Morgunblaðið - 28.12.2002, Blaðsíða 24
LANDIÐ
24 LAUGARDAGUR 28. DESEMBER 2002 MORGUNBLAÐIÐ
„GRÍMSEYJARBÖRNIN birtuna
bera – jólin þau minna á, megi þau
vera“ hljómaði í Félagsheimilinu
Múla þegar skólabörnin í Lús-
íukyrtlum sínum með ljósum
prýdda Lúsíuna, Júlíu Ósk í 4. bekk,
í fararbroddi gengu um salinn. For-
eldrar og aðrir Grímseyingar
mættu til að fá sér góðan kaffisopa
og Lúsíusnúða sem börnin höfðu
bakað. Tvær stúlkur lásu upp fyrir
gestina fróðleik um Lúsíu og siðina
í kringum hana.
Ein sagan segir að Lúsían –
drottning ljóssins – hafi orðið písl-
arvottur á 4. öld eftir Krist. En
hjarta hennar sló fyrir lítilmagnann
og vildi hún öllum gott gera og gefa
allt sem hún átti. Lúsían hefur líka
verið táknmynd augnanna sem eru
jú ljós sálarinnar. Lúsían er boðberi
hækkandi sólar og lengri daga. Fyr-
ir okkar tímatal var 13. desember
einmitt skemmsti og dimmasti dag-
ur ársins. Svíar eru einna dugleg-
astir af Norðurlandaþjóðunum að
halda upp á Lúsíudaginn. Hver bær
og hver borg – hver skóli og hver
kirkja í Svíþjóð velja sér sína Lúsíu.
Lúsían á Íslandi birtist fyrst í
stigagangi í Breiðholti fyrir rúmum
þrjátíu árum. Og hægt og bítandi
hefur Lúsían skapað sér sess meðal
okkar Íslendinga. Hér í Grímsey
höfum við haldið Lúsíudaginn há-
tíðlegan í níu ár og er Lúsían kær-
komin gleðigjafi í desembermyrkr-
inu.
Morgunblaðið/Helga Mattína
Lúsíuhátíð við
heimskautsbaug
Grímsey
SÍÐUSTU þrjár vikurnar fyrir jólafrí
unnu nemendur Grunnskóla Bolung-
arvíkur að verkefni þar sem tekið var
fyrir tímabilið 1975 til 1982. Unnu
þeir tveir og tveir saman að upplýs-
ingaöflun um hina ýmsu þætti þessa
tímabils og skiluðu niðurstöðum sín-
um með fyrirlestrum.
Meðal þess sem krufið var til
mergjar var hagkerfið á þessu tíma-
bili, verðbólgan og bankakerfið,
stjórnmálaflokkar ríkisstjórnir og
ráðherrar, kapitalismi og kommún-
ismi.
Fjallað var um olíukreppuna á
þessu tímabili og kalda stríðið. Einnig
kynntu nemendurnir sér fjölmiðla-
flóruna, atvinnumenn í knattspyrnu,
tísku þessa tímabils og margt fleira.
Eftir mikla vinnu við heimildaröfl-
un með lestri bóka og tímarita og við-
tölum við fólk, sem sérfræðiþekkingu
hafði á viðkomandi málefni, var verk-
efninu lokað með fyrirlestrum.
Lokapunkturinn var síðan dans-
leikur í Víkurbæ þar sem tónlist þessa
tímabils, diskólögin, var spiluð og
unglingarnir klæddust eftir tísku
þess tíma.
Nemendurnir settu sig í „diskófíl-
ingu“ og lærðu t.d að bömpa eins og
það hét á diskómáli.
Að taka fyrir ákveðin tímabil úr
fortíðinni og skoða þau ofaní kjölinn
er að verða árlegt verkefni hjá nem-
endum unglingastigs Grunnskóla
Bolungarvíkur og á síðasta vetri voru
t.d tekin fyrir stríðsárin.
Ljósmynd/Gunnar Hallsson
Nemendurnir rifjuðu upp diskóárin í viðeigandi klæðnaði.
Kynntu sér tíðarand-
ann á diskóárunum
Bolungarvík
SUÐURNES
SLYSAVARNADEILDIN Þorbjörn
er þessa dagana með slysavarnaá-
tak meðal barna í 5. bekk í Grunn-
skóla Grindavíkur. Markmiðið er að
allir krakkar noti hlífðarbúnað sem
þau fá afhendan í skólanum en það
eru gleraugu og ullarvettlingar.
Krakkarnir fá jafnframt fyr-
irlestur um hvað þarf að varast í
meðferð flugelda en þar er ítrekað
mikilvægi þess að hafa fullorðna
nálægt þegar skoteldar eru með-
höndlaðir og að sjálfsögðu þarf að
nota öryggisbúnaðinn.
Auk þess er í gangi mynda-
samkeppni þar sem allir þátttak-
endur fá stjörnuljósapakka að gjöf
frá deildinni fyrir þátttökuna. Þrjár
bestu myndirnar að mati dóm-
nefndar í þessari samkeppni fá síð-
an óvæntan glaðning á gamlársdag.
