Morgunblaðið - 28.12.2002, Blaðsíða 26
ÁRBORGARSVÆÐIÐ
26 LAUGARDAGUR 28. DESEMBER 2002 MORGUNBLAÐIÐ
TVÆR stórbyggingar á Selfossi
verða boðnar út á fyrri hluta
næsta árs. Um er að ræða nýtt
íþróttahús við Fjölbrautaskóla
Suðurlands og stækkun Heilbrigð-
isstofnunarinnar á Selfossi með
heilsugæslu og hjúkrunarrými. Þá
hefur ný grunnskólabygging, Suð-
urbyggðarskóli, verið í undirbún-
ingi allt þetta ár, en útboð hefur
ekki verið ákveðið. Gera má ráð
fyrir að á næsta ári verði mikil
umsvif í byggingariðnaði á Selfossi
þegar þessi stórverkefni bætast
við en talsvert hefur verið að gera
í byggingu íbúðarhúsa og skortur
er á lóðum fyrir parhús.
Samningur um
nýtt íþróttahús
Samningur liggur fyrir um
byggingu íþróttahúss Fjölbrauta-
skóla Suðurlands milli mennta-
mála- og fjármálaráðuneytis ann-
ars vegar og hins vegar heimaaðila
og gert ráð fyrir að undirrita hann
fljótlega. Heimaaðilar sem standa
að fjölbrautaskólanum með ríkinu
eru Sveitarfélagið Árborg og þrjár
héraðsnefndir, Árnesinga, Rang-
æinga og Vestur-Skaftfellinga.
Byggingin verður reist á lóð skól-
ans og er samtals 2.450 fermetrar
að stærð en í húsinu verða nokkr-
ar kennslustofur fyrir skólann auk
íþróttasalar með löglegum hand-
boltavelli og áhorfendastæði fyrir
300 manns. Gert er ráð fyrir að
húsið kosti um 340 milljónir og er
hlutur ríkisins 180 milljónir.
Á kynningarfundi 18. desember
síðastliðinn kynnti Helgi Hjálm-
arsson arkitekt starfsfólki Heil-
brigðisstofnunarinnar teikningar
nýbyggingarinnar á Selfossi og
Guðjón Sigfússon verkfræðingur
fór yfir undirbúning jarðvinnu.
Byggingin sem rísa mun vestan
við núverandi hús, er tveggja
hæða bygging auk kjallara. Ný-
byggingin mun leysa af hólmi
hjúkrunardeildina Ljósheima á
Selfossi sem undanfarin ár hefur
búið við óviðunandi aðstöðu. Í ný-
byggingunni verða 26 hjúkrunar-
pláss á 2. hæð. Í hinni nýju bygg-
ingu verður einnig ný og
endurbætt aðstaða fyrir heilsu-
gæslustöðina á 1. hæðinni. Í kjall-
ara nýbyggingarinnar er gert ráð
fyrir aðstöðu fyrir endurhæfingu.
Við flutning heilsugæslunnar í
nýtt húsnæði verða gerðar endur-
bætur á eldra húsinu og aðstaða
fyrir starfsemi sjúkrahússins batn-
ar. Áætlanir um bygginguna gera
ráð fyrir að hún verði boðin út í
mars og framkvæmdir geti hafist í
sumar. Gert er ráð fyrir að heild-
arkostnaður nemi ríflega einum
milljarði króna.
Stækkun Heilbrigðisstofnunarinnar og íþrótta-
hús byggt við Fjölbrautaskóla Suðurlands
Morgunblaðið/Sig. Jóns.
Nýbygging Heilsustofnunarinnar á Selfossi, vestan við núverandi byggingu.
Selfoss
Tvær stórbyggingar
boðnar út á Selfossi
BIFHJÓLASAMTÖK Suðurlands,
Postularnir, hafa afhent Heilbrigð-
isstofnuninni á Selfossi tækjagjöf
fyrir sjúkrastofu barna á Sjúkra-
húsi Suðurlands að verðmæti
166.050 krónur. Um er að ræða
lækningatæki fyrir augn- og eyrna-
skoðun, tölvuleiki, sjónvarpsskáp,
myndbandsspólur og ferðaútvarps-
tæki með geislaspilara og heyrn-
artólum. Áður höfðu þeir gefið
stofnuninni sjónvarpstæki. Við af-
hendingu gjafarinnar á Þorláks-
messu afhentu fulltrúar Postulanna
áletraðan skjöld með nöfnum
þeirra fyrirtækja sem hafa verið
bakhjarlar við fjármögnun gjaf-
anna.
Bifhjólasamtökin voru stofnuð
30. apríl árið 2000 á Selfossi af
nokkrum einstaklingum og var það
markmið félagsins meðal annars að
efla mótorhjólamenningu á Suður-
landi. Í dag eru félagsmenn orðnir
ríflega 80 talsins. Samtökin ákváðu
að láta fleira gott af sér leiða og
hafa efnt til ýmissa viðburða og
safnað um leið fé til tækjakaupa
fyrir Sjúkrahús Suðurlands. Fjöl-
mörg fyrirtæki hafa stutt þetta
framtak Postulanna.
