Morgunblaðið - 28.12.2002, Blaðsíða 47

FRÉTTIR
MORGUNBLAÐIÐ LAUGARDAGUR 28. DESEMBER 2002 47
BRAUTSKRÁNING stúdenta fór
fram frá Flensborgarskólanum fyr-
ir jól. Alls útskrifaðist 41 stúdent,
22 karlar og 19 konur, en í frétt frá
skólanum segir að konur hafi til
þessa yfirleitt verið í meirihluta.
Bestum námsárangri náði Ari
Sverrisson sem útskrifaðist af
tveimur brautum, náttúrufræði- og
eðlisfræðibraut. Næst í röðinni
voru Rósa Guðmundsdóttir af eðl-
isfræðibraut og Ingi Þór Kúld af
náttúrufræðibraut. „Fleiri nem-
endur koma á hæla þeirra einnig
með framúrskarandi árangur og
má meðal þeirra nefna Lilju Guð-
mundsdóttur, tvíburasystur Rósu,
sem einnig útskrifaðist af eðl-
isfræðibraut. Margir nýstúdent-
anna útskrifuðust eftir þriggja og
hálfs árs nám,“ segir m.a. í frétt frá
skólanum.
Fjórir afreksíþróttamenn úr
hópi nemenda voru heiðraðir, þau
Þórunn Arnardóttir, Hjördís Har-
aldsdóttir, Sólrún Haraldsdóttir og
Logi Geirsson. Þá hlutu Ásthildur
Linnet og Hannes Helgason styrk
úr Minningarsjóði Jóns Þórarins-
sonar.
41 brautskráður
frá Flensborg
Ljósmynd/Lárus Karl Ingason
skrifaðist með burtfararpróf af
sjúkraliðabraut.
Nokkrum útskriftarnemum voru
veittar viðurkenningar fyrir góðan
námsárangur:
Berglind Matthíasdóttir hlaut
viðurkenningu fyrir góðan árangur
í raungreinum og stærðfræði;
Ólöf Helga Jónsdóttir fékk við-
urkenningu fyrir góðan árangur í
FÖSTUDAGINN 20. desember,
voru 39 nemendur brautskráðir frá
Fjölbrautaskóla Vesturlands á
Akranesi. Nemendurnir eru af 13
mismunandi námsbrautum, 19
stúlkur og 20 piltar.
Af þessum 39 nemendum luku 23
stúdentsprófi, 11 luku iðnnámi, 4
nemendur luku verslunarprófi af
viðskiptabraut og einn nemandi út-
raungreinum, stærðfræði og þýsku;
Ragnar Björnsson fékk við-
urkenningu fyrir góðan árangur í
efnafræði og frönsku;
Thelma Guðmundsdóttir fékk
viðurkenningu fyrir góðan árangur
í raungreinum, frönsku og dönsku.
Thelma fékk einnig viðurkenningu
skólans fyrir bestan námsárangur á
stúdentsprófi á haustönn 2002.
Brautskráning frá FVA
ÁRLEG flugeldasala KFUM
og KFUK í Reykjavík hefst í
dag, 28. desember, klukkan
14 í húsi félagsins, Holtavegi
28 í Reykjavík. Ágóðinn af
sölunni rennur til æskulýðs-
starfs félagsins. Nokkuð á
fjórða tug deilda er víðs veg-
ar á höfuðborgarsvæðinu,
meðal annars félagsheimili á
hjólum í tveggja hæða bresk-
um strætisvagni, miðbæjar-
starf í hjarta borgarinnar og
sumarbúðirnar í Vatnaskógi í
Hvalfjarðarhreppi og Vindás-
hlíð í Kjós.
Á flugeldamarkaðnum er á
boðstólum úrval af flugeldum
í öllum stærðum, tertum og
fjölskyldupökkum.
Afgreiðslutíminn verður
sem hér segir: Í dag. kl. 14–
22, á morgun, sunnudag kl.
14–22, mánudaginn 30. des-
ember kl. 14–22 og á gaml-
ársdag er opið frá kl. 10 til
15.
