Morgunblaðið - 21.01.2003, Blaðsíða 17

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 21. JANÚAR 2003 17
Austurstræti, sími 562 9020
Það kostar aðeins kr. 2.500.
Hringdu og pantaðu tíma.
Síminn er 562 9020.
Aðeins það besta
fyrir andlit þitt
Estée Lauder andlitsmeðferðin miðar öll að því að veita þér slökun og
dekra við þig - allt frá vandvirkri hreinsun húðarinnar að yndislega
róandi nuddinu.
Nútímaleg húðumhirða okkar vinnur gegn vandamálum sem stafa af
þurri húð eða feitri, hrukkum, slælegri blóðrás, þreytulegri húð og
öðru sem hrjáir húðina. Öll er meðferðin umvafin ljúfri munúð og
slökun.
Veittu þér andlitsmeðferð eins og þær gerast bestar og sjáðu hvað
svolítið dekur gerir húðinni gott.
Snyrtiklefi
Þorrablót Þingeyingafélagsins í Reykjavík
Þorrablót Þingeyingafélagsins í Reykjavík verður haldið laugardaginn 25. janúar í Ými, tónlistarhúsi Karlakórs
Reykjavíkur, Skógarhlíð 20. Húsið opnað kl. 19:30 fyrir matargesti. Veislustjóri er Jónína Benediktsdóttir og
hljómsveitin Grái fiðringurinn mun leika fyrir dansi fram á nótt.
Ræðumaður kvöldsins er Angantýr Einarsson og Stefán Óskarsson mun fara með gamanmál af sinni þingeysku
snilld. Kl. 22:30 mætir síðan hin geysivinsæla húsvíska Birgitta Haukdal á svæðið og flytur nokkur lög.
Kl. 22:00 verður húsið opnað fyrir aðra en matargesti.
Þingeyingar! Við mætum með matinn með okkur og eigum saman frábæra þingeyska kvöldstund.
Borðapantanir eru hjá Aðalgeir Gíslasyni, hs. 555 4336, gsm 867 4479 og
Jóhönnu Björnsdóttir, hs. 552 6238, gsm. 895 6238, dagana 21., 22. og 23. janúar kl. 19:00-22:00,
eða hjá Jóhönnu Ásmundsdóttur johanna@olis.is.
BORGARRÁÐ hefur samþykkt til-
lögu borgararkitekts um að skip-
aður verði starfshópur til að vinna
að tillögum um flóðlýsingu í borg-
inni með áherslu á miðborgina. Auk
borgararkitekts munu eiga sæti í
starfshópnum fulltrúi frá Orku-
veitu Reykjavíkur, framkvæmda-
stjóri miðborgar og fulltrúi frá
skipulagsyfirvöldum. Þorvaldur S.
Þorvaldsson borgararkitekt segist
sjá fyrir sér að flóðlýsing á Aust-
urvelli gæti orðið fyrsta verkefnið
og síðan allsherjar garð- og lista-
verkalýsing í Hljómskálagarðinum.
Gert er ráð fyrir að starfshópurinn
skili hugmyndum til borgarráðs um
forgangsröðun ásamt áætlun um
kostnaðarhlut borgarinnar.
Í greinargerð með tillögu borg-
ararkitekts segir að næturljósin séu
tiltölulega ný í borgarmynd okkar
en að borgin sé vel lýst og bjartari
að næturþeli en margar borgir.
„Borg næturinnar er allt önnur
en borg dagsljóssins. Dagsljósið
kemur úr órafjarlægð, breytilegt
eftir skýjafari, stund dags og árstíð-
um. Það varpar skuggum, mis-
löngum og breytanlegum sem gefa
til kynna ferli tímans og mótun
rýmisins sem við förum um. Dags-
ljósið er óháð okkur en við höfum
áhrif á það í nánasta umhverfi með
borgarbyggð og mannvirkjagerð.
Ljós næturinnar eru ljós okkar,
þau eiga sér uppsprettu rétt yfir
höfði okkar og gjörbreyta allri
borgarmynd dagsljóssins[...],“ segir
þar m.a.