„Stofnunin metur þann hlýhug
sem gjöfinni fylgir og leggur
áherslu á að það styrkir starfsfólkið
í störfum þess,“ sagði Esther Ósk-
arsdóttir, framkvæmdastjóri Heil-
brigðisstofnunarinnar, við móttöku
gjafarinnar á Þorláksmessu.
Postularnir afhentu
sjúkrahúsinu gjafir
Selfoss
Ljósmynd/Sigurður Jónsson
Fulltrúar Postulanna ásamt framkvæmdastjóra og starfsfólki Heilbrigð-
isstofnunarinnar. Á borðinu fyrir framan hópinn eru nýjustu gjafirnar.
VERKFRÆÐISTOFA Guðjóns Þ.
Sigfússonar hefur starfað á Selfossi í
fimm ár og jafnt og þétt aukið starf-
semi sína. Nýlega flutti fyrirtækið í
nýtt húsnæði á Austurvegi 42 á Sel-
fossi en um leið og það gerðist opnuðu
útibú á sama stað tveir samstarfsaðil-
ar þess á sviði rafmagnsverkfræði og
véla- og orkuverkfræði. Um er að
ræða útibú frá RTS Verkfræðistofu í
Reykjavík og VKG Verkfræðistofu
Guðmundar og Kristjáns hf. í Reykja-
vík. Stærstu verkefni stofunnar um
þessar mundir er nýbygging við
Sjúkrahús Suðurlands og uppbygg-
ing á svonefndu Sýslumannstúni þar
sem verða þjónustuíbúðir fyrir aldr-
aða við Árveg og verslunar- og þjón-
ustuhús við Austurveg.
„Verkefni okkar hafa verið mjög
vaxandi og öll samskipti við viðskipta-
vini hafa verið jákvæð og ánægjuleg.
Við þökkum það traust sem viðskipta-
vinir okkar hafa sýnd Verkfræðistof-
unni en við leggjum áherslu á góða
þjónustu og reynum að koma til móts
við óskir viðskiptavinanna í hvívetna
þannig að samskiptin verði árangurs-
rík og öllum aðilum til heilla,“ sagði
Guðjón Þ. Sigfússon.
Starfsmenn Verkfræðistofu Guð-
jóns eru fimm, verk- og tæknifræð-
ingar með MSc og BSc próf frá skól-
um hérlendis og erlendis.
Verkfræðistofan er vel tækjum búin
en hún tók nýlega í notkun ný GPS
landmælingatæki.
Morgunblaðið/Sig. Jónsson
Starfsmenn á Verkfræðistofu Guðjóns Þ. Sigfússonar á Selfossi, frá vinstri, Guðrún Guðbjartsdóttir skrif-
stofumaður, Guðjón Þ. Sigfússon verkfræðingur, Jóhann Ágústsson tæknifræðingur, Kristján Andrésson verk-
fræðingur, Gísli Rafn Gylfason tæknifræðingur og Aldís Sigfúsdóttir verkfræðingur.
Verkfræði-
stofan færir
út kvíarnar
Selfoss
UNGMENNAFÉLAG Stokkseyrar
stóð fyrir skötuveislu á Þorláks-
messu eins og undanfarin ár við
miklar vinsældir og ekki minnk-
uðu þær nú því að á tímabilinu
11:30 til 14:00 snæddu um 180
manns skötu og aðrar kræsingar.
Ungmennafélagið hefur lagt
metnað í fjölbreytni og því er
bæði boðið uppá vestfirska og
sunnlenska skötu, skötustöppu,
hamsa, hnoðmör og annað með-
læti. Var það álit margra að
skötuveislan væri að festa sig í
sessi og hefði sjaldan verið betri
en nú.
Ljósmynd/Gísli Gíslason
Skötuveisla
Eyrarbakki
UNGLINGAKÓR Grunnskólans í
Hveragerði hefur boðið bæjarbúum
upp á að senda lifandi jólakveðjur.
Að sögn Kristínar Sigfúsdóttur,
stjórnanda kórsins, var tilhögunin
kynnt með dreifibréfi sem sent var í
öll hús bæjarins. Fólk gat pantað
kveðju og síðan fór kórinn á staðinn
og sendi kveðjuna með fallegum jóla-
lögum. „Þetta gekk ljómandi vel,
veðrið hefur líka leikið við okkur,“
sagði Kristín, sem fór ásamt kórnum
út um allan bæ syngjandi jólalög.
Ljósmynd/Margrét Ísaksdóttir
Unglingakór Grunnskólans í Hveragerði ásamt stjórnanda sínum, Kristínu Sigfúsdóttur, sungu Skín í rauðar skott-
húfur fyrir fréttaritara þegar lagt var af stað til að syngja fyrir bæjarbúa. Kórnum var alls staðar afar vel tekið.
Óvenjulegar jólakveðjur
Hveragerði