Morgunblaðið - 18.01.2003, Side 19

HÖFUÐBORGARSVÆÐIÐ
MORGUNBLAÐIÐ LAUGARDAGUR 18. JANÚAR 2003 19
Laugardagur 25. janúar
Auglýsendur!
Laugardaginn 25. janúar fylgir Morgun-
blaðinu tímarit um heilbrigði og lífsstíl
í 55.000 eintökum. Í tímaritinu verður
fjallað um það sem viðkemur heil-
brigðu líferni og hraustum líkama.
Tímaritið er prentað á 60 g pappír og
skorið í stærðinni 26,5 x 39,8 sm.
Skilatími
Fullunnar auglýsingar
kl. 16.00 þriðjudaginn 21. janúar
Auglýsingar í vinnslu
kl. 16.00 mánudaginn 20. janúar
Hafðu samband við auglýsingadeild
Morgunblaðsins í síma 569 1111 eða í
gegnum netfangið augl@mbl.is
ÍBÚI við Suðurhlíð í Reykjavík hefur
gert fjárkröfu á hendur borginni
vegna byggingar fjölbýlishúss við
Suðurhlíð 38. Segir í bréfi viðkomandi
að krafan sé gerð vegna skerðingar á
útsýni frá íbúð hans auk þess sem
eign hans rýrni í verði af sömu
ástæðu.
Bréfið, sem ritað var í september,
var lagt fyrir skipulags- og bygginga-
nefnd borgarinnar sl. miðvikudag um
leið og álitsgerð borgarlögmanns var
rædd en þar tíundar hann þá skoðun
sína að ekki hafi verið staðið sem
skyldi að veitingu byggingarleyfis
fyrir fjölbýlishúsið. Að sögn Salvarar
Jónsdóttur, sviðsstjóra Skipulags- og
byggingasviðs Reykjavíkur, er
ástæða þess að bréfið hefur ekki verið
tekið fyrr fyrir sú að rétt þótti að bíða
eftir álitsgerð borgarlögmanns áður
en bréfið yrði tekið fyrir.
Á þeim tíma sem bréfið var ritað
var búið að reisa þrjár hæðir bygg-
ingarinnar og gerir bréfritari það að
aðalkröfu sinni að teikningum hússins
verði breytt á þá vegu að hún verði
einungis þriggja hæða í stað fjögurra
eins og raunin varð.
Verðið hærra vegna útsýnisins
Til vara fer viðkomandi fram á fjár-
bætur vegna „þeirrar skerðingar á
útsýni sem ég verð fyrir vegna bygg-
ingarinnar, einnig vegna rýrnunar á
verði minnar fasteignar af sömu
ástæðu“.
Í niðurlagi bréfsins er þess getið að
byggingaraðili fjölbýlishússins bjóði
íbúðir í því til sölu á tvöföldu mark-
aðsverði. „Verðið réttlætir hann með
útsýni sem áður var útsýni frá minni
eign,“ segir í bréfinu.
Gerir viðkomandi grein fyrir því að
við kynningar á húsinu hafi íbúum
verið sýndar myndir sem sýndu húsið
lægra en raunin varð en það er ein-
mitt sú málsmeðferð sem borgarlög-
maður fjallar um í álitsgerð sinni.
Á fundi skipulags- og bygginga-
nefndar á miðvikudag var bréfinu vís-
að til meðferðar borgarlögmanns. Að
sögn Salvarar er það gert til að fá mat
hans á því hvort borgin sé skaðabóta-
skyld í þessum efnum. „Það hlýtur að
vera talsverð sönnunarbyrði hjá þeim
sem setur slíkar kröfur fram,“ segir
hún. „Við fáum borgarlögmann til að
meta málið og svo svörum við í sam-
ræmi við álit hans. Viðkomandi verð-
ur þá að sækja það til æðri dómstóla
ef hann sættir sig ekki við okkar
svör.“
Hún segir þetta eina tilfellið þar
sem farið er fram á fjárbætur vegna
hins umdeilda fjölbýlishúss.
Krefst fjárbóta vegna
hæðar fjölbýlishúss
Morgunblaðið/Kristinn
Bygging fjölbýlishússins er langt komin eins og sjá má á þessari mynd.
Suðurhlíðar
ÞAÐ var sérstök stemning á upp-
fyllingunni í Arnarnesvoginum á
fimmtudag því auk þess sem bæj-
aryfirvöld stóðu fyrir hátíðar-
höldum á fyllingunni vegna und-
irskriftar samninga við fram-
kvæmdaraðila unnu iðnaðarmenn
hörðum höndum að því að gera
áætlanir um uppbyggingu hverf-
isins að veruleika.
Þessi maður var önnum kafinn
við logsuðuvinnu í tengslum við
framkvæmdirnar og kippti sér
ekki mikið upp við að ljósmynd-
ari Morgunblaðsins fangaði hann
í mynd. Útsýni er gott frá staðn-
um og í bakgrunninum blasir
Kópavogurinn við en hinum meg-
in við voginn eru nágrannarnir í
Bessastaðahreppi.Morgunblaðið/Golli
Logsuða á
landfyllingu
Arnarnesvogur
SKIPULAGSYFIRVÖLD í Hafn-
arfirði ætla að standa fyrir könnun
þar sem áhugi fólks á lóðum og
húsagerðum er athugaður. Niður-
stöðurnar verða síðan hafðar til
hliðsjónar við ákvörðun um hvers
kyns lóðir verður boðið upp á í
næstu lóðaúthlutun á Völlum.
Að sögn Hafdísar Hafliðadóttur,
skipulagsstjóra í Hafnarfirði, geng-
ur könnunin út á að athuga hver
eftirspurnin er eftir lóðum á þess-
um tíma og hvers konar húsnæði
fólk er helst að leita eftir að kaupa.
„Við viljum athuga hvort markaður-
inn sé aðallega að leita að nýju hús-
næði í sérbýli eða í litlum íbúðum
eins og svolítið hefur verið í um-
ræðunni að undanförnu,“ segir hún.
Verið er að ganga frá deiliskipu-
lagi svokallaðs B-áfanga á Völlum
þar sem gert er ráð fyrir um 550
íbúðum. Ráðgert er að fyrsta út-
hlutun fari fram síðla vors en ekki
liggur fyrir hversu margar lóðir
verða til úthlutunar í sumar. Að
sögn Hafdísar er gert ráð fyrir að
þessi skipulagsáfangi verði í úthlut-
un næstu tvö, þrjú ár. „Þar af leið-
andi vilja menn aðeins heyra hvern-
ig stemningin er á markaðinum,“
segir hún.
Fjölskyldusamsetning breytist
Hún veit ekki til þess að þessi
leið hafi verið farin áður í aðdrag-
anda lóðaúthlutana. „Að sjálfsögðu
þurfum við á hverjum tíma að sjá
til að það sé jöfn skipting húsa-
gerða í skipulagi svo við fáum ekki
einsleit hverfi. Á sama tíma vitum
við að fjölskyldusamsetningin er að
breytast og sömuleiðis húsagerða-
þörfin. Þetta endurspeglast t.d. í
svæðisskipulagi höfuðborgarsvæðis-
ins þegar horft er fram til lengri
tíma.“
Hún segir að vissulega megi ekki
láta skammtíma markaðssveiflur
ráða alfarið við slíkar ákvarðanir en
hægt sé að bregaðst við óskum
markaðarins með því að úthluta
fyrst þeim lóðum sem mest eft-
irspurn er eftir á þeim tíma sem
könnunin er gerð. „Það er alltaf
þörf fyrir flestar af þessum teg-
undum yfir lengra tímabil.“
Framkvæmd könnunarinnar
verður með þeim hætti að þeir sem
hafa áhuga á að taka þátt í henni
geta fyllt út upplýsingar á Netinu í
gegnum heimasíðu Hafnarfjarðar-
bæjar auk þess sem hægt verður að
koma við á bæjarskriftstofunum og
gera slíkt hið sama skriflega. Könn-
unin er hvorki bindandi fyrir bæj-
aryfirvöld né þátttakendur með til-
liti til úthlutunar.
Góð tengsl við útivistarsvæði
„Þetta hverfi sem þarna er að
byggjast er áframhald af byggðinni
í hrauninu og í mjög góðum
tengslum við falleg útivistarsvæði
eins og Ástjörnina og Hvalavatnið,“
segir Hafdís. „Svo er stutt í golfvöll
og góð tengsl við lítinn og fallegan
bæ.“
Hún bendir á að í grenndinni við
svæðið sé skipulagt stórt atvinnu-
svæði með skrifstofu- og þjónustu-
húsnæði sem gefi kost á atvinnu-
tækifærum í beinum tengslum við
hverfið þegar fram líða stundir. Þá
sé hverfið í tengslum við íþrótta-
miðstöð Haukanna auk þess sem
gert verður ráð fyrir sundlaug,
kirkju, verslun og öðru þjónustu-
húsnæði. Loks er ráðgert að hafa
grunnskóla og leikskóla í hverfinu.
#
+