KFUM og
KFUK með
flugelda-
markað
SAMSKIP og almannatengslafyrir-
tækið Athygli ehf. hafa samið sín á
milli um að Athygli sjái um ráðgjafa-
þjónustu og öll almannatengsl fyrir
Samskip.
Samningurinn kveður á um að At-
hygli sjái um alla vinnslu og útgáfu
fréttabréfa Samskipa, bæði á ís-
lensku og ensku, auk bæklinga Sam-
skipa. Fréttatilkynningar Samskipa
og samskipti fyrirtækisins við fjöl-
miðla verða í umsjón ráðgjafa At-
hygli, svo og ráðgjöf fyrir æðri
stjórnendur fyrirtækisins. Ráðgjaf-
ar Athygli munu einnig sjá um texta-
vinnslu og samhæfingu ársskýrslu
Samskipa og sinna öðrum verkefn-
um sem upp koma á samningstím-
anum eftir þörfum Samskipa.
Bjarni Jónsson framkvæmdastjóri
skrifaði undir samninginn fyrir hönd
Athygli en Árni Þórður Jónsson
verður aðalráðgjafi Samskipa og
Anna Guðný Aradóttir, markaðs-
stjóri Samskipa, leiðir samstarfið
fyrir hönd Samskipa.
Samskip semja
við Athygli
Við undirritun samstarfssamningsins, frá vinstri: Agnar Már Jónsson,
Anna Guðný Aradóttir, Bjarni Jónsson og Árni Þórður Jónsson.
MORGUNBLAÐINU hefur borist
eftirfarandi ályktun frá Alþýðusam-
bandi Austurlands:
„Um áramótin nk. fá flestir laun-
þegar 3% launahækkun. Þrátt fyrir
það úrskurðar Kjaradómur um 7%
launahækkun til ráðamanna þjóðar-
innar.
Stjórn Alþýðusambands Austur-
lands sættir sig ekki við slík vinnu-
brögð og bendir á að með þessum að-
gerðum er enn verið að auka á
launamun í landinu.
Þá mótmælir stjórn Alþýðusam-
bands Austurlands hækkunum á
þjónustugjöldum sveitarfélaganna
sem er verið að ákveða þessa dag-
ana.“
ASA mótmælir
hækkunum
MORGUNBLAÐINU hefur borist
eftirfarandi ályktun frá læknaráði
Heilsugæslustöðvarinnar á Akur-
eyri: „Læknar heilsugæslustöðvar-
innar á Akureyri lýsa yfir undrun
og vanþóknun á framgöngu stjórn-
valda Heilbrigðisstofnunar Suður-
nesja í tilraunum þeirra við lausn á
vanda heilsugæslunnar á Suðurnesj-
um.
Samfelld og persónuleg tengsl
heimilislæknis og skjólstæðings
hafa grundvallarþýðingu fyrir góða
og árangursríka heilsugæslu. Að
velflestir íbúar Suðurnesja skuli nú
missa heimilislækna sína samtímis
veldur mjög alvarlegum skaða sem
stjórnvöld virðast ekki hafa nægi-
legan skilning á.
Hugmynd um að 7–8 heimilis-
læknar geti veitt 17.000 íbúum við-
unandi þjónustu eru fráleitar og
hrein lítilsvirðing við þá sem vinna
við heimilislækningar á Íslandi.“
Lýsa vanþóknun á
framgöngu stjórnvalda
Í GREIN um nýfundinn helli á
Reykjanesi í Morgunblaðinu í gær
var sagt að ábending um hann hefði
komið frá Sesselju Guðmundsdóttur,
húsfreyju frá Brekkum í Vogum. Hið
rétta er að Sesselja er fædd á Brekk-
um en hefur aldrei verið húsfreyja
þar. Beðist er velvirðingar á mistök-
unum.
LEIÐRÉTT
BÚNAÐARBANKINN sendi ekki
jólakort til viðskiptavina sinna fyrir
þessi jól. Í stað þess styrkir bankinn
Styrktarfélag vangefinna og SÍBS
um þá fjárhæð sem ella hefði farið til
jólakortaframleiðslu og útsendingar.