Það voru þeir Pétur Breiðfjörð og
Sigurður Viðarsson sem ræddu við
krakkana. Þegar þeir voru spurðir
um tilganginn með þessari uppá-
komu höfðu þeir þetta að segja:
„Þetta er nú góð spurning. Það er
búinn að vera áróður í notkun á
hlífðargleraugum en okkur fannst
það ekki alveg nóg. Við vissum ekki
um neitt augnslys á síðasta ári en
nokkuð hefur verið um bruna á
höndum. Kveikjan var kannski sú
að á síðasta ári fengum við vitn-
eskju um að eitt barn hefði lent í því
að flísvettlingar þess bráðnuðu og
viðkomandi fékk brunasár. Krakk-
arnir taka þessum leiðbeiningum
vel og það er gaman að segja frá því
að við fengum eina sérlega góða
spurningu í öðrum 5. bekknum sem
við fórum í en þar var spurt: Kvikn-
ar þá ekki í þessum vettlingum ef
þeim er hent á brennuna?“
Börnin komin með hlífðargleraugu og vettlinga.
Gefa ullarvettlinga
og hlífðargleraugu
Grindavík
Morgunblaðið/Garðar Páll Vignisson
Börnin í fimmta bekk E settu strax upp hlífðargleraugun og vettlingana.
ÍBÚUM í Reykjanesbæ fækkaði á
árinu um 30. Í Sandgerði stóð íbúa-
talan nokkurn veginn í stað en í öðr-
um sveitarfélögum á Suðurnesjum
fjölgaði umfram landsmeðaltal.
Á Suðurnesjum voru 16.793 íbúar
hinn 1. desember síðastliðinn, sam-
kvæmt bráðabirgðatölum Hagstofu
Íslands. Hafði íbúum svæðisins
fjölgað um 0,39% frá sama tíma fyrir
ári en það er nokkuð undir lands-
meðaltali sem var 0,68%. Á Suður-
nesjum búa nú 5,8% landsmanna.
Nokkuð fækkaði í stærsta sveitar-
félaginu, Reykjanesbæ, eins og fram
kemur á meðfylgjandi töflu. Í Sand-
gerði fækkaði um einn. Hins vegar
varð 2–2,5% fólksfjölgun í Grindavík,
Gerðahreppi og Vatnsleysustrand-
arhreppi.
Þegar litið er til þróunar síðustu
tíu ára, eða frá 1. desember 1992,
sést að íbúum á Suðurnesjum hefur
fjölgað um 8,4% á sama tíma og
landsmönnum hefur fjölgað um rúm
10%. Munar mest um hæga fjölgun í
stærsta sveitarfélaginu, Reykja-
nesbæ. Hins vegar hefur íbúum í
Vatnsleysustrandarhreppi fjölgað
um tæp 30% á þessu tímabili.
!"
#
$%
&&
""
'!
!"
# $%&
$
Íbúum fækkar í
Reykjanesbæ
Reykjanes
BLÁA lónið er opið um jól og
áramót, eins og venjulega, enda
er það opið alla daga ársins.
Um 800 manns sóttu baðstað-
inn um jólin.
Aukin áhersla er lögð á ferðir
til Íslands yfir jól og áramót en
erlendir ferðamenn hafa undr-
ast að lokað sé á veitingastöð-
um og ýmsum stöðum sem
veita afþreyingu yfir hátíðirn-
ar, eins og fram kom í blaðinu í
gær. Af því tilefni hefur Bláa
lónið vakið athygli á því að það
er opið 365 daga á ári.
„Allt frá upphafi hefur það
verið stefna Bláa lónsins hf. að
veita góða þjónustu alla daga
ársins. Bláa lónið er því ávallt
opið yfir jól og áramót. Árið í ár
var engin undantekning og
heimsóttu hátt í 800 gestir Bláa
lónið yfir jólin. Þá sækja Ís-
lendingar Bláa lónið í auknum
mæli yfir hátíðarnar,“ segir í
fréttatilkynningu.
Bláa lónið er opið frá 10 til
19.30 næstu daga, á gamlárs-
dag frá 10 til 16 og á nýársdag
frá 10 til 19.30.
800 gestir
sóttu bað-
staðinn
um jólin
Bláa lónið
VERKALÝÐS- og sjómanna-
félag Keflavíkur á sjötíu ára af-
mæli í dag. Af því tilefni verður
haldin afmælishátíð í félags-
heimilinu Stapa og hefst hún
klukkan 14.
Kristján Gunnarsson, for-
maður félagsins, ávarpar sam-
komuna, auk gesta. Fé-
lagsmenn verða heiðraðir í
tilefni afmælisins.
Sigrún Eva Ármannsdóttir
syngur nokkur lög, Jóhannes
Kristjánsson fer með gaman-
mál og Rúnar Júlíusson rokkar.
Boðið verður upp á kaffi og
mun Guðmundur Her-
mannsson leika nokkur lög. Fé-
lagsmenn og aðrir velunnarar
eru boðnir velkomnir á afmæl-
ishátíðina.
Afmælishátíð
hjá verka-
lýðsfélaginu
Reykjanesbær
ÞRJÁR líkamsárásir voru
kærðar til lögreglunnar í Kefla-
vík í gærmorgun, eftir dansleik
í félagsheimilinu Stapanum.
Fólkið var slegið í andlitið,
samkvæmt upplýsingum lög-
reglunnar, en meiðsli munu
ekki vera alvarleg.
Þrjár líkams-
árásir kærðar
Njarðvík
KJÖRI Íþróttamanns Kefla-
víkur verður lýst við athöfn í fé-
lagsheimili Keflavíkur, íþrótta-
og ungmennafélags, við Hring-
braut klukkan 13 í dag.
Tilkynnt verður um íþrótta-
menn einstakra deilda innan fé-
lagsins, það er að segja í körfu-
bolta, knattspyrnu, fimleikum,
sundi, badminton, skotfimi og
taekvondo. Loks verður
íþróttamaður ársins kjörinn.
Kosinn
íþróttamaður
ársins
Keflavík