Morgunblaðið - 28.12.2002, Blaðsíða 18

ERLENT
18 LAUGARDAGUR 28. DESEMBER 2002 MORGUNBLAÐIÐ
STJÓRNVÖLD í Norður-Kóreu
lýstu yfir því í gær að krafa Banda-
ríkjamanna þess efnis að yfirvöld
eystra hætti við kjarnorkuáætlun
sína væri „draumur einn“. Sagði op-
inber fréttastofa Norður-Kóreu að
Bandaríkjamenn væru ábyrgir fyrir
aukinni spennu á Kóreuskaga því þeir
hefðu neitað að undirrita griðasátt-
mála á milli ríkjanna tveggja.
Í tilkynningu fréttastofunnar,
KCNA, sagði að með því að þrýsta á
Norður-Kóreumenn um að hætta við
kjarnorkuáætlunina hygðist Banda-
ríkjastjórn afvopna landsmenn. Í ráði
væri síðan að gera skyndiárás á
Norður-Kóreu í þeim tilgangi að um-
bylta hinu pólitíska stjórnkerfi lands-
ins. Með því að neita að eiga viðræður
við stjórnvöld í Norður-Kóreu hefðu
Bandaríkjamenn skapað sérlega
hættulegt ástand.
Norður-Kóreumenn hafa afráðið
að ræsa á ný kjarnorkuverið í Yong-
byon og hafa látið áhyggjur heims-
byggðarinnar af þeim sökum sem
vind um eyru þjóta. Bandaríkjamenn
óttast að stjórnvöld í Pyongyang
hyggist með þessu móti framleiða
plútóníum sem nýta megi til smíði
kjarnorkuvopna. Telja sumir sér-
fræðingar að Norður-Kórea geti
framleitt kjarnorkuvopnatækt plút-
óníum aðeins fáeinum mánuðum eftir
að reksturinn hefst á ný í Yongbyon,
sem er um 100 kílómetra norður af
höfuðborginni, Pyongyang.
Roh Moo-Hyun, nýkjörinn forseti
Suður-Kóreu, varaði í gær við því að
ákvörðun norðanmanna kynni að hafa
alvarlegar afleiðingar fyrir samskipti
ríkjanna á Kóreuskaga. Sagði hann
að almenningsálitið í Suður-Kóreu
myndi snúast gegn norðanmönnum
héldu þeir áformum sínum til streitu.
Slíkt kynni að hafa alvarlegar afleið-
ingar með tilliti til viðleitni til að bæta
samskipti Kóreu-ríkjanna tveggja.
Því bæri norðanmönnum að leggja
kjarnorkuáætlun sína á hilluna.
Í gærdag skýrðu stjórnvöld í Ástr-
alíu frá því að ákveðið hefði verið að
hætta við áform um opnun sendiráðs í
Norður-Kóreu. Fylgdi þeirri tilkynn-
ingu að Ástralar hefðu miklar áhyggj-
ur af kjarnorkuáætlun Norður-Kór-
eumanna.
Stjórnvöld í Pyongyang lýstu því
og yfir í gær að þau væru búin undir
að svara fyrir sig réðust Bandaríkja-
menn á Norður-Kóreu. Var m.a. vísað
til ummæla Donalds Rumsfelds,
varnarmálaráðherra Bandaríkjanna,
þess efnis að Bandaríkjamenn gætu á
sama tíma haldið í herför gegn Írök-
um og barist við annan óvin á öðrum
vígstöðvum. Voru þessi ummæli
Rumsfelds sögð „herská“og þau for-
dæmd. „Herafli Alþýðulýðveldisins
Norður-Kóreu er í viðbragðsstöðu og
fylgist grannt með framgöngu
Bandaríkjamanna í því skyni að hefja
kjarnorkustríð. Valdi verður svarað
með valdi,“ sagði m.a. í tilkynningu
stjórnvalda í Pyongyang.
Ráðamenn í Norður-Kóreu skýrðu
frá því fyrr í ár að þeir réðu yfir
kjarnorkuvopnum. Ýmsir hafa dregið
þessa fullyrðingu í efa. Kjarnorku-
málaráðherra Rússlands, Alexander
Rúmjantsev, bættist í þann hóp í gær.