!""#$
%
&
 ( $ )
*
+,
,+
-
,./01-
*23)4-5
01-


,(3+5
$"/
3
2
)
0
2
-
6
/010230


34/4-5
($)
73$+89
Gera forkönn-
un á áhuga
fólks á lóðum
Næsta lóðaúthlutun á Völlum í bígerð
Hafnarfjörður
FRAMKVÆMDIR eru hafnar
við Birkiholt í Bessastaða-
hreppi en hreppsráð samþykkti
í vikunni leyfi til að hefja gröft á
svæðinu. Verið er að grafa
húsagrunna við Birkiholt 1 og 2
en alls er gert ráð fyrir 68 íbúð-
um á svæðinu í 6 fjölbýlishúsum
og tveimur raðhúsalengjum.
Áformað er að taka fyrstu tvö
húsin í notkun síðla þessa árs.
Á fundi hreppsráðs var jafn-
framt samþykkt að gerðar
verði ráðstafanir til að auka ör-
yggi gangandi vegfarenda í ná-
grenni vinnusvæðisins.
Gröftur
hafinn við
Birkiholt
Bessastaðahreppur
FORELDRAR barna í Lækjar-
skóla í Hafnarfirði hafa samþykkt
ályktun þar sem mótmælt er þeirri
ákvörðun bæjaryfirvalda að fresta
fyrirhugaðri byggingu íþróttamann-
virkja við nýja Lækjarskólann á
Hörðuvöllum.
Ályktunin var samþykkt á fjöl-
sóttum fundi í Foreldra- og kenn-
arafélagi skólans sem haldinn var á
miðvikudag, að því er fram kemur í
fréttatilkynningu.
Þá mótmælti fundurinn áformum
bæjaryfirvalda um aðra forgangs-
röðun við byggingu íþróttamann-
virkja ætlaðra til kennslu í skólum
bæjarins.
Mótmæla
frestun íþrótta-
mannvirkja
Hafnarfjörður