Fram kemur að ástæða geti verið
til að lýsa upp hús eða hluta húsa,
listskreytingar, frítt standandi
listaverk, gróður og vatn á sér-
stökum stöðum við opinberar bygg-
ingar eða minnisvarða. Flóðlýsing
húsa í göturými þar sem götulamp-
ar, ljós frá gluggum götuhæða og/
eða lýsandi skilti séu fyrir hendi
skuli þó að jafnaði vera að neðan
þar sem lýsing dreifi ljósmagninu
frá götuhæð upp eftir húshliðinni.
Byggingarlistastefna
Þorvaldur segir borgaryfirvöld
sjá fyrir sér samvinnu við eigendur
mannvirkja og húsa, bæði ríki og
einstaklinga, um flóðlýsingu, m.a. á
Austurvelli.
„Ég sé fyrir mér að Austurvöll-
urinn í heild og húsin sem eru á
horni Pósthússtrætis og Austur-
strætis gætu verið fyrsta verk-
efnið.“
Þar með fáist, að hans mati, sam-
ræmd flóðlýsing fyrir svæðið.
„Ég hefði líka gjarnan viljað taka
upp lýsinu á Ráðhúsinu, það er
mjög lítil flóðlýsing á því og þarf að
ræða hvernig væri hægt að gera
það,“ segir Þorvaldur. Eina lýs-
ingin í kringum húsið er frá ljósum í
Tjörninni samkvæmt upphaflegum
hugmyndum arkitekta hússins.
Þá vill Þorvaldur að hugað verði
að listaverkum sem hugsanlega
væri hægt að flóðlýsa, m.a. í Hljóm-
skálagarðinum. Hann segist sjá fyr-
ir sér að þegar búið væri að flóðlýsa
Austurvöllinn yrði hægt að huga að
alhliða garð- og listaverkalýsingu í
garðinum.
Gert er ráð fyrir að fjalla um lýs-
ingu í borginni almennt og þar með
flóðlýsingu í nýrri bygging-
arlistastefnu borgarinnar.
Þorvaldur segir að fyrstu drög að
byggingarlistastefnu Reykjavík-
urborgar liggi nú fyrir og ber hún
heitið: Stefnumörkun Reykjavík-
urborgar um allt er lýtur að hinu
manngerða umhverfi.
Þorvaldur segir að um verði að
ræða nokkurs konar rammaforsögn
sem muni nýtast í allri skipulags-
vinnu í borginni, t.a.m. varðandi
æskilega hæð húsa í einstökum
hverfum, o.s.frv. Víða erlendis hafi
byggingarlistastefnur borga verið
mótaðar m.a. á Bretlandseyjum og
Norðurlöndunum sem hafi gefið
góða raun.
Hvað flóðlýsingu í borginni snert-
ir vonast Þorvaldur til þess að hægt
verði að vinna úr hugmyndum fljót-
lega og jafnvel verði byrjað að setja
upp flóðlýsingu næsta haust.
Í greinargerð borgararkitekts
kemur fram að ýmsar hugmyndir
hafi komið fram um flóðlýsingu
mannvirkja og fyrirspurnir liggi
fyrir um hvert beri að snúa sér
varðandi flóðlýsingu. Lagt er upp
með að starfshópurinn fjalli um um-
sóknir sem sendar eru inn og geri
tillögur til borgaryfirvalda um for-
gangsröðun.
Starfshópur skipaður til að fjalla um hugmyndir að flóðlýsingu við mannvirki í miðborginni
Morgunblaðið/Jim Smart
Fáar af stórum og áberandi byggingum í eigu borgarinnar eru vel flóðlýstar en á því eru þó undantekningar, s.s. Höfði og Perlan, sem hér sést böðuð í
ljósi. Til stendur að auka flóðlýsingu í borginni. Að sögn borgararkitekts er meðal annars rætt um að auka flóðlýsingu á Austurvelli, flóðlýsa Hljóm-
skálagarð og Ráðhúsið.