Sagði ráðherrann að Norður-Kóreu-
menn réðu ekki yfir þeirri tæknilegu
getu sem þörf væri á til að setja sam-
an kjarnorkusprengju. Stjórnvöld
sem hygðust koma sér upp slíkum
vopnum þyrftu að ráða yfir háþró-
uðum iðnaði. Rússar hafa hins vegar
hvatt ráðamenn í Norður-Kóreu til að
falla frá áformum um að hefja á ný
rekstur kjarnorkuversins í Yong-
byon.
Norður-Kórea hafnar
kröfu Bandaríkjamanna
Seoul, Moskvu. AFP.
Rússar segja N-Kóreu ekki ráða yfir
tækni til að framleiða kjarnorkuvopn
LÖGREGLAN í Sydney hefur lagt
hald á 750.000 e-töflur og er þetta
langmesta e-töflusmygl sem upplýst
hefur verið í Ástralíu.
E-töflurnar fundust í sendibíl í bíl-
skúr íbúðarhúss í Sydney á aðfanga-
dag jóla eftir fjögurra mánaða rann-
sókn lögreglunnar í samstarfi við
yfirvöld í Hollandi. Söluverðmæti
fíkniefnanna er áætlað um 45 millj-
ónir ástralskra dollara, andvirði
fjögurra milljarða króna.
Tveir Ástralar og Hollendingur
voru handteknir vegna málsins og
hafa verið dæmdir í gæsluvarðhald
til 15. janúar þegar þeir eiga að
koma fyrir dómara. Þeir eru á aldr-
inum 48–56 ára og hafa búið í Sydn-
ey.
Mennirnir eiga allt að lífstíðar-
fangelsi yfir höfði sér. Líklegt þykir
að e-töflunum hafi verið smyglað frá
Hollandi og talið er að selja hafi átt
fíkniefnin í Sydney.
Mikið áfall fyrir
smyglhringinn
Lögreglan sagði að mennirnir þrír
væru í „stórum alþjóðlegum smygl-
hring“ og það væri mikið áfall fyrir
hann að hún skyldi hafa fundið svo
mikið magn e-taflna skömmu fyrir
áramótin þegar mikil eftirspurn er
eftir fíkniefnunum. Sagði talsmaður
lögreglunnar að rannsókn málsins
héldi áfram og ekki væri útilokað að
hún myndi leiða til þess að fleiri
menn yrðu handteknir.
E-töflurnar vógu alls um 250 kíló,
hundrað kílóum meira en í stærsta e-
töflusmyglmáli Ástralíu hingað til.
AP
Ástralskir lögreglumenn sýna um
750.000 e-töflur sem fundust í plast-
röri í sendibíl í Sydney.
Langmesta
e-töflu-
smygl í sögu
Ástralíu
Sydney. AP, AFP.
EFNAFRÆÐINGUR og félagi í sértrúarsöfnuði,
sem heldur því fram, að geimverur hafi komið af
stað öllu lífi á jörðinni, tilkynnti í gær, að fyrsta
klónaða eða einræktaða barnið hefði litið dags-
ins ljós. Engar sönnur voru þó færðar á það og
aðrir vísindamenn leggja lítinn trúnað á yfirlýs-
inguna enn sem komið er.
Brigitte Boisselier, sem er einnig formaður
Clonaid, félagsskapar um einræktun, sagði á
fundi í Hollywood, að um væri að ræða stúlku-
barn, tæplega 13 merkur, sem tekið hefði verið
með keisaraskurði í fyrradag. Væri barnið, sem
hlotið hefði nafnið Eva, klónn 31 árs gamallar,
bandarískrar konu, sem einnig hefði gengið með
það. Sagði Boisselier, að konan hefði tekið þenn-
an kost þar sem eiginmaður hennar væri ófrjór.
