Morgunblaðið - 18.01.2003, Síða 23

LANDIÐ
MORGUNBLAÐIÐ LAUGARDAGUR 18. JANÚAR 2003 23
ALLS var landað 7.907 tonna afla á Húsavík
árið 2002 og er það mikil aukning frá árinu
2001, þá var landaður afli rúmlega 5.100 tonn. Að sögn Stefáns
Stefánssonar hafnarvarðar skýrist þessi aukning upp á um
2.800 tonn aðallega af tvennu.
Annars vegar það að línuskip Vísissamsteypunnar í Grinda-
vík lönduðu mikið á Húsavík eftir að nýtt kvótaár hófst og hins
vegar hafa heimabátar aflað betur en undanfarin ár. Stefán
segir að aukningin á milli ára sé aðallega í bolfiski því rækjuafl-
inn sé svipaður.
Eftir að Fiskiðjusamlag Húsavíkur, FH, hætti útgerð á sínum
tíma var gerður samningur við aðila í Grundarfirði um að veiða
bolfiskkvóta FH. Aflanum var landað á Grundarfirði, þótt ein-
hverjar undantekningar hafi verið þar á, og honum síðan ekið
til vinnslu á Húsavík. Þar af leiðandi fór minni afli um Húsavík-
urhöfn með tilheyrandi tekjutapi fyrir hafnarsjóð ofl. aðila.
Með aðkomu Vísis hf. að FH hefur þetta því breyst til batnaðar
fyrir höfnina, löndunargengið og þá aðila sem þjónusta skip og
báta á Húsavík.
Þá má nefna það að hluta þessarar aukingar á afla lönduðum
á Húsavík má rekja til dragnótaveiða. Ný útgerð, Hraun-
útgerðin ehf., tók til starfa í lok árs 2001 og hefur aðallega ein-
beitt sér að dragnótaveiðum auk þess sem aðkomubátar sem
stunduðu dragnótaveiðar lönduðu talsverðum afla.
Mikil aukning
á afla milli ára
Húsavík
Morgunblaðið/Hafþór Hreiðarsson
Stefán Stefánsson tekur á móti Tjaldi SH 270,
einu þeirra aðkomuskipa sem lönduðu á Húsa-
vík árið 2002.
ELDRI borgarar í Rangárþingi
höfðu ástæðu til að gleðjast þegar
félag þeirra fékk formlega afhenta
félagsaðstöðu í Njálsbúð í Vestur-
Landeyjum. Sveitarstjórn Rangár-
þings eystra samþykkti í haust að
útbúin yrði félagsaðstaða fyrir eldri
borgara þar sem skóli Vestur-Land-
eyjahrepps var áður til húsa.
Ólafur Ólafsson, formaður Félags
eldri borgara í Rangárþingi, tók við
lyklum að húsnæðinu í hófi sem
haldið var af þessu tilefni í Njáls-
búð. Í tölu sem Ólafur hélt kom
fram að starfsemi félagsins er mjög
öflug í allri sýslunni en hefur fram
að þessu tilfinnanlega skort gott
húsnæði fyrir handavinnu, smíðar
og ýmis námskeið. Úr þessu hefur
nú verið bætt með þessari góðu að-
stöðu.
Eldri borgarar hittast einu sinni í
viku og hlýða á upplestur eða frá-
sagnir og spila. Einnig sækja þeir
ýmis námskeið sem boðið er upp á
s.s. ýmiss konar föndur, smíðanám-
skeið og tölvunámskeið. Leikfimi er
einnig stunduð reglulega. Á sumrin
hefur félagið staðið fyrir ferða-
lögum, bæði innan lands og utan.
Bergur Pálsson er starfsmaður
félagsins en einnig hefur Rósalind
Ragnarsdóttir séð um ýmiss konar
föndurkennslu og fleiri aðilar hafa
einnig komið að félagsstarfinu. Hér-
aðsnefnd Rangárvallasýslu hefur
stutt dyggilega við bakið á fé-
lagsstarfi eldri borgara um árabil og
voru henni færðar sérstakar þakkir
fyrir það framlag við vígsluna.
Eldri borg-
arar fá fé-
lagsaðstöðu
í Njálsbúð
Hvolsvöllur
Morgunblaðið/Steinunn Ósk
Ólafur Ólafsson, formaður Félags eldri borgara, tekur við lyklum að fé-
lagsaðstöðu í Njálsbúð úr hendi Ólafs Eggertssonar oddvita.
DILBERT mbl.is