Lýsing á
Austurvelli
og í Hljóm-
skálagarði
í sigtinu
Reykjavík
TÓMAS Ingi Olrih menntamála-
ráðherra og Sigurður Geirdal,
bæjarstjóri Kópavogs, undirrit-
uðu í gær samning ríkis og
Kópavogsbæjar um byggingu
nýrrar kennsluálmu við Mennta-
skólann í Kópavogi.
Húsið er byggt samkvæmt
teikningum Benjamíns Magnús-
sonar arkitekts og verður 1.642
fermetrar á tveimur hæðum. Í
byggingunni verða 17 almennar
kennslustofur auk fyrirlestrar-
salar og sérhannaðs húsnæðis
sérdeildar skólans fyrir ein-
hverfa nemendur. Nýja álman
kemur í stað norðurálmu skólans
sem rifin var fyrr í vetur. Með
tilkomu hennar stækkar
kennsluhúsnæði skólans um
rúma þúsund fermetra.
Í samningnum er gert ráð fyr-
ir að nýbyggingin verði tilbúin til
notkunar fyrir upphaf vorannar
2004. Stefnt er að því að kennsla
hefjist þar strax næsta haust. Að
sögn Margrétar Friðriksdóttur,
skólameistara Menntaskólans í
Kópavogi, mun nýja byggingin
leysa úr húsnæðisvanda skólans en
skólayfirvöld hafa á undanförnum
3–5 árum þurft að neita töluverðum
hópi Kópavogsbúa um skólavist.
Skólinn hefur tekið inn u.þ.b. 350
nýnema á ári en neitað 100 um
skólavist. Í nýju byggingunni er
gert ráð fyrir að rúmist allt að 250
nemendur en í skólanum eru alls
um 1.350 nemendur.
„Við erum að vonast til að með
þessu ráðum við nokkurn veginn við
þær umsóknir sem að berast okkur
héðan úr Kópavoginum.“
Hún segir það algjöra byltingu í
starfsemi skólans að einhverfir fá
nú aðstöðu í sjálfum skólanum en
sérdeild skólans hefur verið í leigu-
húsnæði í Breiðholti. Margrét segir
að það hafi reynst ákaflega óhent-
ugt og óviðeigandi fyrirkomulag.
Átta einhverfir nemendur stunda
nú nám við skólann.
Samningur gerður við ríki um bygg-
ingu nýrrar kennsluálmu við MK
Stefnt að því
að hefja
kennslu í haust
Kópavogur
BÆJARYFIRVÖLD í Hafnarfirði standa
fyrir könnun dagana 20. til 31. janúar nk.
þar sem áhugi fólks á lóðum og húsagerðum
er athugaður. Munu niðurstöðurnar verða
hafðar til hliðsjónar við ákvörðun um hvers
kyns lóðir verður boðið upp á í næstu lóða-
úthlutun á Völlum.
Vellir eru sunnan við Reykjanesbraut og
vestan við Ástjörn og Grísanes á svæðinu
upp af Haukahúsinu en um er að ræða fram-
tíðar íbúðasvæði Hafnfirðinga. Á heimasíðu
Hafnarfjarðarbæjar kemur fram að á Völl-
um er gert ráð fyrir blandaðri byggð húsa,
þar sem lágreistasta og dreifðasta byggðin
er innst í hverfinu, næst Grísanesinu og
þéttist byggðin þegar nær dregur aðalgöt-
unni sem liggur í gegnum hverfið. Húsa-
gerðir skulu vera blandaðar og að hluta til
vera sérsniðnar að markaðsþörfum dagsins
í dag. Þá verður lögð áhersla á að hraun-
landslagið fái notið sín eins og kostur er.
Gert er ráð fyrir um 550 íbúðum og er
ráðgert að fyrsta úthlutun fari fram síðla
vors. Framkvæmd könnunarinnar er með
þeim hætti að hægt er að fylla út upplýs-
ingar á Netinu í gegnum heimasíðu Hafn-
arfjarðarbæjar auk þess sem hægt er að
fylla út eyðublað í afgreiðslu umhverfis- og
tæknisviðs Strandgötu 8-10, gengið inn frá
Linnetstíg.
Fyrsta lóðaúthlutun
á Völlum verður í vor
Spurn eftir
lóðum könn-
uð á Netinu
Hafnarfjörður