Skiptist fjárhæðin jafnt á milli þess-
ara samtaka, en styrkirnir voru af-
hentir á Þorláksmessu. Stjórn
Styrktarfélags vangefinna hyggst
verja fénu til verkefna á næsta ári í
tengslum við Evrópuár fatlaðra.
Stjórn SÍBS segir þörf á að efla innra
félagsstarf samtakanna og að þessi
styrkur gæti meðal annars komið að
góðum notum í þeim efnum.
Andvirði jóla-
korta til Styrkt-
arfélags vangef-
inna og SÍBS
Nýársmót Skeljungs
Sex stórmeistarar munu taka þátt í
Nýársmóti Skeljungs sem fram fer
29. desember. Teflt verður í húsa-
kynnum Skeljungs á Suðurlands-
braut 4 og hefst taflmennska kl. 13.
Auk stórmeistaranna munu taka þátt
þrír alþjóðlegir meistarar ásamt Ís-
landsmeistara kvenna, Guðlaugu
Þorsteinsdóttur. Keppendalisti: 1.
SM Jóhann Hjartarson 2.635 2. SM.
Margeir Pétursson 2.605 3. SM. Jón
L. Árnason 2.535 4. SM. Helgi Ólafs-
son 2.520 5. SM. Friðrik Ólafsson
2.510 6. AM. Karl Þorsteins 2.500 7.
SM. Þröstur Þórhallsson 2.460 8. AM.
Stefán Kristjánsson 2.460 9. FM.
Bragi Þorfinnsson 2.405 10. AM. Jón
Viktor Gunnarsson 2.390, 11. Ágúst
Sindri Karlsson 2.345, 12. Guðlaug
Þorsteinsdóttir 1.900. Keppendur
verða alls 16, tveir af þeim verða efstu
menn á Jólahraðskákmóti TR. sem
fram fer í dag 28. desember kl. 14.
Flugeldasýning við höfnina í Hafn-
arfirði. Í tilefni af 100 ára afmæli
Sparisjóðs Hafnarfjarðar 22. desem-
ber sl. býður Sparisjóðurinn upp á
risaflugeldasýningu í og við höfnina í
Hafnarfirði. Sýningin hefst á því að
kveikt verður á blysum á þaki Spari-
sjóðs Hafnarfjarðar við Strandgötu
og björgunarsveitarmenn síga niður
húsgaflinn. Sýningin er haldin í sam-
vinnu við Björgunarsveit Hafn-
arfjarðar og eru hún hin stærsta sem
Björgunarsveitin hefur staðið að til
þessa í Hafnarfirði. Sýningin hefst kl.
20.30 sunnudaginn 29. desember.
Dagskrá vegna flugeldasýning-
arinnar verður útvarpað á FM 106,1
frá kl. 19.30 sama kvöld.
Flugeldasýning við Perluna. Bylgj-
an, Slysavarnafélagið Landsbjörg og
Björgunarsveitirnar í Reykjavík
bjóða upp á flugeldasýningu að
vanda.
Sýningin fer fram við Perluna í
Öskjuhlið sunnudaginn 29. desember
kl. 17. Það sem gerir þessa sýningu
sérstaka er tónlistin sem fylgir sjón-
arspilinu sem áhorfendur geta hlýtt á
á Bylgjunni FM98,9.
Blysför og fjölskylduganga Sunnu-
daginn 29. desember 2002 efnir
Ferðafélag Íslands til fjölskyldu og
blysfarar um Öskjuhlíð að Perlunni.
Safnast verður saman við bílastæðin í
Nauthólsvík kl.16 þar sem seldir
verða göngukyndlar á vegum FÍ.
Labbað verður af stað klukkan 16.15
um göngustíga Öskjuhlíðarinnar að
Perlunni þar sem göngufólk fær
handblys frá Landsbjörg til að
brenna í upphafi flugeldasýning-
arinnar sem hefst kl. 17. Allir eru vel-
komnir og þátttaka í göngunni er
ókeypis. Göngukyndlar verða seldir á
bílastæðum við Nauthólsvík.
Á MORGUN
♦ ♦ ♦
♦ ♦ ♦