir ljóst að auk niðurskrifta á skuld-
um og skuldbreytinga á lánum þurfi að koma
nýtt fé inn í félagið. Viðræður um slíkt standi
nú yfir auk þess sem núverandi eigendur
Móa muni leggja fram aukið hlutafé.
Hjá Móum starfa hátt í 70 manns og segir
Kristinn Gylfi engar fjöldauppsagnir vera
fyrir dyrum hjá félaginu en nokkrir kjúk-
lingabændur sem skipt hafi við fyrirtækið
verði væntanlega fyrir tapi en vonast sé til
þess að þeir muni horfa til framtíðarvið-
skipta við félagið.
Lausafjárstaðan orðin erfið
Móar sóttu um heimild Héraðsdóms
Reykjavíkur til greiðslustöðvunar hinn 19.
desember sl. Í beiðninni kemur fram að
„lausafjárstaða félagsins sé erfið og fjár-
hagsörðugleikar að öðru leyti miklir“. Nauð-
synlegt sé að leita greiðslustöðvunar til að
freista þess að koma nýrri skipan á fjármál
félagsins. Rökstuðningurinn er einkum sá að
undanfarna mánuði hafi verið unnið að
margvíslegum aðgerðum til þess að bæta
rekstur félagsins og skv. átta mánaða upp-
gjöri stefni í að hagnaður fyrir afskriftir
verði 66 milljónir á árinu. Þá séu eigendur
félagsins bjartsýnir á rekstur þess í framtíð-
inni og stöðu kjúklingaafurða á matvæla-
markaðnum.
Kristinn Gylfi segir að ekki hafi verið beð-
ið um lengri greiðslustöðvun en til 16. jan-
úar. „Yfirleitt er veitt greiðslustöðvun til
þriggja til fjögurra vikna til að byrja en síð-
an er framlengt. Við erum með tvo reynda
menn í þessu með okkur, þá Sigmund Hann-
esson lögmann og síðan höfum við fengið
Friðrik Guðmundsson, fyrrum framkvæmda-
stjóra Tanga, til liðs við okkur. Friðrik hefur
unnið með okkur í desember að fjárhagslegri
endurskipulagningu félagsins.“
Gekk ekki vel að ná fram lækkun
skulda með frjálsum samningum
Kristinn segir það ekkert launungarmál að
ekki hafi gengið of vel að ná fram lækkun
skulda í frjálsum samningum við lánar-
drottna. Þá hafi viðskiptabanki félagsins,
Búnaðarbankinn, í reynd gert það að for-
sendu fyrir mögulegri aðkomu sinni að mál-
inu að félagið færi í formlega nauðasamn-
inga. „Búnaðarbankinn er okkar
viðskiptabanki, hann er tilbúinn að koma að
endurskipulagningu félagsins og hefur skrif-
að bréf þess efnis, sem raunar var lagt fyrir
héraðsdóm. Bankinn vill hins vegar tryggja
að það sitji allir við sama borð og ein leið til
þess er að fara í formlega nauðasamninga og
greiðslustöðvun má heita nauðsynlegur und-
anfari þess.“
Þriðja fyrirtækið sem fer í
fjárhagslega endurskipulagningu
Kristinn segir að menn séu bjartsýnir á að
endurskipulagning félagsins muni ganga eft-
ir, skuldastaðan sé að vísu slæm en rekst-
urinn sé á réttri leið og félagið komist í full
afköst á næsta ári. „Án þess ég ætli að af-
saka okkur þá er kannki rétt að benda á að
Móar eru þriðja fyrirtækið í kjúklingafram-
leiðslu sem fer í fjárhagslega endurskipu-
lagningu á innan við einu ári. Búnaðarbank-
inn reið á vaðið með Reykjagarð fyrir ári og
jók enn hlutafé sitt þar nú í vor til þess að
gera félagið söluhæft.
Íslandsfugl á Dalvík fór í greiðslustöðvun í
byrjun ársins og þá var afskrifaður um helm-
ingur af skuldum félagsins. Það hefur verið
mikið uppnám í atvinnugreininni á liðnum
misserum og við eigendur Móa töldum nauð-
synlegt að fara í fjárhagslega endurskipu-
lagningu með lækkun skulda og auknu
hlutafé.“
Kjúklingabúið
Móar var sett í
greiðslustöðvun
Eigið fé neikvætt um 350 milljónir. Stjórnar-
formaður segir greiðslustöðvun nauðsynlega
til þess að ná fram nauðasamningum
ÁRNI Þór Sigurðsson, forseti
borgarstjórnar og oddviti Vinstri
grænna í Reykjavíkurlistanum,
sagðist í gærkvöldi telja að enn
væri allt opið varðandi stöðu
Ingibjargar Sólrúnar Gísladóttur
borgarstjóra innan R-listans.
Aðspurður hvort hann tæki
undir með framsóknarmönnum
um að tillaga þeirra og Vinstri
grænna um að Ingibjörg Sólrún
Gísladóttir myndi láta af embætti
borgarstjóra 15. janúar nk. ætlaði
hún í þingframboð væri lokatil-
boð, sagði Árni: „Þetta er tillaga
sem framsóknarmenn báru fram í
dag [gær] og við einfaldlega lýst-
um því yfir að við gætum staðið
að henni ef um hana yrði sam-
komulag. En það er ekkert eitt
atriði í þessu sem er úrslitaatriði
af okkar hálfu, það hefur skýrt
komið fram og kom einnig skýrt
fram á fundi okkar í dag,“ sagði
Árni um niðurstöðu fundar sem
hann átti með Ingibjörgu Sólrúnu
og Alfreð Þorsteinssyni, oddvita
Framsóknarflokks í R-listanum, í
gær.
„Við leggjum ofurkapp á það
að varðveita Reykjavíkurlistann
og þann meirihluta sem er hér í
borginni og erum tilbúin að
teygja okkur langt og taka að
okkur þau verkefni sem menn
vilja að við tökum að okkur.“
„Leggjum ofur-
kapp á að varð-
veita R-listann“
Árni Þór Sigurðsson