Ef rétt er, er um að ræða fyrstu klónuðu
manneskjuna en vegna þess, að Boisselier sann-
aði ekki mál sitt með neinum hætti, telja vís-
indamenn enga ástæðu til að trúa henni. Hún
sagði þó, að mæðgurnar yrðu fluttar heim til sín
eftir þrjá daga og þá yrði sýnt fram á, að þær
væru erfðafræðilega eins. Sagði hún, að það
tæki að vísu viku og þennan tíma hefðu hinir
vantrúuðu til að útmála hana sem svikahrapp.
Clonaid var stofnað á Bahamaeyjum 1997 af
Fransmanninum Claude Vorilhon, fyrrverandi
blaðamanni og leiðtoga hóps, sem kallar sig
Raelians. Eru áhangendur hans um 55.000 í 84
löndum og ein helsta kennisetningin sú, að geim-
verur hafi komið til jarðar fyrir 25.000 árum og
skapað lífið og þar á meðal menn með klónun.
Vorilhon fræddist um þetta að sögn er geim-
verurnar, síðhærðar og ólífugrænar, hittu hann
við gamalt eldfjall í Mið-Frakklandi 1973 en auk
þess predikar hann frjálsar ástir og heldur því
fram, að klónun muni gefa mönnum eilíft líf.
Markmiðið sé að ná jafn langt og geimverurnar
og klóna mann á stundinni í stað þess að þurfa að
bíða eftir meðgöngu í 9 mánuði og síðan í 18 ár
eftir fullum þroska. Boisselier, sem skýrði frá
klónuninni, segist vera „biskup“ í söfnuðinum.
Ítalski læknirinn Severino Antinori, sem til-
kynnti fyrir skömmu, að klónað sveinbarn myndi
fæðast í janúar, vísaði í gær á bug yfirlýsingu
Boisselier og sagði hana bull og vitleysu.
Sértrúarsöfnuður segir fyrsta
klónaða barnið komið í heiminn
Hollywood. AP.
„Biskup“ í sértrúarsöfn-
uði segir „Evu“ hafa litið
dagsins ljós en vísinda-
menn eru vantrúaðir
MIKLAR öfgar hafa einkennt veðurfarið í Evrópu á
þessum vetri. Í austanverðri álfunni, einkum í Rúss-
landi, hefur verið mikil kuldatíð, en á Bretlandseyjum
og vestanverðu meginlandinu hefur verið óvenjulega
milt veður. Hefur desembermánuður sjaldan eða
aldrei verið jafnhlýr í Frakklandi. Á myndinni er
maður að dorga niður um ís á Nevu, fyrir framan
Vetrarhöllina í Pétursborg, og til að hlífa sér fyrir
veðri og vindum hefur hann gert sér eins konar tjald
úr plasti.
AP
Dorgað á ísilögðu Nevu-fljóti
MÆÐIVEIKI hefur orðið vart
í sauðfé í Veradal í Noregi og
þykir líklegt, að nokkur hundr-
uð bæja verði sett í sóttkví af
þeim sökum. Varð sjúkdómsins
síðast vart fyrir sjö árum að því
er segir í norskum fjölmiðlum.
Sjúkdómurinn hefur verið
greindur hjá bónda að nafni
Olav Tiller en hann er með 150
fjár, sem hann hefur ræktað
sérstaklega og er mjög stoltur
af. Nú bíður þess ekkert nema
sláturhúsið og fyrirhugað er að
kanna nákvæmlega ástandið á
140 öðrum bæjum. Óttast er, að
féð hans Tillers kunni að hafa
smitað frá sér en hann segist
gjarnan vilja vita hvaðan mæði-
veikin hafi borist í sitt fé. Í
ræktunarstarfinu hefur hann
bæði keypt og selt fé og hefur
það allt saman skráð. Vonast er
til, að það geti hjálpað til við að
finna upptökin.
Mæðiveikin er ólæknandi
lungnasjúkdómur og með-
göngutíminn langur, allt að
fimm ár. Vegna þess er mjög
erfitt við hana að fást. Varð
sjúkdómsins fyrst vart í Noregi
á áttunda áratugnum og víst
talið, að hann hafi borist með
innfluttu fé. Mæðiveikin olli ís-
lenskum bændum miklum bú-
sifjum um miðja síðustu öld en
síðan hefur hennar ekki orðið
vart hér.
Mæðiveiki
í Noregi